跟自己的 身、心、靈 連結
-
開新page…..😅😅
2023年12月。想快啲過渡去2024
到了2024，
2023年浮下浮下嘅嘢要更加實在。🌟🌟🌟一月份，除了繼續恆常工作，
也為今年嘅嘢，做好Ground work。
今次飛去對面海，都係半公半私。
農曆新年過陸續出街。喺呢個計劃、執行過程。發覺自己嘅思維同以往好唔同。
大膽咗，但係亦實際咗。
以前容易心軟，依家心腸硬，
因為要結果，不是純粹自己要結果。
所有持份者都需要。
大家付出嘅努力、資源，要得到相應嘅回報。今年年頭，見到同行行家，過去有一點點成績，變得自我膨脹，有一些懂得奉承嘅人求合作，就鬆懈了，飄飄然，唔去落實一啲Business Terms，Contract唔簽，結果被人家浪費了一段時間金錢，最後唔忿氣，就四處呱呱嘈。咁樣顯出自己嘅愚蠢之餘，四處張揚嘅反應，令到有心同你合作嘅人都敬而遠之。
所以，做業務嘅，真係有需要心腸硬一點，清清楚楚甲方乙方嘅權利同埋義務，簽好合約先好開始。
管理好雙方嘅期望，其實都係一種專業嘅表現。
認真找你公司合作的，必定會欣賞。
玩嘢嘅人，自動會彈開。其實都係好簡單嘅商業道理。
就正如騙案，每日都會發生。唔知關唔關練習瑜伽事？有啲嘢唔急得。
正如Yoga with Tim有講，每個瑜伽動作：Make sure you are stable, you can breath, you are extended
生活上，工作上，人際關係上，都係。
將以上道理應用於每過商業決定，要make sure:
有能力做到(不要自滿，問心：有別人欣賞的長處嗎？）
有生存空間(確定自己唔係做義工)
有發展的可能(作對公司/團隊成長有利嗎？）第一點我諗起，明明自己外貌平凡，但喺街上無啦啦有星探搵你試鏡，信嗎？
瑜伽對我嚟講，除了是一種能耐鍛鍊、也是一種減壓工具，更加是一種哲學。
至於「減肥工具」…..瑜伽…..唔知算唔算係？
但當我認真了解和練習瑜伽，係會改變自己對食物嘅關係。唔會見嘢就食。因為懂得愛自己。知道邊啲食物先至係自己嘅好朋友。
自然就會甩掉多餘嘅體重。的確，我係因為咁，由呢條thread開始，無啦啦減咗10 kg。
講咗一大爛餐，寫返低今日做咗：
Yoga with Adriene Day 12
Yoga with Tim Day 12
-
呢排，
為下一個目標做ground work中，大家不停有一句說話：「吓？要咁嘅咩？」一切看似好順理成章，發現原來都唔少hiccups。
所有嘢得來不易…..
