跟自己的 身、心、靈 連結
-
茶の宅女 said in 跟自己的 身、心、靈 連結:
呢個先係
哈哈😄茶好有心。
幫手留返條thread上嚟呢期的確忙到嘔茄。
有做瑜伽，但攰到做完就訓。
不過忙得黎，其實有系統。
有小小成績，忙得黎係開心😁想分享工餘事情
我唔知我係咪某些能量嘅磁石？
我覺得我都幾吸引一啲……
有情緒飲食嘅女子🤣🤣🤣🤣🤣
網上，我分享我啲飲食，都算係健康，我又唔識玩生酮嗰啲，呢啲真係要專人指導。
久唔久就會有啲女子，DM張相過嚟，通常係一啲邪惡食物嘅相，問我幾多卡路里。
例如好大塊超級炸豬扒麵，碗麵嗰層油成寸厚。
又或者係格仔餅加雪糕，
又或者係珍珠奶茶「標準」糖分，呢啲答又死，唔答又死。
首先我唔係好明，我個page係健康，點解會俾啲唔健康嘅嘢俾我睇？
好怪。正常人會唔會send啲完全唔啱feel唔啱場景嘅嘢俾人。
例如，同老細應該係傾工事，你會唔會同佢傾感情問題？或者同佢講你點樣偷懶？同埋呢啲卡路里野，上網都search到啦。
起初真係會答：
呢啲偶爾食就算，唔健康，咁偶爾食就唔使計啦！
（婉拒、打發佢走就算）咁如果佢哋係正常人應該都會off la
但如果唔正常嘅，會再chur。
以前我唔知，只係覺得點解啲人咁厚面皮？自從今晚我就知道，原來佢哋係有飲食失調，情緒病。
冇歧視成份，我知佢哋都好可憐。
成因：本身有啲情緒問題、例如感情問題、家庭問題、生活壓力等等，唔開心、不安，覺得世間上冇乜事情自己可以控制到，唯一可以控制就係「食嘢」，食嘢比到佢哋滿足咁安全感，然後，久而久之，不停透過飲食去滿足自己，身體就會產生一種「食嘢=開心」嘅機制。
一有嗰種唔開心嘅情緒，就會狂食嘢，食完又會報復性地做運動，不斷輪迴。
咁明喇，但係點解要send啲食物相俾我呢？
呢part就有少少重口味，原因：
1️⃣ 佢哋想得到某些角色的人嘅認同，如果一個講開健康飲食嘅人，會答佢哋，呢碗麵1000卡路里，佢哋會覺得：「嗰個講健康嘅人都贊成我食。」（佢哋會幻想，有回覆，冇say no，就等於贊成）
2️⃣ 佢哋想向人抒發下，佢食咗邪惡嘢，抒發咗，就輕鬆返，冇咁罪惡感。
3️⃣ 想鼓勵其他人都係咁食，如果其他人都食，佢哋就可以合理化食邪惡食物呢樣嘢（之前有個厭食症女仔係咁，不停叫我去食某一間餐廳嘅肥膩蛋治，個蛋字係有五六隻蛋，你話係咪黐線？仲問我點解唔去食？）
補充：食邪惡食物冇所謂，我都會去食西多士，但佢哋係日日、餐餐係咁食，而正常人係會知道嗰樣嘢係肥膩唔健康，間唔使食就可以，正常人完全自主控制到，唔會用呢啲食物去安慰自己情緒。
講得衰啲， send張咁嘅相過嚟一個健康keep fit的人，仲要chur住問我幾多卡路里，同啲變態佬send啲性器官相片俾正經女仔，仲要chur住問：「幾時俾我扑」，係冇乜分別。
好多時情緒飲食之後，有內疚感，就會報復式去做運動。
所以多啲留意身邊嘅人、家人，關心吓佢哋飲食作息。
其實佢哋係要睇心理醫生，唔係睇減肥keep fit page，雖然我全部都係均衡飲食。但我都幾肯定我嘅sharing對佢哋係有壓力。所以，我而家嘅做法，係會block咗佢哋，因為我覺得佢再睇我個page其實係害咗佢哋。
而另一邊廂，佢哋久唔久send啲嘢俾我，我要就住唔好hurt到佢哋，起碼我諗一諗都要嘥Energy，咁對我都係有一種壓力。（好老實講句，尤其我又唔係收佢錢）
唔match，Block咗佢以後唔使睇我個page，我又唔使諗點答，唔答又顯得我冇禮貌，「好心分手」大家都少啲壓力，其實係做緊善事。😂😂😂😂😂
咦？我合理化我嘅行為喎。🤣🤣🤣
