我想問我1個月搵34k左右,有雙糧,同屋企人住,比屋企4k, 算係多or少or合理?

it really depends on whether your parents are rich or not.
 
 e.g., If your parents have salaries/pension of more than 50k and a self-owned apartment as a place of living, 4k is ok.
 
 that is to say, if your parents have salaries/pension more than enough to spend, it is ok to pay less.

每次講/睇這類話題我都會好大感觸...我逃避...唔想再諗...
 
 我對生我育我的阿媽，在金錢上的回報，自問自己在這方面己做得好好，也百般遷就、呵護備至...
 到頭來，她只是對我一個要齊她所有要求...(我還有三個細佬，都係都在US,個個都有$過我)
 
 她要...我盡量做，今時今日都係....因我信因果....我要問心無愧....到她百年歸老時，我可以說句：「無憾」
 
 每年清明時段，我媽都很忙，因為我爹爹的生忌、死忌都同在這時段，但年年都為此事都得唔到弟婦施捨出時間...
 唔緊要，我擔大旗，但阿媽話外嫁女去理，係令外家貧窮，唉...我肯做還要我受屈?!要我做曬，但驚我得福
 我叫佢：「妳品比老竇聽...乜都唔好理我咪得lor....」
 
 今年這時段，我還要加埋陪阿媽去醫院做眼手術...因為我最得閒...唔緊要...好應該添...但根本是需要一人渣車，一人陪阿媽就最好，但除了我一個，搵唔到第二個...
 
 唔好意思，發發嚕0蘇...

我講以下，係唔好計較，好多時係無得計，自己認為做得到就做...
 
 對父母...除了回報金錢，也需要回報關懷
 我每個星期最少抽一天陪媽出街吃飯、飲茶
 每日，隨時歡迎她來我家，她可以橋埋雙手，我煮她喜歡吃的
 她在弟處要煮比新抱食，還要裝好飯，裝好湯，弟婦才落樓...
 弟弟們去旅行，她從來冇份，她還好開心話自己唔鐘意去...
 我和老公去，佢一定跟
 短程我一定帶埋佢去
 今次我和老公和仔女準備出門....會行好多路...
 唔帶她去，她黑口黑臉
 點解她從不給我喘息機會????
 我女問我：「媽媽，點解婆婆禁偏心？」

唔明你只係指明弟婦唔去際爹爹的生忌、死忌?咁細佬呢? 老婆唔去, 咪佢去
 仲有, 你地姐弟家境現況唔差 , 我相信比一般人很好, 點解唔請個鐘點或工人, 又或請個助護照顧你媽咪
 
 
 但係睇倒所講, 又點似我現在狀況
 媽媽只敢向我日呻夜呻, 唔敢違抗哥嫂, 佢地結婚十年, 未有一年係香港陪父母過, 嫂亦未有去拜過山, 阿媽又唔敢開聲, 怕關係唔好!又係既, 如果阿媽對哥嫂囉嗦, 佢地一定好討厭媽, 撇開之前所講, 哥嫂不過不失, 基本盡責做倒, 如果媽要求再多些, 大家關係變得很差, 因為媽順得人, 所以減少家嘈屋閉
 媽金錢上幫哥及家姐首期資助, 而我沒有), 我沒所謂, 哥家姐對家金錢都付出較多, 但係我知媽個心很錫我 , 佢絶對係慈母及善解人意好奶奶(如果奶奶好似媽咁, 我一定可以比真心好似對媽咁錫佢)

佢地結婚十年, 未有一年係香港陪父母過""農曆新年,

你講開弟嫂去旅行, 我醒起奶奶以前對我講足一年, 長氣之餘試圖同我洗腦, 話細叔對細麻唔好(老金細麻), 又唔帶佢去旅行, (細麻當時七十幾八十歲), 又話某某唔請奶奶上屋企坐
 但係奶奶對老公阿爺, 咪又係叫佢唔好上黎 , 因為阿爺話佢�伄D, 錢只分比對下叔仔
 而我曾經諗過陪奶奶旅行, 經過好幾次一齊出門返大陸, 其中一次有我媽在場, 當老公一離只得我地三個, 奶奶由朝鬧及囉嗦到晚, 對我媽姪女不放過, 令我媽好騰雞, 當老公不在場, 奶奶平日唔會表現及一啲說話即表現出黎, 那次老公一離開一日半,短短時間很不愉快, 表演一場獨腳戲
 所以我暫時唔敢打算同佢去旅行, 探親還可
 即好似嫂叫媽去旅行, 我嫂會開口, 但係不會照顧媽, 因以前試過, 令媽旅程不好受
 所以媽只親我兩姐妹, 去旅行搵我地陪

