4. 係佢市儈定係我蠢?

係佢市儈定係我蠢?

  • S

    0
  • S

    前幾日我媽媽生日, 我同男朋友夾份買燕窩俾佢, 我媽媽收到都好開心!
    <br>跟住之後我朋友同我講左一番說話, 我聽到覺得好唔高興....
    <br>"其實你洗乜同你男朋友夾錢! 佢出曬錢咪得囉! 佢又唔係無錢! 你洗乜同佢慳喎! 佢對你呀媽係應份架!"
    <br>跟住我同佢講.."咁o個個係我呀媽, 我係佢個女都好應該出番份錢卦, 我又無另外買野俾我呀媽! 而且o個個只係我男朋友咋, 唔係我老公, 唔係做左佢呀媽呀! 有乜理由要佢俾曬?"
    <br>跟住我朋友話..."你洗乜同佢慳同佢計....佢應該要孝順你呀媽架麻! 佢又唔係無錢! 你自己儲起d 錢仲好啦!"
    <br>
    <br>我聽到真係覺得好難聽, 真係覺得好市儈! 佢仲同我講, 話佢男朋友每次大時大節, 都唔會買野俾佢呀媽, 但係會現兜兜咁俾cash 佢呀媽! 佢呀媽仲不知幾咁開心, 幾咁鐘意呢個男朋友, 話佢好識做, 相反我朋友上一個男朋友因為無做呢d 野, 所以佢呀媽好唔鐘意!
    <br>
    <br>我成日覺得男女之間就算拍左幾耐拖都好, 錢銀都要分明! 我同男友拍左拖5 年都係咁既相處方式, even 借大家錢都一定會還足! 唔通咁樣都有問題?

    0
  • 大

    你個 fd = 可以不理

    0
  • 路

    每個人既價值觀,待人處事既方法都好唔同, 冇話邊樣先岩, 你朋友可能覺得洗男人錢係理所當然, 又或者結左婚都要暗中打斧頭先係精明既婚姻之道, 掉番轉, 你可以樣樣野都同自己男友分擔/分享呢個感覺你朋友亦未必識感受, 你唔係佢果種人, 洗乜理佢講乜, 不過你個朋友咁樣批評人地男友, 又話自己果個點點點, 以為自己既標準就係一切, 呢d行為最唔要得

    0
  • A

    你地有你地既相處方式, 又影響唔到你朋友同你朋友個阿媽, 就唔需要介懷... 不過我覺得你朋友好唔識得做人。

    0
  • 女

    最憎呢d女人, 我唔會同呢d人做到朋友.
    <br>
    <br>版主, 如果你覺得自己的做法係正確, 又無影響其他人, 根本唔需要理會其他人的意見, 亦唔需要質疑自己.

    0
  • 2

    你個 fd = 可以不理
    <br>
    <br>by 大壞蛋 - 04/20/07 11:37
    <br>
    <br>AGREE....

    0
  • F

    版主0既思路好正確.
    <br>
    <br>同意樓上, 你可以唔洗理你個朋友.
    <br>
    <br>比我係你, 我都會咁.
    <br>如果一定要送貴野比我媽0既話, 我一定會同男朋友來返錢, 都唔希望佢有太大負擔.
    <br>
    <br>
    <br>

    0
  • F

    我成日覺得男女之間就算拍左幾耐拖都好, 錢銀都要分明! 我同男友拍左拖5 年都係咁既相處方式, even 借大家錢都一定會還足! 唔通咁樣都有問題?
    <br>
    <br>by stupid - 04/20/07 11:26
    <br>
    <br>
    <br>我同男朋友0既相處方式, 同版主你0既都係一樣.
    <br>
    <br>我都係覺得, 男朋友唔係老公, 係錢銀上面佢無需要對我作出全面0既照顧.
    <br>
    <br>我一直都係本住一個心態去拍拖:
    <br>
    <br>男朋友0既錢=/=係我0既錢..
    <br>我地大家財政獨立, 如果男朋友送野比我或者係有陣時要比錢我, 都係出自佢0既意願, 我本人並不介意有或者無.

