跟自己的 身、心、靈 連結
-
🎉 今日，踏入無間斷的第80日 !!! ✌🏼80✌🏼 🎉
因為就嚟冷天(?) 😄，所以....買咗兩條瑜伽褲獎勵自己， 當然順便買埋瑜伽磚，同埋藍色漸變的靚靚瑜伽墊.....
擺明乘機買嘢🤣...早上趁住有少少時間，又想試吓Morning Yoga嘅感覺，做咗一個session先。
在Video見到自己Lower Back原來唔夠Flexible， 脊椎向後Arch的動作原來一直靠Upper back 同膊頭😳，爬文了解下，可能係因為日常生活令到肌肉變得僵硬，可以慢慢練習，搵到呢個video，一早拉鬆下僵硬嘅脊椎仲有旁邊嘅肌肉，都幾舒服。 就算唔係練習瑜伽嘅朋友，個人很推介這個。
當然，脊椎不能長時間過分的Arching，量力而為。
夜晚，繼續Yoga with Tim - Day 18
斜陽裏~氣魄更壯~ 🎤 🎧
-
Day 19 of Tim’s TRANSFORM Challenge
有時見到Tim的video 個thumbnail灰灰暗暗咁，笠住個頭，又滿面鬍鬚，個impression都幾悶，不過唔好理，講過就要完成佢🤓。
不過呢，每次都有啲驚喜，一係就比佢啲Insights點醒咗，一係就發覺自己啲動作純熟左。
話雖如此，偶爾係加插左Jessica Yoga，人哋啲瑜伽衫真係好靚，把聲又溫柔😅😅
✴️ 是日新點子：
今日練習時，用另一個device在YouTube search: Yoga Music for Inner Peace做背景音樂，原來幾有feel亦幫助靜心投入練習。仲有⋯
達達滴汗聲💧💧💧💧
但內心平靜 …
-
@AgnesHongKong Top 10 Discount Brokers in India are known to offer better investing tools than others, and they provide low brokerages fee. With discount brokers, you can either perform a trade on web through a computerized trading system or call in your order with a broker over the phone.
-
Day 20
今晚有事搞到要深宵瑜伽
呢節主要教upper body - open chest ，shoulder blades之類。
以為輕can野冇乜料到，點知…‼️冇讚錯佢，深宵都有驚喜俾我😱
我依家先知，原來，做plank時
Keep the blades down (to the lower body direction) and spread,
and ribs lift
咁樣手腕係會輕鬆好多
從此做plank唔再係練手腕🤦🏻♀️，係練core muscle🧍🏻一個字：「掂！」👍🏼
✴️ 有興趣可留意Video大約22:40
-
Day 21
屋企人請哂全日假，係我咁衰女只請得半日😅，唔爭在黎埋個afternoon yoga， unwind一下先去威😝
走先喇bye⋯
-
Day 22 Breath Day
佢每7日就會做D輕擎嘢當休息，佢話肌肉休息先會生長，明！所以最近都注重咗蛋白質攝取，晚餐沙律除咗蝦仲加咗一塊仔雞柳，一餐一共30g protein，每日有做開練習， over些少係OK，以防肌肉流失。
但太多就唔好，等我默返出嚟先🤣：因為蛋白質進入體內即使分解為氨基酸amino acid被身體使用，都係大型嘅粒子組合，一時間用唔晒嘅氨基酸，會跟住身體多餘嘅液體去到腎臟，腎臟負責過濾當中有用嘅物質並送回身體使用，包括氨基酸，其餘廢物及多餘水份就會送去膀胱，成為尿液，但如果腎臟長期要處理/過濾大型粒子組合(ie氨基酸)，就會受到損害(因為當中的腎小球等管道係非常幼細的），當個filter再不能做好過濾嘅功能，氨基酸就會跟尿液排出，形成所謂的「蛋白尿」，起泡嘅尿液。
之前聽返嚟嘅，居然仲記得。😂😂
希望冇記錯啦。好「10萬個為什麼」，話時話細個時好鍾意睇✌🏼
我仲「好似」記得腎臟點樣決定放幾多水出嚟，點解食得多鹽對個腎唔好。一個人臨死之前「迴光返照」其實係一種正常反應。好多好多生理學都好有趣⋯⋯下次忽然有feel先再抒發下。😜
