我老公性格幾暴躁,呢種性格係同佢結婚後先顯現. 琴晚佢郁手打我 (打咗我塊面一下), 個時我抱住我哋7.5個月大嘅BB. 今次唔係第一次喺BB出世後打交, 係第2次. 性格呢樣野好難改,對佢有絕望嘅感覺, 咁唔和諧嘅關係, 對BB亦唔好. 好想同佢分開, 俾你,情願BB喺唔和諧嘅家庭長大,定係單親家庭長大?

go to baby kingdom website, a lot of similar case, you can find answer there.
 
 Hope it can help.

其實大家有無試過係心平氣和情況下傾吓?
 話比佢聽你既感受?雖然佢郁手就一定不對..
 但唔好咁快就諗分開.....或者傾吓會好轉呢>唔好諗埋一面...要堅強些!! 支持你架!!

Thanks for all of your advice and help.

你地係咪應該坐低面對面傾清楚究竟中間有d咩問題先考慮係咪離婚呢??

我哋傾過無限次, 甚至搵相關朋友幫手調解, 一齊搵專業輔導員傾過, 事情過後佢會又Sorry又後悔, 但佢始終唔識控制自己情緒, 點"傾"都無用, 我都想努力維持一個完整嘅家,但對於阻止呢D不愉快嘅情況又無助又無力,點算？

佢會唔會有情緒病???有無睇過醫生??

我覺得你可以先同佢分開下, 唔係一定講到要離婚嘅. 分開嘅時間佢可以反省下, 大家都可以冷靜d諗下野. 你未生前佢有冇打你? 如果冇, 點解而家性格有變? 係咪佢唔適應有bb? 又或工作唔順利?
 
 我反而覺得你好客觀, 好多人為左個bb想有個完整家庭又或唔想離婚, 寧願自己挨打都唔分開, 咁又何必. 性格呢d野真係好難改. 個d叫你唔好離開佢嘅人自己不在其情況, 講就梗係容易, 叫佢比老公打下佢又唔知會點. 我擔心嘅係 1. 佢打你會越來越密, 而且會升級. 2. 對bb成長唔好. 3. 你都會長期生活係痛苦之中.
 
 單親都有單親嘅難處, 所以你要衡量, 不過唔值得為單親而令自己同小朋友受苦.

佢上次係點打你呀? 係咪都係一巴止?

唉! 反省一下, 兩次都係我搣佢先, 咁佢咪還拖. (一隻手掌拍唔響) 其實佢最近喺工作方面有壓力, 加上屋企嚟咗個工人, 佢唔習慣, 咪情緒不穩咯, 但係佢同時又俾壓力我:就係琴晚,個B又累又餓, 哭不停, 我老公又喺度不停哦我, 令我心煩, 我咪同個仔講 "唔好學爸爸咁無人性", 咁佢就一巴打落嚟, 令到我好心痛。