跟自己的 身、心、靈 連結



  • 一發一實發啦!🤣

    alt text
    昨天已經係118th day喇!

    應節啲,今晚做呢個self discipline,佢話意思係show up yourself on mat regularly。其實,鍾意嘅事情就自然會show up。講咩都可以假,身體最誠實。😁

    有個朋友話,佢同佢一個行家打算開個YouTube Channel,分享下佢地個專業D野。學以致用,造福人群,當然好極!問我用清談節目style?還是vlog好啲?

    我建議佢兩樣都試吓先,睇吓自己最享受邊種,尤其呢啲,頭一兩年其實同做義工冇乜分別,唔係自己鍾意嘅,點撐落去吖?

    反正無論咩形式,都冇可能please哂所有人,只有自己喜愛嘅範疇,先能夠做到極致,自然會吸引到欣賞你嗰一批觀眾。



  • 呢個週末週日,將會喺飲飲食食中渡過。
    唔做返多啲嘢點得?

    以前有個同事個女,細路女,話:

    Yoga, everything starts with Om…..

    我就:

    Weekend, everything starts with Yoga 😆



  • 今日想練習Tim的 2022 challeng Day 14,我見佢純粹搵條帶綁住條腰連呼吸,咁我就選擇左以下Jessica呢個拉筋放鬆。😅

    如果去過Yoga studio練習會知,老師通常在開始、或完結時會叫大家念:OM(發音類似中文:暗…… ) ,我起初覺得超怪。🤣

    有其因由,喺瑜珈學說,這樣能夠使喉嚨產生頻率大約為432Hz 的震動,同宇宙的頻率相同,有助人體神經放鬆,瑜伽更加有效。

    OM的發音如下,個video係有啲詭異,但唔使驚😅,中間嗰個字就係OM梵文。

    人體有50至60%為水份,從物理學角度,這樣使身體產共振,令人體頻率一致返,又似乎有道理。所以singing bowls 嗰啲亦應運而生。

    咪好似放食物入微波爐叮熟佢咁囉⏲️👨‍🍳

    在YouTube上,Kassandra 或有些yogis有時都會喺完結之前同大家一齊OM,我都覺得係有D放鬆作用。😊



  • 見有啲YouTuber介紹一啲出名嘅瑜伽書
    點解冇我呢本嘅?
    Science of Yoga
    我覺得係每個式子的嘅百科全書
    第一個session,仲講好多Biology嘅嘢

    亦有呢個:Crow Pose

    紅色:用力收緊嘅肌肉
    紫色:要用力,又要伸展嘅肌肉

    alt text

    alt text

    提到,原來需要用到大髀內側嘅力,仲可以訓練一個人嘅勇敢😅、抗逆力,仲有平衡力、集中力。

    通常都係休息時,揭下佢,然之後又走返上張墊度練下試吓平時唔明嘅動作,似武俠劇,D人搦住本書望兩望,又練下劍,然後啲樹葉又跌晒落嚟咁。🍃🍂

    初練習時,三頭肌好痛,因為膝頭壓住,但後來三頭肌使勁谷行左嘅時候,就會少咗呢種痛。

    不過有時條瑜伽褲太跣太滑,膝頭又會慢慢喺手臂後sir🛝落嚟,相當搞笑。咁即係腹肌仲未夠力啦起雙蹆啦🤦🏻‍♀️,懶條褲!

    (試過着返一件friction大啲嘅,真係hold耐啲啲㗎,dirty tricks😉)

    呢個式子充滿玩味🃏🎠,但同時間亦有效練習到全身,幾有意思。😊



  • 見到有thread話失戀,其實,都係因為太上心去對待一段唔應該上心嘅關係。

    就算正式夫婦,對對方太上心糾纏,都會好容易Burn out。

    女人,而要懂得疼錫自己身體、心理、靈魂。😉
    有自信,就算有人(企圖)hurt自己,可以無視佢。

    何況,無人有義務要對自己好,有係bonus。

    所以…..不妨做吓瑜伽😅
    好hard sell😂

    Day 15

    佢一開始話想解說一下,佢點樣design呢個30 day challenge ,叫大家重複做返week 1 week 2,打好個基礎再繼續點點點。

    將自己認為正確果套講出嚟,夠薑!或者冇人睬佢架,甚至有D進取嘅yogis會覺得唔啱聽捨佢而去。所以,我都幾欣賞佢對自己信念有信心、勇氣、堅持。

    做人就係要有呢種「吉屎」Guts!