-
Day 23
今日OT，好消息係突破咗盲腸，壞消息係搞夜咗🌙。好，又開始「夜瑜珈」。
通常，最辛苦嗰個位係：一路hold住個pose，佢一路詳盡講解時，啲汗巴巴聲流緊出嚟，心諗：不如轉下一個pose先繼續講。😅
琴日我因為講開蛋白質而講起腎臟，呢集阿Sir居然有提起Kidneys😳，好似係講開鍛鍊lower back and hips，之前冇聽佢提起過，好橋好邪⋯🥶🤔
另外手機youtube播singing bowl for yoga襯底。
-
見D Youtubers在公園、沙灘做瑜珈⋯
都有諗過，自己夠唔夠薑搵日著到「行晒」Yoga Bra Top & Leggings 走去呢啲地方練習😅😅甚至第二時退休，好似人哋朝早教耍太極、跳大媽廣場舞，我就整個公園大媽瑜伽，個嘜頭叫：BigMaYoga，子夜埸🤣🤣
-
諗住趁假期，有空間朝早拉下根，鬆弛吓個訓到僵硬嘅身體，點知⋯
20分鐘練習之後⋯到最後的打坐，一大咋汗巴巴聲由個頭嘅唔知邊度經過條頸「Sir」哂落嚟，個頭漏水🤣
-
Day 24
今晚忽然好大風，因為樓上樓下有人裝修，怕有啲雜物吹入嚟，局住閂窗，又習慣唔會開冷氣做瑜伽，所以都有D焗🥵
聽聞星期二開始會降溫至22度！係就太好啦☺️☺️
-
Day 25
上次聽亞Sir建議自拍瑜伽動作片，發現自己lower back原來根本冇郁過，好多arching動作都係靠upper back 同shoulders去所謂「達成」，之後注重左改善呢方面，呢兩日發現到有進步，forward fold以往只能一節手指掂地，依家可以手指全掂地😄，最好係成隻手掌掂地（其實都係爭一兩CM啫😅）
下次有時間想分享，做咗接近一百日瑜伽，其實⋯我有冇…輕左呢…？😁😁
-
今日狀態唔錯，想好好享受一個Yoga flow，同埋好想聽吓溫柔嘅聲音，就揀咗Jessica呢個45分鐘。
Tim Yoga 軍訓式瑜伽留返聽日先繼續。😝
不過Tim教嗰啲重點，用於練習其他YouTuber嘅瑜伽時，會發現自己係改善咗好多。
今日天氣凍當然唔使開冷氣風扇，好安靜咁聽住Jessica溫柔聲音，同埋香薰機blook blook水聲，咁樣練習，好療癒。
早幾日同一個朋友傾開，佢完全不會瑜伽的，不過都可以同我傾咗一陣瑜珈相關野，一如既往的識得喺對方角度去說話、相處，呢種朋友亦係好療癒，我要向人家學習。
⋯其實都學緊㗎啦，不過只係學到啲表面嘢，學唔到人哋嘅神粹⋯😅
除了瑜珈，仲有咁多野有排學🫠。
-
Have you ever lay in bed and can't seem to fall asleep and relax completely?
I'm always on the road thinking about my little baby, is he hungry? Need to go to the toilet? Is he tired? I find it difficult to fall asleep at night.
Koha Beauty sent an Electric heating eye mask that I need to share with you all. As you know, I'm always honest with my thoughts, so trust me when I say these are great!
You take it out of the bag and put it on with the loops around the ears (like a mask) and it warms up gently to soothe the eye area. guys! With this, I sleep better. Plus, they are a godsend when I have migraines!
