跟自己的 身、心、靈 連結
-
Angel Number 333日
第333日「連續無間斷」瑜伽，
Namaste🙏🏻所以今日練咗兩個：
呢兩日順手去Yoga Alliance 入會，
登記張「畢業」證書，👩🎓
YA驗證埋張Cert，okay咗，然後俾我
攞埋個RYT個正式章。🎖️可以去印卡片喇🪪🤣
仲可以放我個名同profile 上去YA個網站，
之後，全球人就可以search到我係一個導師。🔎
當然世間上已經有千千萬萬個導師🤣個表格仲問我間瑜伽學校叫咩名？
唔係我「學」嗰間，係我開黎「教」嗰間😅
好勁咁！我本來真係想寫：Milk Tea Yoga
哈哈😆
後來改咗個名叫做：
「印度瑜伽高等學府深造課程畢業的國際強勁地認可瑜伽導師『Miss A』學校」
😂😂😂😂
問你怕未？！✌🏻😎✌🏻
-
Day20 of Transform Challenge
佢果個foam roll碌嚟碌去想點呀？🤣
不過佢個風景，真係好正。
呢個view做瑜伽一流！今晚聽個Yoga Alliance的 orientation briefing
磅咗水Join咗member之後，
發現都幾多Online Seminars
不過D Seminars 好深原來YA呢個組織在美國🇺🇸
反而想跟之前學開嗰間印度學校
報埋佢個Yoga Nidra，呢個真係有興趣知。叫「睡眠瑜伽」，一種深度放鬆技巧。
香港所謂「復常」之後，多過聽到D人話自己無啦啦胃痛、心悸，之類，咪就係精神緊張law. 唉😮💨
托賴，我暫時冇呢啲問題。🙏🏻
-
早兩日話個會encore嘅kassandra for wheel pose
就今日encore！
早左練習瑜伽。Dinner 前。然後，玲玲琳琳整雞胸dinner。
點解要玲玲琳琳？
有說肌肉運動後1小時之內補充蛋白質+Carb，有助肌肉盡快恢復。
唔可以齋蛋白質，－定要食埋Carb，
Carb係俾個肝臟儲返啲能量，
咁蛋白質就可以盡情地去補肌。類似係咁啦🤣
一做完，醃雞胸，浸蔬菜，
沖涼🚿，沖完埋爐煎煎炒炒
400 kcal, 40g protein🍗13g fiber🌾
Carb由當中的粟米🌽、柚子提供 （yes，柚子入饡😄）
同埋有啲vege都唔少Carb
一共有4-5種vege😁我一日唔可以食少過四1300kcal。
係，唔可以食「少過」。
不知不覺，已經建立左食低脂real food. 嘅習慣。
唔同funk food，real food 係食好多都仲係好低卡！
所以而家每日都好challenging。🤣
希望唔會搞到 eating disorders.😵💫玩健身嘅人，成日話要追蛋白。
我就乜都要追🤣
夜少少加杯奶🥛，任務完成👍🏻
食到1400kcal最理想。🤭🎡🎡🎡🎡🎡🎡🎡🎡🎡🎡🎡🎡
講返個 Wheel Pose，😄
跟住佢做做做差多40分鐘後，
然後綁繩😅，上！得喎！
明顯感覺到自己D手腳撐直咗significantly😅由之前 “not this” 去到”do this” 啦！🥳
今日第一嘢已經上到！撐到10秒度，
然後落返嚟，其實唔係撐唔住，係驚多啲，
驚再維持落去唔夠力，會跌親整到條頸。🤪再做第二次，5秒，手開始攰，哈哈😂
想試吓遞起隻腳，行埋少少對手度，
但係郁唔到🫣🥴
好啦！比上次進步咗好多啦！🥳
收貨！🍀手腕都攰，因為係向後屈住。
挑戰吓呢啲pose係幾好玩嘅。
有啲YouTuber教撐起腳先，
但有啲又話手腳一齊上。我嘅心得係：
手腳一齊用力上。
要一鼓作氣、要全身肌力，但又唔好心急。
如果腳上先，身體大部份的重量會shift咗去雙手嗰度，
對我來說，就未必撐得起。手腳一齊上
-
琴日做到個拱橋，
今日工作又順順利利，
持續性開心😀做返Tim 個 Transform，
Day 21, 22，又係呼吸、物理治療嗰啲
但今日想爆汗，索性直接做Day 23，
同埋事先做5分鐘breathing & meditation。
我覺得的確對瑜伽練習嘅呼吸有幫助。🥔🥔🥔🥔🥔🥔🥔🥔🥔🥔🥔
今日個dinner手緊返，350kcal，
雞胸，燕麥薯蓉，蔬果為咗trigger個身體離開平台期，
依家：
日頭食量多啲，夜晚少D，
日頭多D Carb，夜晚多D蛋白。
整日食嘅嘢差唔多。又好似衝破到個平台期，
早幾日開始錄得新低。我覺得dinner應該proportionally 減至300kcal更好。
不過慣咗手勢，要執一執個份量。
🎃🎃🎃🎃🎃🎃🎃🎃
最近一位女性朋友問我：
佢個胸，因為減肥而瘦咗，點樣整返大佢？我本來諗，應該無望🤣
不過諗諗吓，
咦？佢問呢樣嘢，其實都關我事喎。😁所以，我認真幫佢諗吓。
俾我見到呢個video:
Thumbnail中間張相，好吸引，
就係欣賞呢種咁健美的…. 上圍
之前推介那個”neck yoga” youtuber - Paula
都有講過好欣賞佢…果度….. 咁健美原來胸膛，主要就係一塊肌肉：胸大肌。
咁反正之前都話想練胸肌，
想「唔掂地」由Chaturanga 撐到去up dog 🐩
(問過chatGPT話架係要練胸肌😂）好啦，搵番啲啞鈴出嚟，🏋️
就跟個video做啦！佢坐喺部機推前嗰啲動作，
