同一個步伐唔一致既男人一齊,覺得行得好辛苦!!!

好! 識咁唸就最好. 不過我都知呢d時候其實唸係識唸,但做係另一回事. 祝你快d有你既幸福.

maymaylove

hi, 你地好, 我而家都好吾開心, 因我都係第三佢, 同我一齊個男人有家庭, 佢成日同我講, 佢同佢老話係零感情, 只係責任, 佢話好愛我, 我都吾知點信佢, 我成日都同佢講分手, 我受吾到, 好難受, 因我成日都感覺到佢同老婆吾會係冇感情, 佢叫我比時間佢正明, 佢又吾會離婚, 而我又對佢以有感情, 我又怕佢係遍子.請大家比D意見

其實，男人只要搵到一個食得住佢既女人，就可以好乖好溫馴
 
 我爸爸就係一個好例子

吾係嫁, 有D男人吾會中意個女人食得住佢, 如佢知個女人食得住佢, 佢即走,

我始終覺得，三角關係中最大問題果個係食兩家茶禮果個，有另一半，但又受唔到外間既誘惑，即係對自己另一半既愛不足以 keep 到一段 one on one 既關係，對方唔可以同你行到最尾，應該發現問題就斬纜，拖泥帶水就最唔應該；對住新果個，如果冇放棄舊果個，唔代表係負責任，反之係對自己個心同感情一種最不負責任既表現，唔好妄想係感情上可以享齊人之福，齊人之福可以 work 一般都只會係物質上 compensate 到，係唔係有 true love，心照

maymaylove
 
 因為果 d 男人唔重視一個健康既家庭
 佢地唔想係感情上負責任

maymaylove :唔係wor 如果你食得注佢...佢會佔佔服服

妳遇到唔鍾意俾人食住既男人，只係証明左妳唔係 the one 而已

earthworm : yes you're rite.

maymaylove
 
 我絕對係過來人,喺呢個情況下我哋始終都破壞咗人哋,但係我好明白感情既嘢好難講,不過我真係好想講,如果唔係深得好緊要的話,放手吧,因為當中所受既苦,唔係人都可以接受到,因為段感情始終都唔健康,加上自己又投入咗呢段愛情裡面,嗰種感覺都係會好痛,其實我而家都受緊呢d苦,我已經冚入好多個好多個痛苦當中......
 
 好似其他人咁講,睇你想要d咩.....

其實做第三者先係最痛苦果個，因為一般一腳踏兩船果個會俾好多期望同承諾予第三者，expectation 愈高，傷得愈重

earthworm
 妳都做過第三者?

vio
 
 我做過第三者呀！不過，我係男而唔係女，相中人係我最愛既女人

我成日做第3者架都,,,

你相入面個女仔好靚...係你以前女朋友?

earthworm
 
 講得啱,期望愈高,愈容易傷得重,最麻煩既就係我嗰個比咗好多承諾我,以前既我我會好天真好傻相信所有嘢,但係時間越耐問題就越多,到而家我已經唔敢相信咁多,其實邊個會想做第三者,可以既當然唔好啦,所以maymaylove,我處身喺當中,真係深深咁感受到健康既開始係幾咁重要,起碼唔洗亂諗咁多愛情以外既無謂嘢,都係嗰句,三國戀真係好辛苦,除非係玩玩吓啦,但我感覺到喺呢到發表意見既,都唔係player,都係對對方認真,當然將來既嘢係無人會知,但係而家所感受到既都係苦!!

sorry,係三角戀....
 
 想講多句,同得嗰個人一齊,一定會係開心既,但係當中可能係需要用某d痛苦去換返嚟!!

DFMAN1020
 
 相中人你我等緊既女仔，我地依家仲有來往，我係待機中既角色
 
 
 little_sheep
 
 哈哈！妳都知道等價交換呢回事！要開心，係要付出同 put effort 架！let say 你鍾意打機，但你連拎起個手掣都懶，又點會打到機呢？
 
 anyway，我信因果，做 d 自己覺得係應該做既事，起碼對自己有個交代先啦！

今日打風大家好嘛??

