~~~預產期係07年7-8月既媽咪，大家入黎傾下呀~~~

我自己預產期8月3日, 有可以會係7或8月既媽咪呀, 大家指教下呀
 
 另外, 大家照左oscar test度頸皮未呀??

我無做oscar, 直接抽咗絨毛驗, 詳細報告都出咗, 無問題, 我預產期7月21日

本來診所姑娘星期四晚打來, 問我來緊會去邊度生, 咁我話比佢聽荃灣港安, 咁姑娘話而家有新政策, 要自己星期一親自去book位, 我己經即時問姑娘, 要唔要比deposit, 姑娘話唔洗
 
 我星期六去攞信, 咁我去到, 姑娘又話, 唔知要唔要比deposit, 咁我咪自己打電話去醫院問囉, 有個男的接電話, 我問佢係咪星期一可以book床生bb, 我咪問佢要唔要比deposit, 初初佢話要比$30000, 咁我咪話, 香港人都要比咁多, 佢話, 香港人就唔洗, 上來book就得架啦, 咁我咪問埋早產or遲咗, 會唔會收架, 佢話都會收, 因為始終係自己人
 
 點知我今日上到去, 個姑娘話今日無得book, 佢話星期五下午五點半開完會話, 因為而家好多醫生, 出幾封信比d產婦, 等d產婦可以book幾間, 而家可能會收deposit, 但係收幾多就未知, 叫我明日再來, 咁我咪話, 我點明日再來呀, 我要返工架, 佢話我可以星期日再來, 但係之前診所姑娘講明先到先得, 到星期日分分鐘無位, 咁我點呀??? 我咪話, 你哋又話先到先得, 等到星期日無位的話, 咁我點呀??? 跟住有個女人好似話得事咁, 走出來問咩事, 咩星期日, 咁個姑娘咪同佢講囉, 點知佢又係問我, 唔可以明日再來咩, 我都未出聲, 個姑娘己經話, 人哋要返工架, 同埋人哋星期六打來, 又叫人哋上來book, 咁而家人哋上咗來啦, 咁點呀??? 跟住個個好似話得事的女人, 咪話而家幫我book咗先, 如果最後話要比deposit, 再call我返上來比, 咁我咪問佢囉, 如果到我上來之前, 好多人比咗deposit, 我又未比, 會唔會飛起我呀, 佢哋又話唔會, 留咗就一定有, 我咪話, 我住呢頭架, 我只係會來呢間醫院, 我唔去第間架, 有個姑娘係度笑, 我心諗, 你笑咩呀, 你做我, 你會點呀??? 跟住佢哋收咗我封信, 話會留位, 仲問我順產定開刀
 
 我坐埋一邊等睇醫生個時, 真係忍唔住哭咗出來, 我同老公話, bb點呀, 我book唔到位呀, 老公叫我冷靜d, 咁我咪話, 我好唔好打比盧醫生, 問下佢咁點呀, 老公咪話好啦, 你打啦
 
 點知我行番出去坐, 等睇醫生, 比我見到有個男人又係來幫老婆做登記, d人又係唔比佢登記, 佢又係嘈先可以登記到, 咁個個話得事的女人又係收咗個男人封信, 又無問人順產定開刀, 個男人咪問, 你而家收咗我封信, 咁你有咩証明比番我, 証明係book咗, 個女人話, 我哋會即刻入電腦, 無問題架啦, 我諗諗下, 真係好似無咩保障咁
 
 再來, 有兩個女人走來同個大陸女人做登記, 仲比埋$30000訂金, 醫院即刻出曬証明比佢, 嘩! 咁即郂有錢就咩都得啦, 而家又話未知收幾多deposit, 咁d大陸人來曬登記, 到時我哋去邊度生呀??? 好可憐呀!

最後我打咗比盧醫生, 我同番佢講今日的事, 我話, 老實講, 比著你係我, 見到大陸人放低$30000就可以留位, 仲比曬証明佢哋, 咁我哋咩都無係手, 得個講字, 收咗我哋封信, 有無位比我哋都未知, 咁我可以點呀, 而家己經唔係錢唔錢的問題啦, 要收deposit的話, 我諗點都唔會收我$30000, 就當我入院做手術咁, 收$8000 deposit, 咁醫院會唔會收大陸人的$30000, 而唔收我呢$8000呀, 盧醫生話, 我諗都唔會, 仲叫我比一兩日時間醫院, 佢哋今朝開完會, 應該會有公佈, 我只係覺得由係醫院到而家, 都係咁無助

後來診所姑娘打比我, 話盧醫生鬧咗港安個邊, 到底有無措施保障孕婦有位生, 最後佢哋答應收咗封信就一定要有位我哋生, 仲話港安來緊會有人比番個booking no.我, 但又無提到要收deposit, 咁我諗應該唔洗收掛, 但係有個問題, 如果收得deposit, 咁好似人哋去旅行咁, 醫院應該唔可以加價, 唔係咁比咗deposit, 又一定要去, 咁加好多, 咪比佢哋"禁"住搶囉

hi cywong,
 你唔好咁孟先，再問清楚d啦！
 不過我個同學十二月生左，之前都係book
 荃灣港安但係去到生先話無位喎....
