跟自己的 身、心、靈 連結



  • 呢個weekend,全面工作🤪
    我好怕做,但每年公司要做的事情,

    迫自己兩日內搞定,大致上完成,
    不過仲有小小,明天半日wrap up埋就可以😅

    今晚練習online course的 Kundalini Yoga,
    大約一小時。

    今早開工時,同蜜友弟弟傾咗幾句,
    佢好sweet,記得我早幾日講過的一些事情,
    後來佢知道我在做野,又唔會長氣。
    (後生仔有前途呀吓🤓)

    其實佢個人幾好。
    (咁講好似怪怪地,秘密交友,個本質終止係違反咗社會上某些定立了的規矩,佢有女朋友。😅)

    Anyway,佢係有D令我欣賞的特質,
    所以大家能秘密地維持了一段唔短嘅時間,
    只係朋友的欣賞,
    雖然親密,但我好肯定我哋唔過電。

    個人幾「好」🤔🤔
    講得具體貼切小小,
    應該係幾sincere、唔做作、唔假、脾氣好。

    Yes!係喇,應該係咁講。😅

    毛啦啦發up風🙊🙈純粹抒發。



  • 今晚,Search : Kassandra Yoga

    見到呢個就做,不到40mins,okay ar!

    一路練,一路幾肯定,我以前冇見過呢個video。

    只係好奇,點解會show呢個俾我?

    到中後段,原來有個headstead,唔怪之得。

    Google大神係有d 料到。😄

    〰️〰️〰️〰️〰️〰️〰️

    游出公海計劃,

    第一個客,寶島公司,從合作內容,佢唔係最理想的客,但佢係一個好嘅客,可以係我喺公海中的導航,所以想做成佢。結果,由大家remote開始傾,到簽約,不到兩個星期完成。上星期仲launch埋,不敢有半點鬆懈。所以弟弟約我都唔得閒🤣🤣,咁下星期law😅😅,雖然有D後續tasks要做。

    第二個有可能的客,東瀛公司,識咗佢起碼兩年時間,翻撻,今次個discussion由4個月前傾到依家,我將人地份約當template,再google translate去英文😄 再customize埋俾佢,都未得!🤢 唉,me me more more。不過,上次同佢地合作,傾左一年,傾到我想放棄,佢就簽咗😌

    第三個有可能的客,香港公司👏🏻,終於有同聲同氣的,合作內容係fit嘅,今日初步傾感覺良好。可能同香港客結埋婚生埋仔抱埋孫,東瀛公司都未搞掂。😌



  • 今日工作上收到好消息,審慎樂觀,
    想爆下汗。😅
    Anyway 瑜伽減壓效果係一流。

    用 “Power Yoga” search
    碌落些少就見到Yoga with Tim 👏🏻

    我之前應該做過,但今次做我覺得更有效。
    佢以伸展為主,拉後腿根。hamstring

    其實之前整傷膝頭,冇喺度寫低,
    不過現在好返,但好返之後,
    嗰邊腳hanstring變得緊咗🤦🏻‍♀️,要慢慢拉返鬆。
    所以今晚呢個練習幾啱我。😄

    受傷時間:
    係早排練「胸肌」之前。
    就係因為唔想個膝頭負荷太多,
    所以就轉為練吓上半身。

    受傷原因:
    估計係瑜伽時,對個膝頭太粗魯。🤪
    起初覺得個膝頭「怪怪地」。
    再過一排,做Yoga一屈膝,就開始有少少痛,
    好彩平時行路唔痛。

    🔮「我的」治療方法:(自己記低咋😜)

    1️⃣ 繼續每日練習瑜伽。真的。🤣

    膝頭受傷,可能係因為周邊嘅肌肉唔夠力。
    咁咪要練習囉!
    不過,唔要咁多震動到knee的動作。
    例如大力踏向前面,跳前,就唔做。
    改為行。初學者多數都係small steps 行。
    或者分兩步踏前。

    2️⃣ Review返自己動作

    是否不知不覺中,成日靠個膝頭用力。
    例如,做plank,係咪只係靠個膝頭撐直個body?
    大腿、腹部、背部、pat pat有冇用力?
    每個動作,心裏面都要有個check list,
    Body scan下,是否「總動員」用力?

    3️⃣ 合理地Part兩倍Omega 3 Supplements 🤫

    Omega 3 消炎作用是excellent!
    嗱,呢個絕對係我自己偏方,
    千祈唔好跟。🤣
    過去咁多年斷斷續續運動,都有試過傷膝頭,
    都係靠佢救返。
    大約part一、兩個星期,好返之後食返正常份量。

    4️⃣ 日頭食一粒撲熱息痛。

    撲熱息痛係冇消炎作用,只會減少痛嘅感覺。
    如果日頭枕住陰陰痛,
    咁會成日諗住:「膝頭傷咗」😌
    呢種無謂嘅壓力,對康復冇幫助,我覺得唔需要。
    但晚上瑜伽前就唔好食,膝頭哥有少少痛,
    可以提示自己動作要斯文啲,全身用力要正確。

    兩三年前,蜜友弟弟同我講,佢跑步跑到膝頭痛,
    心諗:吓?幾多歲人呀?我就話啫?你都痛?
    建議佢Omega3正常份量,
    一個星期好返。勁!

    之後佢keep住食,
    仲搵咗隻純度高,又好平嘅,介紹返俾我添。👍🏻
    「橙色連鎖店」品牌Omega3。
    之後我check返呢隻啲資料,又真係喎。叻。👏🏻
    食完下次買呢隻。

    (Btw,for腦霧,我最近食:
    Omega3,
    Vit.C/Timed Release,
    卵磷脂)

    (溫提:卵磷脂..高血壓不適用)

    遲啲睇吓效果如何。唔好學。😄



  • 計一計,今晚係 398 日 連續 Yoga

    好似D處境喜劇咁😄,幾千集。

    仲有,昨晚冇記錄低:

    呢條thread 已經到達 600k views.

    剛剛見到 603k views

    每日有2-3000千view,
    又話呢個forum冇人嘅?

    She會員係好鬼馬。😄

    咁,每次入場$10,
    累積總收益,已經超過HK$6,000,000👏🏻👏🏻👏🏻

    當一年咁,埋下條數啦:
    喺會計層面:
    Donation/Sponsorship 當係Other income
    唔可以入Revenue
    或者要plan下係未喺呢條thread賣野,
    瑜伽墊呀、Tee呀、
    呀!仲有Supplements 之類😂
    呢啲先可以入Revenue

    Cost of Services ,暫時冇啦,我係義工,
    冇Salary 冇MPF冇Bonus

    咁係個Income Statement度:
    (過去十幾個月)
    Revenue : $0
    Other Income: $6,030,000
    Cost of Services: $0
    ——————-
    Gross Profit : $6,030,000

    Operation expense
    Equipment: $600 (yoga mat)
    Insurance: $0 (膝頭傷咗都冇得claim)
    ———————.
    Total Expenses: $600
    ———————-
    Profit/(Loss) of the year $自己減🤣

    Sorry最近上晒腦🧠
    總之賺大錢😂👏🏻
    搞埋Balance Sheet同 Cash Flow,
    好快啲交俾Auditor交稅局。

    今日,練習:


    下課!