老實講,大部份男人係唔會去主動離婚嫁.佢地會覺得分開咪得囉,使乜離婚.況且仲要分身家,分層樓...好多野都對男方不利嫁. 通常都係個女人忍到先去攪離婚.
 所以,男人比第三者既承諾絕對唔好信. 佢地只會拖. 唔係佢想唔想離婚,只係唔主動啫. 或者咁講,好多男人都拖泥帶水,有時要女人去做決定.

咁女人俾一個男第三者既承諾，信唔信得過呀？個女既未結婚

苦苦
 
 大家既睇法都好相似,離婚洗咩咁急啫,分咗居已經得啦,男人喺感情同一d麻煩事情上面真係比較拖泥帶水.....
 
 earthworm
 
 喺我角度女人喺感情方面喺比較決絕,如果佢係唔愛個男人而又出現咗一個愛既男人的話,處理呢d事一定比男人快好多,我唔知你等咗你女友幾耐,都係嗰句,你愛佢咪信佢囉,而我覺得情感上女人係比較忠誠,對一個唔愛既男人絶對唔會拖.....你同佢相處你自己最清楚,總之,關係同等候時間越簡單越短越好.....
 
 各位,瞓先啦,c u all later!!

earthworm: 女人容忍力可以好高,但到最後一定會係最絕嗰個. 你既情況,你女友應該兩個都愛,都唔想放棄其中一個. 比我都會. 我想問你你女友另外嗰邊知唔知有你响到?
 sheep: 我記得識我男友時佢已經分咗居,基本上我可以話我都唔係第三者.因為timing既關係,佢婚姻有問題>我先出現!而當時我會繼續呢段關係係因為我覺得佢既上一段感情都就完結,我只係同佢開始另一段新感情..並唔係三個關係oY! 但後來發覺,唔係單單鐘意就可以一齊. 我好肯定當時佢係愛我,但男人其實都幾理性,佢唔會單單為咗愛情去破壞佢既一切

sheep:你男友有小朋友嘛? 如果有,離婚又更加麻煩. 你知d人明明婚姻有問題,都用一大堆借口去唔離婚,小朋友係最大既一個借口.

剛剛看到呢個 post, 其實我同 Sheep 都好似,我就等左八年, 個男人今年至話攪掂, 由初初 push 佢 push 得好緊要, 到最後簡直心如止水, 唔經唔覺八年喇, 而家佢攪掂哂,反而我覺得佢唔啱我, 但我年紀大了,想再找一個已經很困難了,所以 sheep 你要從多角度去看,這個男人是否真的適合你,否則只會浪費時間, 不要像我才好.

嘩...八年真係好耐呀. 有時當局者迷,板主呢個時候當然覺得個男人適合佢,佢先會繼續呢段關係.
 我自己都係,當初都不停問自己究竟係愛定係好勝!不過無論答案係點,我淨係知自己唔會放手囉.

另外果個人知道我既存在，亦知道我同我女朋友既關係
 但就死都唔肯放手，好似想鬥長命咁.....

我以前有個女性朋友又好似你女友咁. 兩個男人都唔放手,最後大佬爭win二佬,表面好似ending咗. 一年後,我朋友大咗肚,個"大佬"陪佢落咗(當然我朋友都願意,因為得廿零歲).落咗第二日,個男人走咗佬,電話都cut埋..
 
 有d男人都幾恐佈,表面好似忍受到,原來處心積累咁去報仇. 希望你女友嗰邊唔係咁啦.
 
 我初初唸住你女友嗰邊唔知的話,你可以做d野等佢知. 因為男人好怕戴綠hat,好多都忍唔到.