 跟住就去左沙田仁安生law。

amenyau,
 
 今日醫院打咗電話來比咗個booking no.我啦, 希望來緊一切順利

昨日醫院終於打來, 比咗個booking no我, 但係到時係咪真係可以一切順利, 都未知

呢幾日好多內地孕婦的報道, 表面上好似好咗, 但係單單睇我個case, 我覺得己經好差啦, 我真係想像唔到, 到真係開始生豬bb個時會有幾亂
 
 我呢幾日條腰右邊好痛呀, 我打去問個中醫, 中醫話可能bb個頭向個邊, 所以我先咁痛, 我d同事同um都係咁講, 佢哋話等遲d bb轉咗個另一邊, 就無咁痛架啦, 但係到時咪要痛另外個邊囉

我想問下你哋有無人經
 
 http://www.beauty- holic.com/catalog/index.php? cPath=2_260_261
 
 買過嘢, 我想買肚紋gel, 因為比起卓悅平, 本來卓悅賣$184, 佢哋賣$135, 仲有其他大肚用的都比卓悅平, 大家應為信唔信得過呢???

我想唔駛怕, 點都係政府醫院排期登記先, 應該會有位生bb !!

我政府私家都排曬, 總之到時睇情況啦先決定去邊度生

大家好，請問你地到依家還有無嘔吐啊？
 好辛苦啊!

neyney428,
 
 我有時朝早未食嘢, 都嘔黃膽水架, 而家己經16 weeks多d啦

呢幾日好似感到胎動, 大家而家點呀?

hi...我預產期在7月29日...暫時只係book左廣安.其實係唔係真的要去政府book埋..但兩邊覆診怕請假多..公司唔鐘意.如果突然作動打999都得掛...你地可否比意見我呀.

Y.T.,
 
 你而家先去政府的話, 廣華都唔收架啦, 要睇下你住邊區囉, 如果你係個區, 先會收架, 我朋友個妹9月生, 佢話佢登記個時, 廣華己經話咗7月的唔收啦, 我都係請假兩邊睇, 但係我哋個邊可能少人生啦, 所以無咩, 仲好好
 
 需然作動可以打999入政府, 但係政府你所有的產前檢查的資料都無, 到時會唔會無咁好同埋無咁快幫到你呢
 
 我驗到有咗個時, 個醫生己經叫我兩邊book架啦, 因為佢話出年好多人生, 驚我無位, 同埋我自己都覺得睇下到時情況點先, 有可能私家同政府兩邊, 邊邊無咁亂, 就去邊邊囉

各位,
 
 我今日去咗聽babyplus個講座, 而家買咗陪機, 聽日開始用, 到時有咩再同大家報告啦, 昨日bb知道爸爸抽到$1000 sogo現金卷, 即時手手腳腳係咪郁, 搞到我好痛, 要即刻坐下先得, 我相信佢應得我老公把聲架, 唔係點會我老公好多時講嘢, 佢都郁下郁下呀

我今朝用咗個babyplus同佢做胎教, 佢一聽到聲就係咁郁, 當時我好眼訓, 所以我無理佢, 照訓, 部機用張被蓋住都聽到聲, 搞到我差d訓唔到, 後來加埋個枕頭先聽唔到, 希望呢部機真係對bb有用啦

cywong,
 咁如果政府醫院話full曬..咁到時唯有用999方法...暫時都係決定係廣安生.(但老公想d錢留返比bb出世後用.)昨天,覆診時醫生話bb好健康,是個男孩子..)你呢?知道bb性別未呀.

