註左冊結婚 1 個月, 我只係開心左 4 日, 想離婚.
-
-
唔係掛?!玩咩
-
發生咩事令你咁諗呀??
-
我承認我好失敗, 同一個男人一齊 12 年, 仍然睇唔清楚佢!
<br>我地而家既階段係註左冊, 未一齊住.因為出年先擺酒, 想擺酒先一齊住.
<br>
<br>註左冊後, 奶奶 ( 99 ) 有日打比我, 同我講老公一直以來既衰野, 99 唔係有心講, 唔知講開乜, 我叫佢即管講曬出來..... 我老公 30+ 歲人, 幾年前我試過同佢還 40k 咭數, 原來 99 之前又幫佢還幾萬, 又問佢亞婆攞錢用, 我第一次同佢還 40k 咭數, 佢話會改, 我唔嫌佢窮, 只要肯改過, 99 註左冊後先同我講佢衰野, 話唔想影響我地, 我之後質問佢, 我好嬲, 佢一輪對唔住..... 又爆左原來仲有 7 萬咭數未找, 出年擺酒既錢, 都係指意我, 雖然每個月比左幾千蚊我儲, 維持左 1 年, 背後原來碌咭....
-
咁佢d卡數係買左d咩呀?定係拎曬d錢去賭?
-
我好嬲佢成日呃我, 係我表面好乖, 佢冇乜學歷, 收入唔多. 我剛剛同佢找左 4 萬咭數, 即仲有 3 萬未還, 我而家對住佢好唔開心, 我成日喊, 唔敢同人講. 佢成日話會改, 叫我信埋佢呢次, 我地下個禮拜去旅行, 當然 $ 係我出住先.
<br>
<br>好心淡.
-
你99都幾搞笑,唔通依家就唔會影響到咩,傻傻地
-
軟飯王.....佢食得咁過引......咁易改食正常飯咩?
-
佢話之前得 5千蚊收入既日子, 唔夠駛, $ 係用左,解釋唔到,冇正確解釋.
<br>佢唔賭 $ 的.
-
佢由頭到尾係自己背住我碌咭, 個個月比$我儲, 但冇問我攞 $, 話唔想影響我地結婚, 唔講比我知咁多咭數.
-
首先假設我係呢個男仔,我有一個識左12年既女友,視為終身對像.
<br>我知自己有呢個壞習慣,如果我係有心改既話,唔會係今時今日俾你篤爆左先話去改囉.
<br>即係話,佢依家咁樣同你講會改,都祇係應酬你既一種.
-
旅行團就報左在先, 唉.........
-
多謝你咁坦白,有時真係當局者迷, 我對佢已經有條刺, 一向我太信任佢,打擊好大.
-
幾年前你塙佢還左40k,果時係還清曬or跟本仲有3萬未還?
<br>依家呢30k係幾時走出黎?
-
我唔係想打沉你架,但作定個最壞打算都係好既
-
我覺得窮唔緊要,最基本都要以誠相待丫嘛
-
幾年前幫佢還左40k,果時係還清曬.
<br>註冊後 99 同我講佢既衰野後, 佢自爆仲有 70K, 我又剛剛幫佢 40K.
-
我前幾日都同佢講, 一開始做夫妻就要瞞騙, 好冇意思, 趁未擺酒, 大家仲有點面子, 離婚吧. 佢就求我, 我話我再發現大話, 就冇情講, 就即刻自爆左 70K 條數.
-
即係幾年黎,佢欠左70k卡數
<br>我最叻計數,你幾年前同佢還4萬,即係佢咁多年黎還唔清既錢都祇係4萬.
<br>但你幫佢還左之後,佢應該就o係當時的起心肝改啦!......當然,佢係無咁做....
<br>之後呢"幾年之間"....佢又再變多7萬卡數出黎,咁即係已經變本加厲,唔改不特止,仲衰左好多添.
<br>所以你仲點信佢,我相信你係一個唔錯既女仔,無謂再side時間o係佢身上,唔值得...
-
我成日形住佢好多野呃我, 我童年已經唔好, 我好需要安全感, 我好努力改善自己既生活, 佢好 hurt 我!
-
我唔識計呢 d 數.或者我再講清楚一次.
<br>
<br>幾年前我幫佢還 4 萬, 我以為還曬.
<br>前幾日發現有 7 萬.
<br>變本加厲, 仍然成立嗎?
-
我又喊啦 .....
-
同一個人一齊左咁多年,唔係話分就會分到,總會拖拉一段時期,都幾辛苦.
<br>我都明白個心有條刺既感覺係點,我係極唔鍾意人講大話的,所以覺得好難會補救得到,而佢仲係一d都唔方會點努力既人,靠佢會做d咩黎補救,side氣..