我有時都會諗，我分享啲嘢係咪太激呢？帶咗啲壞風氣出嚟？但真係全部均衡飲食，連168呢啲輕巧野，咁多人自己168又話好成功，甚至我知有啲政府營養師都教人168，但我都唔會喺網上面教，我自己都唔會168。
同埋講返啲正面嘢先，咁都有好多正常網友嘅交流嘅。
嗱！起碼我從來冇介紹過減肥藥，以下係一個例子。
有人問我某隻減肥藥有冇用？傻嘅都知係唔應該食，我知佢來意我就費事答，主要係想找人認同佢食啫。可能你會話，咁咪叫佢唔好食囉。但….我已經估到，如我叫唔好，佢又會問返我點解唔食得？佢就係想拗贏對方，或者對方唔想同佢坳，然之後覺得自己win咗！（已經估到佢哋嘅套路，好明顯㗎，活咗幾十年，點會唔知？）另外，點知佢係咪（嗰間減肥藥廠）放蛇？無謂得罪人，亦費事勞氣。為咩啫？Again，我又冇錢收嘅😂
我唔會搦住一隻產品、或者一種食物，話有d咩唔好、唔健康。人哋都冇貼住「我係健康」🤣，係咪先？人哋分分鐘有權告返我轉頭。都係嗰句：我又冇錢收🤣（發錢寒😂）
又試過有一次，又有個厭食症女仔，其實佢冇直接講佢厭食症，但係佢有講身高體重，BMI得16，佢話醫生同屋企人叫佢食返多啲嘢，佢set條問題俾我，類似係：「想問增肥係咪易過減肥？」九唔搭八，好明顯減肥減到傻咗。其實呢啲好可憐，佢分分鐘命都冇，我唔係專業人士，只係回佢：「既然你有醫生跟進，就聽醫生講。」然後佢再追問佢嗰條不知所謂嘅問題。我直接答佢：「我唔知你情況，所以係唔會答你，只有醫生知你情況，你聽醫生講」。佢唔應該再follow我個page，所以我block咗佢。😌😌😌
Again, 其實講咁多嘢，都係希望用呢啲實例，希望大家多啲關心身邊人，情緒病嘅人多咗好多。所以我一開始話唔知係咪我做咗磁石。
如果發現，平時好正常嘅人，最近好似切個局嚟想人認同，或者set條好明顯係唔啱既問題同你拗，就要留意對方係咪出咗事。
-
好彩冇諗住出去旅遊。講真，連諗嘅時間都冇，實在太忙。
每日仲可以瑜伽已經好滿足。
今日，好熱，爆汗瑜伽！
要抹返張墊同地下。唔係講笑😅
-
忙咗兩日大半
我個復活節假期終於正式開始😅今晚忽然好想睇返呢套嘢，
喺YouTube度都煲過三四次，
喺文化中心好多年前睇過一次。聖誕鬼佬賀歲片🤣
聽日同蜜友弟弟出街玩😊
-
Oh…. 上面果個係
胡桃夾子／柴可夫斯基
芭蕾舞劇
我以為show到出嚟就冇介紹撳落去會睇到。
加返今晚個瑜伽。呢期都係Kassandra 返先
-
做完瑜伽，睇返個手機，先至知道原來今日行咗15,000步。
行吓街，睇吓嘢。
佢陪我買嘢，話包括買內衣褲都okay，我會講笑問返佢係咪陪埋我入更衣室試身，幫手扣，睇吓杯位啱唔啱？🤣通常咁講，佢又會比我引到唔知點咁。
今日真係要去買啲底底，行到去，佢都唔敢企我隔離😄😄，講就無敵，真實就淆底，笑死，都預咗佢怕俾熟人撞到。…….咁我都驚嘅。😅
同個異性一齊睇底底，撞到真係解唔到話。俾人見到一齊食飯，都仲可以作故仔。
不過一樣嘢佢好乖。佢居然記得我上次話過想食一間甜品，自動波帶我去。上次好full，冇入去，今次居然冇乜人，返晒上大陸😂
其實出發前都想問佢，但我估佢麻麻地甜品，就冇出聲。所以當見佢自動波時，都幾impressed。（敬老👵🏻😅）
唸到呢度，我都會諗其實識咗佢呢幾年，我都老咗好多咁(雖然係fit左😅)，但皺紋都多咗啲啦！自己都察覺得到。所以都會諗係時候唔再見佢。。。（4捨5入都 50啦， 人哋3x 喎，一支花🌷的年齡都未到）
唔通等到變咗阿婆先分開？！👵🏻
呢種關系，分手是唯一的結局，爭在幾時咁解啫。
黎個「靚分」都幾好吖🤔不過，有時又覺得大家每次見面都係開心，咁又好似冇需要諗咁多，反正咁都係尋開心啫，同埋反正都係冇expectation。
