有人問我: 點解結左婚之後, 一定要同老公住??? 我真係唔識答佢... 但係佢咁問, 我心諗: 又係喎, 點解一定要咁做呢? 有無人可以比到答案我?
-
-
<br>如果你結果婚而又唔同你老公一齊住...咁邊個黎看住佢~~
-
咁結婚係為左乜野?
-
我係女人, 我呢個topic, 其實係有感而發.
<br>
<br>我眼見好多人, 好多同我同齡0既女人, 真係連拍拖都拍得唔開心, 但係又會好想同對方結婚(女性居多).. 其實, 我真係唔明白:
<br>佢地究竟係好愛對方而結婚?
<br>定係還是為嫁而嫁?
<br>結左婚, 係咪又代表一定會幸福開心?
<br>女人0既最終幸福係咪一定要結婚生仔?
<br>
<br>我今年26歲, 幸好我暫時唔恨嫁.
<br>但係! 我好驚終有一日會好似佢地咁.
-
如果個老公係錫自己的開....開心
<br>
<br>如果生咗bb你錫佢的話...仲開心
<br>
<br>所以我覺得............非常...開心 滿足 快樂 甜蜜................
-
但係依家有好多人連拍拖都拍得唔開心, 仲講結婚.
-
呢個世界係相對 有開心 有傷心
<br>
<br>睇你用咩心態去對代 緣來時捉實 緣去時隨緣
<br>
<br>唔開心之事 我只記二成
<br>好開心之事 我會記十成
<br>
-
我真係好希望我呢一顆"唔恨嫁"的心, 可以持續保留落去.
-
凡事有返自己就會開心. 無論單身定結咗婚
<br>如果結咗婚之後, 要依附個老公, 無咗自己, 日子耐咗, 真係好易會唔開心, 尤其有d老公出軌, 呢d無咗自己既老婆, 就會好似要行刑咁, 生不如死
<br>相反, 為自己而活, 結咗婚都有自己生活, 將婚姻生活同自己生活共存, 就可以開心囉; 凡事講"平衡". 恨嫁同唔恨嫁當中取個平衡, 先係最最最開心~
-
點解結左婚之後, 一定要同老公住??? <--
<br>因為次序亂左所以妳答唔到e個問題,唔係結左婚一定要同老公住,而係想同對方一齊生活一齊住先結婚. ;)
-
心旦
<br>
<br>如果有左細路仔的話, 都幾難會可以有自己0既生活.
-
好少
<br>
<br>日見夜見... 唔... 好易悶.
-
最低能的第七天,
<br>妳同屋企人日見夜見會唔會悶?
-
好少
<br>
<br>講真, 我愈大愈唔痴家. 皆因我係一個容易會感到悶0既人.
-
你最適宜做性工作者
-
你最適宜做性工作者
<br>
<br>by hero - 03/11/08 14:49
<br>
<br>
<br>哦~
<br>唔該曬.
-
幾時開張, 通知聲
-
最低能的第七天,
<br>妳覺得父母同兄弟姊妹好悶?
-
我一直都以為, 男人先至會容易覺得悶, 原來我0既諗法係錯, 女人都會.
-
廿六歲 睇下你有冇母性囉
<br>有的話 你會想結婚
<br>冇的話 你會想自由
<br>
<br>我廿六歲時 我已經生咗個女囉
-
有小朋友都可以有自己生活. 最多係無咁有彈性同唔可以流浪旅行嗰種生活啫. 有小朋友, 可以交低俾親人湊, 自己去同朋友吃個tea睇場戲, 輕鬆幾個鐘, 之後返去又同小朋友生活囉.
-
開心
<br>
<br>咁我可以話你聽, 我暫時未有0羅.
<br>
<br>睇黎, 我都唔適合結婚.
-
最低能的第七天,
<br>妳覺得父母同兄弟姊妹好悶?
<br>
<br>by 好少 - 03/11/08 14:53
<br>
<br>唔可以話好悶0既... 之不過, 係想出去見多0的野, 再擴大自己0既圈子0者.
-
一諗起, 第日如果我真係結左婚的話..
<br>一諗起, 0個種束縛, 我就覺得唔開心, 好唔舒服..
<br>
<br>我唔知我第日會唔會變得恨嫁, 但呢個至少係我依家0既諗法.
-
咁咪得囉
<br>遊戲規則唔會可以配合哂全世界, 梗有d人啱玩, 有d人嫌低能, 有d人不屑一玩.