  • 第399日,
    深宵爆汗💦

    呢個Miss算係初至中級。有挑戰性。
    之前話因為一邊knee痛,所以make sure返每個動作是否全身一連串肌肉出力。

    所以,最近發現,需要core muscle果炸動作,
    係進步咗。😁

    例如,最基本,Side plank做得穩陣咗好多。
    還有其他。

    搞痛咗個膝頭,反而咁樣因禍得福。😅
    而個膝頭亦好返。

    今日,工作上大膽做左一樣plan好嘅野,

    係應該要試的事情,正經野😅
    但就有少少反效果,係少少,
    雖然長遠係好,會易容D manage,
    但當刻又難免有少少失落。

    之不過,又真係要面對,
    去到某個stage,係要理智地顯現一些事情。
    類似測試,陸續有嚟,咁先growth到。
    要蛻變,難免有鎮痛。(係啦,應該係咁形容😅)
    都冇得婦人之仁、戀戰心態。



  • 分享故事:《自己Build酮》

    唔係神打標童,係生酮個酮Ketone,
    故事由朋友提供。

    說話有個男仕,想減肥,搵營養師,
    個客一向飲食唔健康,對食物認識唔多,
    食沙律,會撈好多沙律醬,以為健康。

    咁唔緊要,好正常,唔係個個人乜都識,
    佢識得搵專業人士幫手,咁就好👍🏻

    營養師教佢食乜嘢,初初係有照跟….幾日。
    佢Report返話跟住食,但冇乜反應,
    咁當然係要啲時間。
    營養師就鼓勵佢,叫佢俾啲耐性。

    過咗一排,佢第二次report返話佢有繼續跟,
    但佢爆響口:我依家隔日開始食少少菜。
    隔日?😵‍💫開始?

    營養師餐單,當然係每餐都要啲菜。唉😮‍💨
    又係佢自己話之前有食開沙律😌

    唔怪之得佢話冇效果啦,佢都冇跟🤪

    隔日先食菜,咁叫做「有跟」,
    咁大個人,鬧佢咩?😌

    到第三assessment,其實都冇乜進展,
    佢又奇奇怪怪咁問:如果168會唔會快啲?
    大佬呀,正經飲食你都跟唔到, 168对你咪仲難?!
    佢一定係聽埋晒人地話168嗰八個鐘可以任食。
    咁不如你做營養師啦!

    營養師繼續苦口婆心,叫佢健康飲食。
    邊啲啱食,邊啲唔啱食,出聲。
    個plan可以根據食物嘅喜好tune下
    就算三餐唔煮飯,出街都有好多嘢可以揀。
    佢又唔出聲。

    之後幾次,又話便秘,又話減唔到,
    又問食冬蟲草會唔會減得快啲?
    仲加句:我都識識地中藥㗎。(死未!)

    流心冬蟲草西多士吖不如。加煲冬蟲草五花腩呀笨。

    營養師都想放棄。根本佢有自己一套。

    就等於去睇醫生,醫生開啲藥,建議做D咩、唔做D咩,
    個病人唔跟,又唔食藥。
    唔信呢個醫生,或者覺得佢廢,
    咪搵個第二個醫生囉。

    之後戲肉嚟:
    後來有一次Assessment,佢話出咗D疹,
    佢話係濕疹(但冇睇醫生),
    又話瞓唔着、又話食欲不振。

    營養師有經驗,一睇感覺到佢搞緊「生酮飲食」
    果D係酮疹,唔係濕疹。
    瞓得唔好、食欲不振,
    亦係生酮飲食導致荷爾蒙改變的常見現象。
    出酮疹亦common。

    佢好明顯係自己嚟,如果另外有營養師教,
    點會走來搵返呢個營養師吖!

    (如果佢咁樣走去睇醫生,講大話咁叻,
    當濕疹咁醫,真係害死個醫生。)

    營養師冇即時踢爆佢,或者估錯呢。😅
    問佢食咗啲乜(想confirm下)
    佢話每餐:多肉小菜。😵‍💫
    問佢主食 飯/麵食幾多?
    佢吞吞吐吐。
    咁就十成係自己build酮。

    佢依然聲稱嗰啲係濕疹,
    咁大個人先至有濕疹😌
    佢一定最近係經歷咗人生巨變💣🤯💥🌋🧨

    想抒發:
    如果對食物認識唔深,又冇乜健康概念,好正常。
    但就唔好亂咁「自己玩」偏方。
    所以我從來唔玩。😅

    如果想健康減肥,大部份都市人,將自己食緊嘅嘢,份量打個八折。就已經好好。

    打到個八折,先至將不健康嘅食物逐步轉做健康版本。

    可能用兩三年時間去改變,唔奇,
    要耐性,但可以換來大半世健康。



  • 今晚玩Headstand

    靠牆 L-shaped,然兩腿輪流提起。
    主要靠手臂力,頭部只係兩三成力,
    只係頂住平衡下。甚至個頭係郁得。
    如果頸有問題就唔好做。
    練handstand。

    通常一次過練咗好多次之後,手臂漸漸冇力,啲力開始卸落個頭度,咁就要收手。

    undefined

    呢個係進化圖。
    我之前連2. Dophin pose都吃力。
    依家,5,要多啲臂力、腹肌,目標去到6
    好有進步㗎喇😅

    undefined

    繼續,鐵柱總有一天磨成針😂



  • 呢個都正!記低先😊



  • 呢兩晚,一邊做一邊用手機拍低
    發現做頭倒立Headstand ……的預備動作😅
    有問題
    總係上唔到下半身。

    練習吓、睇下play back、又爬下文。原來係咁:

    Leg flexibility is a key component when moving into headstand, particularly the hamstrings. Flexible hamstrings allow you to more easily shift your weight forward onto your arms and head, and lift the weight of the legs with the core rather than swinging the legs up.

    Hamstring/後腿 flexibility :
    本身已經勉強,夠用就算,
    依家,膝頭好返之後緊咗。😤
    咁唔怪之得。

    咁又明多啲,L shaped 冇問題,因為唔需要太多後腿柔軟度。90度角。

    但由地上開始拉上去,45度角📐,後腿(根)就扯住。

    咁要拉鬆Hamstring 先



  • 後加:拉下筋、同下面呢個

    佢呢個video有D似Jessica果種,
    少說話,我中意。😉
    仲有,唔急唔慢,
    慢慢享受瑜伽。

    不過唔好以為好舒服,我起初以為係😁
    佢個難度比Jessica的高少少

    冇開冷氣、冇開風扇、只打開窗,
    慢慢做,都全身爆汗,
    底褲面褲都濕晒,成身癡粒粒咁。🤪

    瑜伽墊吸晒汗,要清潔,
    係時候搵人陪我去買&孭瑜伽墊。😜
    張墊好重㗎☺️

    唔係個個男仕有「基本」風度,
    三九唔識七嘅就話啫,
    但即使係對個女人有purpose的,
    都唔係個個醒目有基本風度,
    可能真係下半身唸野。
    只用下半身唸野,唔係罪,我都會,
    但俾下半身控制到冇哂基本意識,
    真心都幾核突。😌

    亦同本身性格、另一半有冇種壞(kidult)有關,
    仲有……
    工作環境有冇女性同事。👈🏻 呢個幾真實影響😁

    蜜友弟弟有提過公司都好多亞嬸同事。
    比D同事train up哂,
    唔怪之得對我呢個亞嬸咁「恭恭敬敬」🤣

    「恭恭敬敬」又好似唔貼切。
    好似主人僕人咁,咁一定唔係。

    Hmmm….應該係話,會/識顧人感受。
    呢啲都要小小天份。

    有次放假出嚟玩,都玩咗成日,
    唔記得咩原因,佢陪唔到我食晚飯,
    咁我有少少失望啦,
    佢就話:「我下次陪返你食吖。」
    ☺️☺️☺️
    當刻都係陪唔到我,但識得、樂意comfort人。
    然後送我去搭車。
    Btw男人送女人搭車,基本動作。

