咩係反式脂肪?
-
-
反式脂肪(Trans Fat)
<br>
<br>現代人為著健康的關係,毋敢食動物油脂,真濟人毋管是毋是食素的,攏改用植物油;
<br>甘有影食植物油就一定卡安全的?即馬,有歐美的研究報告講:反式脂肪(Trans Fat)
<br>已經互人公認是殺手脂肪囉!嘛是共款對心血管的健康有敗害,反式脂肪嘛攏藏佇咱日
<br>常生活的食物中,咱﹝勿會﹞當無來瞭解和無認識伊•
<br>
<br>認識反式脂肪:
<br>咱攏知影植物油是含有大量無飽和脂肪酸的優點,但是,無耐高溫來炸,會受氧化和變
<br>酸的缺點;所以,業者就利用氧化作用來改變植物油原本的結構,互植物油變成耐高溫
<br>、好保存、卡﹝勿會﹞變質;不過,佇進行氧化作用的過程中,就會產生危害咱健康的
<br>反式脂肪•
<br>
<br>反式脂肪對咱健康有什麼危害?
<br>因為反式脂肪入到咱體内,會轉變做無法度分解的反式脂肪酸,會增加低密度脂卵白
<br>(LDL),降低高密度脂卵白(HDL),長期食用落來,卡會得到心臟病、動脈硬化等等,
<br>對糖尿病患者的危害搁卡嚴重,對幼嬰仔嘛可能造成腦部的病變•所以,反式脂肪酸的
<br>危害,嘛有可能比動物性的飽和脂肪酸卡懸喔!
<br>
<br>什麼物件含有卡懸的反式脂肪?
<br>所有炸的物件,親像:雞排、雞塊、香酥雞、豬排、蕃薯條、油車粿、洋芋片、速食麵
<br>、多那滋、人造奶油、奶精、烘蘇油、雞卵糕、麵包、餅乾、西洋式派、囡仔食的庶饈
<br>仔等等•攏算是喔!
<br>
<br>按怎樣來減食到反式脂肪的物件?
<br>目前,醫學界猶未研究出食到反式脂肪的安全量,所以,隨人顧生命,健康的一般人,
<br>當然是食愈少愈好,抑是有慢性病的人,搁卡愛注意;莫怪有人講:伊攏是全素食,不
<br>過,健康檢查時,低密度脂卵白(LDL)一直真懸,顛倒是高密度脂卵白(HDL)偏低•he
<br>毋是無原因的啦!專家建議講:
<br>食品包裝頂若是有標示:精緻植物油,有氫化(Hydrogenated)、半氫化、硬化的大豆
<br>油、(沙拉油) 、椰子油、棕櫚油、芥花子油、植物性奶化油、植物性乳瑪琳等,就是
<br>表示含有反式脂肪佇內面•愛盡量加食天然的物件,減食人為加工的物件,尤其含有反
<br>式脂肪的物件•
<br>
<br>反式脂肪的問題已經受到世界逐國的重視,美國FDA嘛規定自2006年起,所有的食物愛
<br>標示出反式脂肪的含量•咱嘛期待咱的衛生食品管理當局,會當和世界同齊來重視即的
<br>問題,來保護咱民眾的健康•
<br>
<br>
<br>