((唔明你只係指明弟婦唔去際爹爹的生忌、死忌?咁細佬呢? 老婆唔去, 咪佢去))
 我係好錫三個細佬..唔想講他們不對...唉！
 爹爹是安放在媽家，媽家在Mid-Town..很遠...她唔想我弟們長途拔踄「喎」！
 在三弟家拜祭，弟婦唔高興
 我話在我家拜，媽又話祖先唔會人我門口喎！因為我係外姓，和基督徒...
 另兩個弟不在NY
 我三弟在去年己請了住家工人，不用媽做家務，他們第一時間便過橋抽板，媽想在他家一嘗享清福的滋味也沒有...但工人轉了三個，當中媽便立刻撲返弟家做攝期！你話媽點會有工人服待？
 我未移民前我阿媽跟我住，她天天周街8,和街坊飲茶吹水，返到家我己煮好飯，等佢食！
 我曾對她講笑：「妳不如品神時望我發達好過啦」
 哈哈

相信妳媽和我媽心理一樣，唔想弟和弟婦不和，自己忍曬�
 但點解媽唔驚我和我老公不和？因為她知我老公對她也好
 但也要給點私人空間..等我單獨同老公去下街街...拍拍拖呱
 
 所以我好感激我老公...
 老竇死後，媽把副身家比曬仔
 我老公養了我阿媽10幾年
 每月比零用，去旅行比洗費，
 媽二個家姐(我大姨/二姨)都比埋
 點解？我媽要威，我老公就疼我阿媽
 後來媽才過NY幫細佬揍仔...
 
 倒到來，我們初到NY..在三弟家落腳...
 老公第一個月未做工...
 媽便給老公渾號「大閒人」

((所以媽只親我兩姐妹, 去旅行搵我地陪))
 呢點我好明，亦樂意陪媽
 但媽毫無感覺
 有好野一定係歸細佬
 親戚有問佢d錢去左邊？
 她答：「給老鼠拉走」

嘩! 唔怕奶奶有怨言咩?
 比我奶奶知道, 一定"hap"醋死, 方原十裡街坊荼客待應一定知

我奶奶算係咁...
 分兩階段..
 我在HK時，她要我們比最好的她，我們都盡量滿足佢...
 我老公五兄姊弟妹，我們對佢最好
 到我們要移民...
 她毫無怨言無話我們唔照顧�
 盡量令我們放心
 又叫我們唔洗太掛佢，跌倒又唔比我們知
 唉！反而令我好掛佢

可唔可以唔好再當版主係女人??
 
 我識既蛀米大蟲,大部份都係男人,呢版講既蛀米大蟲都多數係男人
 
 版主幾時有話過自己性別呀??????????

........顧家多數係女人..........!!!!!!!!!

其實又唔係既，
 真係要睇下本身個家庭環境係點，
 我父母由細到大都話我地知養兒唔係防老，
 生個小朋友出黎，就有責任養，如果下下計住第時d仔女點樣黎報答自己，咁樣會好辛苦，到仔女大左就無形比左個壓力d後生。
 所以我好佩服我既爸爸媽媽，
 佢地好識為我地設想，好似我地出黎做野，就已經話唔洗比家用，叫我地儲定多d錢買樓結婚，到結左婚又會叫我地留番d錢生 bb，講真結婚時都預左筆錢比我地用~唔想我地咁大壓力。
 所以我老公依家都好尊重我爸爸媽咪，覺得佢地真係對好好既父母。
 不過我爸爸係自己做生意，自己都好有能力，所以平時同佢食飯已經好開心。
 但如果有d係屋企狀況唔太好，但只求自己玩樂，唔比家用屋企就好不負責任囉，雖則我都唔贊成要養兒防老，但都起碼要人性囉。

我搵14k時, 己經拎緊10k 番屋企...
 
