同一個步伐唔一致既男人一齊,覺得行得好辛苦!!!

我廿五. 識我bf時我廿二到,仲係唸唸讀完書出黎做野.有好多精力同青春去玩呢個game...

咁你真係好我好多,你仲有好多精力同青春去玩,我都就嚟30啦,無精力同青春再去玩呢個遊戲,亦覺得好難去識第二個!!

三十既女人都好吸引,好難去識第二個唔係因為你三十,係因為你心入面有佢. 就算我嗰時得廿頭,一樣覺得好難識第二個. 中間有一年我同佢大家冇搵過,見到都當唔識. 嗰時都有人追我,我都有同其他人發展過,但完全投入唔到. 我以為自己放低咗佢,原來唔係. 因為當我依家同佢真正一齊,我先知原來之前我同其他人拍拖投入唔到都係因為佢. ..唉..我唸你都會係咁.

或者未有另一個令你更死心塌地既男人出現. 响呢個人出現前,睇怕你都會一路沉淪下去...

苦苦

你真係講得好啱,呢d真係要經歷過先感受得到,你估我哋想咁架咩,就係喺一d wrong timing既時候愛一個人.......

真係要經歷過先會明白我地. 我好憎d人成日話我地係破壞者,講一大堆道理. 我想問嗰d人自己有冇試過呢d經歷.

好耐之前我有個朋友都係咁,同佢上司有野.但就明買明賣既.我都好憎佢,當時仲成日話佢咁係唔啱,做第三者唔好. 但自己都估唔到幾年後自己重行佢舊路,仲要比佢更狠.

我都成日同自己甚至其他人講,我冇錯.我只係敢愛,感情呢樣野根本冇話啱唔啱. 做乜要比一d所謂既道德同世俗眼光去阻住我.

唉,有邊個想做第三者,如果我哋係玩玩吓既就無謂,放咗感情落去先至死,留喺到又辛苦,想走又唔捨得.....

咁你依家一個人响屋企呀? 放假或者節日佢陪唔陪你?

而家就喺個fd既屋企,咁如果放假又或者有d節日都會陪吓我,係陪吓囉,因為佢屋企人都唔知我既存在,所以真係覺得好無癮,你呢?

我响屋企囉.不過當然唔係一個人啦. 我地一住齊嫁. 我同佢一齊兩年,住埋差唔多一年,個感覺好sweet,好幸福.可能因為我好辛苦先得到,所以依家感覺特別甜蜜.而且佢都好錫我,寵我. 不過我都好擔心自己咁樣唔掂,因為我心目中只有佢,甚至差唔多失去埋自己,可能我又冇做野啦,世界只有佢咁. 所以我都決定九月要番工lu.

苦苦

我真係好羨慕你,我同佢都唔知可唔可以,點解無嘢做呀,雖然我都好明白,可以成日痴住佢,呢樣就係我呢幾年同一路都想,但係點都要做吓嘢既!!

冇野做係因為我懶同埋想多d時間陪佢,可以响屋企做下家務,煮飯等佢番黎..我覺得好幸福. 而且又唸住比自己放吓假,但一放就半年喇,雖然佢冇話過我,不過我都要完咗我既大假喇. 搵野做等自己個世界唔好淨係得佢.

其實我都估唔到自己可以同佢一齊..不過我朋友多數都唔中意佢,因為佢以前對我唔好,傷害得我好緊要.

不過我唔介意佢離過婚,甚至有細路. 因為有經歷佢先識得去珍惜下一個.

苦苦

其實某程度上我都同你幾似,都係曾經又或者一路都傷害緊我,但鬼叫自己鍾意咩,而家你感受到d咩你自己最清楚,好難同其他人share,因為佢哋唔會明,咁都係自己既朋友,佢哋都係care你啫,好希望好似你咁,不過都真係要自己獨立d,搵工加油呀!!

我希望你會好似我咁!

其實唔好話呢個角色,女人既角色根本唔易做.

