你地會唔會因為比上司話而唔開心??

啱啱比老闆話我點解唔通知佢啲客到左, 我係諗住到齊至通知佢咋ma(因為仲有人黎緊),又未夠鐘, 我都黎唔切解釋佢就拿拿聲帶啲客入去, 唉...好似少少野都做唔好咁,好down呀~~

算啦, 都唔關你事, 你老闆 not good 姐

俾咩人話都會唔開心啦
 就算下屬話你都會

你好少事姐. 我manager仲變態啦, 4個女職員, 3個比佢鬧到喊.

會唔開心~~唔，你呢個case，下次咪學精lo，早的話佢知。
 同埋，了解下佢係咩人，想要個咩下屬，盡量配合lo。

poiuy

係自已錯,上頭又鬧得有紋有路,咁我冇得怨，如果係老屈就梗唔likey啦,我會反駁,會喊。

我都有唔開心既事, 都係比上司話而唔開心, 我覺得我做得好時, 佢唔會讚, 只會覺得係應份, 但做得唔好時, 會話, 就算很小事都會出聲話, 有時d說話都唔係咁好聽, 令我好難受, 我係公司既receptionist, 而佢就係做秘書, 我係under佢的, 我覺得我做既職位, 真係好難先做得好, 唔可以做到樣樣事都令佢滿意, 好難做到佢既要求, 有時我真係覺得自己唔知為乜要咁, 其實做得receptionist, 我既工作唔算辛苦, 不過係多氣要受, 尤其是跟著個女人秘書, 仲有另一個女manager, 40幾歲, 未嫁人, 脾氣麻麻, 講野又堀, 我都要幫佢做野, 次次佢攪唔掂d野(份野D Size唔岩, d位唔岩, 佢整唔到,)就要搵我幫佢攪番掂佢, 我覺得幫妳唔係問題, 但我唔係一定識得整, 仲要要求多多, 又要整到靚靚仔仔咁, 我心諗咁多要求, 點解唔出去搵印刷公司印呀? 公司有幾多設備丫? 又要咁又要咁, d態度仲要老奉咁, 我又唔係淨係做佢d野, 服侍佢一個人, 有時我都要出街做野, 趕唔到佢d野, 又比佢話......
 
 秘書會對其他同事既態度客客氣氣, 有講有笑, 但對我就唔會, 唔知佢係要對我擺上司款, 定係點啦, 總之我真係好唔開心, 我眼見我公司有兩個同我年齡差唔多既女仔, 佢兩個既上司係男人, 好好人, 又無架子, 所以佢兩個未受過氣, 真係未, 而我就...... 唉, 受得多了! 有時就算有d野唔關我事, 都要入埋我數, 其實我想呻好耐, 不過係, 覺得我呻, 都唔會有人理我, 未必會有人明白!
 
 好似今日收工咁丫, 我有個女同事明天出發出旅行, 秘書見到佢, 會笑住同佢講叫佢玩得開心d呀, 拜拜, 但無同我講拜拜, 跟住o個兩個女同事都出門口收工了, 咁岩有個電話打黎, 我聽, 係有事同秘書講既, 咁但係佢已經走左, 咁我咪打佢手提同佢講囉, 因為都係一d緊要事, 佢好冷淡咁聽左就收線了! 我有時會覺得我做既野係吃力不討好, 點解人地準時收工就走, 仲開開心心咁收工, 而我打埋個電話交待好d野先走, 但就受到咁既待遇.......
 
 我真係好唔開心呀, 我出黎工作了很多年, 多數都係跟女上司, 講真, 有得比我選, 我打死我唔跟女上司, 係真既, 跟女上司做野真係好辛苦, 就算你做得幾好都好, 佢都唔會欣賞你, 你做錯就死硬了, 但我跟過男上司, 個感覺好唔同, 我就算做左小小事幫到佢, 佢都會好感激, 會讚下你, 你做錯事, 佢只係同番你講就算, 等你下次唔好再錯, 而唔會好似d女上司咁單單打打咁講野!