    PS. 幾佩服故事中果位太太EQ好高,只不過……平心而論….. 如果長年累月咁靠不停放閃去維繫婚姻….都幾攰…..。所以,同老公、老婆成為咗朋友、家人咁,細水長流,係悶啲,但咁先至係健康舒服嘅關係。



  • Day 16

    Tim今次呢個係Restorative yoga,佢強調,正確嘅瑜伽動作係要stable, relax and you can breathe,唔係硬要將自己壓到最低,拉到好盡,令我唸起一句說話:「瑜珈,不是比賽」………

    呢句來自:
    第一次學習瑜伽,係跟一隻VCD,仲依稀記得嗰個機構叫crunch,search吓居然比我搵返。✌🏼

    哈哈😄,俾我聽返佢嗰句: Yoga is not a competition (@1:25)
    我仲記得佢話:瑜伽嘅呼吸,係要令喉嚨沙沙聲嗰種。🫁

    嗰隻VCD,冇20年都應該有15年😅

    尤其深刻印象,個miss好有charm😍,名叫Sara Ivanhoe,每次開呢隻VCD,望住佢個樣都已經好治愈。

    你睇👇🏻👇🏻佢幾靚女💟🤍🤎!
    唔使多講,聽日做呢個!



  • Sara’s Yoga for Dummies + Tim’s Day 16

    ~ Total 1.5 hours practice today ⛺️👒🍦🍺🧘🏼‍♀️⛱️🎡
    啱啱過去個weekend都冇乜時間做耐啲瑜伽,今日趁有啲空間做返夠本,幾寫意。

    skip Dinner,飲杯奶補充下就算。

    今日上下晝都要傾野,煩煩地,而Sara and Tim的練習,慢慢地,正好用嚟練習6秒呼6秒吸,非常meditating,keep住平穩呼吸一個半鐘,個人點會唔清晰返晒。🫧🔮☀️

    正常嘅呼吸,聲帶係放鬆,沒有聲音。
    瑜伽嘅呼吸,聲帶稍微收緊,所以會「沙沙聲」咁。

    好似喺library要細細聲用氣講嘢,或者似好輕微嘅鼻鼾聲。

    Yogis叫呢啲呼吸做「海洋聲」,Adriene有提過,叫做Victorious Breath,製造呢種輕輕嘅聲音,係為咗加強呼吸時嘅集中力。除此,冇乜特別功用。



  • 青檬同紅的買到貴晒 - Devon Rex cat

    Purchasing a Devon Rex cat can cost anywhere from HK $20000 to HK $150000. Devon Rex cats can be difficult to find. There are a few reputable breeders, but you may have to travel to obtain a kitten.



  • 呢幾日,工作上都幾有女人緣,其實…過去呢一年都好似係咁喎,點解呢?D男人去哂邊?😅😅

    講起男biz partner..... 近排一個場合,遇返一位,之前都幾熟叫做合作過,不過疫情呢三年合作少咗。果日見返都幾開心,佢好有趣咁問我:某客個project係咪你哋做?(俾佢講中咗喎) 我問佢點知,佢話一睇就「感覺到」係你哋style,原來我哋「作品」都有D品牌形象。🤣

    其實,類似嘅講法都唔係第一次聽。😅😅

    係好事。

    最近,參與另一個客嘅project,又要展示我哋嘅「作品」啦。哈哈😄,一拍埋個客的其他合作公司,又真係喎,我第一個強烈印象:我地嘅作品,有料得黎🤓,又真係好有「性格」👺🎭👩‍🎨👩🏻‍🎤

    Saw-Does-呢 🇯🇵

    不過係「感覺到」佢哋team當中有啲人或者唔係好接受到。(其實我想講:鬼叫你老細鍾意咩😝?望多啲咪慣囉,我驚遲啲你會愛上我哋…嘅作品添。😎🤍🫶🏻🤍)