如果在家用啞鈴，
就瞓響度，雙手拎住啞鈴向上推就可以。
的確係會睇到上胸部啲肌肉膨脹。介紹埋比個朋友，佢無限感激我。🤣
笑鬼死。Btw，個video都解釋得幾好。值得睇吓！
-
啱晒我今早個mood
唔想爆汗，只想郁下，
仲用氣味比較庸俗嘅玫瑰(味)香薰🌹😑
刺激下自己。🧠
但忍唔住，都係加左少少甜橙。🍊撞鬼，開始前冇練5分鐘呼吸，
練習時，就真係忘記咗呼吸，
去到中段先記得😤🤦🏻♀️明明已經食咗早餐
但做做下．．居然．．肚餓(?)肝糖Empty晒的感覺
咁快？😰
今朝早餐．．係一隻糭+ 一隻蛋喎！
-
熄冷氣=高溫瑜伽🥵
5分鐘呼吸
- Day24 Transform Challenge
- 幾組啞呤
夠皮
呢期多數「自動高溫瑜伽」🤣
可能🤔️訓練左身體嘅散熱能力
瞓覺都冇開冷氣 🌬️
有時連風扇都冇開。🪭
-
今日趁未出去Father’s Day 有時間咩都練吓。
鬆下條頸
Neck Yoga - Paula
如果只係計video，佢呢個video應該係我練習得最多次的，咁多年來，冇50次都40次。
五星推介！又訓下瑜伽磗🧱
Day 25 of Transform Challenge - 成40mins🤪
當然，事先又練吓呼吸先。
啞鈴，今日休息下先。雙臂有啲攰。
因為頭先嗰個Day 25，有做拱橋，感覺到今日手臂有啲攰。
要數住「123上」😄幫自己打氣先上到。關於胸肌：
其實，我又唸真D，
做瑜伽都應該已經幫我連咗啲胸肌….當我一隻推啞鈴時，
另一手按住上胸，確定個用力位，
已經有小小胸肌
只係未夠，同埋我又諗，一路以來，已經減左成7kg
10幾廿磅，
正路嚟講，個胸應該會📉……
但又好似冇好significantly 📉
咁應該係啲肌肉幫手晾返起一定係除非唔係。🤣
Biology class
記住，只係晾起，唔係直接將嗰個部份增大。
我唯一擔心係：晾嗰個位，好似係高啲，咁會唔會分咗上下半part？😰
-
今日請假，因為父親節。❓🤔
一朝早仲係外國父親節夜晚嘛🤣
video call同老公、小朋友慶祝。之後走趯咗成日，仲搬埋餸返屋企。
起初諗住做個輕kan 瑜伽。
但反正都Warm up 咗，都係做一個kun D！
咁就首先：練呼吸？ 🙅🏻♀️No
而係去洗洗、切切、醃醃、烚烚🥕
好多新鮮餸，一定要煮👩🏼🍳😊之後，正式開始🎬
Day 26 Transform ，又40分鐘爆汗
練hips mobility臨尾high boat 、low boat 不停輪迴🤪
好有挑戰性！
之後冲完涼，舒舒服服埋爐玩煮飯仔。🥘
330kcal, 40g蛋白，10g纖維，有薯蓉有carb
有滿足感的 Post-Yoga Meal 精心配搭🤤
補充番晒。💪🏼🦾
-
唸返一個好笑：
《面對街客：人生百態》系列：
（以瑜伽學校詢間處做借代）
有一個街客~~
問：做瑜伽每小時燃燒幾多卡路里？
答：初級的Hatha Yoga，1小時大約200卡路里。
問：咁半小時呢？
答：(🙄，咁細個冇學除數…都慘嘅…算啦）
100卡路里。問：咁如果帶住頭箍做瑜伽，會燃燒多幾多？
答：(問得嚟，不如做啦！最後，情況許可，無視👏🏻）
-
同一事件今日再次發生，但另一人：
問：咁兩小時燃燒多幾多？
🤣🤣🤣
@AgnesHongKong said in 跟自己的 身、心、靈 連結:
唸返一個好笑：
《面對街客：人生百態》系列：
（以瑜伽學校詢間處做借代）
有一個街客~~
問：做瑜伽每小時燃燒幾多卡路里？
答：初級的Hatha Yoga，1小時大約200卡路里。
問：咁半小時呢？
答：(🙄，咁細個冇學除數…都慘嘅…算啦）
100卡路里。問：咁如果帶住頭箍做瑜伽，會燃燒多幾多？
答：(問得嚟，不如做啦！最後，情況許可，無視👏🏻）
-
今日，做返之前skip咗個：
Day 22 breath work
然後 Day 27
呢個都係好「物理治療」Yoga Therapy
好多年前Pure Yoga係咁叫推介，中間嗰個「擰腰擰頸」
先知自己啲淵痛…. 好勁然後，啞鈴，練胸肌
躺平，向上推。
其實……都練埋手臂㗎啦💪🏼💪🏼忽然，又諗起個經典案例，夜啲如有時間再分享。
-
Day 28- Transform Challenge
明天放假，
所以今日又玲玲琳琳處理啲濕星嘢。上午趕貨，下午要外出。
趁中午去銀行，排隊果半個鐘，
都用手機App工作。
Schedule 太packed，都冇lunch until 5pm 🥵
跟餐有經典黑糖麵包🐝🥖果間，包埸咁。
本來想攞部電腦出嚟做嘢，
唉，都係算啦，😌
正正經經食餐飯，夜晚先做。講呢炸嘢，其實想講，今日．．
在銀行🏦時，到我埋counter，
旁邊另一counter有個年輕男子，個look正常，
上下打量我👀，
唔通．．羨慕我身材好過佢？😂
想講：小弟弟，做多啲運動啦🤣
或者係我大熱天時，標晒汗，臭親佢😅😅但臭親應該係彈開，會上下打量嘅咩？😄
然後又有：
食完個「下午lunch」之後，當放工啦，行咗一陣，
好開心，買到一對我一直搵咗半年嘅鞋👞🥰
好啱心水，仲半價添😇👏🏻
順手買多兩件tee，個售貨員姐姐讚我fit😍，
讚我腰位靚，唔使配外套遮遮掩掩