不過當自己開始有上述（怕俾人嫌我老）的顧慮，咁….遲啲…..「尋開心」呢個初心又好似…..會慢慢消失，變成一啲心理壓力，咁成件事就唔再好玩。
（一個好哲學性嘅問題🤪）
Ie. 好似D巨星喺最紅嘅時候引退，唔會再露面，留返最美好嘅印象俾影迷，山口百惠咁😄
呢個比喻真係…
我知係…….沾污咗啲巨星……🤣🤣🤣🤣🤣
但大致上係咁嘅意思...🤣🤣🤣🤣咁講起，我keep fit唔係因為佢啊，只係因為開始做瑜伽，發現原來自己幾廿歲，原來仲可以瘦到，先至開始認真審視自己飲食，我一向都係話「幫自己減肥」當係做人體科學實驗。我識咗佢兩年先開始yoga咋嘛。😌
-
A姐真好野，可以寫到咁大段文字
-
-
今日，居然見到Kassandra 教kundalini 👏🏻👏🏻
Kundalini—即係之前話so-called邪教瑜伽。
真心唔覺得邪，
一路做甚至唔明咁好嘅嘢點解冇人大力推廣？
kindalini動作好簡單，唔複雜，
但做兩三分鐘係可以令人血液循環好勁。
有少少冒汗添！
做到運動嗰種效果
又未至於HIIT得返半條人命咁。不過教親kundalini嗰啲youtuber，
總係要着到成個神婆咁。
搞到啲人真係有啲驚，
就算我練習過，
見到嗰啲造型我都唔想入去睇。包晒頭，成個摩囉差咁，
話係集中啲能量喺個頭😄着白色話係因為唔想吸咗人哋釋放出嚟嗰啲負能量，
咁喺YouTube教＆練邊有其他人呀？整色整水⋯⋯
係Lar姐個造型比較正常，
不過我又唔係好鍾意佢啲節奏同把聲。
好腌尖😂😂Kassandra 都好小心，佢個title冇寫kundalini，始終「正派瑜伽」啲人係對呢個係有啲忌諱，之前問過我阿Sir，練kundalini okay嗎？佢都答得尷尷尬尬，話有好有唔好喎🙄
頭先一練個動作我就：咦？kundalini yoga喎！
立即就聽到佢話呢個係kindalini yoga動作。
佢聽到我心聲，知音♥️♥️♥️🤣🤣🤣🤣
希望佢教多啲。
-
每日練一練，身體精神好😀
-
茶の宅女 said in 跟自己的 身、心、靈 連結:
每日練一練，身體精神好😀
Yes. 比起周末一次過運動，我更中意每日做少少。
即使唔會有好大進步，但每日感覺到自己個身體冇退步到，保持到，就已經好有滿足感。
深層呼吸亦有助每天放鬆一下。今日：
拜山
返到屋企沖涼
睇咗一陣嘢
瑜伽後
又沖涼
（已經開咗冷氣唔想再沖，但爆汗冇得懶。）
立即食嘢幫助肌肉生長。✌🏻
老人家，唔注重，好容易有小肌症。
大家都4字頭，要打理下身體。
🤣🤣🤣🤣🤣🤣[undefined](
呢個第二次做，想收靚條腰、love handle，相信有幫助。
又有我喜歡嘅動作。
Sugarcane/ half moon
-
喺海底撈返上嚟先! 🌊🌊🌊⚓️🔱
-
個個都話提防騙子，
之前我都覺得D騙子好勁，
咁多年，東張西望係咁播啲騙案，
都仲可以呃咁多人，但呢一兩年，我感覺到，
與其提防騙子，
不如提防自己唔好「有個腦但唔用」更貼切。尤其近排接觸一啲女網友，
唔用腦嘅程度係去到一個災難性🌋嘅級別！舉個例，我有個IG Account教人打羽毛球（求其舉個例）
每一個post順住次序Step by Step咁去分享、膠人、仲有好多小貼士。IG最衰就係有個DM功能，
我收得最多嘅訊息係：
「我好鍾意睇你分享架，
我好想打羽毛球，羽毛球係點打㗎？」我O咀：吓？我成個page咪教人點打囉！😳
會唔會係我表達能力太差？
啲post寫到一坺屎咁？
人哋就係睇唔明先問！但………佢第一句又話好鍾意睇我嘅分享喎？
（呢單嘢好懸疑🤔😲🧐）我答：「你由第一個post逐個睇落去就知點打。」
扮晒fans，以為咁人哋會私人教佢????