 不過睇屋企點睇啦... 最緊要父母開心...

我搵12K果陣都比4K阿媽啦，我仲要還學費呀，而家搵26K，我比16K阿媽，自己留10K用，包括還學費同交千五蚊租架啦，人地睇我搵二萬幾以為我過得好寬裕呀，查實我連出國旅行都未試過，鬼叫我做家姐，個細佬又細，父母又無錢咩，真係羨慕果d有幾兄弟姐妹一齊分擔既人，你地生活輕鬆好多

我亜媽比較重親情、細細個就出来打工養家、有一個細佬(即舅父)、一個妹(亜姨）、結婚之後、都有＄比返屋企。　我自己細個果陣、不過不失、住公屋。大個左、我同亜哥都自己儲＄去外国讀書。依家我、亜哥、家姐生活都OK、比上不足、比下有余。但有一件事最令我地幾兄弟都好煩脳。舅父、亜姨一家環境一般、有任何事都係由亜媽比、我自己就對一次過洗費都無乜所謂、但漸漸D表弟、表妹就好似老馮0甘。連舅父亜姨、表弟無＄、都問亜媽借(無得還果類）、我都同亜媽講、有急事要借＄就無計、但係毎年亜公、亜婆生日都係我地比、做人仔女、孫都吾係0甘亜馬。亜媽只係講兄弟無計得0甘、我又問亜媽、萬一、真係萬一你吾係度、佢地問辺個借亜？

我唔使供樓/車,無loan, 雖然搵34k per month, 但係要交學費(3k per month), 比4k屋企係想自己儲錢, 而且有我家姐頂住, 佢比屋企8k per month
 
 仲有,我無化身任何人去撩交嗌,唔想將呢度變成互相攻擊�鵀a方

比4k屋企係想自己儲錢<---d人咪就係唔認同你呢點lor.
 你家姐8000+你4000
 話多唔多.話少又唔少
 但係你果34K-3K -4K
 都仲有2萬7
 我會話我會比多d$屋企人傍身lor
 話曬佢地養到你咁高咁大你仲要係同住
 好心唔好咁汶水啦
 
 比多d就你呀媽享多d兒女福lor.
 
 你個priority係
 岩岩夠養你既家用
 其餘係自己C己$
 
 都幾自C wor!

of coz 少!!!!

如果實情係咁我會真係唔認同你.
 係咁我一定會比起麻$9000
 
 $4000當係養我伙食
 另外$5000係夫母零用.
 如果佢地唔要or 唔識investment
 幫佢地買d藍籌/基金
 
 點都好比d多餘既$佢地﹗

而且有我家姐頂住<--所以話做大真係慘﹗
 
 唔係話你家姐一定要比多d.
 亦唔係話家姐比咁多你唔可以比多過佢﹗
 你呢句說話出賣左你既為人﹗
 將供養父母既責任過左落家姐到
 自己比1份當交租交雜費﹗
 其餘落自己袋﹗
 鬼唔想自己儲多個$傍身咩....
 個個學你咁做人家姐呀哥父母真慘﹗

我冇諗過第時生左細路..佢地大個會用錢黎報答..只要佢地有返d成就..會理我..夠食夠住就得..因為佢地將來又要有一頭家..

有得去外國讀書窮得去邊呀?睇你講你搵萬三..咁你地而家脫貧未呀?你係咪曬野先..讀乜野成百粒..返黎搵得萬三..你家姐條數有冇計錯左..仲有你家姐點解唔嫁個有錢d..咁又可以脫貧..唔好成日以為自己好識諗..你俾我覺得你第日d仔女一定要俾足家用如果唔係就係蛀米蟲死仔包

我搵一萬蚊左右，
 我都比四千蚊啦！
 上年結左婚我仍然比四千蚊家用屋企，
 因為我老公可以支付屋企開支，
 我先可以照比自己屋企咋！
 另外過時過節我都會比$500媽媽。
 我都叫做做番女責任。

girl..咁你生唔生bb丫?到時你生左bb..可能已經冇咁多錢俾媽媽喇喎

世上太多痴線無名氏, 希望妳早日康復!