-
"幾年前我幫佢還 4 萬, 我以為還曬"
<br>
<br>好一句以為還曬,咁即係都有可能係之前已經存在11萬卡數
-
我覺得好醜, 連朋友都唔敢講.... 我都唔知講咩好, 多謝你咁夜仲同我傾.
-
11萬卡數會唔會有一半係利息滾出來?
-
喊啦,無人幫到你,你自己至幫到自己
<br>要自強
-
多謝你, 我去訓啦.
-
你講開......我真係要去訓,我份工返8點,仲要鬼咁遠......
<br>
<br>take care and good luck
-
心 :
<br>最多俾多一次佢,佢無改就即刻同佢離婚。
<br>不過我估佢改唔到多,同埋好多時好 o既男人唔多識得甜言蜜語 o既。
<br>但係妳應該一定要問到佢 o的錢駛 o左去邊度。
-
計下數…
<br>
<br>即係你總共幫佢還左 8萬
<br>不過…你又話, "每個月比左幾千蚊我儲, 維持左 1 年"
<br>咁即係佢總共俾左幾萬蚊你
<br>如果再無其他既大數,咁你即係最多幫左佢幾萬
<br>
<br>如果我係你,我會止蝕離場
<br>可以仍然同佢一齊飲飲食食,最多我俾曬錢
<br>但就一定唔會同佢係夫妻關係,因為唔想揹起佢d咭數
<br>
<br>一日唔係夫妻,你幫佢還錢都只係你既人情
<br>到係夫妻,佢還唔到錢d債主有權去追你還,變左還錢係你既義務
<br>
<br>我估你奶奶等到你地一註冊就同你講佢既衰野
<br>係因為佢心理上想快d 甩難,講左俾你聽就係將個波拋俾你
<br>即係話…以後有你幫佢個仔還債喇
<br>
<br>你呢個男人都好陰險,果頭扮乖仔俾錢你儲,果頭就碌咭欠高息
<br>呃你咁耐都係等到你同佢結婚之後走唔甩,要正式揹起佢d 債
<br>
<br>除非你好有能力,唔介意有個食你軟飯洗你錢既男人
<br>唔係既話…就走得快…好世界
<br>
<br>
-
到係夫妻,佢還唔到錢d債主有權去追你還,變左還錢係你既義務
<br><---呢樣一定唔會,銀行最清楚,碌果個係阿心男友,除非心簽過名話做擔保人,如果唔係點都唔會追阿心數。心個未來老公都係碌卡,唔會去到阿心度。
<br>
<br>對於卡數呢d,我頗清楚,唔係我自己欠,總之我知,以下係我建議﹕
<br>1. 唔好再幫佢還任何卡數(包括min charge);
<br>2. 佢如果表示悔意,cut曬所有信用卡,如果發現佢再有一張信用卡,離婚。
<br>3. 還錢兩個方法﹕
<br>a. 叫佢去d銀行(一定去銀行)借果d卡數一筆清;
<br>b. 叫佢打電話去卡中心同佢講﹕「我無錢還啦!不如你同我定o左息佢,我每月還幾多幾多。」
<br>
<br>你碌卡呢d,你唔還,佢係吹你唔漲(睇下章小慧仲幾happy),我地有時聽到銀行果d呆壞賬,就係咁o黎。銀行亦無權因為卡數而對你做d咩(除非你有樓,層樓唔賣得)。
<br>
<br>但係由於呢個男人信用有限,我覺得要俾d責任佢,要佢同卡中心定息後還囉。心,試下搵銀行果邊傾啦!
<br>
<br>
-
但係妳應該一定要問到佢 o的錢駛 o左去邊度。
<br>----------------------
<br>
<br>可以問既,但係佢梗係會用d好既理由同你講,譬如:
<br>借左錢俾個朋友、唔係好夠錢洗所以慢慢洗突左……
<br>
<br>唔通佢會同你講,拎左d錢去溝女仔去嫖妓咩~
<br>
-
我前幾日都同佢講, 一開始做夫妻就要瞞騙, 好冇意思, 趁未擺酒, 大家仲有點面子, 離婚吧. 佢就求我, 我話我再發現大話, 就冇情講, 就即刻自爆左 70K 條數.