乜嘢構造嘅腦筋，先會咁樣諗嘢？我忽然諗起：基哥未婚妻🤣🤣🤣
重點：以為其他人同佢一樣低智慧。
非常災難性🌋🚒👨🚒🚑
-
今日放假，早上去做gym ，好認真咁做架！
因為真係要加強自己啲肌肉，
(希望)做瑜伽時就更加得心應手✌🏻🤭都幾攰，每set臨尾嗰幾下都真係谷到盡。
走嗰陣時都好攰😄，有少少筋疲力盡嘅感覺。
晚上，search : yoga after gym新Miss，幾好的伸展，速度啱我。
佢臨尾1分鐘個冥想，好簡單，但正合我意。瑜珈／冥想，幾好，
Train up我，想抒發嘅時候抒發，
Train up我，想平靜嘅時候平靜。
情緒應該係由自己控制。
比周遭啲無謂嘢影響，牽動住自己情緒，
搞到自己啲荷爾蒙七上八落，先至最唔抵。當然，喺某啲情況之下，
發嬲，係劇情所需、交戲。係咪有句說話叫做：
「明就明，唔明就黎明」
🤣🤣🤣🤣🤣🤣🤣🤣
-
呢幾日，工作上有的tensed，呢個，啱晒我。
工作尚算順利，都係切合到自己所期望。
不過達到小目標之後，期望亦高咗。
往往係呢啲位，我就好緊張😫會不斷叫自己，放鬆放鬆，relax relax
上星期，同朋友出黎…. 放鬆放鬆….
結果，做gym咁。筋疲力盡🤣
不過….係好玩嘅。
死去活來，活來又再死去，
不停循環。
大家第日賽後檢討，都覺得好好笑。如果平日，個人好緊張，或者心情七上八落，我會聽呢個音樂…..om…..