其實你比得多唔多都唔係一個問題
 
 做父母養得你咁大
 都唔會係要諗住你將來點回報佢吧..
 多定少都只係睇你自己的意願
 你比得多或少，你父母都會開心
 佢都養左你咁大，都已經養得起，會貪你區區多1-2k
 最多咪有多D買去買下野咁
 父母重緊要係睇你健唔健康同生活得好唔好
 你覺得係付4k或5k，都係盡一點心意
 你呢個月有能力咪比多dd，冇咪比少少囉
 
 當然如果果對父母好睇錢的，就另計=.="

唔出奇渦讀個degree最cheap 都要10萬一年學費.
 未計生活費﹐ 咁4年唔洗100粒都要80粒la 人地都話分開逐個semester寄$去咁有幾奇﹖ 唔比人地屋企幾個好努力咁做野供一個唔會供唔掂既. 我以前係外國好多同學仔係香港都係住屋村jee ma
 
 你真無品 ﹗﹗人地供個細既去讀書想脫貧你就叫人嫁個有$人﹖ 2回事黎ga 渦﹗

你令我諗起我呀E一家..把口勁臭﹗我出國時佢地眼紅我媽肯比咁多錢我去讀書同我媽講話﹕女洗鬼讀咁豪咩﹖揾個有錢d最實制﹗

版主, 你自己鍾意點就點啦. 我阿婆家有12個女, 我媽係最大. 有11個阿姨, 人地話10隻手指有長短係真的. 我媽咪就最多人尊重, 但係到大家都富貴時, 又有幾多個記得做大的係付出左幾多. 你唔嫌棄我煩就講你知, 好多野, 係你就係你, 無所謂, 個天會問你攞返的.
 
 我d阿姨就如下啦:
 2nd 老公破產, 3個仔全部反曬面 (一出來做野就唔俾錢阿婆, 仲要係出去食飯次次唔俾錢)
 3rd 老公俾人追巨額欠債 (叫我媽咪供佢去台灣讀書, 話搵到錢就對阿婆好, 但係發左達當之後粉筆字, 到後來老公欠人錢)
 4th 老公多病痛, 用曬d錢 (又係話怕阿婆俾錢其他姊妹用, 所以唔俾錢喎)
 5th 一結婚好風光, 做少奶奶, 但係好唔好彩我姨丈死得早 (佢話自己係嫁出去的女, 所以唔會好理外家喎, 老公一死就要出來做野, 仲辛苦過做女)
 6th 愚孝的阿姨 (俾到幾多都肯, 算做簡簡單單)
 7th 老公之前好有錢, 但係兩公婆敗曬, 要問人借錢被兩對仔女出國讀書(又係自私, 有錢時就自己洗, 到無錢就識得問家人幫忙)
 8th 職業強人 (一出來做野就搵到好多, 但係好識為自己打算, 俾少%的家用阿婆, 所以好有錢, 但係兩公婆現在好多病, 差不多一個月入一次醫院, 真係財多身子弱)
 9th 普通人家 (成日話阿婆唔鍚佢, 自己好慳錢, 對阿婆就仲慳, 慳到身體都差曬, 有錢都無用啦)
 10th 教會人士 (一向話鍾意名牌, 有錢買名牌, 無錢俾阿婆, 拍拖12年近結婚突然被那男人飛了, 好慘, 今年都40歲啦)
 11th 醫生阿姨 (好錫其他阿姨, 以前可能反叛, 但係長大後好珍惜, 係金錢上好想幫助其他阿姨, 不問回報, 佢現在無大煩惱, 因為個個都咁錫佢)
 12th 細姨 (對d兒甥勁好, 有成8個兒甥, 我地個個得閒就有2000蚊零用錢, 佢話有今時今日, 係因為有家人支持, 要回饋我地. 我有一次問我細姨, 點解你一d都唔會嬲其他阿姨, 佢話好多野係咁架啦"你唔洗錢係正常用途, d錢就會又不好的地方洗左去!!" 個天好識計算的, 要我唔洗咁抱不平 !!)
 
 我覺得其他人鬧版主又真係過激了, 其實講句中肯d的話, 講句"個天好公平"就可以了.