(嗱，證明佢唔係為咗Sell嘢㗎🤔）
仲咁specific，應該係真話。😅
女人真易氹🤣
隔咗一陣，仲追問我：
「你咁fit嘅？係咪經常做運動？」
嗱，我幫襯咗幾舊水嘢咋。
佢係Staff，唔係老板。今日咩事？🤪咁高興嘅？😁
諗返今日嘅衣着 (正經冇走光)
同埋，最近做咗啲乜嘢？最後，我諗到：
就係因為重做呢個Transform Challenge之前都有講過啦：呢個challenge會令人瘦一圈。
唔信check返。😌✏️☑️✅
唔係🐴後🧨㗎！
我係一個「國際持牌瑜伽老師」嚟㗎嘛⋯⋯
拯救宇宙💫🌟嗰隻添呀！
哈哈哈 😆宣揚瑜伽🕉️ 係我嘅責任👩🏫🏛️🤲🏻📿🛐
Namaste 🙏🏻
-
Day 29 — Breathing and meditation
咁就順手今晚仔細睇D Meditation野
Meditation- the secret to take care of your mind
冥想：
practise隨時開燈熄燈咁，
當有懷事情發生，
就可以控制好自己的感覺，能處之泰然。呢個video，介紹得幾好：
What is meditation
-
《面對街客：人生百態》系列之
《切切🔪……瑜伽磗🧱》（以「瑜伽」做借代）
有一個街客~~
問：請問，切開舊瑜伽磚嚟用，係咪ok? (語氣係覺得冇問題，只係想人哋認同🤨）
答：明白。但，點解要切開呢？
間：因為唔啱我身高、手位，要切細D先啱用。
答：唔太建議。因為廠商設計生產瑜伽磚，尺寸、表面保護膜、內外物料結構、邊緣位、角位打磨等等，都符合了大部份人需要與安全標準。如果真的切開，例如內部物料不適合接觸皮膚，就可能造成皮膚敏感，或者新切出嚟D邊位容易鎅親手。故此不建議「切」，或者可以選購另一些設計尺寸較少的瑜伽磚。
問：咁有咩牌子係細D吖？(硬要拋個波比人🙄）
答：這方面則沒有牌子推介。建議你可以查詢瑜伽用品店。
問：(黑面)😓
答：(搬啲機構出嚟😌，萬一佢之後有投訴）抱歉，因為瑜伽權威機構－Yoga Alliance －也沒有雙相關牌子推介。
(好心解釋比佢聽又要唔like，其實想人哋支持自己D奇怪唸發，＆萬一出事可以賴下人。）
😁😁😁😁😁😁😁😁
-
《面對街客：人生百態》系列之
《瑜伽能醫百病》（以「瑜伽」做借代）
有一個街客~~
問：我中左Covid，做邊款瑜伽快啲好？
(嗱！要專業答。係唔可以玩個客。）
答：如果精神可以，可以嘗試冥想。😁😁😁😁😁😁😁😁
又一個客~~
問：我屈親手，做邊款瑜伽隻手好快D？
(果然熱愛瑜伽呀下😁）答：重點係休息多啲先。可以試吓唔用手嘅瑜伽動作，例如：Mountain Pose(企喺度呼吸)，透過呼吸，放鬆心情，隻手都會快啲好。
過咗幾日，同一個客~~
問：如果屈親腳，做邊款瑜伽會好快啲呢？
(要忍住笑😂😂，但唔想破壞佢心目中「瑜伽能醫百病」的形象）
答：可以考慮Yoga Nidra-睡眠瑜伽。但必須注意安全，量力而為。🤣🤣🤣🤣🤣🤣🤣🤣🤣
-
Day 30 👏🏻👏🏻👏🏻👏🏻
完成Transform Challenge 🏁
-
今日，喺屋企已經食咗成千卡路里，
之後夜晚出街食，冇900都800kcal，
今日超晒標，當係人哋所叫的「cheat meal」
不過我似乎係 Cheat Day。昨日完成左Transform，今日好隨心。
多數會睇吓邊啲video最新。
就見到呢個，一個鐘⏰好啊😆
夏至，原來西方都有？
仲要國際瑜伽日就係夏至嗰日。夏至，就係一年過咗一半，
成個video都有一啲呼吸同冥想嘅部份，
Kassandra鼓勵諗吓上半年有啲乜值得驕傲、高興，
下半年點樣做得更好。當中有好多式子都要做九次，拜日式九次，
初初做拜日式，做幾次已經暈陀陀。
依家做九次都冇乜嘢。
其實唔需要勉強做一啲好難嘅動作，
同一款簡單動作，
你都會感受到自己進步。可能佢一開始有啲拉筋動作，
Forward fold時，今日居然可以成只手掌掂地。✋🏻✋🏻剛巧想開始做，忽然變咗同老公、細路傾電話。
著住yoga bar top傾video call 📽️🎞️😅個「細路」😁就快生日，唔係細路啦！
慶幸佢如願入到想去的學校、學科。
希望新一頁順順利利。🙏🏻而另一邊廂，
我亦係人哋個女😄，
今日我媽叫我唔洗再減啦，
減到面都凹晒，
(邊有咁嚴重呀？🤪)BMI 20 💃🏻—-可以有幾凹呀？🤣
有次仲叫我「減完之後食返多D野補返下」🍖🥩🧁
呢句說話超級詭秘！‼️
勁過「唔好空肚食早餐」🫙
笑死我😆由於早幾日買咗對新鞋👞，可以襯裙，
今日着一條平台期之前買的新👗，
平台期之後的今日，
條裙居然有啲鬆👘
條裙都係好鍾意，
咁我應該想佢啱身，還是越嚟越唔啱身？🫤
-
今日蒲左一日，
活動量爆哂Quota，超攰。就乘機練呢個，先記低：
好可能訓左😴如果係好嘅，之後再記低。
-
忙左一日，呢個啦！😊
-
尋晚，因OT，就食咗dinner先，夜啲先yoga，
Btw, yoga盡量空肚練。一開始練習，child pose時，
個腦就review返dinner食咗D乜（好為食）😅又因為weekend兩個dinners都唔lite
所以昨晚食乖番 ——- 不多於300kcal一路練，一路諗返，300kcal可以係：