<br>最緊要你開心咪得囉~
-
我31,已經過左好想快D結婚果個年紀,唔結婚,唔需要日對夜對,間中有個人空間,有時候又掛下佢,幾好。
<br>不過我因爲父母關係,所以一定要結婚,我打算結婚後會分房睡,因爲唔會0甘容易悶。
-
may
<br>
<br>
<br>咁你認為, 邊段時間先至係女人最恨嫁0既年紀呢?
<br>
<br>又, 你話婚後分房訓, 你老公肯唔肯?
-
心旦講得岩架
<br>最緊要係適合自己既生活
<br>我既生活 我好滿足 你可能會覺悶
<br>你既生活 你好享受 我可能會疲倦
<br>岩自己就開心架啦
<br>唔傾住啦 我去接放學 但我好開心
<br>有緣再傾啦 拜拜各位
-
一齊睡会好悶架,正是想不通!
<br>你老公想一早攪你咪耍好好麻煩
-
其實呢~ 我一直都有一個癲癲地既諗法
<br>一對couple對得耐一定悶. 一方唔悶, 另一方都會悶.
<br>咁我就會諗, 不如唔好結婚, 只拍拖, 拍5-6年, 大家都悶悶地時就好分手喇. 拍拖期間唔同居, 一人一間屋, 你得閒黎我度, 我得閒去你度. 各有空閒...
<br>
<br>我講完, d男性朋友個個叫好. 但女人就覺得ridiculous.
<br>
<br>可能係....太似無腳既雀仔卦?!!!
-
心旦
<br>
<br>
<br>其實, 你呢個建議都幾好~
<br>
<br>可能我就係因為同男友同居得耐, 所以會有呢種感覺.
-
我早排仲比男朋友話我: 乜你成日都會覺得悶架咩? 你尋晚先至同朋友玩到通頂, 你唔覺得累架咩?
<br>
<br>我答佢: 係呀, 我又的確幾易悶架, 但又唔覺得累喎~
-
我本身好悶得, 所以有少少節目已經好開心.
<br>要開心, 基本要投入, 如果樂在其中, 就唔會覺得悶
<br>我連去飲杯嘢睇吓書, 磨一個下午都好會開心. 因為忙�堸蓿�. 如果偷完都唔覺得開心, 仲係好悶咁...好似有點兒那個...
-
我依家個心態就好似容祖兒隻歌: 愛一個上一課... �堶惘野y歌詞:..... 逃避寂寞, 期待吃喝玩樂.....
<br>
<br>
-
版主
<br>你之後講既野已經同你個題目要討論既唔同
<br>
<br>一般感情好既人結左婚之後,都會想同老公住
<br>會覺得唔想,因為感情唔好,或者為結而結
-
天下間的男人,最鐘意就是你這種心態女人。
-
版友
<br>
<br>
<br>其實我都好想改變一下我0既心態, 但又好似好難咁.
-
天下間的男人,最鐘意就是你這種心態女人。
<br>
<br>by Rebecca - 03/11/08 15:34
<br>
<br>但唔係個個男人都欣賞我咁0既心態.... 至少我男朋友唔係.
-
但呢種心態有風險要付, 就係老來可能無人無物....
-
心旦
<br>
<br>你講得無錯.
-
當你覺得悶時, 你可以找我聊聊天食吓野
<br>
<br>May I
-
番番去版主既題目
<br>
<br>用最基礎去諗, 婚後住埋一齊, 係為左生兒育女
<br>
<br>生兒, 要攪野, 分開住好唔方更, 呢家野, 無話一擊即中
<br>
<br>育女, 係以前, 男主外, 女主內, 婚後男人依然為養家而煩惱, 所以要個女人留係屋企, 而減低男人既憂慮, 從而安心係外面奮鬥
-
呢樣係另一樣風險....哈哈!
-
所以話呢, 係現今社會, 都依然有一個論點
<br>>>>> 結婚係為左生仔; 唔係趕住生仔, 唔駛急結婚
-
簡單講, 係要有個有人等你既竇. 咁先無咁寂寞...
-
算啦~ 我想改, 但改唔到啦應該~ 哈
-
邊個要你改?
<br>你覺得開心咪得囉. 你都無影響到人
-
婚
<br>
<br>依家已經唔可以再係"男主外, 女主內".
-
你都無諗結婚, 使鬼理佢用咩方式生活咩???
-
心旦
<br>
<br>
<br>咁我又想問下你喇:
<br>
<br>如果一個會想結婚0既男人, 但係佢女朋友係唔想結婚0既, 咁個男人仲會唔會同呢個女人一世?