版主係自私左d架啦，佢話有家姐頂住，咁點解自己唔出多少少，等家姐唔使 "頂"，除非佢家姐搵好多唔志在，12k父母兩個人如果住房唔使花錢的話，都叫做夠用既，但版主自己話想儲錢，父母何嘗唔想有多個錢傍下身呀，自己就鬼咁鬆動，父母就慳儉過日子無乜多餘錢，咁都過意得去？

^....^
 (((講你知, 好多野, 係你就係你, 無所謂, 個天會問你攞返的.
 講句"個天好公平"就可以了.)))
 
 相信你年紀細我好多...但你好識諗...相信因為你生活在大家族中
 以上的說話我都係常用來開解自己....

可以話係開解自己架. 有時好無品的人可能真係會要風得風要雨得雨, 仲到死果日都好好無穿無爛, 咁都無計架. 有時係時辰未到啫, 可能佢上一世真係好好人呢? 每個人修為都唔同. 我好鍾意睇"大隻佬", 當時無去戲院睇, 後來係有線睇到, 第一次淨係覺得好睇. 有一次, 家族中又有事發生, 搞到好多人好谷氣, 我媽咪仲喊左幾晚, 我都有陪佢, 會有感觸. 心中都有d不忿氣, 一開電視又係播大隻佬, 又睇多一次, 我當堂開心曬. 這套戲又係可以幫我開解自己. 正.

我信有部份人真係要比七-八成家用 , 因為成家人靠佢養維持生計 , 冇佢咁大份家用 , 屋企唔掂 , 佢亦儲唔倒錢為老來生活 , 係可惜 , 但係冇辦法
 
 考順父母比家用應該 , 為自己將來作打算 , 儲一點錢退休 , 亦係應該 , 唔係以上極端例子 , 好應該<<兩者取得平衡>>
 
 .....
 我想問你地俾咁七-八成家用父母既網友 , 你地不外乎幾類人 :
 第一似<唉>呢一種 , 用屋企錢出國 , 回港錢都未還哂 , 就當大大份家用抵銷 , 側側膞係呢版講風涼話
 
 第二 , 住屋邨長大 , 最基層果一種 , 父母慳慣 , 有錢唔願駛 , 做仔女既你 , 讀書唔駛錢 , 或者只需還學費一少部份 , 你唔駛還或者少還loan , 你出來工作可以比七-八成作家用 , 父母慳 , 住屋平 , 第日父母所剩回報給你不成問題
 
 第三 , 你為人好孤癖 , 冇進修 , 冇娛樂 , 有嗜好 , 亦冇交際可言 , 亦好依賴家人
 
 第四 , 集齊以上幾點 , 你自己比家用 , 屋企有負擔 , 發覺有人比你少 , 覺得佢好嘆 , 心有不甘, 借頭借路鬧人發洩

多與少,其實好睇父母本身是否富裕..
 我認識個亞伯,辛勞幾十年,早年買個鋪做生意,退體後賣左幾千萬...
 
 仔女結婚全部送層樓,除左大仔,
 無一個俾家用仲連差响單都叫返佢交添.
 
 大仔事業有成但亞伯就唔肯要佢錢,話無理由個個唔俾家用剩要佢俾..
 
 版主,你話有家姐可「頂」住.....你家姐揾幾多?
 
 要頂,相信唔係大富人家...
 
 個人認為4k好侮辱你為人好自私.
 
 當然,到底最緊要係,其實你父母介意與否...

版主梗係自己都覺得有問題比得少先問人，如果覺得比得足有咩好問？

每個人都有權呻下
 睇唔過眼又可話下
 但一家唔知一家事
 唔洗咬牙切齒咁鬧
 係咪~~~~???

用緊alias當係姓名果位, 痴痴地, 咩叫姓名都唔識, 你ID card三個英文字當姓名, 緊係, 你痴線既!

up乜??? 莫名其妙！

家用比幾多真係要睇你�M幾多同埋你父母有幾多.
 
 我就比好少家用（自己人工的10%）, 平時同父母飲茶都係父母比錢, 因為父母自己有物業, 銀行有過百萬現金/股票, 兼且每月既退休金都洗唔哂, 重有錢儲起許, 我比咁少家用係父母主動提出架.
 
 但係如果父母�M得唔多, 或唔多錢洗, 咁子女真係應該比多Ｄ, 總之最緊要自己個心要有孝心, 令父母生活得唔差得過自己.