Although I can't smell the subtle scent of jasmine, they are still pretty awesome. They warned me not to let Lenny near them because he wants to use it every night... well, I want to use this heated eye mask every night😆 You just need to take it out and connect the dedicated charger with , lie back and relax. They last about 30 minutes, which is enough time for me to fall into a restful sleep. 🌙✨
I love that this independently owned brand is working towards a lighter and more ethical world. All their products are safe and free to customize. It is very suitable for people with dry eyes, people who have been in contact with electronic products such as computers and TVs for a long time, and people with serious dark circles. It can be used in conjunction with eye care products to slowly relieve eye fatigue and give us a good and comfortable sleep.…More»Custom Logo Travel Eye Mask, Personalized Heating Pad for Sleeping
Heated Warmer Pad / Eye Mask / USB Magnetic Eye Mask
click» https://www.aibotecn.com/products/?catid=3636
click» http://www.b2bde.com/news/
-
Day 26 of 30 day TRANSFORM Challenge
天氣呢排突變，今日鼻敏感有啲嚴重，眼睛都痕，要吃半粒敏感藥⋯🥲💊
不過又冇諗過唔練習，好似刷牙洗面，已經成為咗生活嘅一部分咁。練習完之後個鼻仲舒服咗㖭😅
佢隻⋯灰色貓仔🐱好可愛⋯呀⋯應該係灰色狗仔🐶，可能佢都係天氣凍，一直唔肯離開窗邊陽光☀️
-
無間斷YOGA 已經累積到90日😉
買咗好多Yoga林沈嘢獎勵自己😜，尤其最滿意張靚靚yoga mat，有層次的漸變灰色、湖水藍、白色，好簡約，但幾Artistic感覺，有條自然中線，薄墊，初學可能會覺得UN膝頭，但對於已練習一段時間的Yogis，其實薄墊會使着地更穩陣、平衡感覺更好⋯
總之⋯好鍾意啦🥰🥰，哈哈😄
Day 27 of 30 Day Challenge
開始要search下下一個challenge😉
-
今日好多新舊challenge，工作、家庭都有喇😅
所以⋯夜咗，NP！反正明天星期六，想要一個長D嘅session，盡情地爆肌爆汗 unwind 下，只係冇諗過都幾tough😅，一口氣六下wild thing😳，在YouTube 絕大部份都係左右邊各一次就算。
隨post附送wild thing指南。我邊有做到人哋咁「拱」吖😅😅，撐得起，反到個身，千祈千祈唔好屈親手，我已經好滿意。
做瑜伽，最容易受傷嘅就係屈親隻手腕，屈親有排唞，量力而為，先至長玩長有。
PS. 其實隻手再放落啲就係拱橋FYI。
-
Day 28 of 30
同意湯川教授話：「思考，係上帝賜予人類嘅一大享受」
近期工作上有好多棘手位，今日重新組織，天馬行空的諗吓有咩解決方法，再喺網上面搜尋吓，偶爾或會遇見一啲高手分享心得，今日比我尋到寶🎁🌟🤩，都幾深入，咁就早啲做瑜伽清空下個腦先，食埋飯，先至繼續研究高手的分享⋯
好奇按command+P望吓個「分享」有幾長…….一共42頁…4️⃣2️⃣…嗯、感謝無私奉獻……希望唔係山埃☠️🏴☠️🪦💀😵🤣
今晚應該唔使瞓，好似湯川教授咁，盡情享受思考。
💟💟💟🧠🧠🧠🧠🧐🧐🧐🧐咦？ S版所找嘅「sleepless lady」，係咪就係咁呢？