Y.T.,
 
 我11 weeks抽咗絨毛驗咗, 所以己經知道係女仔來架啦, 我同老公都好開心, 其實我都心大心細, 我都想去政府生, 留番d錢比bb, 但係而家廣華好似走咗好多醫生同護士, 如果佢哋到時唔掂, 去私家生囉, 你之前係咪未登記政府呀, 不如你快少少去登記, 睇下得唔得先啦, 如果ok, 咁咪兩邊睇囉, 你係咪諗住係荃灣港安生呀? 我諗住私家會係荃灣港安, 己經book咗啦
 
 醫生都話我bb好好呀, 你感到胎動未呀? 我己經有啦, 用胎教機個時仲勁

cywong
 
 我依家16week未有感到胎動,腰酸背痛就有.bb依家有10.9cm,醫生話仲細未會有感覺.諗住去瑪嘉烈..應該有位掛...我都book左荃灣廣安..因住在荃灣.你私家睇邊個呀?我睇緊胡廣森.

Y.T.,
 
 我睇盧乃本, 其實你有諗過去瑪嘉烈, 不如去政府登記埋, 因為政府都睇埋, 有埋你的資料, 方便第日你真係入到去, 都好快手幫到你先, 唔洗再等驗呢樣個樣, 如果完全無你呢胎的資料, 到時先再check, 未必等得到, 可能到時要生架啦, 咁的話, 我覺得好危險, 加上個時驗到有咗, 私家個醫生叫我政府私家兩邊排, 到時先決定去邊度生, 所以我兩邊都排曬

各位,
 
 新年快樂, 心想事成, 祝大家大大細細都平平安安, 豬年好運!

Y.T.,
 
 年三十晚個曰, 我過咗鐘唔記得開胎教機, 比佢踢到我好痛, 要老公扶住先可以坐底, 仲要即刻開番部機先無事咋, 個個人都話, 到時到侯, 你無開機, bb會踢到你開機為止架, 真係幾得意, 不過好痛

cywong,
 
 最近點呀,我已經在瑪嘉烈排左期,第一次檢查係4月3日.我個肚近來大了一些?你有無多D同bb傾計呀.順祝你新年快樂,身體健康,bb聰明聽話.

Y.T.,
 
 我2月21日係廣華做咗結構性超聲波啦, 不過醫生話3月返來再照多次, 因為上次個個有問題, 要check清楚, 我有同佢傾架, 同埋部胎教機, 剛剛昨日教快咗一度, bb好大反應, 係咁郁, 今朝都係

cywong
 
 我都住係荃灣區, 亦book了廣華.
 我想請問你點解做絨毛唔做羊水?
 你在那兒做? 收費如何? 幾時有result?
 
 Thanks!

wombatxxx,
 
 其實絨毛係胎盤的組織, 等於bb的dna, 所以係最準的, 除非做細胞培植的時侯, 出咗問題, 培植唔到, 咁就出唔到結果, 呢個可能性唔太高, 我上一胎同今胎都有做, 同埋上次個胎, 快速測試無問題, 但係final個結果, 係bb其中一個細胞中咗18, 所以唔要得, 今次醫生話驗埋安全d
 
 而羊水本身係含有媽咪同bb的嘢, 入面當中有bb的細胞係因為絨毛脫落先會有, 但當中的含量好少, 抽咗的羊水未必一定有絨毛係入面, 同埋羊水要到16週先做得, 而絨毛最快10週就可以做, 如果真係唔好彩, 有問題, 可以早d決定
 
 我係林勇行度抽, 上次有問題, 林醫生抽完話, 我兩日內會小產, 但最後都要等到入醫院做手術, 所以我覺得佢手勢都應該唔錯, 咪找番佢囉, 收費$5500, 快速的話2日有結果, final要等做細胞培植, 要兩至三個星期
 
 咁你有無book埋私家呀? 你預產期係幾時?

我無book私家, 原先都有打算book埋, 但我睇開的私家醫生只在 st paul or 養和做, 我係荃灣又無睇開婦科, 加上係網上見人話要俾deposit 和無得 refund, 又諗住不如慳番d錢俾bb用, 故最後都無 book 港安, 只是私家/政府兩邊睇, 其實知唔知港安現在是否要俾deposit?
 
 我的私家醫生其實一直都叫我做抽羊水, 因為佢話全面和100%準確度, 風險只是0.5%, 但我有d驚張支針篤落個肚到, 我老公又唔想有風險, 但我屬於高齡, 又有d擔心, 故此仲係心大心細! 原來產前真係有好多嘢擔心!
 
 我在廣華做oscar要3月尾才有result , 只怪我選錯plan, 仲俾o左$800做埋假陽性測試以為可以早2週知result, 點知原來要做埋假陽性測試後2週才有result, 即18週, 現在唯有等oscar result 後再諗.
 
 另外請問林勇行在那一區的?
 
 現在已14週了, 我的預產期係25/8.