-
飛之前，忙到發瘟。但都有繼續練習。
飛緊，就練唔到啦，真係腰酸背痛。
飛到地球另一端，今晚開始瑜伽返。
今日Day 16-17 x (Tim + Adriene)
做返夠本！
-
呢幾日都keep住晚上yoga
昨晚
Day 19 - Yoga with Tim
Day 19 - Yoga with Adriene上星期彷彿飛咗三份二個地球，到了位於北極下面的一個國家🤣。
我怕凍，成日笑話呢度係北極d friend。呢度同香港相差半日，好神奇，居然冇 jet lag
基本上，兩程機，一共三個地方，時區完全不同，啲時間都亂晒，近30個鐘，唔眼瞓就睇戲、睇吓書、食吓嘢，攰咗就瞓個零鐘，印象中30個鐘裏面斷斷續續瞓咗四個鐘。
估唔到咁樣自然解決到個jet lag
飛咗嚟幾日，最主要都係四圍𥄫吓、買餸、煮下嘢食，又出街食吓嘢、做下公事，仲有瑜伽。又約下呢個D香港朋友聚會。
半放假、半remote工作。
Shopping 鍾意行超市多，個鍾意買衫，唔係歐洲都冇乜Fashion 㗎啦。
下個weekend去幫手睇樓🤣，因為屋企人話想租第二度，近返啲生活圈。
-
今晚
Day 20 - Yoga with Tim
Day 20 - Yoga with Adriene
-
今日溫度上返正數，舒服。
繼續打孖Yoga
Day 21 Yoga with Tim
Day 21 Yoga with Adriene個人覺得今晚呢兩集麻麻哋
有啲無定向風，唔知佢想做乜。
照跟當然。有時啲Yogis加啲Creativity係無可厚非
所以…
有啲掛住Yoga with Kassandra
好紀律的、傳統的嘅瑜伽flow完成埋呢兩個 30 day 先
-
Day 22 - Yoga with Tim
Day 22 - Yoga with Adriene
-
Day 23 - Yoga with Adriene
Day 23 - Yoga with Tim氣溫回升至幾度，加上小小落雨，濕凍。
呢兩集個flow唔知點解好鬼相似。
-
昨晚，加返先：
Day 24 - Yoga with Tim
Day 24 - Yoga with Adriene眨吓眼去到第24日，已經包埋搭飛機嗰兩日做唔到。
又差唔多一個月。今日天色好靚，一片蔚藍咁，特別開心。
-
琴晚瑜伽之後，諗住做埋少少嘢瞓覺，點知有啲問題做耐咗，變咗開夜車，結果瞓得三個鐘。😅
第一次喺度開夜車。😂
-
今晚Day25
Yoga with Adriene
Yoga with Tim兩個30 day challenge 都差不多完。😉
-
平時每個練習20mins，連兩個，一共40分鐘。
唔知點解到今日Day 26兩個都30mins🤪
今日身體有D攰，做一個鐘真心係over左。所以只係做Yoga with Tim，半小時。
我成日話：就算攰或忙，都會做15分鐘。
對身心有益。之前飛黎果兩日，做唔到瑜伽，第三日真係腰酸背痛。
之後做返就冇事，如果過去呢一兩年冇練瑜伽，女人去到呢個年紀，我想像唔到身體狀況會去到點⋯⋯對比起，三年前，黎呢度，今次精神狀態好好多。
好有印象上次黎，一坐車就訓覺。
今次，坐車完全冇訓。但明明係老咗三年。
瑜珈係我嘅MNM😁
仲有心理狀態….
唔知點解釋，但瑜伽嗰種帶冥想、呼吸嘅練習，會強化咗副交感神經，ie 識得煞掣，知道自己遇上咩野會唔開心，會避開或者制止發生，焗住要面對嘅話，都容易撳住自己反應，咁樣開心時間就會多咗好多。(冇話以前唔開心呀，不過依家更開心😁）
亦多咗用第三者角度去檢視自己。
MNM唔知係咪真係有效，但有效嘅最多係對身體，對心理都係要靠自己。
個心成日屈住屈住先至最影響身體。
好多病，其實都係由個心屈出嚟。
-
-
-
-
Yoga with Tim - Day 27
Yoga with Adriene- Day 26每晚都要睇返呢度先知道自己做到邊😅
-
昨晚做了一個Yoga in Bed
Kassandra今晚:
Yoga with Tim - Day 28
Yoga with Adriene - Day 27
-
昨晚忘了記錄晚:
Yoga with Tim - Day 29
Yoga with Adriene - Day 28
-
Now you can enjoy Lightroom app Premium Features for free in 2024 just Open the website https://lightroomapks.com and enjoy paid premium features of app for free
-
琴日做返 Day 29 - Yoga with Adriene
又做返個Crow Pose.... 繼續維持幾秒 :D
-
Tonite: Yoga with Tim Day 30
33mins.咦？咁Yoga with Tim呢個30 day challenge不知不覺完咗啦？
時間過得好快.
半個鐘夠啦，Yoga with Adriene Day 30 留返返到香港再練習。
或者聽日上機之前練習埋佢
Again,...時間真係過得好快.