    工作紛紛擾擾,所以做返個靜靜地、靜靜地嘅minimal clue yoga。✌🏻😉✌🏻



  • 今日生理狀況都okay,只係心情有起有伏咁,想做個長小小又唔好太長嘅flow😅,繼續海洋聲呼吸,unwind下。

    結果呢,上身衫前後全濕。👚💦

    我依家望返,先知原來係成個鐘,咦?揀果時係見到40min喎……. 唉!心不在焉🫤😪

    呢個練習算係幾有movement果類,可當係中程度帶氧運動。
    通常我會視乎心情,同時間去選擇。

    慢啲嘅瑜伽,(restorative or yin or simple stretching)雖然好似冇乜運動量,但 好處係幫助調節荷爾蒙,使身體正常運作,例如女性荷爾蒙預防骨質🦴疏鬆,負責調節血糖🍬嘅胰島素亦係重要荷爾蒙,睾丸素(男女都有)係提升肌肉、動力、😎😠精神狀態。睾丸素不足,個人會容易攰。……etc, etc, 不能盡錄🤣

    alt text

    ☝🏻☝🏻Sugarcane pose,之前做到搖搖欲墜咁,隻手亦捉唔到隻腳,今日又OK喎,大概佢呢個程度啦,最完美嘅應該係做到差唔多一字馬咁,不過唔需要強求😅😅,瑜伽不是比賽,但求長做長有!🥹🥹

    我覺得跟住Tim嘅video練習左一段時間,每當做返以前做過嘅video,啲動作係伸展咗好多,亦穩陣咗。🗼💪🏼🏗️😊

    最近好似食少左野,都唔覺餓,仲可以做長咗瑜伽添,唔通腸胃「吸收」又好咗😰😳



  • Tim 2022 Challenge-Day 18

    本來見到一個新Miss時的channnel,做左6、7分鐘,發覺唔係好對路,都係轉返嚟繼續Tim嘅。

    其實用個thread記住我做到邊日都幾好,尤其佢今次個challenge個編排有啲…. 怪,佢冇咗「day幾」,好難refer🤪
    上次應該係Day 17

    前兩日都係做得長,>50mins,今日仲無厘頭行咗8000步,有D攰😵,練佢呢個30min練twist就剛好。🔀

    ————

    另外,又睇下其他相關youtube channel,見到講起YTT Yoga Teacher Training,我幾個月前有諗過,反正做瑜伽,不如「順手」去考將cert。了解過,例如最基礎的YTT100,代表100個小時training,包括真實練習+自修讀書,鐘數點分配?每間學校可以有自己準則,聽過有50/50咁分。練習:係邊做邊教你點樣「教人」做瑜伽;自修:就包括瑜伽基本知識,同埋…. 要記….啲動作嘅….印度名😰🇮🇳🪷

    假如要練50hr,每星期一堂3小時,咁樣計落都要四個月,都幾困身,亦違反咗我「keep每日做瑜伽,哪怕只係10分鐘,都不要一次過做晒一星期的」的初心💟。

    學校水平亦可以好參差,甚至有啲係Online添📹🎙️⏺️📺,一路live俾佢睇😓!

    如果為咗相關工作而攞多張cert,實在無可厚非(我唔係喇😅),不過,揀學校要小心啲。最怕係收哂學費後執笠。



  • 人要休息,是為了走更遠的路。
    平日蛇王,是為了週末都要OT。

    今日可以練習嘅時間唔多,無論如何,都做一個同hormones balance 有關嘅,
    新發現的channel:

    同埋,想fix下自己做得唔好嘅式子
    alt text

    Camel🐪pose,看似四平八穩,但都算係一個幾intense嘅back brend,我唔識教,只係想分享個人lesson learnt,當係自己筆記…..📝📝

    與其話camel係「向後抝」,做時應該想像:係「打開胸膛」🫁嘅動作先啱。

    膊頭,要好柔韌,盡量拉開、拉後。
    胸膛,要向上打開,大髀,要向前推,同小腿成90度角。
    亦要成條脊椎平均地彎曲,唔係只集中下背部,反而造成傷患。

    其實,做齊以上嘅,對於我呢種硬骨頭,都已經相當吃力,不過叫做做到。🙏🏻😄

    Camel係Chest opener,有啲人話過會做到有D情緒。我就冇,反而係有啲暈嘅感覺。😵‍💫🎠🌪️

    唔係Kiss😘😘💋好陶醉嗰種暈,
    而係缺氧頭痛嗰種!🧠🧠

    我又爬下文,網上真係有人咁講,咁都好啲,代表係正常現象,起碼唔係隱疾冇得救果隻!🤣

    其中可能嘅原因:呢個動作扯開心口,可能會壓住肺同喉嚨,令呼吸變得唔暢順🫁,所以呼吸要盡量chur deep d,咁樣亦避免因為只顧做好個動作(用力推心口、大髀)而忘記咗呼吸,又易暈。