🤣🤣🤣 （講笑講笑)到我研究完之後，或者可以寫返一個簡化版嘅20頁分享，當然要Quote返人哋個原著。😉
-
我見Day29應該係休息meditation🙏🙏🏻，留返今晚先。
瞓到硬晒舦，不如先來個Tim的15mins morning power yoga，以為好輕鬆，打下個人啫，點知佢嘅power yoga😁真係好有power🔋🔌。然後⋯繼續享受研究嘅樂趣🥽🔬🧫👩🏻🔬🧪
啲眉目喇👁👁🤞🏻
-
Day 29 of 30
呢一節係全面的呼吸relax，為免身痕，唔練習會坐立不安，故此中午已經做咗15分鐘練習🤦🏻♀️🤣
-
Yoga with Tim 30 Day Transform Challenge
完成!! 😁🏁練習後感：
佢呢個challenge幾tough，但佢係我所練習過的，令我最有得著的youtuber。佢好科學化咁解釋，應該邊度用力、放鬆、拉長，先至可以鍛鍊到目標身體部份，咁先會有進步。
「Yoga唔係為咗做而做。」
（他的真實對白，當然佢係英文版🤣）另外，有次我唔記得在post記低，佢話：如果你某個關節鎖緊咗，上面舊肌肉就用唔到力，試吓屈曲個關節少少，先會斷練上方果舊肌肉，呢個我真係從來冇諗過。eg.當膝頭撐得太直，大髀係用唔到力。
阿Sir你係得嘅👍🏼無聊地，我早兩日影瑜珈相俾我嘅另一半，佢當然讚我fit咗啦(唔通佢想死咩🤣）或者佢氹我啦，但係着上身嘅衫褲係鬆咗些少，啲衫褲應該唔識氹我掛。除此，亦感覺個人「強壯」咗。
咁究竟，係因為連續練習咗差唔多100日，還是練習跟Tim嘅練習而改善咗？我估兩個原因都有。
我自己個人實戰心得：寧願每天keep住只做15分鐘運動，好過迫埋一星期一次過做兩個鐘。
以前一位男同事，肌肉男，每個星期去做起碼兩三次Gym，都好多年，好深印象佢分享過：只要肯投放毅力同時間去運動，身體一定會俾返相應嘅回報俾自己。相對生活上其他事情，就算肯花心思努力，並不代表有對等回報。所以佢幾忙都冇放棄過運動。
其實呢，一向冇乜耐性嘅我，都幾奇怪自己點解可以keep到日日同瑜珈「拍拖」，諗返佢依番說話，就明白了。
難得做完Yoga with Tim呢30日，係長氣些少，抒發多左些少。😅😅😅
-
每逢「手臂狀態」好嘅日子，就會「試」練返Crow pose。亦開始慢慢Master到個平衡，依家都係三兩秒啦😂，不過就穩陣咗好多，都埋多數都做到。
我個瑜伽老師朋友謙稱，佢都唔係次次做到㗎，我自學都算好叻㗎喇🤭🤭，不過人哋叮囑我小心啲🤣🤣，佢話Crow Pose唔係for初學者🫣
今日就做呢個重點練習雙臂video。
另外見到一個好好嘅參考video，尤其三個重點，我自己記低先，（1）雙眼目標望前少少，會幫助到平衡，(2) 手指關節些少屈曲，手指頭要用力黏實地下，有啲似鷹爪咁，佢地叫spider hands，以便「全隻手」發力撐住，如果手指直晒，正如Tim所講，手指肌肉用唔到力，只靠「手掌」，手腕就會容易受傷。(3) 拱背，將肚臍拉向脊椎(直譯，佢哋叫：Draw the navel to the spine😂)有助拉起個人，減輕手臂壓力。（第三點我未做到）
嚟緊目標係做到5秒😉😉，fyi出面啲高手都係建議hold半分鐘。
-
Yoga with Tim
2022 30-day Challenge決定都係揀返Yoga with Tim，鍾意佢成個personal trainer咁，不過今次係另一個30-day challenge，每個session平均大約30mins
因為想keep日日練，所以每次大約30mins就夠，時間亦容易manage，令我「可持續性發展下去」，先係王道😜
只係有時見到長時間嘅練習，又撞啱假期，就想挑戰下自己能耐，同埋可以聽耐啲瑜伽音樂。🤭
-
Day 2 of 30-day Challenge 2022
鼻敏感、影響到有小小眼痕、小小頭痛，所以今日偷⋯，唔係偷懶，點會吖？每天最喜歡這個環節，係每日辛勞工作嘅獎勵。🎁🧧💝
好似…開OT開到好夜之後，終於可以放鬆一下，走去食宵夜個感覺差唔多😉
偷，係指「偷偷」地睇吓呢節做乜，食咗鼻敏感藥先開始，太激烈都驚搞唔掂。
都Okay，唔算爆肌，但都爆一身汗。驚喜係，血液循環好咗，個鼻冇再刺、眼冇再痕、個頭冇再痛。✌🏼
照計粒藥冇咁快生效。🤔
天氣凍，要習慣一直着住件長袖衫練習，唔敢再一標汗就除剩個巴Top😄🤦🏻♀️