1️⃣麥當勞🍔板燒雞腿包，走醬 （My Favourite 😻)
包咋！唔係套餐。
就算唔跟薯條，跟薯蓉都over左
所以留返日頭食😄或者：
2️⃣ 雞胸、青瓜、菜、些少薯仔 ＆ 辣椒粉 ＆ 低卡抹茶latte
我揀咗後者，自家製，辣辣地，亦可以好味。
如果揀1️⃣，個包一定令我唔夠飽。又btw, 七味粉，的確係keep fit良伴，好推薦！
同埋唔一定下下都係雞胸🐓，
魚🍣、蝦仁🍤都可以。
雞髀肉🍗「去皮」都係ok。細舊D。食物配搭的確係好奇妙。🔮
-
今日選了一個 Jessica的Seated Yoga，
之前果排冲冲冲，
所以呢期想restore下自己，
個心、身體。運動量少咗，energy deficit/能量缺口太細，
體重唔會跌，只會keep住，
但OK啦，其實而家都可以。😅
亦要小心，唔好over eat。🔮固本培元一下先
meditating yoga，增強下自己的intuition🧠🕊️
－－ 近期好需要，
瑜伽吸引嘅地方，
就係能融入不同的Lifestyle。🏖️🌊🧘🏻♀️🕉️
-
不要因為減重，而麻木節食，
或者一知半解地follow一啲偏方嘅飲食，
一旦處理不當，飲食失調，手尾好長。下面係轉載自一個飲食失調患者的公開分享：
📝📝📝📝📝📝📝📝
Instagram什麼是生命的意義？ 生活在這麼大的壓力下還有什麼意義呢？ 用力走路、過度鍛煉，以及對第二天的恐懼，因為我害怕吃飯和體重增加。 減肥的初衷是為了活得快樂、自信。
我決定向媽媽坦白我的飲食失調，從厭食症到暴飲暴食。 所有的飲食限制、暴飲暴食後的瘋狂鍛煉、從垃圾堆裡撿食物……都訴說後，我感到如釋重負。 我想我以前沒能全力以赴，因為我太害怕再見到我的爸爸了，我不想听到他對我身體的評論。 但媽媽安慰我說不用擔心，她會處理的，並讓我多吃點，隨意吃。
父母辛勤勞作，讓我可以快樂地生活，不用擔心任何事情。 我為什麼要餓死自己？ 我媽媽了解我，她知道我喜歡食物，也知道我節食後變得多麼不快樂。
我已經停經兩年了。 我失去了很多朋友。 我失去了健康。 我失去了頭髮。 我錯過了與人們留下美好回憶的機會。
我想要一種生活。 幸福的生活。 沒有什麼能比得上健康的身體。 我需要恢復月經。 這是我的第一個目標。
從今天開始。 我要全力以赴。
我吃了這些可愛的點心，然後是巧克力奶油蛋捲、冰淇淋、餅乾等等。 我不會說我暴飲暴食（雖然因為我過去的經歷，我確實把很多的奶油蛋捲和冰淇淋塞進了嘴裡）。
我正在學習用心吃所有的食物。 我會對自己說我正在經歷極度飢餓，因為我之前體重不足並且給身體提供的能量不足。 我不是暴飲暴食，我的身體正在尖叫尋求幫助。
讓我們看看一周後情況如何。 人們說在Full training期間不要進行瘋狂的練習，但我還有 3 節動感單車課程，所以沒關係。 一步一步，我會讓自己吃東西，鍛煉身體。 這週我將飛回香港，然後我會停止瘋狂的鍛煉，專注於我的思想和與食物的關係。 我相信自己，我可以康復並找回我的充實。
我們做得到。
📝📝📝📝📝📝📝📝📝
唔知大家感受如何？
-
40min 冥想
- 15min Yoga Flow
- 15min 胸肌啞呤
冥想．．
之前，工作上的其中一個新方向，公海浮沉，
就只有一個心態：
有前冇後，打死罷就依家，有D路向見到，
係好事，但反而有D瞻前顧後，自我懷疑，
懷疑懷晒啲時間，就錯失機會，
不是好現象，
不如就信預感[或眼光]，合理的冒險，去吧！所以，試呢個，要讚呢個video製作得幾好，
我唔係好熟冥想，未完全投入，
但感覺有一種半催眠的狀態，
佢有埋啲background sound，
幫助投入。幾有趣🤭之後，加個15mins Yoga，但我唔係雙子座😁
又之後，繼續練胸肌😅，
認真喎，着緊身衫覺得….
好似….. 係……挺左/高左….DD
🧅🧅🤣🤣🤣🤣🤣
-
想記低：
今日pre-yoga ‘snack’:
馬莎 0% fay Greek Yogurt + 香蕉🍌一隻
Greek Yogurt ( 不是：Greek Style Yogurt)
香蕉：剛由生變熟，切件一齊食，超濃郁，好奶香，好味！
好似…..啲好高脂肪嘅雪糕咁。香滑濃郁。
但…..零脂肪喎！
意外發現🔮
170 kcal
12g protein
-
全早磅重，新低。😁
BMI = 20.04
體重跌得好慢，但原來係有跌的。
不過，肌肉跌D比例，高咗。
之前跌的重量：2/3(來自)脂肪，1/3肌肉
現在跌的重量：1/2脂肪，1/2 肌肉見過人哋，高磅數減下來，
4/5脂肪，1/5肌肉所以，減磅，一定要練住肌肉，
尤其唔係高磅數減下來。如果唔係做住yoga，
我D肌肉可能已經冇哂。
-
《面對街客：人生百態》系列之
《認知能力篇》（以「瑜伽」做借代）
有一個街客~~
問：我去印度一星期學瑜伽，但原來印度呢個國家D老師同同學都係印度人，我好怕印度人架，可以點做？
(想扮星爺答：地球好危險，快D返火星。☄️）
答：去印度學瑜伽戥你開心，你可以在當地登廣告請香港血統的瑜伽老師，在印度教你瑜伽。
客：ok la, 我再諗辦法。
（我哋係有少少懷疑佢，係咪想人哋羨慕佢有得出國，所以加咗句「戥你開心」，滿足吓佢先）