    之後呢啲situation,佢都預咗時間陪我食晚飯。
    一個有誠意、有質素嘅朋友。
    所以同佢瑜快相處多年。

    相反,扮有/冇風度嘅人,就話之你。
    並露出馬腳而不自知。🤣🤣🤣🤣



  • 怕太舒服,會訓著,記低先。嘻嘻🤭

    清晒個雪櫃,今日去街市shopping,
    最近開始知道,邊檔平,邊檔靚。👀👀😎
    所以,買餸越來越有效率。

    📍個workflow係:

    首先去街市附近商場壽司店,落個外賣order,
    然後去街市,
    15分鐘已經搜羅一個星期會煮嘅嘢。
    再返去攞壽司,正!🤤
    搭車返屋企,沖個靚涼,慢慢嘆lunch。

    😅😅😅😅😅😅😅😅😅😅

    不過生果🍊就留返第二日先。
    因為weekend街市生果通常貴啲。
    兩星期前才發現咋!

    多啲打爆個雪櫃,
    自自然然會想煮,會健康啲。
    煮得熟手,絕對快過等外賣😎

    自從肌力增強左,
    最大嘅優勢係:
    買餸會好力好多😁
    每次大概買幾重嘢?
    就算好手緊都買6-7kg。
    有一次真係磅過。😅

    我都唔明點解一個人,
    一星期可以食6-7kg。🤔
    一日煮一餐dinner咋喎!
    Lunch外邊食。

    餸only,麵包、蛋、米 樓下買。

    另外,我都唔明,做瑜伽會講買餸。

    可能因為每次買完新餸,內心都興奮。

    😂😂😂😂😂😂😂😂😂



  • 呢排超忙,今早又遇上鼻敏感,食藥,攰攰。
    晚上都係芝士、奶、麵包,好攰唔想煮..一次
    食D野有啲「走難」feel 😅

    來一個治愈系瑜珈,release 一天的壓力。
    亦物理性拉鬆自己。
    原來一日工作都累積唔少淵痛。

    開心嘅係forecast明早會突破一個新的小milestone
    加加埋埋望返轉頭講真係唔少野,
    係一個大milestone。
    充滿神秘感,到時唔知會發生咩事😅
    發生咩事控制唔到,但……
    反而需要積極部署,唔可以只係linear 向上,
    要exponentially 上。
    將大家一路以來的努力,潛能發揚光大。

    藥物影響下,開始神志不清,唔知自己講緊乜。

    💊💊💊💊💊💊💊💊💊💉💉💉💉💉💉



  • 呢個我要記低先:

    之前有youTuber教過,
    keep fit,因為每人對同一飲食模式反開都會反應不一,
    要尋找合適的eating pattern要每天review下
    最實際,每朝早磅重,
    輕/重咗?
    然後唸返昨天、前天做過D乜。

    之前微升返少少,
    今日終於又返返去19.9 BMI呢個心理關口😅

    昨晚好早dinner,先穀物麵包加塊0fat芝士,
    之後,9pm加杯低脂奶。
    企圖用些少蛋白質增加自己飽腹感。😉

    其實計埋唔係好低卡路里,
    都應該有300-400kcal

    咁似乎,Dinner
    先碳水,後蛋白,呢個策略…..
    Work wor!

    不過就煩啲。同埋冇乜幾可早食。🤪

    有機會再試吓。



  • Minimal Cues — Lots of Silence



  • 全面休息的一天,
    身心放鬆左🎐
    瑜珈時更感覺良好、筋骨都冇咁緊。
    繼續minimal cues,享受寧靜。

    〰️〰️〰️〰️〰️〰️〰️〰️〰️〰️

    最近發現一個例子,
    值得記低:

    1️⃣ 大快活糯米雞 vs
    2️⃣ Oliver Super Sandwich 煙燻牛肉雞蛋芝士沙律卷

    如果要 ✨低卡路里、✨低脂肪
    邊個好D?

    (下面兩個圖唔係exactly嗰兩間餐廳,
    但大大小差不多。)

    undefined

    undefined

    明天開估。下課😄



  • 今日太多unexpected 野發生。
    要unwind unwind unwind

    糯米雞、沙律卷,答案如下:

    〰️〰️〰️〰️〰️〰️〰️〰️〰️〰️

    最近發現一個例子,
    值得記低:

    1️⃣ 大快活糯米雞 vs
    2️⃣ Oliver Super Sandwich 煙燻牛肉雞蛋芝士沙律卷

    如果要 ✨低卡路里、✨低脂肪
    邊個好D?

    (下面兩個圖唔係exactly嗰兩間餐廳,
    但大大小差不多。)

    糯米雞:730kcal,22g 脂肪

    undefined

    Salad Wrap : 610kcal,30g 脂肪

    undefined

    Fyi 脂肪每日quota: 40g-50g

    我已經三個星期冇食糯米雞⋯⋯
    當然我係一直知道佢高脂肪
    糯米雞係我嘅 cheat meals😅

    但個salad wrap,我最近先知原來係伏,
    平時冇食,不過有個so-called keep fit嘅人介紹,
    咁就去食吓。
    其實係好味嘅,
    用三分鐘食咗半舊,已經想放低,好飽
    就知係伏。
    我個食道、胃,係AI智能測脂器🤣
    主要係蛋黃醬、佢塊皮,
    都幾高脂肪。

    冇諗過比糯米雞高脂肪

    如果係 cheat meal,梗係揀糯米雞,起碼覺得滿足左邪惡嘅欲念。&D人話糯米補氣,對腸胃虛弱有幫助。

    個沙律卷,個樣太有節食feel,點滿足邪惡慾望?



  • 關於星座的Practice,

    雖然唔知有乜關係,

    但都係令我放鬆嘅練習。😊💗



  • 剛剛見到個蘋果乜乜減肥廣告,
    令我諗起喺IG,有個樓主成日煮D輕食,
    而同時亦賣一款減脂Jelly,
    見佢細細包,似係粉劑沖水飲。
    飯前/飯後飲一杯嗰啲。

    我都有follow & Like下佢啲輕食Post
    有時見佢D update話D 減脂jelly好有效,
    嗰啲我就冇理😅
    全部都係capture網友DM佢,多謝佢,問食晒啦,仲有冇貨呀?
    都幾…. 假咁😂可能我唔太buy呢啲野,
    都係覺得建立健康飲食習慣最重要。

    最近佢有個update,話供應商斷貨,
    要收到貨先寄到俾大家,都幾騙案feel。
    或者佢俾人騙又唔奇。
    有好奇望吓個產品,包裝都企理,
    但就咁寫住「Jelly」。

    又有一次,我估佢意思係自己增咗磅,
    因為佢寫位住:
    「最近要cut返,出街只係可以食魚蛋麵」
    And 影住碗麵,
    我好自然諗:乜唔係有減脂Jelly咩?
    當然冇真係問佢🤣

    但又真係有D D想問架🤣

    同埋,要減肥,出街都有好多選擇,
    麥當勞、兩間大記,都可以。
    只要你識揀!