-
今晚想做一個靜靜地、傳統嘅宵夜…Oh Sorry.. 係瑜伽，所以「翻了Kassandra的牌子」，挑戰她的1小時minimal cues
見到Kassandra有段新video係講關於Emotion Release，我第一次聽有啲咁嘅事，佢話做瑜伽時，有可能去一個位，會情緒爆發，爆笑、爆喊或者係好嬲。
我就未試過，發現自己啲動作好handicapped係會笑自己，但應該唔係佢講嗰種「情緒崩潰」。
不過呢，我之前都覺得有啲奇怪，就係UT上有啲人share做瑜珈100日嘅感想時，講講吓會喊😵💫😵💫，做瑜伽做到咁唔開心呀？！我起初以為早排世界各地都有lock down，困住喺屋企練瑜伽好慘，所以喊。🤔 聽完Kassandra咁講，咁可能瑜伽真係幫佢哋釋放左平時抑壓着的情緒。
托賴我應該暫時冇呢個煩惱，可能平時已經量情釋放得好緊要，雖然我個人大致上都係內斂嘅。
🤣🤣🤣🤣🤣雖然佢講咗成半個鐘⏰，但都冇講個原理，只係講呢個現象係好正常，不過，真係咁啱，佢教：每日做完瑜伽寫返日記(Yoga Journaling)，抒發下練習時嘅感受，係對情緒有幫助。(咦？我而家做緊咩？使唔使咁不謀而合呀？！🤣🤣🤣🤣)
-
昨晚1小時Yoga，感覺奇怪，除了出身汗，就好似冇乜野咁。印象中以前呢類1小時練習，都需要中途休息幾分鐘飲啖水，先可以勉強完成。
不過，今朝背脊D肌肉都係有D攰嘅⋯
然後，又recall返兩個月前做呢啲拜日式，好記得當時真係命都無，今日就試返⋯除咗有啲chur氣之外，都係無乜野咁喎。
唔洗食NMN、MNM or m&m ，都逆齡強壯？😁😳
@AgnesHongKong said in 跟自己的 身、心、靈 連結:
既然有COURAGE，唔爭在做埋呢個！☺️
Super power yoga！命都無🥵🥵
但做完感覺好正！今日檸檬草🪴香薰，淡淡的。😊
PS. 趁鄰居搬走咗，窗邊冇人睇到，天氣又熱啦⋯呢兩日大膽着Bra-Top練習😅
-
Day 3 of Tim 2022 Challenge
跑大半個巴士站追巴士🥵
發現心肺功能依然麻麻通常到咗呢一刻，會好後悔早餐點解唔食個糯米雞？而係食個生果 🍎 然後Yoga Practice🤪
打完呢幾句，先唞順返條氣
-
迎接新嘅星期🤓，又因為食到爆晒廠😵💫，晚上練習多一個Session。
運動之餘，Earth下自己平衡返啲能量👈🏻👈🏻瑜伽個理論係咁講，其實我都未係好明，不過有時D動作痴喺地下度，聽到自己嘅呼吸聲、心跳聲、血液流動，係有一種⋯⋯身體屬於自己、安穩嘅感覺，佢哋叫 Connecting Your Body，唔知係咪咁嘅意思。有時間爬下文先。
100日無間斷，咁托賴我過去三個幾月身體都幾健康喎(touchwood 🫳🏻🪵🪵touchwood😅)
-
瑜珈與其他運動比較，功能上最大嘅分別係：
Self-Care and De-StressBtw, 一兩年前，做HIIT，有練習過幾個YouTube，如果以難道來比較，我會咁排：
Chloe Ting > Coffee > Emi Wong有一排Keep住做Chloe Ting，係會有效果的，不過我個人感覺，做一排會悶🙄。一唔做就打回原形😂。做HIIT當然亦唔會有清空頭腦嘅感覺。
又btw😄，有朋友試過，跟Coffee做，搞番掂個初期50肩，家下50肩唔一定50歲先有😵💫。
今晚宵夜呢節，同平時啲練習好似有啲唔同，臨尾幾分鐘仲有冥想，仲有好聽音樂添，我唔使開多個電話📲，又盡情享受。
-
有時會諗，瑜珈其實應該做幾長？
之前講過，我想keep住最多半個鐘，但又總係忍唔住揀啲長嘅session😅慢慢嘆
記返起呢個Youtuber，5分鐘極短篇瑜珈，好彩幾年前bookmark咗，今朝趁有D時間做返…
recall返個感覺：
唔tough的5分鐘，今人煥然一新🤩✨⭐️🌟。尤其欣賞佢style拍攝有MV感，好有mood，一開個video就想跟着去做，呢一種Yoga Youtuber好少見，又靚女😍，身材唔使講㖭啦，成個package非常賞心悅目。好可惜佢冇再拍，留咗十幾篇極短篇Yoga👏。佢叫Patricia，係佢令我明白到⋯冇得藉詞太忙唔練習🤪
特意中午寫呢篇記低。
-
Day 4 of Tim 2022 Challenge
之前見佢悶悶地，skip咗兩日做咗其他，今日繼續。😄