YouTube Search : 7 chakra chants
-
工作上，星期今日又衝過一關
用返上面個音樂，7輪
由下而上去到每一part，就練習嗰一part。因為食完晚飯，到太陽輪/Solar Chakra
一向都最翻騰到最後諗唔起 頂輪 可以點練？
所以就，純粹練呼吸，好舒服😄
———-
哎呀，今日又遇到一位飲食失調新網友🤪
講真我唔係嫌人哋煩，只係心痛，又有一個女仔係咁。
我遇見嘅ED (eating disorder) 全部都係女。
個套路同樣係 →問啲古怪飲食問題 → 我婉拒唔答／是但話唔清楚 → （其實佢已有答案）show埋出嚟問我啱唔啱？→期待我俾佢一個 「肯定」
Again，答係害咗佢。
古怪問題，包括：
魚柳包走魚柳、豬柳漢堡走豬柳，
咁可以慳幾多卡路里？
(真實問題)搭咗即係贊成佢咁樣食。
咁樣食唔係犯法，但好明顯就係厭食，過度減肥。
佢哋唔敢問身邊人，因為唔想俾家人朋友知佢有Eating Disorder
當然，我最想答嘅就係：「你會唔會係有ED？可能需要專業人士協助，例如心理醫生。」
我唔知咁講，會唔會刺激到對方，問完，萬一對方唔開心自殘，咁我呢世唔安樂，付唔起呢個責任。
其實喺我嗰邊個簡介度，係有條link長期放喺度，介紹有個義務嘅團體，專門協助情緒病人士，包括飲食失調。人哋費用全免。
所以，香港，某些位算OK，「冇錢冇得睇心理輔導」已經過時。只係自己會唔會接受自己係有問題，想唔想俾人幫。
我…..盡咗力。
索性比條link人哋，又有啲唔係幾好意思。😅😅都係同一個concern。唉😔⋯⋯
我有時諗，如果我識得做飲食失調生意，長期有固定顧客自己游過嚟，收入應該唔錯。😆😆←苦笑
（應該分享過）之前有個，喺狂食＆偷偷食麵包，食夠2000卡路里麵包先至返屋企喫飯，扮冇食嘢照食飯，佢話唔想俾屋企人知。
如果佢本身知道自己係有嘢，我就會比條link佢。
-
今日又有🤦🏻♀️
「我成日都好有肥胖呢一種心態，知道自己要減肥，所以有時會報復式飲食。自問自己飲食已經唔係好light的。所以相比起飲食可唔可以提供心理的建議。」
但佢食仙女餐。🤦🏻♀️
不過自己唔覺得。比咗條link 佢。有心理學家。免用全免，fit哂佢💟
-
昨晚😉
好耐未練過一個鐘
-
呢期工作上，好多野如火如荼🔥
講真，出街時，打扮嘅時候都少咗。
casual耳環都少咗戴。
成日，頻頻能能。😄但係始終唔可以不修篇幅咁😄
成個癲婆咁🤪🐊🔥☕️🐷🦍，笑死人㗎嘛！
-
我個女神終於出咗新video，今晚一定要玩。
但係而家都未放得工。。。
-
前晚的長課
-
昨晚的長課：
開始enjoy返D長課。
1hr啫😅
唔開冷氣。爆汗完成
-
純分享：
前兩晚，連續兩晚，
屋企Router成日自己disconnect咗，
搞到電視、printer、電腦都駁唔到Wi-Fi。
power Off在power on返，行咗一陣都係有啲事。有燈着，又冇跌過，似乎唔係Hardware問題，
似係firmware問題。
第一感覺諗，係咪俾人hack咗？weekend日頭都喺屋企，又唔覺有咩問題。係夜晚有事。好怪。
Hacker夜晚先做嘢？乜trojan有時間性嘅咩😂
入咗部機，廿四小時都hack得啦
所以，感覺又唔似係….記得老公話，佢在外地都可以login返嚟香港屋企router
叫佢幫手睇吓。佢話：我久唔久都有駁入嚟，又冇事喎🤔
我話：吓你監視我？🥹
（我當時，真係諗屋企有CCTV？還是監察我上咩網？）佢澄清：唔係我VPN返香港，上銀行網站啫。
（哦…..）
我答佢：其實，我鍾意你監視我🥰女人係咪好麻煩嘅動物？😁😁😁
.
.
.
.佢回：😘😘😘
.
.
.
後來，佢估計，係佢VPN返嚟嘅時候，佢日頭，即香港夜晚，個router太舊，Over load咗，serve完佢，跪低咗我：哦…….. 原來係你😄
下次同樣事情發生，即刻call佢：老公你又監視我🥰🥰
🔐所以任何壞事都唔可以喺屋企發生😏
-
晨早拉一拉，精神好爽利
-
茶の宅女 said in 跟自己的 身、心、靈 連結:
晨早拉一拉，精神好爽利
多謝亞茶風紀大街打擊spam post。
對！做多啲伸展，舒服吓啲壓力都係好。介紹呢個頻道俾你：
伸展點樣運動埋個腦。有趣！
-
是日放假，雖然落雨，但係：
A good day should start with Om…..
個crow pose，冇練一排啦，但近最有好疏咁操肌，意外地居然hold耐咗！
似乎有少少突破咗樽頸位，爽呀！
😍😍😍😍😍
果然1+1係大個2
-
有時間就早少少練。
呢個練習好有 Yoga with Tim 嘅style