各位, 訂造家俬千萬唔好幫襯”美亞（ＭＡＹＥＲ）”，土瓜灣同紅碪都有分店架！差差差 ！

[77]

事件一 :<br />最初第一次到個間舖到, 坐低同d 員工傾下間屋可以點整．<br />當時係三個員工，我同媽咪兩個人<br />傾了兩粒鐘，講好了廳做四個櫃，當時大家還一起討論Ｄ櫃既用途，櫃門開門方向等等．．．<br />最後我問了一句，廳的櫃總共要幾多錢　？？<br />當時其中一位男員工回答，全部計埋合共＄１９０００　<br />（差唔多一千蚊尺，但當時諗住放在廳，比貴少少ＣＯＭＥ用Ｄ，同埋Ｄ板厚Ｄ都ＯＫ，因為廳要見人ＭＡ）<br />最後，當日落了＄５００訂．<br /><br />第二次再到舖到睇圖，當時傾野只有畫圖師和我同媽咪３個人．<br />但當時發現只有３個櫃，少了一個．<br />當時我問　：　少了一個細櫃既？未畫丫？<br />畫圖師答　：　係喎．但原來當時計比你既價錢只係３個櫃．<br />我　：　唔係ＭＡ，當時我問全廳櫃要幾多錢，你話要１９０００，而家話計少一個櫃？<br />畫圖師答　：　係丫，你知啦，個日人多手腳亂，一人一句，攪到我都亂曬<br />我　：　但當時你地三個人，仲一齊討論個細櫃點開門呢樣個樣．<br />畫圖師答　：　都無辦法，個日真係計少左．．．．＄１９０００真係得三個櫃．<br /><br />講左好內．．．．最後都要比多＄１１００做埋個兩尺細櫃．佢話佢自己要貼返Ｄ出黎．．．．．．<br />當時佢都有比Ｄ房櫃我地睇，仲叫我地比埋Ｄ房佢地做，但因為其實當時印像己經唔好，所以當然無比到．<br /><br />＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿<br /><br />還有事件二　：<br /><br />最近，所有櫃收到貨了，發現其中一個櫃有隻門開唔到，因為比件傢私阻住左．<br />我找回我當時傳真給畫圖師的資料，發現我提供的尺寸是正確的．<br />那麼，我當然地打電話去問個清楚，和解決方法啦，但回覆竟然是這樣子．．．．<br /><br />我　：　收到曬Ｄ櫃，發現其中一個開唔到隻門，我記得當時你打黎問過我拿傢私的高度，<br />　　　　比你預計返隻門開唔開到．<br />畫圖師答　：　係丫，係有Ｄ咁既事．<br />我　：　咁點解而家隻門又開唔到　？<br />畫圖師答　：　但你都無覆返我．<br />我　：　我即日傳真左比你，我當時都話會轉頭傳真比你．<br />畫圖師答　：　係丫．但我無收過喎．．．<br />我　：　你無收過我個高度，咁你而家個高度點黎丫　？<br />畫圖師答　：　我自己作出黎ｌａｗ　　　　（本來都心平氣和，聽到呢句真係嬲爆）<br />我　：　唔係丫ｍａ，咁大間公司，收唔到客人回覆，唔係應該打電話再問既咩？　<br />　　　　竟然會係作個尺寸出黎　？？？？<br />畫圖師仍然答　：　我見你無覆我，所以自己估．．．<br />　　　　　　　　　最後你都有簽返曬四個櫃比我丫．好彩你有簽者，如果唔係而家我都無得同你咬．<br />我　：　係，我係無完全續個對ｄ尺寸就簽返比你，<br />　　　　但四個櫃，過百個尺寸ｍａｒｋ位，我無可能真係每一個尺寸完全同準，<br />　　　　但你收唔到我覆你，你都唔應該求其作個尺寸落去比我．<br />畫圖師答　：　ａｎｙｗａｙ，而家點都好，最緊要你個櫃開到門，<br />　　　　　　　你打返上去寫字樓，再做過一個門，但要比錢．<br /><br />如是者，講了３０分鐘，講落去都無意思．<br />我承認自己有錯，ｆａｘ完應該打去問下，同埋自己無對曬所以ｍａｒｋ尺寸的位．<br />但我覺得佢都唔應該收唔到我回覆，之後自己作個尺寸落去．．．仲覺得係好應該ｔｉｍ．<br /><br />之後，我再打上去寫字樓．．．．<br />回覆再衰ｄ．．．．．<br /><br />寫字樓有位小姐，對話如下　：<br />我　：　又把成件事講一次<br />小姐　：　你唔好張Ｄ負任推曬比我地ＷＯＯ<br />我　：　我無推曬責任比你ＷＯＯ，我覺得責任兩方面都有．<br />小姐　：　我唔覺得兩方面都有，責任係你地自己既．<br />　　　　　再講，個時你地落親黎睇圖，都坐成兩粒鐘啦．都真係幾煩丫．<br />我（勁嬲）　：　喂，　我而家比幾萬蚊做幾個櫃，會唔會坐半粒鐘就可以攪掂丫？<br />　　　　　　　　既然當初係咁煩，你又做我生意　？　你大不了可以唔做我生意者．<br />　　　　　　　　而家事後出左問題，你講埋Ｄ咁既說話？<br />小姐　：　咁一係咁ＬＡＷ．．．．你只係比運費，做返隻門，＄８００<br />我　：　＄８００　淨係運費　？　無可能．．．．<br />（因為當時上黎裝櫃那位師傅，他說＄５００就可以做過一隻，而家＄８００淨運費，擺明玩野）<br /><br />之後又咬左十幾分鐘．．．．．．無意思．．．．<br />收了線．．．．．．．<br /><br />＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿<br /><br /><br />事件三　：<br />真係愈來愈火丫 !!!!!<br /><br />飾物櫃支藍燈 , <br />用唔夠一星期就燒鬼左....<br /><br />之前畫圖飾物櫃頂可以有兩隻色燈的效果<br />射上天花就米色燈<br />圓形通花位置就藍色燈<br />個櫃送到上黎就話做唔到這個效果<br />要一支燈做曬兩樣野<br />通花位置又米色, 射上天花又米色<br />我打上寫字樓問可以點攪啦....之後又話後覆<br />點鬼知今日有個男人打黎<br />大大聲話我好難為佢 ?????<br /><br />我難為佢woo.........頂佢個肺<br />做唔到的話, 之前畫圖又會唔知啦 ......<br />而家送埋個櫃上黎先話做唔到....<br />想點丫.........<br /><br />火爆呀....<br /><br />美亞居室d人既態度, 大聲夾惡<br />"喂, 小鉏.....你唔好難為我woo..."  係用喝我既語氣 law 唔該 !!!!<br />