  • 深圳一日遊
    復常後第一次離開香港(好娘😅)
    最中意係食!
    返大陸當然係食中菜,
    正如去泰國當然係食泰菜。
    (🫁話🤣)

    火候味道 + 肉類又少雪藏=冇得輸。🤤

    行左成日,做呢個:

    下一次離開香港去玩,
    好可能都係深圳,
    又或者,可能係….
    我向東面飛
    老公向西面飛,
    飛到某個國家會合去玩幾日,
    好有偷情feel👩‍❤️‍💋‍👨
    🤣🤣

    PS。未confirm架👉🏻👈🏻,
    因當中有些事情,
    處理中,希望去得成🙏🏻

    好耐未試過….
    同呢個深愛嘅💗男人拖住手行街街。



  • 今早,好放縱,本來8點幾,鬧鐘叫醒左。
    之後,飲杯水,去個廁所,好攰,訓返。

    瞓到自然醒,望吓已經係一點幾 pm。🤣

    好耐未試過咁樣,爽呀!👏🏻👏🏻👏🏻💥💥

    到夜晚,做原始人。
    練瑜伽,online course Kundalini最後一課,
    唔開冷氣、唔開風扇

    當然爆曬汗,
    沖涼,唔開爐,沖凍水涼,

    訓覺,都係唔開風扇、唔開冷氣。

    (其實昨晚都係,居然咁都冇熱醒。😅)

    〰️〰️〰️〰️〰️〰️〰️〰️〰️〰️〰️
    之前問ChatGPT,關於Kundalini Yoga:

    👩🏻👩🏻👩🏻👩🏻👩🏻👩🏻👩🏻:

    你好!我想問關於昆達里尼瑜伽(Kundalini Yoga)

    🤖🤖🤖🤖🤖🤖🤖:

    昆達里尼瑜伽是一種古老的瑜伽傳統。

    昆達里尼瑜伽通過一系列的體位法(asana)、呼吸法(pranayama)、手勢(mudra)、音頻(mantra)和冥想(meditation)練習來實現身心靈的平衡和覺醒。這些練習旨在清理和平衡身體的能量通道,提升意識水平,以便更好地連接內在的能量和智慧。

    昆達里尼瑜伽的核心理念是啟動和提升人體內潛藏的昆達里尼能量,這被認為是一種潛在的生命力或覺醒能量。

    👩🏻👩🏻👩🏻👩🏻👩🏻👩🏻👩🏻:

    我已經學習一般瑜伽一年了,有 一些基礎,可以自行學習昆達里尼瑜伽嗎?

    🤖🤖🤖🤖🤖🤖🤖:

    如果你已經有一年的瑜伽基礎,並且對瑜伽的體位法、呼吸法和冥想有一定的了解和經驗,你可以考慮自行學習昆達里尼瑜伽。

    然而,昆達里尼瑜伽是一種深入的瑜伽實踐,它涉及到特定的技術和能量激活,因此一些指導和了解是很有幫助的。

    以下是一些建議,以幫助你在自學昆達里尼瑜伽時獲得更好的體驗和理解:

    1...學習資料:...

    2...自我練習:建立自己的瑜伽練習時間。遵循練習序列(Kriya),並重身體的感受和內在的體驗。

    3...冥想和呼吸練習:練習不同的冥想技巧和呼吸法,如昆達里尼呼吸(Kundalini Breath of Fire)和金剛坐(Kirtan Kriya)。

    4...尊重身體信號:避免過度用力或違背身體的自然邊界。

    重要的是要記住,昆達里尼瑜伽是一門綜合性和深度的實踐,需要專注和耐心。

    👩🏻👩🏻👩🏻👩🏻👩🏻👩🏻👩🏻:

    為什麼有些人說,昆達里尼是邪教瑜伽?

    🤖🤖🤖🤖🤖🤖🤖:

    可能是由於以下原因:

    1...神秘性和獨特性:
    與其他常見的瑜伽流派相比,有著更多的神秘元素和獨特的練習方法。這包括特定的手勢(mudra)、音頻(mantra)和能量激活等。對於不熟悉昆達里尼瑜伽的人來說,可能顯得奇怪或難以理解。

    2...文化背景和信仰觀點:
    昆達里尼瑜伽源於印度的古老傳統,與印度教和錫克教有關聯。某些人可能將昆達里尼瑜伽視為與他們的文化背景或信仰觀點相衝突的實踐,因而對其產生偏見或誤解。

    3...對領導者和團體的看法:有些昆達里尼瑜伽的組織或領導者被指責涉及不當行為或有爭議的實踐。導致公眾對整個昆達里尼瑜伽傳統產生負面觀感,認為它是一種邪教。

    在正確的指導下,昆達里尼瑜伽作為一種綜合性的瑜伽實踐,強調身心靈的平衡和提升意識它,可以作為一種有益的練習方式。

    重要的是要保持開放和理性的態度,以避免可能的誤解和誤導。

    👩🏻👩🏻👩🏻👩🏻👩🏻👩🏻👩🏻:

    為什麼有些人練習之後會感到不適? 例如進入半迷幻狀態(mushroom trip)

    🤖🤖🤖🤖🤖🤖🤖:

    以下是可能導致這種不適或特殊體驗的原因:

    1...深度冥想狀態:可能帶來深度的內省和覺知,引起某些人的強烈感受、情緒或視覺上的變化,類似於半迷幻狀態。這些體驗可能會讓人感到不習慣或不安。

    2....能量觸發:強調能量的激活和流動。有些人感受到身體能量的強烈流動或激活,這可能會產生不適或特殊體驗。

    3....過度刺激:若沒有得到正確指導或適應自己身體狀況的練習,過度刺激某些身體區域或能量中心可能會導致不適體驗。

    👩🏻👩🏻👩🏻👩🏻👩🏻👩🏻👩🏻:

    昆達里尼瑜伽強調能量的激活,是一個逐漸的過程, 還是會突然發生?

    🤖🤖🤖🤖🤖🤖🤖:

    是一個逐漸的過程,而非突然發生的事件。



  • 今日工作順利!
    公海浮沉project,
    應該今個星期可以推出 planned會推出嘅嘢。

    其實已經叫做遲咗兩個星期😅

    因為當時忽然發現加多另一部份效果會更好,
    咁就索性一次過先。

    另外,同一日有兩個客俾咗個小驚喜我哋。😊

    咩驚咩喜都好,每日都要有少少me time。

    自己同自己拍拖嘅時間,釋放每日壓力。
    迎接明日新挑戰 (好老土🤣)



  • 好!繼續自己同自己拍拖時段😅

    以為呢個好chill,但中段唔係。
    但总之係Jessica 的就中意。🥰

    呢一兩個月都忙,
    好耐未試過瑜伽馬拉松。

    如果星期日正常,就出街玩。
    如果星期日打風,就在家馬拉松。

    所以打晤打風,都有好節目😄

    反而希望明日好天,因為要走走趯趯,🤪



  • 今晚涼涼哋幾舒服,可惜太忙,就做一個睡前瑜伽。



  • 今晚來個chill一點。

    Relax relax

    明天打風,但….
    星期初已經約好個日本客明早conf-call
    冇理由同人講打風所以唔開工㗎?😁💨

    上次打風又係要同海外客傾嘢,俾佢chur咗一日

    😅😅😅😅😅

    另外,
    之前同個香港客plan好明日下午有個 soft-launch
    星期五下晝嘛,最旺。
    依家打風,個客唔使開工,
    但係佢嘅客係街客/consumers

