如果你有個咁嘅阿媽，你會點同佢相處？請比啲意見！
-
咩解你媽媽會咁架？係性格問題，定相處問題呀？對個個都係咁定剩係對你係咁喳？你有無了解過咩原因？
-
以上問題係問w
-
我阿媽的舊事我唔想提....提起個心唔舒服..(其實係she都講唔少)
<br>我諗我已做到對我仔女冇代溝..
<br>女的朋友仔們來我家玩，我可以加入其中..
<br>他們失戀又來找我訴苦，現在間中都會打電話來找我傾計
<br>
<br>你們唔好諗住可以改變阿媽，不如當係反面教材好過，第日懂得點樣和另一半相處和點樣去愛錫自己仔女
-
佢起碼係對我同家姐係咁先 我諗真係性格問題, 脾氣好差 我諗有少少係因為佢係獨女, 其他果d係仔 所以有人(種)慣佢
-
push...呢排有好多關於阿媽啲thread
-
我媽又一力作．．．我只係無心講錯一個字，佢可以好似瘋狗症咁吠足半個鐘．．．點解話佢似瘋狗症，因為佢吠到離曬題，我只係無心講錯一個字，但佢講到我好似十惡不赦，要即刻拉我去打靶咁滯
-
鬼叫佢係阿媽~~~~
-
其實呢啲阿媽好多都欺善怕惡架,佢地好識得揾啲怕事軟弱啲既仔女黎恰,佢地其實都好冇安全感,所以想控制住某啲仔女黎滿足自己
<br>
<br>不論自己仔女有幾大，做父母都唔應該把自己的脾氣發洩在仔女身上>>>>Agree!!!
<br>
<br>我阿媽冇你咁開通開明,我阿媽以前受左我阿麻啲氣,俾我阿麻指指話話會返屋企駡我同阿哥出氣,有時佢會谷谷埋埋打我地架.有時好少事佢發脾氣打我地真係好慘,好憎佢.
<br>
<br>點解d亞媽都係咁煩, 好少老豆會咁 我諗d女人都係小器, 記仇所以先咁難相處>>>>同意,一定係!!!
<br>
<br>女人同女人之間特別多相處問題.如婆媳問題,母女問題,女上司女下屬問題,女同事和女同事問題等等,好多男人怕老婆都係嫌啲女人麻煩同記仇,男人最怕煩架麻,所以乜都就哂個老婆,費事嘈.
-
我同阿媽又再陷入冷戰之中．．．佢係慶緊而唔想同我講嘢， 而我係唔想再聽佢講啲難聽又離譜嘅說話所以唔想同佢講嘢， 只有唔同佢講嘢， 先可以唔比佢果啲難聽又哽耳嘅說話激親自己．．．好無奈又無建設性嘅做法．．．但我真係無曬辦法
-
只有唔同佢講嘢，先可以唔比佢果啲難聽又哽耳嘅說話激親自己<<<<<<<<<
<br>
<br>係架，我都唔會同阿媽嘈，好彩係我與佢唔同住，但我每日打3次電話比佢，如果佢無理取鬧，我立即收線....
<br>
<br>題外話：
<br>其實我阿媽d剛烈霸道幾似梅媽媽....好彩係佢d女未死和冇敗家仔咋
<br>我弟婦搵錢能力好高，我阿媽叫佢唔好講比佢外家聽，話驚佢d阿哥家姐痴飲痴食喎
-
我唔只唔同阿媽嘈，係直頭兩個星期無講過半句說話．．．零溝通．．．咁好咩？！ 一啲都唔好唔開心．．．
-
咁好咩？！ 一啲都唔好唔開心．．．<<<<<<
<br>係唔好架，但冇辦法，佢唔岩我一定唔會附和佢，但與佢反面咩，我真係做唔出，佢係我阿媽，佢幾唔岩都係我阿媽，冇得揀
<br>正所謂，如果老公唔岩，都可以丟左佢，阿媽就係阿媽！
<br>如果咁係愚孝我都要接受！
-
原來咁多人同亞媽都唔係咁好關係 我以為剩係我係咁 我讀唔到書啫 唔駛成日攞黎講 好傷心呀
-
除咗嗔，有無一啲同阿媽相處得融洽嘅人分享下，我唔係剩係想講阿媽點唔好，我最想知係有咩方法可以同阿媽相處得好啲