今晚終於完成近期工作相最艱深、但又最重要嘅部份，其實都幾有趣味嘅🎠，只不過技不如人🚧，就要花多啲時間去研究琢磨⛽️🔬⚙️，下一Part會去返啲強項，應該會好玩好多。🕹🎰🎭
今堂出奇地唔太悶喎，慢慢逐步嚟，佢好似想教拱橋Wheel Pose，話今日係week 1 啫，只係教下隻手點放，咦？咁又值得繼續「追看」落去喎🎞
可能心情輕鬆啲，做得好啲，今日最滿意呢個pose🍻，平時連隻腳都第唔起。
-
Day 5
又有「唔到我唔服」系列：
大部分Yoga Sessions都係 先熱身(脊椎)—>Flow —>拉根
但呢節亞Sir一開始係拉根，我心諗點解咁九唔搭八，咁照做啦，先至開始Flow⋯。出奇地，簡單拉完筋之後，啲動作做得「到位」好多，down dog我一向腳踭掂唔晒地，除非好刻意，但今晚先拉鬆咗後腿，一嚟就自然掂地。佢真係有佢板斧！👏🏻👍🏻
又By the way，佢啲Thumbnails大部分係打大赤肋show肌肉，但個video入面係着到好密實👕👔🫤🫤🫤
-
Day 6
呢個session係Yin Yoga，動作以拉筋為主，每個動作hold一兩分鐘，目標明顯係想增強柔軟度。呢樣嘢我最怕，以前去 Pure Yoga會避免揀，因為其他會員柔軟到不得了，相形見絀😳😳。喺屋企練就幾笨拙都唔怕。✌🏼🤣
動作好慢，有空間留意到自己着咗全身都係「奶茶色」嘅瑜伽服🥠👜🧅🤎（求其衣櫃攞出嚟)，令我諗起人哋叫Coffee，不如我叫milk tea啦🤣🤣🤣，之前話退休後去公園做大媽瑜伽招生，叫「大媽瑜珈」BigMaYoga，咁不如叫「MilkTeaYoga」，中文叫「苗條瑜伽」👙。掂！
無獨有偶，我今日真係打瀉咗杯奶茶☕️🧋😵💫，冇得飲，明天早上要好好嘆嘆杯咖啡先。😉
-
Day 7
Again, 每七日就係「休息日」，呢節教呼吸，我覺得呢個係Tim嘅初級班，相對而言，上次嘅30 Day Transform 挑戰性大好多，完成呢30日，我會重做Transform。
呼吸，應該係6秒吸6秒呼。近呢幾個星期先知道，我一直都做錯咗，只係注重呼氣，6秒慢慢呼晒啲氣，自然反射動作就係吸啦，吸氣時慣了一野chur晒，但其實應該要同樣係6秒。⏱
資料由MilkTeaYoga提供🤣🤣
-
一直想分享下，做了100日瑜珈，有冇輕咗、瘦左。
趁weekend，工作上完成左近期的小目標，有空間，就在此記錄一下，主要都想自己記錄返，又想同Yogis或運動的朋友分享，互相勉勵。
Background：一向我係零食怪，大約一年前開始戒掉了95%餅乾及零食，有個trick係主食都清淡左小小，逐漸就對濃味嘅零食無興趣，大半年緩慢地輕咗2kg，BMI亦因此拉返入去正常範圍，當時冇乜運動。另一收穫係：皮膚好咗啲。🥳
偶爾有人請我食零食我都會嘅，有次五、六歲姨甥左右手各一包大嘅卡樂B薯片，問我想要咩味，佢太可愛，我冇可能拒絕佢😂，大概一個月會食一包薯片咁啦。🤣
大半年過咗，冇再做其他嘢，體重就一直keep住。
之後，開始嘗試無間斷每天做Yoga，就係呢個thread，有時間嘅做長啲，冇時間嘅做10分鐘都可以，No pressure，好奇心驅使開始每日磅重，當做實驗，睇吓有咩轉變⋯
～20th Day：手臂肌肉明顯結實咗，好鍾意「自摸」手臂💪🏼🥹，覺得自己換咗一雙新手臂🤣，重點係，要連續每日做，或者一星期起碼6日。體重好似冇乜點變，反而見到重咗～半kg，或者個磅傻傻地啦。👩🏻🔧
～40th Day：我發現…居然…真係重咗！1 to 1.5kg ⬆️😵💫，咩玩法啊？有諗過係咪多咗肌肉，不過，瑜伽運動量唔係咁大，冇可能會咁快練到一兩kg肌肉🥩🍖
～45th Day：繼續做，但有啲深深不忿，於是爬下文，先知道原來瑜伽一段時間後，鍛鍊返好個身體，如腸胃以往較弱/虛寒的人(我🙋🏻♀️)，腸胃改善咗，吸收力係會強左，咁⋯咁⋯咁身體改善咗都係開心嘅。
(類似人哋話戒咗煙之後會肥返）
咁…既然吸收好咗，即係我唔使食咁多嘢，都應該係夠飽，都會吸收到所需營養啦！
好！開始慢慢將食量減少～15%，或7、8成飽，食細啲個胃。大約keep住平均1300kcal/day，出街食多咗，第二日就食返少啲，一個成年女性約需要1600kcal/day，fyi要減1 kg需要一共少食7000kcal。
傳統飲食金字塔，小油鹽糖、小Processed Food、小精製澱粉，呢啲唔使多講㗎啦。😌
