真係大快人心ar!!!
-
我同一個女仔出過兩三次街je<br />佢竟然同佢D friend講話我溝緊佢<br />點解我會知?<br />因為佢其中一個friend係我舊同事<br />呢個世界真係細ar<br />咁個女仔當然唔知我地關係啦<br />佢仲厚面皮到拎張卡機合照俾我個舊同事睇<br />話我係都要拉埋佢去影相喎<br />查實係佢嗌我去影lo<br />本來我都考慮過溝佢ga<br />而家知佢咁扮上菜<br />我梗係打退堂鼓啦<br />我仲叫我個friend扮咩都唔知<br />遲D有好戲睇<br /><br />冇幾耐後我就約個八婆出causeway bay啦<br />仲叫佢帶多幾個friend出黎<br />我又帶幾個friend<br />一班人食飯唱K<br />我臨出門口前仲專登call佢<br />叫佢順便幫我買隻CD<br />之後我地join埋去餐廳坐低<br />我就同佢講"thank you曬ar! 隻CD我女朋友搵左好耐啦"<br />嘩! 佢個樣當堂灰曬, 我忍得好辛苦先冇笑咋<br /><br />咁都未夠<br />食食下飯我又同佢講"上次你嗌我去影相部卡機收幾錢ga?我好少玩呢D野ga,下次我想同我女朋友去影"<br />咁次我個舊同事就唔通氣啦<br />真係jit一聲笑左出黎<br />今次條女面色差到爆炸咁滯囉<br />食完餐飯仲話自己唔舒服走左tim<br />真係心都涼埋
-
仲有呀
<br>我之前除左叫我個舊同事扮唔知之外
<br>仲叫佢同佢地當日出黎D friend講話我追緊佢呀
<br>所以一穿煲果刻
<br>基本上人人都知呀
<br>真係柒到冇朋友
-
你地好細個頂喇?
-
講真,個女仔私底下認比人溝,作下大,吹下水,自我陶醉一番,又唔算係乜野惡意,小意思者。
<br>男人溝女人,天公地道,就算唔溝女,對女人好都係應份,所以真溝好假溝好,都唔算係被醜化。
<br>就算比你知道左佢作野,你唔認為你係溝緊佢,咁咪行左去,以後唔唔搵佢算咯,做男人,應該有的氣量。
<br>使乜搞到處心積累整擅好戲佢嘆,誓要佢在所有人面前出醜咁嚴重,重手左的喎。
<br>呢件事,當粉筆字抹左佢算啦,千祈唔好沾沾自喜以為好醒周圍同人講,比的女仔聽到,唔係覺得你有料,而係:嘩,乜你個人咁無品,當你生野咁避之則吉,你果陣先至捉蟲。
<br>
-
乜事呀
-
其實個女仔咁講,我估無非都係想你注意佢,佢先至咁講。
<br>不過之後你咁樣整估佢,身份女仔重要係佢班朋友面前,佢真係好難落台。
<br>你呢次真係�垣舠m,但係背後我估有好多人都會話冇品。
<br>做男人做得咁冇氣量。
<br>那位女仔真係慶幸冇同你一齊。
<br>佢屈你話你想追佢,你不如同佢講清楚。
<br>你呢次真係贏了,但係你輸了你的人格。
<br>
-
d行為幼稚過幼稚園d小朋友....佢地幼稚得黎可愛
<br>
<br>你幼稚得黎可惡.....
-
你地全部用new version?
-
版主都算無品兼小家
<br>而且重冷得意,開線唱出黎
<br>成熟 d 既人都會覺得你幼稚兼低格調
-
你地全部用new version開黎睇?
-
你講曬出黎容乜易個女仔係度睇到? 佢上she都唔奇呀你唔怕呀
-
我用old version. 見有人咁講. 就用new version 睇, old version 覆
-
呢件事,當粉筆字抹左佢算啦,千祈唔好沾沾自喜以為好醒周圍同人講,比的女仔聽到,唔係覺得你有料,而係:嘩,乜你個人咁無品,當你生野咁避之則吉,你果陣先至捉蟲。 >>>>>>>>>>> 使鬼周圍同人講咩? 佢D三姑六婆friend實幫佢唱開曬啦! 哈哈哈.
-
哈哈~~絕對同意ar,版主你要知道一樣野:世上8婆何其多.佢地幫佢唱開曬嘅話,應該唔會再有she.com嘅女睬你law
-
見識到了嗎 ? 依家香港地D優質港男啊, 幾高水準 !
-
版主呢種男人真係小家到震
<br>
-
見識到了嗎 ? 依家香港地D優質港男啊, 幾高水準 ! >>>>>>>>>>>>>> 點都高唔唔過條女啦! 呢D咪普遍香港地"優質女人"既典範囉!