唔開心:
 你倒咪唔開心了, 我就係好似你咁變成抑鬱...
 我老細又係女人, 佢成日覺得自己好叻, 所有人都係無能同死蠢, 成日諗埋d唔make sense既野要人跟佢果套, 但係因為唔make sense 所以好多人都唔明, 佢就覺得大家好stupid, 出口寸你同黑面對你, 仲會發明一d佢自己先識既野出來, 但又唔肯教人用, 跟住就會鬧人無用, 請你返來唔係要教你做野的.....你應自己去學....其實, 我已經好努力配合佢要求同埋努力去了解佢d野, 但係你發明出來又唔教人又要人自己識真係好變態, 你有十個優點佢覺得應份, 但你有一個缺點佢只會放大佢, 不停出言寸你, 同埋會寫落你份report...等等, 仲有好多不合理要求, 令我失眠抑鬱, 不想多說....總之記住呢個社會衰人好多, 你唔係唯一一個受害者! 頂倒就頂住先, 頂唔倒咪走; 學林海峰在talk show所講:
 自己份糧係包埋受老細氣, 咪當自己食屎lor

同意中級職員所講, 俾咩人話都唔會開心。但又冇必要唔開心, 反正有糧出, 自己問心無愧, 而且已經盡左本份就得。每個人處理同一件事都唔一樣, 只能儘量配合, 冇可能完全符合所有人既標準或方式。

我公司個大佬爺都好....變態~
 成日少少野..就丙人~~ 又公私不分~

我都知道呢個世上衰既人好多, 尤其是跟住d女上司, 我都知道佢地會好麻煩, 不過有時真係條氣頂住頂住, 雖然知道要受氣, 但係當真係要受既時候, 真係好受唔到...... 佢地真係好攪野架播, 明明有d野, 真係唔關我事, 佢地都可以講到係我錯咁既, 我真係無野好講, 眼見係跟男上司o個女位女同事又唔駛受男上司既氣, 又比o個女個女人客氣對待時, 真係好唔開心囉! 人地都係人, 我都係人, 點解我要咁受氣? 前幾天頂唔住, 番屋企同男朋友呻左幾句, 我不停係咁問點解? 呻到佢都唔想聽我呻, 朋友聽到我呻, 只會叫我轉工, 但係轉到另一份工, 又係女上司既話, 係咪又唔做呢? 有時搵工既野, 真係講彩數, 我一向既工作運其實真係麻麻, 係好無信心可以搵到份做得開心既工作, 唔係話計較人工福利問題, 只要唔係咁受氣就可以了!

可能我真係有一日頂唔到, 就resign, 不過因為生計問題, 我又唔可以話resign就resign, 我o係呢間公司都做左兩年多了! 一開始就受氣, 同自己講忍下, 忍下忍下就忍到現在了! 我真係好唔明, 點解有人真係唔駛受氣, 就算做錯野都唔駛受氣, 但點解我都係人又點解要受咁多氣, 係唔係做親receptionist都係無地位? 做呢個位都係要咁受氣? 定或者我性格根本唔適合做receptionist, 我當初揀做receptionist主要係唔想自己咁大壓力, 做d野又可以簡單d, 我英文唔好, 學歷唔好, 唔做呢d我又唔知自己可以做得d乜? 黎緊我想讀書, 呢份工既好處就係唔駛開ot, 有時唔係唔想走, 而係我覺得自己條件有限, 學歷唔高! 所以我想努力好好咁增值自己, 唔再做receptionist, 唔駛再受d秘書氣!

講到受氣, 講出來都有排講啦
 鬼叫我要每個月要睇住份糧做人咩
 如果唔係! 走左萬九幾年啦

我都係
 我以前有份receptionist既工做左2年.
 就係好似你咁忍忍忍.
 最後都比人炒左.
 
 我感受到既...係忍只會令人更加恰你恰上頸最後可能太睇你唔順眼炒左你.
 
 我家下唔會忍.
 呢份工後我做左2份
 2份都有d咁既人.
 但忍會唔比人炒﹖咩唔覺wor!
 眼見比人炒得既多數係唔出聲
 係咁比人狂恰果d..
 
 所以我家下乜都聲大大.
 雖然果d人都係好憎我.
 但so far 呢2份工都係我自己唔做走既.
 無人炒我﹗
 
 我覺得頂唔順咪走lor.
 打工者﹖ 唔係同佢做人世
 東家唔打打西家﹗
 唔係要忍下忍下忍到比人炒下話﹖
 幾唔抵﹖
 做recep 渣wor. 唔係要你做地底泥無自尊
 其實做邊行都係la.
 家下個市好.唔好做衰個 company culture la.
 
 我支持你﹗加油~

我都有呢d唔開心事發生, 但係發生係學生時. o個時日日都去做lab, 個lab 個女manager雙眼生在頭頂!
 