因為做瑜伽，有食多咗D蛋白質，飲低糖嘅老人奶，因為皮膚有啲乾燥會食適量啲omega3🥑，橄欖油炒餸，我好少食蒸或烚。
～80th Day：有數得計，隔咗一個月多啲，輕返2kg，修復返之前失地先，仲有些微賺咗😉。策略正確，實驗成功🔬🥼🧪👩🏻🔬食包薯片獎勵自己。🤣
～90th Day : 有keep住輕得好慢，咁樣我覺得最好，唔走極端，容易維持，唔會反彈。
～100th Day：Net輕左2kg，腰圍減1吋，D衫鬆咗少少⋯
Okay la!😂😂目標減多2kg，夠！😜
🌟實驗總結🌟
我一直以為正常BMI範圍裏面，應該係已經減唔到磅，實驗證明係可以！主要靠飲食，總之係「能量等價交換」🔋💡🔌🔄🪫。適當中強度運動係幫助Keep住新陳代謝。亦唔需要靠極端飲食，或者過分節衣縮食，搞壞自己身體。註：除咗用BMI，其實亦應該用Relative Fat Mass去評估自己肥瘦，不過呢度簡單描述，就skip咗RFM ⛑🪖
資料由MilkTeaYoga(苗條瑜珈)提供🤣🤣，繼續玩嘢⋯i meant玩Yoga。
-
今日Day 8 …灰色貓仔，呀！狗仔先啱，由2：45開始「搶Fo」，鏡頭前行嚟行去，仲遮住晒阿Sir🤣🤣
仲有，試咗呢個：
Yoga with Adriene 大部份video嘅運動量唔高，但肯定係可以幫你 Relax，上一個post所提的減磅，要做一輪先知，但佢嘅「釋放每日嘅壓力」係即時見效，全球No.1 Subscription 的 Yoga Youtuber，係有佢嘅一套哲學。
-
挑戰成功！
宅自家中，UT彈咗佢嘅40min Power Yoga，之前做佢30min Power都爆肌爆汗chur哂氣，40mins？😵💫😵💫 但lunch完🥟🍠🍆🍅落咗格又好想burn吓🔥❤️🔥，做到頂唔順咪停囉。
沖定杯補肌補鈣奶，香熏機落好少檸檬草精油當空氣保濕機用，個鼻會舒服啲，另外又開UT播傳統瑜伽音樂襯底。🎶🎼🎧
搞咁多嘢都係想鼓勵自己挑戰40分鐘。
都幾甘，中途有個位真係想停一停，但結果都係撐落去。其實佢40分鐘冇30分鐘嗰啲動作咁急，每個動作hold耐小小…小小，鍛練肌肉耐力，都幾磨人㗎🥵🥵，唔chur氣，但成件長袖衫濕晒。💦🚿⛲️
臨尾，做久違嘅至愛之一 Plow pose，收緊前半身又拉鬆後半身咁，呢張圖唔錯。
一路休息🧖🏻♀️一路嘆杯奶🥛，正呀！😎
-
忍唔住第二round爆汗爆肌😜
越嚟越喜歡minimal cue
寧靜地享受瑜伽
集中精神練習深層呼吸
容易有瑜伽應有嘅效果呢個好玩亦有挑戰性，尤其有我喜愛嘅式子
Pigeon King
Plow
Tiger
-
想記低一件趣事，
話說琴晚練crow，
到身體平衡到，雙腳可慢慢離地果下(佢地叫“fly”)
我心remind自己：雙臂要好似鋼鐵咁堅硬🤣
呢句係來自我個瑜伽老師朋友👍🏻今次又再穩陣dddd堅持到兩三秒，很有趣的體驗
點知中途聽到一隻手腕「拍」一聲
驚驚地，即刻按摩返今日中午先諗返起，證明隻手腕⋯冇事
一切正常🙏🏻😊
-
Day 9
練習hips mobility，係因為日常久坐令到下腰、盆骨肌肉關節繃緊，當然，最明顯係會導致腰痛，除此之外，做其他運動時，例如跑步打波，如果這個部份的肌肉沒有先好好去伸展，咁全身上下的震動、壓力，便會由這個繃緊嘅部位去承受，令情況更嚴重，更令該處僵硬的肌肉失去保護脊椎嘅功能，長遠傷及脊椎。
另外有說，情緒都係儲於hips area，但呢個就純粹瑜珈的學說。咁我諗條腰冇咁緊，個人都開心啲啦。😅
這個10分鐘hips flexi亦唔錯，做埋。😊
-
Day 10
今日同營養師partner傾開，如果中等強度運動，每星期150至300mins，其實都係WHO建議😅，咁我就算每日40mins，都未超過啦上限啦。
Fyi，急步行、行山都算係中強度。
佢仲建議如果想增肥，早餐食糯米雞係最好選擇之一😨。(咦？佢唔知我鍾意食架啵🤣，唔係串我）只係講起會找營養師幫手增肥嘅人都唔少，多數係想懷孕、但又太瘦削的年輕女仕。太瘦，荷爾蒙唔足以令佢哋受孕，荷爾蒙必要原材料之首，就是脂肪。
-
好想練好佢
完整版：大腿、膝頭要完全唔掂地
初學可掂地，ie. up dog變cobraDown Dog — Up Dog
Down Dog - Plank - Chaturanga - Up Dog