    有討論過,聽日打風,
    consumers冇得出街自然會宅在家中上網,
    更加係一個好時機引流。
    所以會照去馬。
    除非撞着下晝要返工,大家心慌慌就postpone。
    但應該要延期嘅機會唔大。

    有冇假放冇乜所謂。
    反而希望社會安全最重要。
    面對大自然嘅威力,大家要有敬畏嘅心態。
    冇乜事唔好周圍去。🙏🏻🙏🏻🙏🏻🙏🏻
    低窪地區市民平安無事。🙏🏻🙏🏻🙏🏻🙏🏻



  • well done nice information to fit the body



  • 其實呢個係Yin Yoga,呢幾日工作特長時間,
    唔太想做D好勞累爆汗。

    總之今日launch就高興!
    touch wood✋🏻🪵無大事出現,
    都算係成功嘅….. 一兩成啦😄

    俾想像中順利。
    不過,雖然事先已經戴晒頭盔,
    依然有遇到挑剔(但唔係有貢獻)嘅人。

    唔係話符合唔到人哋要求,就話人哋挑剔。

    而係,頭一兩次「提點」,
    Okay!咁人哋提點=塞錢入我袋。
    但後來就會發現,原來挑剔係佢嘅嗜好。

    即係走去搭巴士,話人哋啲位窄過的士。
    走去投訴巴士公司,費事得罪佢就回話多謝意見,
    然後,佢發覺,咦?幾好喎,有人答喎!之後見乜就投訴。

    呢啲都屬於負能量嘅人🪫

    珍惜生命,遠離負能量。😂✌🏻

    今晚somewhere見到一篇嘢,係講啲類似。有共鳴!
    我心諗:咁蹺嘅?😁

    類似係話你太好人,乜都唸:「算啦,咁唔好意思嘅….」,就會慢慢招惹某一類人。😏 chur你好多energy。

    珍惜生命,遠離爛能量。😁



  • 呢件事,後來,營養師講返,
    個男仕都係話果D係濕疹,
    營養師順水推舟,叫佢睇醫生。

    起初都仲有chur住營養師問食乜D濕疹會好。
    (乜濕疹唔係唸「唔好食D乜」?)

    營養師最後叫佢:
    唔好唸住自行醫治,去找醫生。😌
    (希望個醫生manage到佢)

    @AgnesHongKong said in 跟自己的 身、心、靈 連結:

    分享故事:《自己Build酮》

    唔係神打標童,係生酮個酮Ketone,
    故事由朋友提供。

    說話有個男仕,想減肥,搵營養師,
    個客一向飲食唔健康,對食物認識唔多,
    食沙律,會撈好多沙律醬,以為健康。

    咁唔緊要,好正常,唔係個個人乜都識,
    佢識得搵專業人士幫手,咁就好👍🏻

    營養師教佢食乜嘢,初初係有照跟….幾日。
    佢Report返話跟住食,但冇乜反應,
    咁當然係要啲時間。
    營養師就鼓勵佢,叫佢俾啲耐性。

    過咗一排,佢第二次report返話佢有繼續跟,
    但佢爆響口:我依家隔日開始食少少菜。
    隔日?😵‍💫開始?

    營養師餐單,當然係每餐都要啲菜。唉😮‍💨
    又係佢自己話之前有食開沙律😌

    唔怪之得佢話冇效果啦,佢都冇跟🤪

    隔日先食菜,咁叫做「有跟」,
    咁大個人,鬧佢咩?😌

    到第三assessment,其實都冇乜進展,
    佢又奇奇怪怪咁問:如果168會唔會快啲?
    大佬呀,正經飲食你都跟唔到, 168对你咪仲難?!
    佢一定係聽埋晒人地話168嗰八個鐘可以任食。
    咁不如你做營養師啦!

    營養師繼續苦口婆心,叫佢健康飲食。
    邊啲啱食,邊啲唔啱食,出聲。
    個plan可以根據食物嘅喜好tune下
    就算三餐唔煮飯,出街都有好多嘢可以揀。
    佢又唔出聲。

    之後幾次,又話便秘,又話減唔到,
    又問食冬蟲草會唔會減得快啲?
    仲加句:我都識識地中藥㗎。(死未!)

    流心冬蟲草西多士吖不如。加煲冬蟲草五花腩呀笨。

    營養師都想放棄。根本佢有自己一套。

    就等於去睇醫生,醫生開啲藥,建議做D咩、唔做D咩,
    個病人唔跟,又唔食藥。
    唔信呢個醫生,或者覺得佢廢,
    咪搵個第二個醫生囉。

    之後戲肉嚟:
    後來有一次Assessment,佢話出咗D疹,
    佢話係濕疹(但冇睇醫生),
    又話瞓唔着、又話食欲不振。

    營養師有經驗,一睇感覺到佢搞緊「生酮飲食」
    果D係酮疹,唔係濕疹。
    瞓得唔好、食欲不振,
    亦係生酮飲食導致荷爾蒙改變的常見現象。
    出酮疹亦common。

    佢好明顯係自己嚟,如果另外有營養師教,
    點會走來搵返呢個營養師吖!

    (如果佢咁樣走去睇醫生,講大話咁叻,
    當濕疹咁醫,真係害死個醫生。)

    營養師冇即時踢爆佢,或者估錯呢。😅
    問佢食咗啲乜(想confirm下)
    佢話每餐:多肉小菜。😵‍💫
    問佢主食 飯/麵食幾多?
    佢吞吞吐吐。
    咁就十成係自己build酮。

    佢依然聲稱嗰啲係濕疹,
    咁大個人先至有濕疹😌
    佢一定最近係經歷咗人生巨變💣🤯💥🌋🧨

    想抒發:
    如果對食物認識唔深,又冇乜健康概念,好正常。
    但就唔好亂咁「自己玩」偏方。
    所以我從來唔玩。😅

    如果想健康減肥,大部份都市人,將自己食緊嘅嘢,份量打個八折。就已經好好。

    打到個八折,先至將不健康嘅食物逐步轉做健康版本。

    可能用兩三年時間去改變,唔奇,
    要耐性,但可以換來大半世健康。



  • 今日回復精力,想做一個full body長啲嘅瑜伽,
    但又怕太tough,唔想太chur,
    Adriene都啱晒!
    佢係比較Beginners’ Yoga
    總之唔好理,跟住佢做,好神奇佢D都幾減壓!

    忙咗一兩個星期,個腦放鬆返,
    諗返一件,有少少唔知算唔算係《細思極…. 驚》

    之前趁未太忙,同蜜友弟弟請假出去玩。

    因為第二日大家都要返工,
    我好識做😅咁話不如早啲去Dinner,
    但佢想留多一陣,
    咁就傾下密計,
    正經野、唔正經野都會傾啦當然。
    Btw有時聽下佢果輩D嘢,都幾得意。
    甚至試過有幾次Inspire到我工作上D嘢😉

    咁講返…
    大家傾到某個point,
    我八卦問佢:你第一次係同邊個。
    佢唔答。話唔會講。(個樣少少尷尬、又蠱惑笑咁)
    R……有少少出奇佢唔肯講。😅
    因為佢以前到現在情史、女朋、感受都願意傾。
    如果原因係:同我傾sex會怕醜,
    就更加冇可能啦。🤣🤣🤣
    當然,唔會逼佢講。😅

    其實可以是旦話:
    以前女朋友、或朋友、或現在女友。🧐

    都有閃過,佢唔通細個俾男人搞?😧
    所以唔想提?
    但佢性格又唔似喎。
    (同埋點會蠱惑笑呀😏)

    然後,我唸返,莫非…..