三個星期 旅居 結束啦，講真唔係好捨得走，雖然呢間屋我第一次住，可能老公同我嘅Style都幾似，間屋嘅佈局令我好容易適應。尤其廚房，我鍾意煮嘢，完全唔覺得去咗人哋廚房咁，所有設施好就手。
今次冇周圍去玩，因為真係想感受吓呢度生活係點，正如喺香港都唔會煮足三餐，因為都要Remote Working，有時去附近商場仔食嘢， weekend去遠少少行吓街食吓飯。講返煮嘢食，買餸， 細心慢慢行超市真係可以行半日，Raw Food 唔需要俾稅，略為細心格下價，買餸平過香港，唔怪之得呢度啲人唔係咁鍾意出街食，出街食要俾13%稅之餘仲要「禮貌上」俾大約20%貼士，講真，係痴痴地線。
不過始終Plan好係三個星期， 咁都係要收拾心情，我話唔捨得走，老公講笑話咁不如聽日no show，之後想返去先再買機票，佢又話一係佢聽日去睇吓有冇候補機位同我一齊飛返香港，雖然都只係氹吓我，但聽到都係好開心。
-
飛返香港，
係冇jet lag，但係程機’s攰到……
緊接新年。
到初二，昨日，才有機會yoga下記低先😊
-
今晚，用headspace，最近subscribe 咗，做meditation
Train下自己副交感神經。
對控制情緒、飲食有幫助。
因為有朋友始終抗拒唔到食物嘅引誘。
總之就係好鍾意食嘢，健康嘅嘢都好鍾意食，但係食得太多就變咗unhealthy healthy所以搞到我都好奇想了解吓，點解做冥想可以控制飲食？
冥想係一個深層呼吸嘅練習，
留意住自己呼吸，懂得控制冥想時，忽然跳出來的思緒。
就等於懂得控制日常生活突然想食嘢嘅衝動。
我相信係咁😅要練習，
stay fool stay curious 每日都有新嘢學。呢個係介紹短片：
有興趣可以分享吓
-
忍唔住，做埋Yoga with Adriene Day 30
埋尾
一如既往，佢D Challenge 最後果集，係自由式，自己一路做一路創作，搞唔掂就跟返佢做，
不過佢冇開咪。但有音樂，各有各做。咁我自己憑感覺做，個Flow都似樣㗎，一路做都唔使點諗，surprise 了自己，有d感觸，安慰😊🤣
上一次好感觸，就係早幾日同老公在機場say good bye一路互相目送左好多次，直至入咗security 閘口，一擰轉面，就眼濕濕…..
Btw果個國家好「古怪」，入境時，分流個關員望下我個passport，counter都唔洗埋去，印仔都唔洗揼，就俾我入境，特區護照咁有親切感？!（其他九成人要埋counters)
到出境時，只係過機場安檢，冇攞過Passport出嚟，就走得。
多謝屋企張「出入平安」揮春。🧧😄
-
今日evening 呢個。正！😜
-
今晚，呢個
-
旅居+remote work回來後，緊接新年，
初三就開工，蜜友弟弟忽然約初四去行街食嘢，但因為有一咋嘢想心急快啲做，所以婉轉推咗佢，工作其實進展都OK嘅。初五，望吓電話個日期2月14日，先醒起係情人節，然後收到蜜友弟弟一句情人節快樂，我同佢唔係情人啦，係蜜友嘛😅ie會做親蜜野嘅朋友，佢只係禮貌上Greet下我啫，類似年初一會同人哋講恭喜發財。(btw佢係好乖巧的弟弟)
唸返…..唔怪之得佢約之前果日出黎．．我估佢放假放到有D悶，想搵人陪吓，不過我真係安排咗啲嘢做。早D出聲吖嘛😌😌😌早啲出聲，我樂意squeeze半日出黎。
本來想多口問佢情人節同女友去邊玩，但諗諗吓都係唔問。如果佢話冇約，我唔知點安慰佢😅😅😅聽佢描述過佢女朋友個人冇乜情趣。聽佢講咋😄
我同佢，好少online講多餘野，多數寧願約出嚟傾。幾年黎都係咁
今日初六，可能衝咗幾日，今日有D 心情緊張，臨瞓前都好似未放低工作上嘅嘢，search: yoga for stress relief，