<br>
<br>by 心 - 03/15/08 02:15>>>>
<br>
<br>
<br>如果你想比機會佢, 可以將擺酒件事無限期押後, 又唔駛馬上離婚, 或者當呢段時間係冷靜期囉~~
-
路過講句
<br>
<br>你講得岩,理論上欠銀行既咭數老公還老公,老婆還老婆
<br>
<br>但係…佢個老公唔知會唔會衰到借財務公司果d
<br>如果會欠財務公司既,只要你同佢有任何親d既關係都會被人追還
<br>
-
可以問既,但係佢梗係會用d好既理由同你講,譬如:
<br>借左錢俾個朋友、唔係好夠錢洗所以慢慢洗突左……
<br>
<br>唔通佢會同你講,拎左d錢去溝女仔去嫖妓咩~
<br>
<br>-----------------
<br>
<br>知道又講大話就離婚 o羅,就係咁簡單。
-
更本…咁樣既男人…就唔值得同佢結婚
<br>
<br>呢類男人…唔會揹起頭家…反而要你負擔曬…將來有埋細路…開支又係曬你
<br>
-
你講得岩,理論上欠銀行既咭數老公還老公,老婆還老婆
<br>
<br>但係…佢個老公唔知會唔會衰到借財務公司果d
<br>如果會欠財務公司既,只要你同佢有任何親d既關係都會被人追還
<br>
<br>
<br>by 多口講句
<br>
<br>根據我觀察,通常碌卡果d人只會碌卡,再者,如果學你講係財務公司劈到上門,阿心會唔知?
-
根本…咁樣既男人…就唔值得同佢結婚
<br>
<br>呢類男人…唔會揹起頭家…反而要你負擔曬…將來有埋細路…開支又係曬你
<br>
<br>-------------
<br>
<br>雖然呢個係事實,不過唔好咁直,版主會重傷心架。
-
心,雖則話寧教人打仔,莫教人分妻。
<br>
<br>除非你老公忽然發o左,唔係你老公一定唔會改,你話離婚佢一樣唔會改,因為佢屋企又幫佢,佢女朋友又幫佢。
<br>
<br>我家有親戚如此,所以我好清楚。
-
呢類男人…唔會揹起頭家…反而要你負擔曬…將來有埋細路…開支又係曬你
<br>
<br><---other story﹕
<br>有一男一女,個女人工高過個男好多,個男o既小小事會辭職,個女o既心諗﹕結o左婚個男會定性d o卦?
<br>
<br>結啦!個女都成日幫個老公搵工,點知個男有一日知道個女o既人工高佢成倍有凸,索性話唔做。
<br>
<br>個女梗係唔開心,又諗﹕不如生bb呀!已經全世界叫佢唔好咁做,但係佢唔聽,結果生o左,成個情況除o左多o左個b,無改變過。
<br>
<br>btw,12年,我睇你家下係唔甘心多,但係前車可鑑,你12年青春浪費o左,錢又洗o左,總好過你往後32年都要幫佢還錢!
-
<br>還清卡數先
<br>然後沒收他所有信用卡,
<br>比多最後一次機會他
<br>還惦都已經結左婚
<br>唔差最後一次..
<br>
<br>不過以後財政既事,
<br>他就要交出..
<br>出量後扣徐車錢飯錢全部要上繳
<br>
-
還清卡數先 <<<< 重幫佢還? 梗係要佢自己既錢還啦~
<br>----------------------------
<br>
<br>不過以後財政既事,
<br>他就要交出..
<br>出量後扣徐車錢飯錢全部要上繳
<br><<<<<<<<<<
<br>咁搞法,輪到個男人想離婚 lu
<br>
-
I'm so sorry
<br>佢洗腳唔抹腳,又唔改
<br>嫁唔過
-
你99真係唔岩喎, 講錯曬野!!
<br>
<br>真相唔知好過知,寄望佢有朝一日會改過啦!!!
-
多謝大家既意見.
<br>而家我已經沒收曬佢既信用卡, 仲要睇月結單, 糧單, 佢都應承左我, 我計左個還 $ 表比佢, 每個月佢還 $7500 債比我, 佢仲有 $2500 洗用. ( 而家佢份工收入多左 )
<br>
<br>我而家日日都哭喪咁對住佢, 大家都唔好受, 我話原諒佢最後一次.
<br>
<br>會滾利息既咭數, 我幫佢還曬啦 ( 如果冇再講大話的話 ), 唯獨是佢話有條數係循環萬應 $, 佢話而家唔可以即刻還曬, 銀行規定要分每個月還, 利息 $500 幾一個月.
-
-
心 - 03/15/08 01:57
<br>
<br>講真, 結左婚你重慘, 你D仔女更慘
<br>
<br>你收佢D卡, 佢唔會apply新卡? 佢唔會向財務公司借錢?
<br>
-
心
<br>
<br>咁祝福你啦~ 睇下佢係唔係真係可以做到啦~
<br>
<br>因為對於一個洗慣錢既人,一個月得番$2500 洗,都真係好唔夠
-
心 - 03/15/08 13:27
<br>
<br>一個無錢嘅人, 要credit card做乜? 幫佢cut 曬佢啦.