[H2O]

感謝分享！我最近都hi左野:-(

[身心疲倦]

家私最好買現成. 因為我間屋有柱(唔四正) 迫住要tailor made, 原本裝修希望有個心意的小屋, 到頭來得到係一身心疲倦一根本係花了錢買難受, 同埋又要日日對住佢. 我同 "直銷" 訂廚櫃搞到屎, 顏色, 格式都同圖不一, 係家私鋪訂個床, 顏色, 格式都會更改. 鎖, 燈用5日 就game over.
<br>
<br>吊櫃價係 $380-500/呎 13"- 23" deepth, 地櫃係 $350-550/呎 24" deepth. 結論係便或貴都係一樣貨色. 家私最好買現成. 受氣受少d.
<br>

[love.2day]

既然嚟得relationship板,
<br>
<br>你係咪想話不打不相識 + 日久生情. 到最近鍾意咗 美亞（ＭＡＹＥＲ) 入面邊個?

[77]

想打爆佢個咀都黎唔切啦....仲日咩九生情
<br>
<br>請謹.....唔好幫襯佢....
<br>
<br>比幾萬蚊D氣, 有排受呀.....
<br>
<br>件事仲未完架.....
<br>
<br>條光管用唔夠一星期壞鬼左...
<br>
<br>又要打去問喇.....唉 ~~~~~

[受害者]

我完全明白你感受，我都係受這些公司陷害的受害者！總之條友竟然用左成6個月黎同我整一間7百呎既吉屋（之前已找人拆哂所有要拆既），我淨係油漆、舖地，做傢俬同整廁所就係咁多。佢做之前話2個月一定攪掂，後黎開始拖，我追佢，佢仲話我為難佢！
<br>
<br>仲話我十幾萬幫襯得少，但要求多多喎！佢個師父仲同我安爆左個馬桶，裝修完之後一個月到（我地那時一個星期只住一日），發覺個廁所勁臭兼地下勁多水，又係追究左成兩個月，我地自己找人來睇至發覺，係佢地裝爆左個馬桶，所以有臭水流出。佢地就話係我地坐爆左個馬桶，話我地要負責任，佢地個師父唔會再幫我地整！真係離譜，佢話明一年保用期，後黎死死地氣至賠返5百蚊炸，但係我地要買番個馬桶，仲要自己找人黎整呀！
<br>
<br>真係一肚氣，我真係好怕這些裝修公司！