    跟住,到我唔敢問…..😳

    今晚個腦鬆弛返,
    諗返初初認識佢時,
    覺得佢個人係超級sincere幾乖🤓
    所以初初係唔想「搞佢」🤨

    然後呢幾年。
    佢當然有賀爾蒙上升嘅時候🙈😄.
    但有時又可以純情到…..
    全日一齊去行街街、坐公園。

    Hmmm……



  • 今晚,chill啲。

    今早,磅重,居然,新低
    BMI 19.798……

    哈哈 😆ie 19.8
    呢幾日個trend都係極度微微向下

    review返做過啲乜先⋯⋯
    似乎就係因為打風,
    日煮,夜煮的緣故😵‍💫😵‍💫

    平時係:
    lunch外邊食 (已經係小心揀)
    例如:
    白切雞胸小飯走色+去皮
    牛扒小飯全走汁
    雞胸意粉/紅米飯,全走汁
    最邪惡:板燒雞腿包走醬+加杯嘢飲。

    外邊lunch 之中,8成係咁食。

    如果早餐食好肥膩,例如糯米雞,lunch通常就skip
    或食好少如生果+ -把手nuts

    結論係:
    喺外邊食嘢,就算幾小心選擇,
    原來…..都唔夠屋企煮健康,
    自煮,我一定:
    蛋白質、
    碳水化合物、
    健康脂肪、
    纖維,都齊全。

    零食:
    水果、
    nuts(純nuts最好,最多鹽焗、每日一把手)

    呢幾日,yoga唔power,冇爆汗。

    所以對我嚟講,
    個結論係肯定:
    飲食比運動重要。

    一直以來,個人感想係:
    唔好將目標放喺減肥,
    而係要幫自己建立一個健康飲食模式。
    「減肥」就係自然不過的副作用。



  • 1小時6分鐘。

    個人徹底溶解咗。🫠
    全身濕晒,啲汗珠由個頭sir落條頸
    烏低身由頸sir返上個頭,
    來回碌咗幾次之後,
    最後滴落瑜伽墊。

    好耐未試過咁。好痕。🤣🤣

    呢個練習應該係第二次做。

    食咗鼻敏感藥好眼瞓,Good nite😴😴



  • 由於節目調動關係,今晚唔想搞到身水身汗。
    所以找個bed time yoga,床上做。好容易瞓着。

    Yoga with Adriene果真是減壓之霸。
    佢d動作簡單得來,又令你好似做到啲嘢咁。😅
    20mins好快完成咗,好滿足,好療癒。

    同埋,床褥上做伸展,好似flexible好多
    在地上瑜伽墊,始終un到d骨,
    一痛,肌肉就自然會緊張,
    拉伸個程度就會減低。

    啱啱打風嗰日,
    喺YouTube上睇一個Yoga的Documentary,
    其實睇咗10分鐘,我就轉左第二個video,
    因為好似冇乜料到,
    但,令我好有印象的…
    就係佢一開始訪問一咋素人,
    問佢哋練習瑜伽比佢哋嘅得着,
    佢哋講咗個point我好同意,
    就係:

    起初練習瑜伽,期望可以強身健體,
    例如變得擁有一個Yoga body,肌肉結實等,
    但後來練習耐咗,就發現…
    瑜伽帶給精神上的益處,
    遠勝於帶給身體上的益處。

    但係過咗呢段之後,
    就開始講啲好悶嘅嘢….. 瑜伽歷史
    我就轉走咗😂



  • 打風之後,僅僅呢四五日,
    已經有好多不同男人上過我屋企🤣

    正經嘅,
    事原係十號風球,第二朝,起身洗面刷牙,
    之後,有個男人「叮噹」我屋企,
    原來係保安/管理處🤓
    通常,都唔係咩好事,😌
    原來我洗手盆去水喉外牆嗰部份,
    喺風球嘅時候俾雜物揼爛咗😳
    管理處見到漏水,我諗佢已經搵咗好多層
    先上到嚟。

    咁….俾佢入屋睇下confirm下啦,真係!
    唉!整呢啲要搭棚。
    心諗:咁就冇左幾义野。
    因為呢part橫喉係業主負責。

    不過又好峰迴路轉,我扮傻,
    我同管理處講:係你哋啲嘢跌落嚟整爛我條喉喎。
    賴下佢先啦。博吓有冇得慳返幾千蚊。🤣🤣🤣🤣

    點知,因為個屋苑都有好多單位中招,
    中不同嘅嘢,
    然後管理處話原來佢哋保險可以包晒外牆,
    結果,就佢哋負責承辦搵人維修。
    出晒錢。(佢哋claim保險)
    所以,聽日專登請假比專業人士入嚟搭棚整。
    …..又一班男人。

    所以呢幾日都有留意間屋外牆仲有咩要整,
    反正有人整嘛,整開梗係整埋佢啦!🤭🤭

    一波未平,一波又起,
    昨晚樓上唔知邊層冷氣機滴水🤪
    可能佢又係風球之後,
    去水位俾啲雜物塞住咗啦⋯⋯

    加上今日又有個都重要嘅meeting,或者心情有d d緊張,加上滴滴聲,琴晚瞓得好差。

    今晚趁佢開始滴水,
    又要搵管理處上嚟睇(夜麻麻),佢哋先會出信。

    又有男人上嚟。🫠🫠🙄🙄

    超煩!

    都好,舊曆7月嘛,屋企陽氣重,都係好事。🤣🤣
    唯有係咁諗。😌

    同埋,今晚執屋執開窗口D雜物,
    方便人地聽日捐出去搭棚,
    清下啲雜物,又覺得間屋清新左。😂😂😂

    以上同瑜伽無關😂,只係颱風過後,
    超級霹靂無敵煩,抒發下。

    比較安慰嘅係,
    今日個會都幾順利,達到目的。

    ✋🏻✋🏻✋🏻✋🏻🪵🪵🪵🪵🪵🪵

    所以…..今晚繼續選擇relax之王:yoga with Adriene
    不知不覺做咗大半個鐘。
    全面鬆弛左個人。

    之後,好想繼續呢個放鬆嘅境界。搵到呢個。
    呢個音樂好正,音頻係令人好投入,
    雖然畫面同埋聲音好似有啲朦朦地。😄

    用佢做咗10分鐘meditation。
    5分鐘放瑜伽磚尾龍骨下。
    跟住5分鐘全面躺平。
    放鬆到瞓着咗。



  • 今日我都算係全面放假。

    上午個工程由師傅叮噹門鐘,
    到唔該晒師傅bye bye
    全程50分鐘。勁!

