我有男朋友，但郤愛上另一個人...

jess,
 此歌由何人唱,叫咩名?

到我打算找機會同新男友講分手，新男友又拉拉扯扯的叫我吾好走,不斷的心軟，直到我真的立下決心離開新男友時，ex己經同左佢個女同事一齊，我知道左之後我在公司喊左好耐，仲請左一日假，我知道佢拍拖果日係2006年1月5 日，距離現在已一年，同佢分左手3年，我仲係好掛住ex，遇到開心或吾開的事第一個就想同佢分享，有次我工作上做錯事，比上司鬧，果日好吾開心，我好自然就打佢個電話，點知係佢個女友接，心情即時崩潰...新男友當然吾知我心仲有ex，我地仲打算出年結婚，因為我已27歲了，已再冇能力玩呢d感情遊戲，好累好累...我其實真係好後悔，將一咁好的男友親手比左其他女人..，只可以講句兜兜轉轉3年，當初以為自已最愛果個係新男友，誰知時間証明左ex才是我的今生至愛..可惜一切已太遲,我有聯絡過ex，但佢似乎想避開我，佢連朋友都吾想同我做，可能佢吾想我影響到佢同女友的關係吧..各位姊妹，時間係最好的証明，証明誰是你最愛的人，吾好好似我咁將後悔一生。

Did you study in Canada?

多謝這麼多位關心小女子的板友。你們給的意見我都有細心思索...
 
 我已經決定了辭工.......離開這環境......那個他...始終日對夜對...我不想再對/令人存有幻想....。趁還沒冇付出太多感情及傷害到大家時...這個也許是最好的方法。
 
 想到男友..我的心痛了。也許我們最後還是會分手...但現階段，他對我的重要性的確比那個他重要...
 
 他是我的男友...倚靠....朋友...親人...
 當愛變成習慣....那個他自然成為衝擊...
 我真搞不清..愛和習慣...當愛情變成感情該如何自處...
 
 我想..我的確是有喜歡過那個他...畢竟女人都喜歡被呵護...被寵壞的感覺...
 那階段的確很甜蜜..很難忘..
 很老土的一句話...是重拾戀愛的感覺..
 
 他的出現令我反省了自己和男友的關係...

多謝大家的分享.
 
 以前我都不明白點解D人會遇到呢D問題, 但原自己遇上了, 才能明白果種無奈及痛苦.
 
 我超過兩個多星期無聯絡佢後, 有一日收到佢的message, 其實袛係問候下及話俾我知佢呢幾日病左等等. 不能已經差唔多好番. 我知道後個心真係好想即刻去睇下佢. 但最後我連覆佢的message的勇氣都冇. 我好驚, 好驚袛要我一覆佢. 我地又欲斷難斷, 繼續糾纏下去.
 
 最後, 隔左兩日, 我個心真係好唔舒服, 於是我send左message問候佢. 然後, 我地現在又再聯絡番. 佢想同我想見面, 但我不敢. 因為每次見佢, 我地的感覺都好似越來越強.
 
 我以為唔再理佢, 一段時間之後, 問題就可以解決, 但原來我唔理佢, 我地大家各自都好唔開心. 其實我們亦知道, 咁樣係唔會有結果. 因為我唔會離開我男朋友.
 
 我好同意上面的網友提過, 呢種感覺真係好似腦發燒一樣. 經常都覺得好難過, 覺得自己好對唔住bf. 我知道我bf真係好愛我, 我無法想像佢冇左我果種傷害有幾大.
 
 現在呢一刻為止, 我仍然好無奈. 行前一步唔敢, 完全抽身亦難. 我會繼續努力, 希望盡量將呢件事處理得好一點. 令所有人都不會太難過, 包括我自己.

曖昧~楊''承'''林''

無奈, 不論你既選擇係點, 都希望你會幸福, 可能我都會同你一樣, 因為我唔夠勇氣再去嘗試 ...
 
 poorpeople, 唔好諗咁多後悔喇, 既然已經揀左, 個結果又唔係唔好, 不如enjoy 依家既對像, 咁樣你自己唔係會舒服點...? 可能得唔到失去左既...永遠都會覺得係最好...

版主, 我個CASE同你90%相似, u r not alone
 我tum左幾年, 都未揀到A定B…
 但唯一既忠告係, 如果你真係唔SURE, 唔好夾硬結婚
 嫁左, 就無得返轉頭

無奈, 點解咁似愛得太遲合唱版既?
 
 我同你地唔同, 我同拍拖七年的男友分手同而家呢個男友一齊, 因為我同前男友跟本無愛情, 只係習慣, 日日都係食飯訓覺, 說話都好少, 鬧交就好多, 佢一d都唔細心, 佢成日口口聲聲話係愛我, 但我感覺唔到愛, 就係第七年間出現而家呢個男友, 當時廿四歲, 佢比返戀愛既感覺我, 佢好識氹我, 講笑, 令我好開心, 我同前男友分手係要鼓起好大勇氣, 仲要孭起佢既債, 但我無後悔同佢分手! 因為我而家真係好開心

the same , 我依家拖左兩三個月已好辛苦...你拖左幾年壓力係咪更加大 ? ... 依家解決到未?