不過聽你講,男人有時真係比女人理性. 要知道,不論男女,响呢d關係,無論大婆定大佬,一發癲,一迫對方就一定死梗. 反而唔迫佢,對方仲更加內疚,覺得唔可以離開佢,姑負佢. 唉....

我覺得你應該忍痛離開
 唔好再浪費青春..
 
 男性而言
 我覺得佢有心做既, 根本唔會有呢d問題
 唔會拖你
 而你亦都唔想再拖落去..所以分開應該係比較理性既做法

苦苦
 
 我嗰個係無小朋友既,只不過呢個moment我都唔知自己想點,我明白,愛佢就會忍受到某d嘢同埋係唔捨得去迫佢,但係我真係好驚好無信心,而你既case起碼都簡日好多!!
 
 earthworm
 
 如果我係你女友,而又已經唔再愛現時既男友既話,我一定會好決絶咁同佢分手跟住同你一齊,我希望你女友都係咁,最好就唔好拖咁耐,係真架,我相信人係會有惰性,拖拖吓而對方又接受到既咁咪遲d先囉,但係問題只會越嚟越多!!
 
 petsfinder
 
 八年真係好耐,咁呢段時間你咪超辛苦囉?我就嚟30啦,我愛佢,但另一方面又好驚,好驚到最後都唔得,介唔介意講你幾多歲呀??

我都覺得愈拖得久就愈麻煩

sheep: 我個case都唔簡單嫁.因為佢有小朋友,所以其實佢唔想離婚嫁. 佢當年同我講,離婚唔係佢兩個既事,仲有小朋友,仲有大家屋企人,仲有好多野...
 當時我好有信心嫁. 因為我後生又靚過佢. 不過有信心又點,最後佢同我一齊都唔係因為呢d因素. 係個女人自己放棄. 如果個女人最後唔係自己咁決絕去攪離婚,我今日都唔會同男友咁幸福. 其實我冇贏到,個女人都冇輸到.
 不過你個case,我估佢地會離婚,只係遲早問題. 女人好麻煩,今日佢可以話原諒個男人有第三者,但始終條刺永遠响到.佢將來一定會番舊帳..就算個男人冇第三者,佢會千方百計去搵証據去証明佢有..女人永遠都活响呢個陰影下. 終有一日會頂唔順.

苦苦
 
 其實我都覺得最終佢哋會離到婚,真係遲早問題,都好似之前咁講,我已經等到驚等到怕,因為呢幾年出現既問題實在太多,令我對呢段感情已經失曬信心,睇唔到我同佢既前景同將來,而家叫我keep住落去既就係我依然愛佢,但係咪咁就夠呢?可能佢而家唔想都唔出奇,唯有好似你咁講,試吓唔好咁著緊任何嘢,希望自己放輕d會好d!!
 
 earthworm
 
 希望你可以同你女友好好傾吓啦,真係唔好拖太耐!!

你呢段時間有冇其他男仔追先? 或者有冇其他男性出現你又ok嫁?

其實都有,有一個條件仲幾好,但係當時太專注落佢到,咩都睇唔到,就算到而家想離開,都無心去睇其他嘢,呢樣就係我而家既問題,想同佢一齊但好多嘢都唔許可,亦都唔知佢想唔想,走,又無心無力去搵,我都覺得自己唔知想點,我知道只要自己意志堅定,無論咩決定都好,自己都會行得較順利,最慘就係我企咗喺個十字路口到.....

其實我覺得，如果有第三者出現，同原本既伴侶關係死亡率基本上係 100% 架喇！
 
 因為伴侶滿足唔到自己，第三者先有生存空間

其實做第三者真係一d都唔好受!!

其實你知自己想點. 你係想同佢一齊,但又知冇結果. 不過比自己好多好多既借口去等佢. 因為愛佢,想等佢,心入面唔接受第二個,就算條件有幾好,都唔及佢咁好.
 明明把口同自己講:其實佢有乜好呢? 但就好似中咗咒咁,瘋狂咁愛上佢. 唉...
 其實你個角色已經開始咗,所有人都會覺得你係衰人,永遠都係!既然都做咗衰人,你點解唔試吓再衰d. 做d野,盡地一鋪,win當然好,輸就走.