 你可能以為我講笑, 我早上去lab見人都笑住say hi, 但佢一見到我, 佢個死人頭就向上擰, 當見我唔到, 唔會say hi. 幾次之後, 我都無同佢say hi lu, 當時運低, 見到鬼.
 
 之後, 佢可能見我唔聲唔聲, 越來越過份. 佢寫封e-mail比每一個lab既人, 話我係office 食完lunch, 個lunch box唔洗仲 4 圍放, 話我當個lab自己屋企咁話. 但係我日日lunch食yoghurt(減肥), 未試過用lunch box 食lunch, 仲要食curry囉...
 
 好彩, 9個月之後畢業, 我無再見到佢.

我做過唔少工, 份份工既公司recep都聲大大, 個個都怕左佢咁架喎, 所以係我心目中做親recep都唔好欺負

如果真係自己錯，自己唔岩，俾人鬧都抵既，唔開心一定有架啦，唯有以後醒定d囉。不過老實講，如果係無理取鬧成日發癲係又鬧唔係又鬧，但人工又奀，我會quit左份工搵過份，你話人工高就話睇錢份上o者，唔好paid又受氣，我都有阿媽生架.

Japanese also have 1 characteristic:
 
 They can shop in a small souvenior shop for over 1 hour !!!

ooops, wrong posted... sorry

topic : 你地會唔會因為比上司話而唔開心??
 
 
 thread id: 1873850 posted by 小職員
 on 2007-04-27 15:25:35
 
 唔會
 只有我d上司比我X到7彩

日日上綱作文PZ你有q上司咩~啋！

日日上綱作文PZ你有q上司咩~啋！
 
 by 啋 - 05/02/07 03:02
 
 
 雙失係你唔係我wor
 
 XDDD

我busy時只sleep 2-3 hours,頭都痛埋,可以即刻唔見10 lbs
 唔busy時好似today ,晨早去breakfast ,
 afternoon游水,now 上下網
 
 係she.com我無lie過,因為無必要lie
 
 =)
 
 你不如想1想自己生活係點先la
 
 
 ps. lee 2日加埋sleep 左6 hours only,today 開始唔busy
 
 
 XDD

今日又比個女上司話, 我今次頂唔順喇, 有d火, 發哂脾氣, 入廁所喊, 喊完出黎, 仲要比佢叫入房, 話, 我初初都無人教我做架, 妳唔好諗住會有人教妳做呀! 跟住好激氣, d眼淚係咁流出黎咁滯, 行到落公司樓下入去廁所, 喊左成半個鐘有多, 一路係度諗, 係咪應該辭職唔做, 又o係度諗, 辭左職之後, 再搵番receptionist又係唔係咁樣, 或會差過現在呢份, 但係唔辭職, 我再撐落去, 又可以撐到幾時呢, 忍多半年? 一年?
 
 番到屋企, 很唔開心, 很激氣, 激氣到都睡唔著覺, 真係發哂顛o個隻, 諗緊聽日遞唔遞信好

唔開心
 
 if u're that 唔開心, maybe u really need to find another job..but u're right...what about the next job? the next next job??
 
 maybe u could search now...and don't quit yet...and everyday...when u go to work...u just tell yourself...i will quit...i will quit...
 
 but on the other hand...u keep searching for a new job , until u found one, then resign...

我會唔開心我試過la

2份工都試過有賤人.鬧少不免la.屈你做錯野你知唔知佢地點屈﹖
 我都係做recep 既.
 今日有個女人走埋黎同我講
 話2月頭有auditor寄左份report黎 courier黎我地office attention比佢. 佢地果邊張單有我地公司chop 架﹗
 佢話佢無收到...成3個月...咁出黎我枱揾...見sip住左係我個文件架到...
 
 
 第1我一收件我就會call人出黎收.
 第2就算我放埋左一邊我都唔會sip係果到. 果到我用黎擺d folder 既.不嬲都唔會亂sip野係果到.
 
 但係無得拗. 因為人地有我地company chop證明係我地收過.
 但事實係點無人知. 我亦唔記得了
 但從login既做法我一收到我就會call人出黎攞佢未出黎時我會放係我右手邊(出入courier 位) 左手邊擺信
 我極無可能擺係我d文件架又3個月都唔擦覺
 我另一個friend既同事話佢都覺得好唔make sense 不過佢話呢d口同鼻拗無得講叫我多一事不如少一事 ...