🤣🤣🤣🤣🤣🤣😅😅😅
另一客
問：我將瑜伽墊放埋家中一角落，攞返出嚟發現俾老鼠咬爛晒，變哂形，可以用嗎？
(或者佢將墊要成皮野啦🙂，hurt佢唔係問題，但唔好出自我地把口）
答：建議你可以聯絡你張瑜伽墊廠商，向他們查詢這情況能否繼續用、如何處理。
🤣🤣🤣🤣🤣🤣🤣🤣🤣🤣
咁要強調返，其實8成客都係正常嘅。😅
-
個ED女仔，
佢story話今日lunch non-stop 食咗4小時，
食咗4000卡路里😲。(邊食邊計？)仲話可能dinner都會咁😨，整日食10,000都唔過分🤪
佢話不停同自己講：「我之前厭食嘛，所以身體現在好需要能量，食啦！唔怕！」
原來佢自己醫自己？！
其實….可唔可以見下心理醫生呀……😵💫
佢個款唔似窮，間屋豪宅咁。
而家好多人鍾意撈埋醫生嗰份。
靠自己醫情緒病，我見唔止係佢。下面係轉載自一個飲食失調患者的公開分享：
📝📝📝📝📝📝📝📝
Instagram什麼是生命的意義？ 生活在這麼大的壓力下還有什麼意義呢？ 用力走路、過度鍛煉，以及對第二天的恐懼，因為我害怕吃飯和體重增加。 減肥的初衷是為了活得快樂、自信。
我決定向媽媽坦白我的飲食失調，從厭食症到暴飲暴食。 所有的飲食限制、暴飲暴食後的瘋狂鍛煉、從垃圾堆裡撿食物……都訴說後，我感到如釋重負。 我想我以前沒能全力以赴，因為我太害怕再見到我的爸爸了，我不想听到他對我身體的評論。 但媽媽安慰我說不用擔心，她會處理的，並讓我多吃點，隨意吃。
父母辛勤勞作，讓我可以快樂地生活，不用擔心任何事情。 我為什麼要餓死自己？ 我媽媽了解我，她知道我喜歡食物，也知道我節食後變得多麼不快樂。
我已經停經兩年了。 我失去了很多朋友。 我失去了健康。 我失去了頭髮。 我錯過了與人們留下美好回憶的機會。
我想要一種生活。 幸福的生活。 沒有什麼能比得上健康的身體。 我需要恢復月經。 這是我的第一個目標。
從今天開始。 我要全力以赴。
我吃了這些可愛的點心，然後是巧克力奶油蛋捲、冰淇淋、餅乾等等。 我不會說我暴飲暴食（雖然因為我過去的經歷，我確實把很多的奶油蛋捲和冰淇淋塞進了嘴裡）。
我正在學習用心吃所有的食物。 我會對自己說我正在經歷極度飢餓，因為我之前體重不足並且給身體提供的能量不足。 我不是暴飲暴食，我的身體正在尖叫尋求幫助。
讓我們看看一周後情況如何。 人們說在Full training期間不要進行瘋狂的練習，但我還有 3 節動感單車課程，所以沒關係。 一步一步，我會讓自己吃東西，鍛煉身體。 這週我將飛回香港，然後我會停止瘋狂的鍛煉，專注於我的思想和與食物的關係。 我相信自己，我可以康復並找回我的充實。
我們做得到。
📝📝📝📝📝📝📝📝📝
-
雖然唔係Morning，但係呢個video唔錯。
平平穩穩、規規矩矩的做哂
拜日A、B、C。🌻最熟悉的動作，配合固定呼吸的節奏，
好處係，一定唔會忘記呼吸。🫁
有規律節奏的呼吸，才是最有效的瑜伽。🆙
釋放壓力🐳🎐，💕適度的肌肉伸展、運動。
瑜伽前，黑朱古力🍫提升運動集中力。🥋
瑜伽後，300卡路里的dinner challenge。🥘🍽️要ensure各種營養均衡，🤹♀️
絞盡腦汁🧠但有成功感。煎白鱈魚 炒蕎麥麵、
配蔬菜白腰豆，少少辣。😋
330kcal/30g Protein/11g fiber記低呢個組合，下次encore！🩵
-
今日做到呢個！😉，
之前做得好辛苦，甚至做唔到。
不過，補充返：
如video用瑜伽磚好似係易做啲，
個重心冇咁低，感覺身體冇咁重。呢集嘅特色：成個練習用瑜伽磚浪起手，
個水平位同平時會有少少唔同，
個感覺都幾唔同。有啲位係會Intense D添
或者舊肌肉用力個位都有D D唔同。
呢個Exercise都幾……幾有驚喜。就好似，如果長頭髮咗好耐，
突然間剪過短頭髮，
會覺得自己好似成個人唔同咗咁，
着啲衫都要唔同（乘機買衫🤣）
但其實全身只係啲頭髮變咗。🧘🏻♀️🧘🏻♀️🧘🏻♀️🧘🏻♀️🧘🏻♀️🧘🏻♀️🧘🏻♀️🧘🏻♀️🧘🏻♀️🧘🏻♀️🧘🏻♀️🧘🏻♀️
瑜伽之後嘅晚餐，又係另一個有趣嘅挑戰。
300kcal，30g蛋白質、10g膳食纖維又要足夠。
又要少少碳水化合物。🤪唔可以就咁炒碟菜，100卡路里「仙女餐」。
或者好似之前有個人，食鳳梨酥🤣
冇錯，一個鳳梨酥應該300有找。
但係where is your protein? Fiber?
日日去到大大？所以唔洗食咁多fiber？
好！我當你係先。
Fiber提升飽足感，促進脂肪代謝。
另外，肌肉靠Protein + Carb。
Where are they in your 鳳梨酥或其他立雜嘢？仲未計維他命礦物質嗰啲。
又唔使？
抗氧化喎。
骨質疏鬆喎。
血氣唔夠喎。
你唔使？sure?當全部都唔使。
但未計食完個鳳梨酥，得果細細舊，
好快就肚餓，
然後宵夜嗰餐喎。以上係我自己提我自己啫。
發噏風，可以無視。
🤣🤣🤣🤣🤣好多theory，唔使記，
只記住兩個字就得：🔮 REAL 🔮 FOOD 🔮
-
呀……. 結果….我個din din
係：
100g三文魚 （用少少少少水「煎」，不下油）
100g 紅蘿蔔+青瓜（加埋）🥕🥒