    簡單搭棚,換喉,拆棚。
    兩個師傅好合拍👏🏻

    通常,呢啲場景,我都會增援,
    叫左個我最信任嘅猛男上來陪我。
    我老豆。😄😄

    之後等埋媽行完山,一齊early lunch。
    我個人隊左個牛河。
    唔係牛肉湯河,係乾炒牛河。😂😂
    食飽后,爸見商場麵包店,蛋糕三件有折,
    話預埋我,買做afternoon tea 🤪🍰
    我好放任咁揀咗一個栗子Tart
    好多栗子醬冧晒上面嗰啲🤤🌰🍰
    好啦,晏D過去(我地好近住隔離座)食cake時,
    問媽有咩野飲,
    佢喺雪櫃攞咗罐可樂俾我。(佢從來唔買Coke Zero)🥤
    然後問我今晚留低食飯。🤓😳
    佢哋好有planning,未食完一餐plan下一餐🤭
    我深信今日…. 2000kcal走唔甩。😑😵‍💫

    好飽好眼訓today. 整返個bed time yoga
    今晚落大雨,感覺唔到樓上滴水。✋🏻🪵
    太好了,有咩第日先算。



  • 今日唔太忙,不如做返長啲。

    一連三個,total 略多放一小時。

    頭兩個同星座有關,其實只係gimmick,都幾有趣。

    第三個係因為Kassandra 好少出咁短篇
    同埋肩頸位真係有啲攰。都幾work。



  • 明天約了朋友出去。
    今日宅在家中休息休息✌🏻😎

    不過今早起身,個心怪怪地有少少depressed咁。

    有可能因為晏左糯米雞賣晒。

    其實自己都唔知咩原因嘅depression,
    先至係最危險,
    認真的,係要處理吓。

    先排除眼瞓因素,攰就瞓多陣。
    又可能係period前中後的hormones fluctuate
    如果係後者,或不知道原因,我會mediate吓。

    呢個,頭先玩咗,okay見效,
    10分鐘個人(個心)輕返好多。
    👍🏻👍🏻👍🏻

    我好奇再試下呢個,唔掂,
    最搞笑係,佢節奏太慢,我有啲開始釣魚,
    忽然佢有一班人喺度嗌咗一聲,嚇醒咗我。
    🤣🤣🤣🤣
    笑返,冇咁depressed🤣🤣

    Meditation 都嫌人哋「節奏慢」😅
    之但係冥想無啦啦有班人聲都好怪啫😵‍💫

    都係瞓個晏覺,evening 上Yoga Teacher online class.
    然後反娘家,全個家族今晚返齊黎,仲有個百厭女(姨甥女)陪我玩。



  • 剛才上Yoga 當,亞SIR有句說話,
    好精境 ,先記低。
    Some body parts, you use it or you lose it.

    👍🏻👍🏻👍🏻👍🏻👍🏻👍🏻👍🏻👍🏻

    正經野🤣🤣



  • 個forum down咗一日。
    講返昨天上Yoga Teacher online class
    有人問亞Sir,如果教或練習瑜珈,可唔可以只集中練習D簡單式子,例如:拜日Sun A, B, C

    Sir答:都應該試下advanced啲,那怕每次只有小小progress。You use it or you lose it.

    都幾啱。

    唸返一件事,我一向心肺功能差,所以跑步、行山,跑得慢、行得慢。

    有次,蜜友弟弟生日,我話要同佢慶祝,天氣涼涼哋,我話不如去行山,其實係我想搵人陪我去行「BB班」山😅,我知佢唔會笑我行得慢。

    一路上斜坡,我行咗冇幾耐就已經chur氣標汗,我同佢講:「冇事冇事繼續行」當然佢好有風度就住我個速度。

    不過都有笑我,話希望天黑前行得晒。
    誇張😄

    行到越來越高,
    我都係好「一致性」咁keep住chur氣標汗😅
    中途都有休息,飲水,然後繼續行。

    行到再高啲,開始冇乜人。

    佢居然好搞鬼咁話:不如我孭你?

    我諗就算只係普通朋友,聽落都幾窩心。😊
    不過大家嘅關係,雖然係好熟,熟到可以好親密,
    但在一般場景,唔係嗰種過電嘅關係。

    亦Of course唔會俾佢孭啦,自己又唔係輕😅😁

    佢見我唔制,就話:咁我拖住你行?唔怕啦!

    於是繞住佢手行咗一陣,好似好friend嘅異性朋友繞手行咁。😝

    其實佢想玩下野,分散我注意力,等我行得冇咁辛苦。

    最後都成功行完喇。仲有一大段時間先天黑🤣

    雖然行到樣樣衰衰咁。
    但都係要keep住行吓山,
    You use it (🫁) or you lose it 😁

    今晚想做一個長長地~40mins,但唔太chur:
    所以練咗呢個:



  • 最近冇咁忙,但嚟緊有個大milestone 要衝破,
    「衝破」唔係問題,
    因為基本上根據以往累積嘅小milestones,
    已經可以Forecast到幾時會發生。
    即是不中亦不遠。

    但要好好預備衝破後的Action items
    唔好浪費咗個機會。

    「公海浮沉」計劃,繼續刺激緊張。

    所以最近刻意休息多啲,
    想清醒頭腦諗真啲。

    另外,因為見到自己體重去到初初定立嘅目標,
    BMI低過20掂到19就收手,
    過去近一年「低碳高蛋白高纎」方式飲食。
    每日keep住1300-1400kcal
    極慢減左8kg。

    打算轉返正常飲食。

    「正常」係指:

    慢慢返返去每日所需~1600kcal
    慢慢返上去!唔好俾身體察覺。

    碳水化合物正常返 (高返到能量50%來自碳水)
    並繼續盡量食全麥版本,或兩溝。

    蛋白正常返(低返到1g/kg of weight) 之前1.2-1.3

    脂肪:繼續keep健康脂肪within 50g per day

    戒咗炸薯條、蛋糕等反式脂肪….
    以及戒咗薯片零食、朱古力、糖果就唔會返轉of course.
    已經學識控制到自己唔食宵夜,當然keep住唔食啦。

    纖維:繼續keep住高纖,食唔到25g,都20g吖。

    繼續,每日或者隔日食少少nuts。

    繼續,每日瑜伽。😄

    其實簡單嚟講,
    就係將之前多咗嘅蛋白轉返做全麥的碳水。
    同埋唔使製造能量缺口/Energy Deficit
    其他建立好嘅健康習慣keep住去。

    目標:Maintain住existing 個體重。

    Touch wood希望唔會反彈。

    有咩E郁就hold住,再調節。

    (呢度好似做咗我嘅減肥筆記😅)

    其實有諗過好唔好索性以後都keep住「低碳高蛋白飲食」
    我唔太想,因為有三個Concern:

    1️⃣因為依家算係低卡路里:1200-1300kcal
    長此下去,其實身體新陳代謝會減慢。
    最近覺得越減越慢,我諗都係呢個原因。

    2️⃣低碳但又要高纖,
    呢個point其實係好矛盾,
    其實咁樣煮係有啲…. 煩/怪。
    過去一年經驗,
    有時啲瓜瓜菜菜多到隻碟都裝唔晒。
    全麥意粉就只得一隻茶樓碗咁多。(低碳嘛)

    相反,
    吃多一點全麥碳水,反而更容易達到高纖。
    例如,一份全麥意粉,可以輕易達成4- 5克纖維。
    但如果透過食蔬菜,
    要食晒一個西蘭花先可有4-5克。
    當然唔代表唔食菜,
    總之total食夠25 gram纖維就OK。
    (個個星期去街市搬大量瓜菜幾辛苦😓)

    但記得,炭水一定盡量全麥版本,穩定血糖,
    甚至可以少食多餐。
    否則血糖忽高忽低,高時個人容易攰,低時容易肚餓。
    至於搞壞個胰島素敏感度,引致糖尿病呢啲唔使講啦。

    3️⃣高蛋白飲食問題,
    通常多餘嘅蛋白質,會透過腎臟,跟隨尿液排出,
    長期咁樣,增加腎臟負擔。
    所以唔係話食多左蛋白質屙尿會屙返出嚟咁簡單。