唔開心
 
 我好明白你感受,因我個女上司又係咁衰既人,佢好麻煩,好難服侍,成日無理取鬧,比埋d無理既氣你受,講真,真係我錯既我會認,我會反省等下次唔會再錯,但有時明明唔關我事,係佢自己講過既野唔記得,我無做就係我錯,好似佢叫我跟plan a做,到我做好交比佢啦,佢又一時興起覺得plan b好似好d,我做左plan a所以係我唔岩,仲要懶係大方咁話唔緊要啦,不過有咩唔明下次記住問呀,大佬呀關我咩事呀,初初又係你叫我咁做,但自己講過又唔記得...............
 
 佢又成日挑剔你呢樣果樣,但又同工作無關喎,個人又勁主觀,成日都覺得自己果套岩曬,所有人都要跟足佢果套黎做,唔單止係工作上,連平時你待人接物既方式都要跟足佢標準黎做,若果唔係就係你唔岩,你有問題,講真,有d野無話岩定錯,每個人既角度同觀點都唔同,但佢會以佢自己既標準套落你身上,我覺得好有問題囉......
 
 總之就估得好唔開心啦,我唔怕辛苦,但做得唔開心無意思,我而家已經搵緊工,搵到就會走,希望下一個會係男上司啦

果份野仲要大大隻字有佢個名.
 
 3個月黎有份成寸厚A4風琴雞皮紙公文袋放左係我個文件架到我都無見到仲要上面有寫to: 邊個
 
 我覺得超莫明期妙.
 
 仲有我前一份工都係咁被人屈走的
 亦係咁....(待續)

果時我做間trading 既recep
 果到日日都有成20 30 份文件/版要寄比d客,or 寄野比廠.
 
 成日要打courier 單/手寫 courier 單
 
 d同事有雖要寄野就會打張出courier 既request form, 列明要寄既item 同數量同寄往地址.
 咁我做recep好多野做唔係only打單. 佢地就會將件貨放係我desk 責住張request form. 等我得閑時打左�
 
 果張request form 我會make 個copy, 正本比返同事.
 我疊request form copy 就咁放係枱底個櫃到無鎖的
 
 有好多次有同一個人都話我寄錯地址
 我話係咪你比錯地址咱﹖
 我無理由常常打錯同一個同事既單...
 
 有次佢無啦啦問我借d request form 黎話要make copy因為佢唔見左2張但想有個record佢寄左d咩.
 咁我無防避就比左佢.
 
 返黎又話我寄錯野. 我張request form copy同佢張正本都劃左本來個地址. (好明顯佢係手改佢張正本再影印左張copy replace左我比佢果張)
 佢話佢個客改左地址我咪話左你聽lor. 你知己都有張copy睇
 
 我當時話會唔會係你唔記得比個新地址我...改地址呢d我應該會記得(1﹐2日內既事)我唔記得有咁既事wor...
 佢話﹕你乜都唔記得ga la..
 
 當時我都懷疑係我...不過我叫佢下次要睇我d copy form 要我在場﹗唔可以拿走去睇
 後來又有次...
 同樣係咁.
 我攞我張copy出黎....又係改左. 吻合佢張手寫form. 我話...無理由...如果本身佢張request form 比我時已經畫去了本來錯既地址我一定會寫佢remark 係側邊個 correct address, 如果係我寫左單佢先黎改地址我一定會即刻做. 同影返張留低. 做過d咁既step點會唔記得係我做既﹖
 
 太離普la.
 於是我裝佢局我 make 2 個copies, 一個放原處一個放有鎖櫃桶.
 後來再發生時我用放係有鎖櫃桶張form 做證佢真係改左我另一張form 改唔到放係有鎖櫃桶張form (佢唔知我有多一個copy)
 
 所以呢次有出入﹗
 你知唔知佢點講﹖
 佢話我點知你點解唔得revise 2個copies?
 呢d係你自己既問題﹗

我公司交稅單 IR 56B 給稅局時, 忘了替很多員工寫 education benefits 一欄. 現在要出一封信通知稅局, 煩在替以下員工的的稅表上加多有關他們的 education benefits收入. 應該點寫好呀 >~<
 
 要英文呀 ~~

佢係senior marketing officer, 呢單野後佢驚有後患同老細講我成日寄錯件 fire 左我.

我覺得做recep成日受氣兼比人屈 .
 老細都唔會因為細粒仔鬧d senior. 所以recep係好難做都