以我為例, 我男友同佢前妻就算未離婚的話,嗰個女人都一路活响我陰影之下. 好喇,佢地離咗婚, 新一段感情已經响我同男友之間, 我都不時會唸起男友之前既一段感情.

女人既猜疑同感覺就係永無不息. 呢d就係愛人既感覺! 但當你有被愛既感覺多過愛人既時候, 你就唔會去希罕.

"女人既猜疑同感覺就係永無不息. 呢d就係愛人既感覺! 但當你有被愛既感覺多過愛人既時候, 你就唔會去希罕"

��,講得真係好��,而家我就係感受唔到好多被愛既感覺,再加上佢而家好多�炡ㄔ禰憬�朗,又猜疑,亂諗同其他既感覺,所以我行得好辛苦愛得好辛苦,但又唔捨得放手!!!

苦苦

妳去憎 D 人話妳地第三者係破壞者既同時

妳有冇諗過係咪所有第三者都係為左愛而存在 ?

妳估所有第三者都係為左真愛

唔會為左錢 ? 為左面子 ? 為左好玩 ?

我夠好唔鍾意女人成日話男人又花心又賤格

不過我眼見有好多男人真係咁

我應該憎 D 女人咁樣講野

定係憎 D 男人做衰男人個格 ?

妳話人地用所謂既道德同世俗眼光去阻住妳

我覺得唔承認第三者既地位唔係因為道德

而係保護緊其他人

如果有一日第三者既地位會被承認甚至被贊同既話

男女既感情世界就會失衝

妳估有損失既會係邊個 ?

只係單單為左一個愛字就要破壞男女現有既平衡關係而令更多人受傷害

我覺得係一種好自私同愚蠢既行為

所以無論第三者既愛有幾認真都好

都只會成為社會既犧牲者

為既唔係反對妳地去愛

而係為左大局著想

妳敢愛就要敢接受犧牲

最後想講既係

唔係妳做過第三者就覺得所有第三者都係妳既好姐妹

就好似妳既朋友咁

佢做第三者既目的未必同妳係一樣

對事唔對人會比較好

sheep: 我唸你男友短期內都唔會離婚住. 所以我睇你都係放手好d,十分既付出都得唔到一分既回報,係好痛苦既事.

我聽你咁講,你男友就算有心去離,都冇力去攪. 慢慢咁放低佢對你黎講都係一種解脫.

或者將來有一日,當你地大家好耐都已經冇搵對方既時候,佢又再出現而又攪掂哂佢所有野. 係你就係你既. 你可以咁樣去証明你地既緣份.

苦苦

其實都有好多人叫我放手,只不過係我自己唔捨得,而我bf亦都話不如等佢攪好曬所有��,到時再搵我睇�鴾j家點,只前都有分開過,係我自己唔捨得放手,唔捨得唔見佢,我而家咪�鬗Q字路口到,咁先辛苦!!

冇人可以幫到你嫁. 你忍痛d,唔好再搵佢啦.

我知道係藉口,我下個禮拜生日,好想佢陪我過,我諗不如過埋我生日先啦,其實我真係好無用,之前我提出個問題話分開,佢都話好,但係唔夠幾日我又搵返佢,i know i'm useless,之前你忍痛同佢分開係點架??

我都冇話用D方法去離開佢. 因為嗰時我覺得好辛苦,唔想再為佢咁傷心. 我記得最後一次我扇佢一鑊, 之後佢唔再搵我, 我都唔再搵佢,DELET哂佢以前既SMS同電話.

而嗰時好彩我啱啱搵到份好啱自己又番得好開心既工作,所以用工作去忘記佢囉. 迫自己唔可以搵佢,其實應該話搵佢佢都可以唔理我喇. 因為我扇得佢幾金我估.

我同佢既關係都好難話切就切,我而家開始慢慢放輕呢段感情,唔好太專注落去佢到,我試緊,anyway,我都好多謝苦苦的既意見!!

你同佢老婆係共生既關係,佢有老婆再加上你,偷偷摸摸,享盡齊人先有樂趣,當佢離緍後,你變正印,嗰種感覺己經唔同,佢老婆離開日,亦係你over既一日,