就搵到上面嗰練習，練習完真係好舒服。要瞓覺豬了。
-
@AgnesHongKong said in 跟自己的 身、心、靈 連結:
今日天氣突然急凍。(急凍牛肉？😄)
我覺得我啲樽領厚冷衫可以攞返出嚟。
我好鍾意，因為着住，個人軟腍腍好舒服。樽領厚冷衫，令我諗起一件趣事。
蜜友弟弟都幾鍾意一齊去行街，一行就大半日，
SP = Street-walking Partners 🤣🤣🤣Btw，Keep住個active lifestyle，唔一定要狂做運動，
四圍行吓都可以，啱我。有次冬天，去睇衫，男裝部，見到有件厚冷衫，
我話：「你買呢件啦！着咗會好似軟綿綿既熊仔，我會好想攬住你。」😍😍當日我係着住一件鬆身樽領厚冷衫，佢就話：「你依家着呢件衫，都令我好想攬住你。」
口花花，但唔需要對佢嘅說話認真。😁😁
同佢呢啲「妙問妙答」，間唔時都會recall返。😁😁😁
佢話唔係，個原因又係令我笑死。（待續）
今晚，工作，不知不覺，已經11pm，連dinner都忘記咗。
然而，冇食飯，都要做瑜伽😄諗起未講埋上面個待續：
有次同蜜友弟弟一邊行商場，佢一路四圍望，我問佢係咪怕撞到熟人？
佢話想「搵個地方」「同我做啲我鍾意做嘅嘢」。
「吓？我鍾意做咩呀？」
佢話：「Kiss 呀」
佢平時個人都幾理智㗎喎，果日…..明顯荷爾蒙失調。
準確啲講，應該係飆升。「咁請問你係想搵咩地方呢？殘廁呀？」🤣
「例如：後樓梯」佢好似有D正經咁答。
「周圍都cctv喎，先生。」
老娘梗係唔會同佢癲。🤣🤣🤣
不過原來佢四圍望咗咁耐，就係呢個原因，都幾搞笑😂係嘅，就正經搵個地方😌😌😌😌
-
今早網上見到一個「語錄」：
婚姻這玩意就是 兩個人共同編織的一天美麗謊言 然後每天醒來面對現實咁……公平啲咁講…..
美麗的謊言，你對住生活中個個角色都要㗎啦！
你會唔會同你老細講：其實我好唔想返工！
同樓下看更講：你份工都幾得閒㗎喎？
中伏後，同餐廳侍應講：咁難食？點解我仲要俾錢？又….公平啲咁講…..
結唔結婚，每天醒來都要面對現實
結唔結婚，都要搞掂「食屙瞓」㗎啦。又…. 咁講…
只要心態正確，每個人都有令自己開心嘅權利和義務。冇得「賴」人or事。/ 跟我做多啲瑜伽就好😊／當然每人有言論自由，有抒發自己心情嘅自由，
人家有人家抒發，我有我唔buy咁…我都係喺度不停抒發啦🤣🤣🤣
-
呢兩三日，感覺到腸胃有啲攰，唔知係咪新年食滯咗🤪
還是工作壓力重咗。每個weekend都會安排一日完全休息，剛巧密友弟弟約我，咁有時間就出去啦！本想叫啲邪惡嘢食，但係個胃叫我唔好，食返啲清淡。😅😅（又未至於胃痛）
所以返到屋企練習同腸胃位置有關的太陽輪solar chakra
今朝早都聽返D Solar Chakra音樂，俾個胃聽。認真的。
-
琴日練習太陽輪yon yoga，個胃又真係慢慢感覺良好返，有返啲正常飽、同埋餓嘅感覺。
早兩日個胃好似一豚肉咁，冇感覺。
腸胃真係太攰。
所以今日再接再厲，都係太陽輪solar chakra，btw太陽輪強化，個人都有Energy同埋自信啲。
-
昨晚，唔記得update，又繼續練習solar chakra
佢專登帶晒金鍊🤣🤣⭐️🌟🏆🏅👑
仲話有金牙添😅今日，我忽然諗，腸胃發生咩事？點解會感覺唔到飽同餓？我諗起，可能一個原因，就係我嘅腸胃有Jet lag😄，呢度應該食嘢嘅時候佢瞓咗，所以冇想食嘢嘅反應。
相反，我返嚟之後，夜晚又真係多咗肚餓嘅感覺。領野！😳
咁好彩都把持得住，冇食宵夜。
今晚，OT完好攰，做一個for beginners的Seated Yoga
-
-
舒服到臨尾瞓着咗…..