其實我覺得，如果有第三者出現，同原本既伴侶關係死亡率基本上係 100% 架喇！
 
 因為伴侶滿足唔到自己，第三者先有生存空間
 
 完全贊成! 感情原本係冇問題,有幾多者出現都破壞唔到. 第三者既形成,其實係有一d唔肯放手既人做成.

再做d咩既衰嘢呀??

離婚只係遲早問題. 女人好麻煩,今日佢可以話原諒個男人有第三者,但始終條刺永遠响到.佢將來一定會番舊帳..就算個男人冇第三者,佢會千方百計去搵証據去証明佢有..女人永遠都活响呢個陰影下. 終有一日會頂唔順.
 
 >>苦苦講得好, 事實的確如此

對自己衰 d，做到 120% 對佢好，如果都仲係失望，死心會死得盡 d

其實都好自"弱"吓,不過我而家都係"弱"侍緊自己!!

只有自虐到某個地步，自己先會醒

sheep: 我以前最後一次試過咁: 响大家冇搵對方一段時間,有一晚又走埋一齊,我唸個女人當時以為男友已經冇再同我聯終. 但嗰晚我係本住大家攪住一齊死既終指,我用佢電話send sms比個女人話佢知. 之後男人冇再搵我,佢地都冇即劇離婚,不過我可以肯定個女人已經响我陰影下,再加埋佢地之間好多既問題,最後都分開.
 我仲記得最初佢發現有我既時候,佢話哂比我男友家人知,又發哂癲咁,令到個男人好討厭.
 如果你可以再令個女人發癲,迫到佢主動d,咁你機會再大d/

苦苦
 
 我諗呢個方法未必啱我,因為個女人講過,如果比佢知道同我一齊,佢一定會攬住唔放,因為佢話就算佢得唔到,都唔會比其他人得到,而我男友亦覺得就嚟攪掂,所以唔想再加添任何既麻煩嘢,再加上我男友覺得始終係傷害咗佢,費事再整多佢一次,再喺呢件事上面再複雜化,其實我最concert個問題係我覺得我bf而家對住我都好大壓力,佢都話會好驚我,因為我會成日係咁話佢,比壓力佢,可能要好似earthworm咁講,唯有對佢好d,自己卑躬屈膝d,唔好再迫同再比壓力佢,但係以我既性格我知道我會超辛苦,覺得自己好委屈,其實我骨子裡係好angry好唔開心,但一方面又愛佢,而我對佢又無信心,所以自己先咁困苦.....

其實你bf離婚係咪因為你?定係有其他問題? 如果佢真係攪得離婚,個女人冇理由唔知係因為你... 如果好似你咁講,個女人一早講明佢唔要都唔比你得到,咁個女人根本唔會離婚.就算bf同佢講已經冇同佢一齊,佢係唔會信囉.
 所以,你唔好咁大期望.等住佢咁搵另一個吧啦. 或者,唔好當佢係男友咁睇,當佢係一個sp看待,咁會好過d.

苦苦
 
 咁當然佢離婚都係因為我架啦,個女人都知我既存在,但故事一路發展落去既就係我bf"門"住佢話無都我聯絡,咁個女人咪開始慢慢放手囉,直到而家咁,我bf咪大約一年前到搬返去阿媽到住囉,你知嘛,我個好朋友都好似你咁講,等住佢再另第二個,我就係接受唔到呢樣嘢,一係就分開,一係就一心對住佢,所以我而家先咁辛苦,想走但又唔捨得,個心又唔可以放嚟第二個度,又或者未有一個我覺得好啱既人啦,苦苦,介唔介意話比我聽你有幾大?

至於你話當佢係一個sp,我諗我呢方面都真係唔得,愛一個人先可以架嘛!!