[77]

to : 受害人
<br>
<br>你就真係黑仔過我...
<br>
<br>個間死人"美亞" , 都有叫我地比埋裝修佢做....
<br>我間屋400尺, 所有野整過曬...佢報價十四萬幾.
<br>
<br>我自己o係出面搵個師傅就十三萬, 平左成萬幾蚊.
<br>
<br>好彩無比埋裝修個間"美亜"整...
<br>而家整四個櫃都咁既死樣....又貴...
<br>反而我三間房d床同櫃, 比間屋村商場個d細舖做, 都仲好過間"美亞"丫.
<br>"美亞"有兩間分店又如何 ????
<br>
<br>三間房屋村商場報我二萬蚊
<br>"美亞"報我 三萬蚊....真係顛顛地...我又唔見得佢d野好過人,
<br>而家仲咁多手尾根.......
<br>

[77]

to : 受害人
<br>
<br>我間屋 400尺
<br>連拆野, 整好埋都係 兩個月左右咋woo....
<br>
<br>你幫襯邊間 ?
<br>不如講出黎比大家聽下....

[受害人]

個間野係青山道gar！我唔想講，話哂佢都知哂我電話同地址，費事，過左都差唔多一年！
<br>
<br>我初時都係只找他們做傢俬，後黎因為我地個裝修師父唔識整d較複雜的野 (投射機+hifi的駁線)，所以拆哂d野之後，就話唔做，叫我地找過第二個識整既黎整。
<br>
<br>咁我地咪諗住一次過，做傢俬+裝修lor，諗住唔駛煩，點知仲煩！佢初時話我地幫襯左佢之後，可以唔駛擔心，佢會負責幫我地監工同埋叫d師傳做野，又話好難同師傳直接講，係佢地夾慣就容易等等黎氹我地！
<br>

[芝士判官]

其實我相信間間都有害群之馬
<br>
<br>以前我都做傢俬sales
<br>所以建議如果你地訂做傢俬
<br>一定要搵師傅上黎度尺
<br>即使一張床，一個櫃都要
<br>因為好多時你地只會在意效唔放得入間屋
<br>而忽略入唔入到lift,或過唔過走廊(特別唐樓最易出事)
<br>
<br>另外唔好以為現貨就無問題
<br>因為每件傢俬都唔係用一個倒模整出黎
<br>實會有dd出入(最大問題係顏色)

[77]

TO : 受害人
<br>
<br>美亞又係咁同我地講.
<br>比埋裝修佢做就好好, 又話唔洗分開兩PART
<br>又話夾野易夾, 出錯機會都少咁話WOO....
<br>真慶幸我無比埋佢做,,,
<br>而家全屋比左四個櫃佢做都嫌多丫
<br>做四個櫃, 有兩個出事....
<br>
<br>
<br>TO : 芝士
<br>顏色都有少少問題, 但間公司就話, 佢地舖面隻色都係咁
<br> (個時我話要佢隻白色, 而家黎左好似米色, 仲要帶D色)
<br>我問點解咁黃, 佢地就話係咁架....己經係最白架喇...同舖面個隻一樣
<br>但一對比起我地D房櫃(真係白色), 就真係差好遠LAW....
<br>
<br>
<br>
<br>

[受害人]

77:四個櫃有兩個出事，就緊係唔好再比佢地做拉！真係前世未煩過咩！
<br>不過講真，我個間d傢俬係ok的，d傢俬花左都願意幫我地換，因為佢透露，佢地大陸做好平，所以唔介意！仲有佢話，要換的話，會成個換，因為係屬於退貨，唔駛佢地比錢再做，同埋佢話淨係換一兩塊板，一定會唔同色！
<br>
<br>針對傢俬顏色，真係好難講，燈光唔同已經有好大分別！好似我訂d窗簾，以為係白色，黎到我屋企變左米黃色，跟住條友真係帶埋display塊布黎對比我地睇，真係一樣，吹佢唔脹！但傢俬就好難對lor，或者你可以叫佢帶色板黎同你對返既！
<br>
<br>

[77]

to : 受害人
<br>
<br>都唔會再叫佢拿色辦黎對喇...
<br>而家ONLY叫佢幫我攪返掂個D燈就算了
<br>顏色都無計啦...就算真係唔岩, 佢都唔肯幫我再整架啦...
<br>唔係到時又唔知要罵戰幾內丫....真係人都顛....