不同, 我同你個 CASE 前半段相似, 我男友又係口口聲聲話愛我, 但咁多年來我都感覺唔到, 但到我決定想走, 佢反而真係改過為我做更多野... 其實我寧願佢唔好變好, 我仲可以更加有決心走, 好過依家因心軟而拖拖拉拉

我同老公一起15年了
 
 佢2年前瘋狂地愛上另一個女人同我分離了,
 
 半年後佢回家了,知我係對佢最好,但感情上我感覺到佢已經收變了,佢好似只當我家人.
 
 從有事起,我一直等待佢回來,但佢回家後對我的態度,使我一再失望...慢慢我對佢的愛一直減少
 
 我不再信任佢,怕有一日佢又要走
 
 現在到我有人追了,不想一腳2船,沒有受接,
 怕開始後會好煩,好內疚.....但我有日會改變嗎?不知道
 
 如果佢當日沒有做出對不起我的事.
 
 一齊生活安安樂樂生活便好了

VI
 由04年拖到e+, 壓力真係好大, 試過癲到搵醫生輔導…
 到今日, 都仲未解決到, 主要係新歡份人好「唔爹唔吊」, 但我愛既係�
 原本拍左成10年既男友, 份人係好好, 但佢唔識tum我, 大時大節都唔會送野or送花, 而且佢性無能
 我已經對10年果個好冷淡, 希望佢自己無引離開 (如果講個真相比佢知, 佢會受唔住)
 我現時都係見步行步, 有心理準備, 至多兩個都無曬

the same , 拖咁耐真係會好辛苦...但其實你本身男友咁不濟, 有諗過離開佢嘛? 而你話新歡「唔爹唔吊」...係佢無用力爭取你 ?

VI
 新歡好浪蕩, 但好吸引, 佢無爭取, 都係同我過一日得一日果隻
 原本果個就係好穩陣既男人, 好正氣, 但佢已經將我當成一個親人咁, 無曬火花 (所以我明版主講同bf變成親人咁既關係…果種感覺)
 我同原本個bf近排嘈過交, 我刻意無搵佢幾日, 但佢次次都搵返我, 我同佢已經無曬任何親密接觸, 佢太唔敏感, 唔明女人咁樣係放棄左段關係既表現

在放低中, 好痛苦................

簡單來說, 我已有10年既男友, 大家都好忠於對方, 我男友對我並不差..很有安全感,..... 直至遇上他, 他年紀小我10年...他令我知道什麼叫愛, 從未有過這種愛既感覺.....好幸福, 但基於太多原因, 責任, 情義, 安全感, 冇信心, 我放棄"他" 我們發展時間幾個月, 見面不多..控制自己唔見, 見一次感覺會更深刻, 好辛苦..現在已有1個月冇見, 無論佢點要求..我只有不說話做回應...但我們仍有每天通電話..好矛盾, 好唔捨得..決絕唔到.....好痛..................................

nn:
 我同你差不多,又係有一個10多年既男友,男友對我好好,而另一個他,是舊公司同事,年紀細我6年,我轉左新公司先同他聯絡多左,佢話鍾意我時,我都拒絕佢,但佢都冇放棄,佢知我有男友,但佢話唔介意,結果而家就一齊,不過男友知道左,而且好擔心我會離開佢,其實我知男友唔夠他硬淨,所以我決定同他分手,但他仍然話唔好分手,仲喊,就算點都唔可以放棄佢,佢仲擔心埋平時男友點對我,驚我唔開心,其實他有好多選擇,我都唔明點解佢會選我,我知佢都唔開心, 而家我地每個月好難先見到一次面,大家好珍惜, 而且每日都有通電話,真係唔知點做....

cc,
 再拖落去..大家會更加痛苦, 我唔想咁自私..放開佢..- -...而家佢病左...想我陪佢..見我..我好想去睇佢..陪佢睇醫生, ...但我己控制唔見佢1個月....唔想前功盡廢...好辛苦........................

nn:
 我都好明白,我地都試過分開,結果大家一齊喊,佢唔明愛一個人,點解要咁辛苦,但係又可以點做,我地好難見一次面,因為驚比熟人見到,佢都已經好就我,男友搵我,佢會自動迴避,雖然我同男友講我地冇再見面,我知男友唔信,我唔想再講大話,好辛苦

自己勺3搭4, 仲講到自己係受害者,好辛苦,
 好辛苦<---all 自己做成,講到人地迫你咁..
 世界太多歪理......

我該怎樣？
 放棄多年穩定的感情？追求開心的戀愛？
 by 無奈
 
 如果沒有兩個問號，這根本是一個答案
 
 你內心已有答案
 
 人有時就是有”選擇”，　所以不去”決定”