100g 綠色菜🥬（我最害怕，因草青味😣）
50g 白腰豆(from馬莎) (同D菜炒埋，中和下草青味🤪）
秘密武器：
10g 蒜頭🧄（亦可以中和下草青味）三文魚一出，已經210kcal🤪
唔醒起😌，因為前一晚白魚好低卡Anyhow，做唔到300之內
最後埋單：
330kcal
30g Protein
10g fiber
達成🏁Carb 唔夠🤪
不過，小弟是有吃下午茶的。😂
水果+麥包
-
工作關係，最近要Relax，唔好咁Tensed
發現呢個幾得：
真係幾放鬆。亦容易掌握。
冥想初階。啱我。連做咗兩次。
-
今日下午的另一個練習：
係Kassandra 的一個20分鐘。但搵唔返條link🤪
只係好記得，做到呢個，單腳plank
今次係拎起下面隻腳。
琴日係拎起上面隻腳，好唔同㗎😂我覺得，有可能係最近玩啞呤，
手臂strengthen咗係！係練胸肌，但拎啞呤嗰個係手臂呀嘛！🤣
過去一兩個星期，啞鈴操胸肌心得：
正所謂：「百鳥在林，不如一島在手。」
呢一招有用！😁
即使沒有啞鈴，
做呢個動作，一定感覺到胸肌有點膨脹！只要將手從水平線提高小小，就練上胸
放水平線，練習中胸。
水平線下，下胸。
可以先試吓單手搦住一個啞鈴做，
另一隻手按着個胸，
慢慢感受吓膨脹嗰個位，係咪自己想練嗰個位。啱個水平位就繼續練。
仲可以趁呢個機會，修整吓個胸型。
或大細邊問題。
正經的。男人都會大細邊㗎！3至4組，每組13下，每組之間休息三數分鐘。
啞鈴重量？
每當你做到第10下開始攰，
然之後有點吃力地做埋嗰三下。嗰個啞鈴就啱重。
以前做gym學的😝
-
正！我要首先記低。
關於：迷走神經。
好Amazing ，跟佢指示按住頭骨後面皮膚，之後真係令我條「緊頸」鬆返。
先做一邊，一邊頸鬆咗，
再做另一邊，另一邊都放鬆埋。感謝Yoga with Tim 🙏🏻😉
-
工作壓力大時，我會做多一點點🤏瑜伽。
不安、多疑、幻得幻失。🌝🪐🫧
呢期工作性質係咁。
但又好刺激、好玩、充滿新鮮感喎。😉🤿🥊🚀🛸
令人欲罷不能。😁😁
誰知，喺呢啲咁不安嘅時候，
忽然遇着「上等人」(真情：梁舜燕style) 呢D尊貴客戶D無理要求，
想一腳伸佢出街🦶🏼💩唉，不過鬼叫佢係最大果隻Cash Cow 🐮
Question Mark ❓ 又仲未出齊毛，
一定要忍吓先，
通常呢啲情況，會更有鬥心🤣
決心一定要巴閉返俾上等人睇！吐氣揚眉🌟
好幼稚，但係呢個心態好有用
Keep 住呢團火🔥😁🌟抒發完畢😊
今日，又趁星期日，做三個練習。
2 x Tim + 1 x Adriene盡情地發洩了心中的鬱悶🤣
臨瞓前整返個meditation就完美。
Btw 早兩日介紹嗰個「冥想台」OK喎。😅
-
《面對街客：人生百態》系列之
《「幫朋友問」篇》（以「瑜伽」做借代）
有一個街客~~
問：瑜伽中child pose點做？
答：先咁咁咁，然後咁咁咁。
過幾日~~
問: 頭倒立又點做呢？
(咦？之前問啲基礎式子，忽然問個高難度，為咗佢安全…問下先：
我哋：請問你本身學左幾耐？想介紹返D啱你嘅式子。
客答：基於私人理由，唔可以講。
(仲好! 一陣間教咗佢，整傷咗claim返我哋就弊。）
之後，呢個「私人」客，又問D類似野，不過，每次都加一句：「我幫我朋友問」🤣
咁當然照答啦，但會好小心，加番多D「唔知道你朋友的詳細情況，但一般黎講．．」😂
最近有次，
「私人」客問：去做Gym，應該帶D咩？(Gym？我地Yoga喎，唔係我地專業，唔好答）
答：運動一般黎講，帶私人用開嘅野，建議問返做gym公司。人哋咁私人，叫佢沖涼帶底褲，反咬話我哋性騷擾咪死？
咁咪一般答law。
🤣🤣🤣🤣🤣🤣🤣
-
Minimal cues系列，超讚👍🏻
靜靜地，反而記得….. 呼吸
喉嚨有沙沙聲果種，海洋聲。瑜珈前，1個水蜜桃🍑+ 5克黑朱古力
瑜伽後，320kcal、27g protein, 16g fiber，小小carb不過，今日，只食咗：1100kcal
聽日食返多啲。
我要1200kcal至1800kcal
可能weekend食得夠卦？我發現，如果三餐都食得好健康，好規矩，
係好難食到1400-1500kcal。
-
工作優先次序調動關係（簡稱「OT」😂）
今晚夜咗。
但無損我對瑜伽嘅興致。😅
都係 Kassandra Minimal cues 系列。
今次做40幾分鐘。
可能今日啲嘢全部做到「半 lung kun」，
心態上未放低啲工作，
個腦不停唸😵💫但係啲動作做得好順暢，
同Kassandra 好合拍咁😁，啲要臂力嘅動作好似易做咗好多，
或者係胸肌協助到。
其實，我都唔知：玩啞鈴係練咗胸肌還是手臂自己摸上胸位置係多咗片肉咁。
但係弊在，唔記得以前有冇。🙄佛系啲，唔好理，
我本身對啞鈴冇乜興趣，
只係對人體實驗有興趣，想知道會有咩效果？
總之，鍾意練就練多啲。
練幾多、練幾密除心情決定。
過一排再睇Result。By the way, 我都想練蜜桃臀🤣🤣
頂我唔順？🤣乜都話想練。
(我自己都覺😂)咁人人都貪靚㗎啦！
唔好同我講有人會貪「醜」🤣🤣唉……不過呢期好煩，搞掂目前啲嘢先。
因為煩，今日多咗D emotional eating.