    0
  • 1

    你個 fd = 可以不理
    <br>
    <br>by 大壞蛋 - 04/20/07 11:37
    <br>
    <br>AGREE....
    <br>
    <br>by 232 - 04/20/07 12:22
    <br>
    <br>AGREEX3
    <br>
    <br>版主唔需要太介懷，基本上每一個家庭或者每兩個人相處唔同，總之圈中人覺得OK咪得，外人講果d…駛鬼理咩！而且人與人之間相處有d係咩應該唔應該？
    <br>
    <br>同埋我都好同意你講﹕阿媽係我o既，自己出番份錢都應該呀。

    0
  • Ｏ

    無錯．．．你唔想再給你的ｆｒｉｅｎｄ　煩就咪同佢講今多．．．．．完全唔ａｒｍ　ｃｈａｎｎｅｌ．．．

    0
  • M

    同意每個人既價值觀都唔一樣, 好難去分對同錯, 再加上大家既生活習慣背景經歷都不一樣, 我就覺得版主個女仔fd可能都係因為自細比佢阿媽所影響, 佢都話佢媽收佢男友現金好開心, 反而對上一個無咁做, 佢媽就好唔開心, 佢媽市儈, 睇錢大過天, 認為駛男友錢係好天經地義, 咁個女咪慢慢比佢媽影響左個價值觀囉!
    <br>
    <br>價值觀唔同, 唔等於做唔到朋友既, 你堅持自己既原則又好岩喎!

    0
  • S

    其實我同佢都係好多年朋友, 好多野都傾, 我同佢性格都好唔同, 但係佢比我成熟, 有時都比到好多意見我, 但係係呢件事上, 我真係不敢恭維!
    <br>
    <br>佢係真係睇錢大過天既人, 佢呀媽成日睇佢d 男朋友第一件事就係有無錢有無前途...無錢無前途既, 會直接叫我個friend 分手.....
    <br>
    <br>所以我個friend 好多時都覺得好多野都應該係男朋友出錢! 雖然我自己都係無乜錢, 呀媽生日都俾唔到d 咩錢呀媽, 就係因為咁, 所以我一定要俾番錢我男朋友, 作為自己少少心意, 同埋我唔想依靠曬個男朋友!
    <br>

    0
  • O

    呢個世界冇兩個人既想法會完全一樣, 你都識得話只係響呢件事上你唔認同佢, 冇理由因為咁而冇朋友做。
    <br>
    <br>我都有個朋友係咁, 又係好 friend, 由初中已經識, 但係... 越大越發覺佢同我性格同想法好迂迴。佢媽咪同家姐都係睇錢睇得好重, 佢自己又一定要揀高大靚仔,有事業,專一, 但我朋友本身唔係有錢, 而且外型麻麻, 學歷唔高, 咁既要求點搵男朋友? 佢之前有個男朋友剛出黎做野搵兩萬蚊同揸架日本車仔都俾佢屋企踩到死。
    <br>
    <br>我拍拖, 佢劈頭第一句唔係問個男仔對我好唔好, 而係問靚唔靚仔, 有冇錢, 屋企做 d 咩。當時我有 hard feeling, 點解個朋友咁都有? 竟然關心個男仔既條件多過關心自己個朋友?
    <br>
    <br>後來完全明白, 係屋企造成。就開始覺得佢好慘, 連自己既愛情都要被屋企控制。不過...對愛情既睇法唔一樣咪仲好, 一定唔會爭男朋友/老公。

    0
  • 芝

    版主話佢朋友好成熟？
    <br>單憑佢完全唔識分是非
    <br>已經覺得好唔成熟
    <br>至於每對情侶或夫婦都有自己相處方式
    <br>開心咪得囉
    <br>洗鬼理佢up乜

    0
Log in to reply