  • 通常星期一二最忙,今晚好攰,找個bed time yoga好好伸展下,舒服晒🤓🤓

    今日食野,始終慣咗手勢,都係食返之前D野。

    📍早餐:少油蛋治+小奶啡 450kcal

    📍中午:想食亞活雞胸意粉,但過咗鐘😌
    咁叫滷水雞髀(去皮)米粉+熱檸茶400kcal

    📍下午茶:蕉一只 100kcal

    📍晚上自煮:雜菜雞胸全麥通粉+低脂芝士 400kcal
    個通粉,刻意加多少少
    加埋:1350kcal 🤪
    飲食健康,係好難食到1500kcal

    其實,食些少nuts/食多個水果/飲杯老人奶
    是但一樣都100kcal

    但係,真係好飽。食唔落。



  • 通常,工作上,
    我或同事,每幾個月,
    就會花一點時間去望下行業上D新野,

    不過行業上嘅嘢都幾廣泛
    所以又未至於漫無目的,
    當然通常睇返嗰排要做啲咩,
    例如有客要到,又覺得值得鑽研,
    就會集中幾日時間,放低工作去study
    係,出住人工去study野。
    都幾開心㗎😄😄

    如果唔係一直埋首工作,真係會脫節。

    我就係定咗呢幾日study。
    尤其係,因為下星期要做個proposal俾客。
    有目標去study
    今日開始睇啦,一睇先發現,只係幾個月….
    我負責嗰個範疇,已經多咗好多新嘢。😵‍💫😵‍💫

    好彩,我哋一向有咁樣refresh下自己,
    否則真係變咗鄉下佬/婆。

    有時亦多謝啲客,尤其啲前衛客係逼我哋進步。

    我哋唔係好叻,但有一種虛心態度,又好奇心重,接納任何新事物。

    有啲行家係好stubborn,
    同一行業,但係做另一啲範疇,
    做開係咁,就只係咁。
    唔係佢公司有規範,而係佢哋個style係故步自封。

    今日四圍望咗啲資料,嘆為觀止,
    幾個月變化咁大!
    搞到我weekend好想閉關再睇多啲🤣

    今日個腦「發發聲」,
    所以做上面個「不安壓力瑜伽」
    Yoga for anxiety and stress 嘛😂

    剛剛做完好咗啲,個人鬆弛返。
    🎐🎐🎐
    點知沖完涼,個腦又緊返。
    🧠🧠🧠

    Btw,通常我哋每人study完,都要做返個presentation比所有Teammates,話返比大家知睇咗啲乜。



  • 想試吓。Good night 😊



  • 今晚客人有飯局。
    返到屋企執埋少少野都已經11點幾。

    見到老公whatsapp,佢日頭嘛,咁call佢啦。

    傾咗一陣,佢有電話入,之後又再傾返。

    收線之後睇返。原來一共傾左2.5 hours😄。
    通常長傾最多大半個鐘啫。record high📈

    今晚特別雀躍,但係一個fruitful discussion。
    其實係工作上有D野唸唔通請教佢。
    佢一直都係我私房chatGPT👨‍🎓🤖
    佢好八,乜都知D,尤其最叻係會在對方角度諗D實際建議。👏🏻👏🏻👏🏻

    記得拍拖時,發現佢對「上一代」D明星娛樂新聞,Alan &Leslie & Danny 啲花邊新聞瞭如指掌🤣,仲有李小龍、and even 甄妮,的確好八 ! 而我係完全唔知佢噏乜。😁

    返返黎…..
    之後都係沖咗涼先做瑜伽。
    所以唔爆汗喇,做呢個滋養性的😄



  • 今日之選:

    中途舒服到差D瞓着。🥱🥱



  • Self-love 😊



  • 今朝早有D空間,忽然好想練習,
    做返個Yoga with Tim😄

    到夜晚,再黎Yoga with Tim✌🏻😎

    過去兩三星期多啲練 Yin 或拉筋類。
    膝頭受傷好返的那邊腿後筋,
    本來緊咗,宜家練返鬆,😃
    但另外正常嗰邊反而好似緊咗🫠😌🤦🏻‍♀️

    〰️〰️〰️〰️〰️〰️〰️〰️〰️〰️〰️〰️〰️

    上周末,去咗聽個Seminar,
    之後經過一個大商場,
    一行入去,就即刻唸起老公仲喺香港時,
    久唔久就一齊黎呢度,
    忽然閃過一野lonely的感覺,
    但打俾佢果邊又未天光。
    只係行左一陣就走,
    唔係因為睹物思人😅
    而係約咗屋企人食飯🤤

    之後,夜晚同老公傾電話,
    我話今日去邊度邊度唸起你♥️

    之前plan左下月應該會一齊去旅行。
    不過因為還有D不確定的因素,但又重要的,
    所以乜都未敢book住,寧願最多到時貴少少,
    其實都係多機去的熱門旅游國家。

    大家唸起以前一齊行街街的日子。
    佢就話:好啦,到時一OK就出發,一齊去玩。

    Hmmm….我都唔敢太大期望。😅😅🤪
    不過聽到佢咁講,我好開心。💗

    繼續「扮」平常心先🤣🤣



  • 早上:

    晚上:

    如果可以朝早做,就盡量做下,做完覺得幾舒服係真。

    今日,因為要趕住做個Task,結果有早餐之後,就一直都夜晚都冇食嘢,skip lunch and dinner,焗住168🫣😰😄

    呀……有杯奶啡…嘅😅
    當然有飲大量水😁

    唔好學我。聽日唔會。

    Anyway,yoga之後沖番杯:蜜糖抹茶奶
    130kcal的宵夜🙈
    甜甜地,正。
    我明顯係有d sugar-cravings

    所以戒咗添加糖、果汁好耐。

    真係想要糖,就加有營養嘅蜜糖🍯。
    係添加糖,但起碼叫做有營養。
    紐西蘭嗰隻呢……😉
    半茶匙蜜糖,已經好夠。

    年尾工展會去買抵好多。
    去年買了兩罐仔,差不用晒。
    係同老公去一齊去買💗😥
    咁計落一年,應該要三罐仔,算唔算好多?😅



  • Btw,除咗做瑜伽,
    呢兩日新聞,令我唸返「牛奶種菌」

    下面個video,睇頭五分鐘,
    已經覺得:點解咁似嘅?

    個教主傻傻地癲癲哋,
    保釋返仲牙擦擦。
    依然繼續瘋狂嘅fans

    歷史不斷重演🤦🏻‍♀️

    呢個Documentary拍得幾好



  • 早上:



  • 到晚上,拉hamstrings 的。

    托賴,個knee復完,返返去以前個Flexibility

    Forward flow時,恢復半隻手掌🖐️點地。
    有啲人,好輕易成隻手長掂地,
    但對我硬骨頭呢講,
    半隻手掌,應該係我人生裏面的record high

    今日都可以一早一晚瑜伽,好有滿足感。
    明顯係啲多巴胺、血清素上癮。

    對健康嘅事情有D上癮,係好事。😊😊



  • 當D Post有2個videos,
    個webpage會crash,load唔到,
    所以keep住一個post -個video。

    今日睇到呢個,佢實測NMN,我都好想知😏
    原來冇用。
    但去到佢每日不停地食一粒個鬼樣,
    成魔咁款😈我笑點低,笑死我,
    仲有,佢種出嚟嗰咋⋯⋯枯草🤣
    嘥時間🤣
    又專登拍到恐怖森林咁,配埋音樂。😄


Log in to reply