食咗約1600 kcal
因為：有包⋯⋯小包薯片，3xx kcal
我唸，上一次，應該係一個月前食。
今次揀隻淡味，就覺得冇咁鹹。🍑🍑🍑🍑🍑🍑🍑🍑🍑
-
今日做好部份野，有返小小完滿感覺。
所以，練習夠一個鐘賀下佢。🥳
唔知點形容：想Chur下。🤣
Jessica Yoga，略略多於一個小時的練習，正！
佢一開始話呢個係for Beginners to intermediate，
做落，好肯定唔係啦🫠
好多高難度動作，起碼對我嚟講。好！尾聲有「拱橋」(see? for Beginners？)
我居然，撐起8成時，跣手👋，頭頂着地🤪🙊好彩個腦筍🧠，近50年，
應該已經生埋咗🤣….physically但mentally 就……😅
Anyway, 唔知係咪手汗，張墊咁跣？
諗諗吓，呢張墊都用咗三四個月。
咁又要㊙️蜜🍯朋友去幫我孭瑜伽墊😉😂「係啊……好重啊……好彩有你咋……🥹」
🤣🤣🤣🤣🤣
不過，講起「好重」，
我發覺雙臂嘅力量強勁咗之後，💪🏼
最大嘅益處，就係去買餸冇咁辛苦😂
You know? 呢樣要一斤，嗰樣要一斤，
有啲仲兩斤特價，🤩
行咗幾個檔口，
Shop shop 下已經shop左6、7斤野，
啲生果先攞命！
我去嗰個街市，仲要搭車添，
但新鮮好多！（D weekend師拉係咁🤭）以前呢啲狀況，真係手都斷。
依家6、7斤餸，面不改容！😂
鼓勵自己煮嘢食係好事，
食得健康啲，手臂又強壯啲，
又可以再買多啲，係好性循環🔄Btw, 點解我會食到咁多嘢，
六七斤嘢？傻的嗎？😵💫講返嗰塊…..塑膠瑜伽墊，應該冇1kg。😌
記得要講：
「係啊……好重啊……好彩有你咋……🥹」
記得眼泛淚光。
(張柏芝食Wasabi咁)D異性中意聽。🤣🤣🤣🤣🤣
-
仲有，
唔想玩啞呤蹦蹦聲，
可以用橡筋，
買咗一條好似布帶咁，
感覺安全啲唔會拍一聲斷咗呢個動作：
就下啲角度，
條橡筋都可放喺手臂內面，即胳肋底下，
練個位又會唔同咗，有興趣不妨參考。
-
近日，想做Solar Chakra的瑜伽，
一向腸胃虛弱，
所以需要「瑜伽治療」Solar Chakra Yoga D動作會集中喺腹部，
老公曾經講過：
「瑜伽就係
將自己擰來擰去，按摩啲器官，
將自己倒來倒去，增加血液循環，
將自己壓右壓右，血流血壓改變，沖走D細菌。」解釋得好Laymen，
成個瑜伽老師咁。
但，佢係完全唔做瑜伽🤣我叫佢陪我做，
佢話：「Yee！咪搞！成個女人咁」🤣🤣🤣🤣🙄🙄🙄🙄
但佢又噏得出以上嗰番說話😁
佢都識好多野架💕🥰
所以好多時，諗唔通嘅嘢會問佢意見，
多數工作上💼
佢都唔係返緊我份工，
但佢啲意見係好好好work。
教我順從，教我凶狠，教我中間落墨，都有。
佢呢方面幾十年都冇人能及。💗💗💗💗💗
無啦啦撐得太遠添。
講返Solar Chakra Yoga😅近排生活緊張，會影響腸胃，
個身體話我知，要做返多啲呢類瑜伽，
按摩吓腸胃位置，增加腸胃血液循環。🩵🩵🩵🩵🩵🩵🩵🩵
然後，見到之前記低嗰個冥想Channel。
有呢個video:激活自己個Kundalini 🤔
Google search : Kundalini
我居然見到：「瑜伽邪教」呢啲字眼😰咁驚？
有篇healthiline.com 的 article 提到：
During a Kundalini awakening, people report physical sensations, such as warmth or tingling, disorientation, and some temporary discomfort.
If a person isn’t fully prepared for the experience, some people claim they may experience long-term negative effects
再睇吓先。
-
之後都試左呢個。
其實，可能因為佢D音樂，
音樂個頻率都幾低，
有少少詭異嗰種🃏幾令人放鬆，
但可能係太relax 還是我太攰，
有幾下闔着咗咁😴🤭中途睇咗兩次個video佢幾時完。🧐
佢一共38分鐘，淨返最後7分鐘，
頂唔順唔坐喇，瞓喺度聽埋佢。聽完之後就瞓咗。
不過，琴晚又真係幾好瞓，瞓得好林。
Again, 可能因為太攰。唔知關唔關事。
Anyway : 可以再encore
-
《面對街客：人生百態》系列之
《「不勞而獲」篇》（以「瑜伽」做借代）
客問：我想減肥，做乜瑜伽好？
答：你可以做鍛鍊性質重一點的，例如，Hot Yoga, Vinyasa Flow, 或叫Strength/Power Yoga 之類，運動到整個人，強化肌肉。
繼續問：我見有D全程訓係度果D Yoga Class，個個都好fit咁，唔郁係咪真係減到肥架？
(妖，幾時有介紹呢種可以減肥呀？明顯佢跟本係想問D「唔郁但又減到肥」嘅方法）
答：果種係 Yoga Nidra, 通常練習頭先介紹俾你嗰D瑜伽一段日子之後，想再尋求多啲Inner Self，就會參與呢個班，在最放鬆嘅時候冥想，所以佢哋個個操左好耐架喇，你講得啱呀，佢哋好fit。
⚪️⚪️⚪️⚪️⚪️⚪️⚪️⚪️⚪️⚪️⚪️
幾日後，同一個客
又問：其實，我都知要多D郁動先減到肥 (都話你知架啦🤭)，但我一見到張瑜伽墊，就想坐上去然後趟平訓覺，咁有冇話每日在墊上訓幾耐可以keep 到fit ?