-
8號風球，居然OT， 深宵瑜伽，做了一個短遍。
-
今日搜尋🔍：Yoga for menstruation 🩸
原因不明：今次特別攰咁🫠
意外收穫：發現到呢個新channel，個youtuber都幾幽默，頭1分鐘短片，扮不停食嘢又冇精神，咁樣似「有咗」多啲喎😅
-
Yoga with Adriene最正係一開始就會好好guide住調適呼吸先，動作唔急，微微出汗，呢種瑜伽，唔辛苦，但係會令你身體每日感覺越嚟越好，令人越做越鍾意、越上癮。
不愧為全球「冧巴溫」Yoga YouTuber👍🏻👍🏻👍🏻
Yoga動作「拉開」與「擠壓」身體不同位置。深層呼吸促使血液將養分快速帶到拉開嘅部位，另外，被擠壓的部位，一旦放鬆，血液便高速衝過，已經有研究指出，血液衝擊血管壁所造成的適當壓力，能帶走有害物質，對減少炎症有正面幫助。
所以，懂呼吸，尤其深層呼吸，做瑜伽就最有效果。
-
Day 11
又返去個2022 challenges度
中途閃咗去做其他，希望真係2022年完結前完成佢🤣呢個session，Tim說有些瑜珈老師當「某些望落好基本，但其實係中難度動作」係初級動作咁教，而沒有適當的指示。
除咗佢好科學化嘅瑜伽教學之外，佢好多時會講：“Instead, you can….. The reason is……”，會提供適當方案、原因。
每人對事物當然可以有不同睇法，佢提出佢嘅睇法之餘，會教你點樣去改善、進步。
咁講返，我見到的：
我睇開嘅其他youtubers: Adriene, Kassandra, Jessica ，喺啲中級動作係會溫提嘅，minimal cues時甚至會講明係for Teachers。相反，的確係有啲YouTuber可能佢想show off自己功架，好多時都係冇乜warning就去馬啲幾高難度嘅動作。
-
Day 12 深宵瑜珈
我今日居然比起平時上班日，更加勤力🤪，總算做好plan好嘅嘢。
另外，剛剛發現原來有呢個拱橋wheel pose嘅「過渡期」練習，咁樣手腕嘅壓力會細好多，感受下個式子，習慣倒轉個人同果度力，再慢慢練好，今日都有啲攰，聽日試吓。😝
-
Day 13
公司event同個Launch進入最後階段，密鑼緊鼓，局住又深宵瑜伽。
有唸過skip㗎，但另一把聲音同我講：「唔做你瞓得着咩？」我💟：又係喎😅
有次睇到一篇文章，作者話：瑜伽已經成為佢嘅宗教
🙏🏻🤲📿🧎🧎♂️我💟：又似係喎😅
再諗返下面呢張圖
我💟：直情係啦！😅
-
今晚好需要一把溫柔聲音安慰，Jessica 呢方面係無人匹敵👍🏻De-stress Yoga 亦非常啱我。
準備工作叫做順利，重點客人嘅時間亦安排好，繼續finger-cross先🤞🏻。
仲有啲嘢衝緊，心情係有啲tensed，所以叫自己今日一定要正經食餐飯，係要有「飯」，lunch去韓燒其實唔算食得太多，不過可能晏食，今晚冇乜胃口食嘢，一杯奶當dinner。結果，今日「正經」嘅飯真係只食咗一餐。🤣
明天繼續
-
Day 14
Yin Yoga: 直接啲講就係拉筋，每個動作hold 1-2 mins，目的係要拉到落到一字馬果種，或者他日隻腳可以放上條頸後面。😅😅
Restorative Yoga: 恢復瑜伽？唔知係咪咁譯，但係個意思就係恢復身體應有嘅「鬆緊度」。日常生活有啲姿勢，令某些肌肉拉緊咗，呢種瑜伽拉返鬆該處肌肉，恢復返個人肌肉的應有狀態。
其實佢呢堂係似Restorative多個Yin。可能係因為男仕，佢都唔會拉得好勁。
我梗係享受後者多啲啦🤣
-
今日好攰，但超開心。
一段時間之前Plan好要做嘅嘢，終於做到。
期間又有其他任務，咁咪停一停，處理好啲緊急而重要嘅，又繼續，唸返，好開心冇放棄過。乘機約返見返D好耐未face2face見面嘅行家、客人。太忙已經冇時間提及公司嘅social media，但今晚忽然多咗些少followers，好欣慰.🤍，感覺前面仲有好多嘢可以發揮。
不過，我哋好貪心，姆子同食子cross埋做個心心俾我哋之餘🫰🏻🫰🏻，下一步就應該果兩隻手指互相摩擦，咁樣先最實際支持🤣💰🤑，會郁嘅心心先至恆久有生命力架🥹，感激哂，多謝哂🙏🏻
琴晚，瑜伽後，唔安心又預備多少少嘢，結果只係瞓咗2.5hrs。
今日，放工dinner之後，費事心掛掛，幫客處理左個小問題，亦已經完成。居然仲好有興致練習😅，今晚要盡情瞓 🛌