-
Jessica 把聲真係超級令人relaxed
有冇得Al整自己把聲變成咁？😅
-
想做返啲Power啲嘅瑜伽
鼓起勇氣做Yoga with Tim呢個7daychallenge
雖然每日都繼續keep住做，
不過太忙就冇喺度寫yoga日記。在「公海浮沉project 2.0」非常搏命當中。
有望嚟緊呢兩個月有突破。🙏🏻
已經有啲方向，但又怕行錯方向，不停思考不停執行。更加要keep好身體，透露清醒，所以幾忙都繼續，要用瑜伽減壓，不過不知不覺時間做得短咗。所以今日開始呢個七日，要自己每日做40分鐘。
😉😉😉😉
-
7日挑戰的Day2, 都幾tough，不停要你嘅core muscle佢話如果頂唔順可以跟佢另一個simple啲嘅challenge。
其實都可以嘅，但M到，唔想捻住啲腹肌咁耐，做20分鐘收手。
-
昨晚，都係停一停啦，period完大半先。費事搞出事。
其實琴日星期六都要開工，今日一定要休息，完全唔開電腦，但結果都係有啲突發嘢忍唔住要望一望，但OK了。
最近因為公海2.0 project，btw 公海1.0已經有啲小成績，2.0個更加到肉嘅版本，所以我叫佢2.0，兩個版本互相和應，咁2.0應該可以兩個月後順利有個好開始，不過有好多嘢未知「就算開始咗，然後又點呢呢個？」呢個問題喺我腦裏面徘徊咗好耐。但in progress一定會去馬，不過怕走錯位之後無以為繼。不停試水溫當中。
能夠長做長有先至係王道。
所以今日search: Yoga for intuition
找到Kassandra 呢個：
呢個瑜伽練習都令我有啲思潮起伏😅
唔知係咪剛剛M完，諗起蜜友弟弟
🤣🤣🤣🤣🤣🤣
好「動物性」🤣🤣🤣去完旅行之後有次大家見面。
唔知點解，我覺得佢個人好似成熟咗
多咗啲工作上嘅鬥心。
我心諗，你一早就應該係咁諗啦！👏🏻
男人的確係遲熟😁仲有，佢問我去旅行玩得開唔開心嘅時候，
仲有一種大哥哥問妹妹嘅感覺。佢都幾cute
有次問佢，真係純粹八卦，你幾時結婚啫？
佢話：唉⋯⋯我都唔知呀….(好似想表示人哋冇興趣嫁佢）通常佢啲感情事，我問一「浸」就算，唔追問
咁我打完場話：
「冇啊，我諗住你結咗婚之後，我就唔再搞你，你要做乖老公。😄」
我哋喜歡「妙文妙答」
佢話：咁依家要搞多啲先喇😁
😄😄😄😄😄另外有一個問題，一問佢就腳仔軟。
「同你咁熟，你擺酒請唔請我飲？」
🤣🤣🤣🤣🤣
咁我坐邊枱？男家校友呀？男家ex呀？又唔算喎
男家fwb囉？🤣….. 吓？仲要成枱？你咁犀利？🤣
一講到呢度就笑死，笑得來大家都有啲驚。
有少少似聽D搞笑鬼故😅😅😅今晚忽然諗返起呢啲笑話。
-
找瑜伽片前見到這個video，很沉重，但亦值得令人深思。
-
返嚟呢個day three。
One hour. 做咗10分鐘之後，忽然肚餓，食塊包先，然後繼續，一路做一路猶豫搞唔搞得掂，好鬼攰。結果都可完成。「阿媽，我得咗啦！」嗰種感覺🤣佢呢個challenge仲kun過以前個Transform。
佢仲話如果太難可以留言😅
-
今晚又要講句：亞媽，我得左喇！
😂😂😂😂
-
今日衝完個project。個人鬆晒。