答：………
(想唔答但唔得，唔可串或鬧佢，仲要後語對返前言，同埋必定要內容正確）答：哦，咁樣係瑜伽中俗稱的「大休息」，呢個動作好好架，好適合上次建議的Yoga flow練習之後做，讓血液運送全身，並放鬆肌肉，躺平幾耐都得。Keep fit效果就視乎躺平之前個練習的強度。
😅😅😅😅😅😅😅😅😅😅
-
多野要處理的星期六。
Solar Chakra的 Yin Yoga 🕉️
Namaste
感激每日有瑜伽的空間🙏🏻🥰
-
Kundalini Yoga 邪教瑜伽？
客觀地搜尋過D資料
喺度，做返個筆記先。✍️Kundalini Yoga 理念係：
每個人都有一股沉睡嘅能量。Inner Energy
位置大概喺瑜伽七輪當中的海底輪
尾龍骨位置，
七輪最低嘅一輪呢一估沉睡嘅能量，如果你能夠激活佢（Activate）
可以產生更多能量，開發潛能，帶來更多創造能力。總之，就係發掘一個新嘅自己，之類。
因為這股能量係位於人體的最低位置
便需要透過練習，
將這股能從下而上，帶到上最頂的一輪二輪就是：頂輪、眉心輪
分別掌管腦部的：松果體、腦垂體。
所以能刺激個人智慧、靈感、創作力、身體健康
聽落咪類似瑜伽中的七輪？！
有人形容佢係瑜伽嘅第八輪。更加超脫。🌟
瑜伽七輪 (Chakra)，好正派吖，
正常嘅瑜伽導師班都會教，
透過冥想和呼吸練習，激活七輪之間的溝通。
目的使人體各個器官互相配合，身體更加健康。
聽落幾正路。而反面的說法：
有些人會覺得這股力量過於強大，
一旦激活了，有人曾feedback過：
「不能控制這股力量」
這股力量，令到他們有頭暈、手腳失控、疼痛、
甚至會不自主地做出一些不可思議的危險瑜伽動作。想像：好似睇戲啲情節，
玩神打咁，變得刀槍不入。或者好似沉迷咗某一些宗教咁。
所以，一般建議是：
搵一個正確的導師去學習Kundalini Activation另外，由於有說因為這股力量沉睡於海底輪，
再上一層便是：生殖輪，
所以，亦有些，基本上肯定係是騙子⋯⋯
說「一男一女一起練習」便可以激活Kundalini。之前，在香港，
都有新聞：女子被男「瑜伽導師」騙色🤦🏻♀️這個video，都幾中肯，分析正面反面。
當係disclaimers，放喺呢度：有興趣建議睇吓。
咁詭異…？
之後，揀咗一個練習：Kundalini Yoga
(放心，神打也不是一天練成🤣）
主要是一些呼吸法，配合動作，
個人練習過，覺得個練習幾好，
先會記低響度，
主要的 key moments:1️⃣ 盤膝而坐，前後Cat Cow，較快速的呼吸，完成呢一段，感覺全身warm up，皮膚也在呼吸咁，其實都幾正常。
2️⃣ 繼續盤膝而坐，上身向左右扭動，
我覺得運動到我最想運動的太陽能位置，
呢一節練習完之後，覺得個胃暖暖地，幾舒服喎。
胃寒人士如我啱晒！3️⃣ 又繼續盤膝而坐，Breath of Fire — 雙手臂Y字型向上，急速呼氣，每一下都收縮肚腩，建議根足佢拳頭個揸法，四隻手指被手掌包住，瑜伽導師班教過：這樣有助於保存能量。
練習完，
會覺得空氣流動到全身不同位置，
幾舒服，幾正路。同平時練完瑜伽呼吸冇乜分別。初初頭1分鐘有chanting，
我有照跟住唱，只係唔明佢講乜。😅暫時，又唔覺有咩奇怪嘢喎。
-
漏咗，記低返先 📝📝
過去周末BMI錄🉐️ ：19.8
人體實驗之目標🎯：初步達成！🥰
-
今日：幾個短篇。
15min kundalini basic +
15min Kassandra +
15min Jessica呢個Kundalini，都係D呼吸法，
同昨天那個非常相似🤣
我最欣賞「擰左擰右」果個動作。
令我個胃 warm咗，
其實成個練習唔太郁，
但做完之後好鬼熱，可能係今日太熱😅
不過啲呼吸係叫幾用力，
要呼氣呼到個肚都凹哂。繼續有睇吓啲人對 Kundalini Yoga的comments, videos.
唔少人，話當果股力量出現後，
會有”mushroom trip”
Ie. 似食左某啲菇類，會出現幻覺
幻覺咗幾個月，後來好似好返。
咁都幾可怕。有個訪問，有個瑜伽老師話，股力量出現嘅時候， 會好突然，往往令人唔知what’s next？唔識處理，因為咁，會令人好驚，嚇親，lose the mind.。有老師指導下先好練。
當然，或者佢買緊廣告，咁就唔知。
咁似古裝片，練功練到走火入魔。🤓
-
原來不知不覺：
此thread已經過了500k view
每次入場$10
咁即係山區兒童籌款咗5百萬。
多謝🙏🏻😄初步接觸「昆達里尼」瑜珈 （Kundalini Yoga)
個人再痴多些少。🤣🤣抽咁多錢，係咪可以攞「愛心奬」？🏆🧧
今日：
Kundalini Yoga (Encore琴日嗰個13mins的）+
Yoga with Adriene 的 bed time yoga另外，睇咗呢個女仔，
關於佢練習Kindalini的感受，上下集。
大致上，類似之前其他人嘅講法，
而佢主要都係正面多，她喜歡這能量，😊
不過佢建議要找一個Kindalini導師，👨🏫
無論是網上或網下。聽佢咁講，
好自然諗起我常光顧的Online study platform，
上次胡亂地用 “Registered Yoga Teacher” search到個班，
好神推鬼擁，前後$1000度，hk dollar 😅，
搞左個超級霹靂無敵國際瑜伽導師licence🌏。
個朋友幾年前，用咗四皮嘢。💰💸咁，今次又Search下，點知….. 居然有！👏🏻👏🏻
有成10個course，不同導師的，不過小人報，
趁佢呢幾日特價，會望真啲，👀👀
subscribe一個都好喎！
了解一下昆達里尼的神秘面紗…….🔮🫢🧕👻
-
<a href="https://dlinkaplocal-setup.net/">Dlinkap.local</a> or <a href="https://dlinkaplocal-setup.net/">192.168.0.1</a> is the default domain name used by D-Link, a well-known manufacturer of networking equipment, to access the web-based configuration page for their wireless range extenders.
-
今晚買咗個course 😝，
睇咗啲介紹資料＆
上咗一個短篇的冥想練習。幾有趣咁。🔮
今日更有趣的，
是巧合地line up了一間台灣公司。繼續公海努力浮沉中．．遇到
不知是福是禍的機會。🤣仲有日本人單野傾嚟傾去，未落實好🤪
Bargain 中。不如一炮過。💣😜
-
今晚跟個Online course上咗一個鐘的Kundalini Awaking
通常在一個系列嘅練習，
頭一兩集一定係由底輸做起。今日那第一課，佢話改善內分泌、腎臟等。
D動作同練習七輪最低嗰一兩輪嘅動作差不多。
不過，因kundalini要喚醒….
藏於人體底部深處的inner energy，
佢哋形容為一條靈蛇 🐍，
要激活「她」
所以啲動作會比較強及急些，
(唔太啱yoga初學者，因唔會再教動作）
每個瑜伽動作配合呼吸，2分鐘內不斷重複，
做10零個動作，都半個鐘，
一定要瞌埋眼做，將注意力集中在第三眼，
老師有時有提示，做完每個動作邊個身體部份會熱，
而我就感覺到全身都熱 (因為天氣熱嘛😅)啲呼吸法會適量地按摩到內臟，其實都幾舒服。
另外，因為要不停大力呼氣吸氣，
建議打開窗做，並保持空氣流通。
當開少陣冷氣。😊其中有樣嘢同平時瑜伽練習唔同，
就係做完之後，我居然覺得…有D攰、眼瞓。可能係因為我今日冇飲咖啡。
等我喺YouTube search下有冇啲一個鐘的這類瑜伽，做完好嘅又記低。