成晚，個腦鬆弛返，唔知咩事，立即打俾老公傾計，之後又不停loop呢首歌。好浪漫，第一句已經冧死咗。
以前讀書時聽，都係好鍾意呢首歌。之後，我又問佢鍾唔鍾意杜德偉，佢話麻麻哋。🤪
之前都有問過其他人(男)，亦係話唔鍾意，好似冇乜男性鍾意佢？可能佢太有男人味，
男人都妒忌Alex To（應該係，除非唔係）
🤣🤣🤣🤣
試吓問多個男人，深信都係唔鍾意😄By the way，昨晚練習左一個Yoga with Adriene，40mins
今晚返返去Yoga with Tim的「嚴格訓練」7日挑戰😁
-
真係，有D stuck。
星期五，一開工，望一望某個project上D數字，「咩事？」
好有問題，似乎係解決唔到，又未去到好慘，不過係有啲失望、同埋好多我都唔明嘅地方。(只能夠跟自己說：咁都得？」咁星期五plan好做嘅嘢都要做，諗住失望都冇用，重拾心情，真正開始做嘢啦，點知第一個task，發現好有問題，有更加騎呢嘅嘢發生。
全日諸事不宜咁！😫😫😫😫
某程度上，某個角去睇，已經叫做大話夾好彩，但一朝早連續兩件事發生，唔知可以講乜。
Again，星期五plan好做嘅嘢仍然係要繼續，但心情真係麻麻地。但又唔可以影響其他工作。
Really stuck!
又有問題要處理！IQ EQ大考驗
今次IQ佔八成。🤣
如果搞掂咗，真係要好好獎勵！
反而，又咁喎，星期四工作上有開心事，突破盲腸！我之前都冇諗過。
以上三單野，係完全冇關連的三個projects
真係唔知咩事…..去睇麥玲玲都睇唔切…日日心理、生理都要坐過山車咁都幾…..嘔血
唯一方法，做返多啲瑜伽🤣
-
記返低先：
前晚 Yoga with Tim - 7 day challenge
Day 5 (first half)昨晚
Day 5 ( 2nd half)的確係咁，一個小時嘅練習，做咗一半已經散咗，不停拜日，成30次，真心頂唔順。分咗兩日做。
應該真係第一次要咁樣🤪
咁當然呢個練習係長，平時都係只做半個鐘左右。今晚 Day6(都係一個鐘)
我估佢收到啲comment話太難，呢一集冇咁辛苦。
可能我又已經有咗心理準備。😂
可以完成晒😊
個練習，基本上係成個 Ashtanga Yoga練晒。Ashtanga Yoga - 係一套由最古老的瑜伽轉化出來的現代版。
但所謂「現代版」都「現代咗幾十年」。人哋話真係最古老嗰隻已經失傳咗。所以Ashtanga Yoga都被普遍認為是最傳統嘅瑜伽。
Google search : Ashtanga Yoga，會找到成套動作。
Day 6
-
嘩！原來咁多日冇yoga journaling
冇乜抒發，就冇寫7 Day challenge 完成了，最後嗰個仲好Hea添。
我應該會再encore。
係鍛鍊嘅好幫手！
今晚，呢個：
都係嗰句，Adriene勁嘅地方，唔係佢啲式子，係佢會令人愛上做瑜伽。
佢啲video全部都好易，每次練習完，個腦都好輕鬆。
-
然後，立即煮dinner補補佢
-
昨晚：做埋day2
今晚：做day3
-
睡前拉筋 瑜珈 伸展
-
呢個先係
-
今晚呢個😄