    我再試,慢慢deep breath做,就少咗好多嗰種暈嘅感覺。✌🏻

    亦有指,向後拗嘅程度都幾大,所以個人當刻血壓🩺😰突然間改變,就容易產生頭暈嘅感覺。

    亦有文章話個pose壓住咗沿着呼吸道的「迷走神經」,咁呢個大鑊啲喎😅,請諮詢專業人士。🤓

    估唔到一個貌似簡單嘅動作,都連系到幾多方面,同埋要注意嘅地方。

    認真係:「學海無涯,回頭是岸」
    🤣🤣🤣🤣

    Camel pose既要放鬆,又要hold實spine,其實都算係中等程度,初學嘅要小心啲,可以先叉住lower back練習,佢亦算係拱橋wheel pose嘅初期練習。



  • Good morning Yogis
    想wake up自己,拉下啲瞓到繃緊嘅肌肉?

    呢個床上瑜伽唔錯!
    兩個人一齊做都夠位🙈🙈

    昨晚鼻敏感瞓得唔好。
    簡單用5分鐘,而家C服曬。



  • 其實,次次練習,都係求其抽件衫,加條瑜伽褲,剛剛留意到自己,粉紅色上衣、Milk Tea色褲。望落,又幾襯喎。😙

    又繼續Milk Tea(苗條) Yoga先🤣

    我有時會諗,呢個logo應該點設計,不過設計唔係我強項啦!📏📐✍️🎨😅

    Day 19 - Tim’s Challenge

    亦都係..呼吸先。🫁(鄭中基個瑞士雪山肺)

    唔知點解,最近開始好享受呼吸,俾到身體一種好「欣慰」嘅感覺,唔通,就係D Yogis經常講話 “more connected to yourself, to your body”? 🥰

    Tim的class,唔識欣賞嘅,可以話係幾悶㗎。不過,對我而言,雖然只係Online練習,亦儘管只是單向式的,佢總能夠幫我解決到一啲一直解決唔到嘅低能瑜珈問題。💡🚥

    例如,我多年來,一個好簡單的動作:由down dog, 然後其中一隻腿step forward,我係從來未試過一野step到手旁邊🤦🏻‍♀️,初學時,有人會教用手幫一幫放好隻腳,但只要跟住Tim的竅門或重點:”knee to the heart”,咁就可以一野搞掂,每次跟佢啲video佢都會有呢一句。

    呀……應該只有Yogis明我講乜🤣,我知😅

    之前有提過,有本書叫做「瑜伽之光」,而佢就係我嘅瑜伽之「光」。💡💡💡



  • 教練要掂囉...!邊個都想



  • 我以為:掂個蘿😂

    在UTube跟幾個不同的Channels做,獲益良多。
    想人多有氣氛啲,可以join fitness centre。

    教練要掂囉...!邊個都想



  • 今晚見到個for stress release,就呢個啦。

    Adriene 一開始嗰句:
    You’re not alone, I am there with you.
    一聽,已經好舒服,彷彿已經上咗半堂咁☺️

    又係呼吸呼吸,6秒吸,6秒呼。

    其實一向都係做D咁上下嘅野😅,唔明呢個月係特別stressful😳😵‍💫,可能係D客開始「焗住」蒲返出嚟,可能我哋有新出品所以都焗住再積極多D,客人又有人仕變動,係會有隱憂架,不過有時執着支好籌又唔定,好多嘢又唔知堅定流,無論如何,信自己眼光啦,把握呢D機會,幫出年舖路。

    回顧上年呢個時候,個market諗住疫情會過(但過年前又爆到冚冚聲),anyway簽到幾瓣新嘅initiatives返黎,當時我哋心態係:總之唔蝕本、而又係好唱嘅戲(所謂 good stories to tell) 就去馬,飢不擇食😁,打死罷就咁💪🏼。咪當D客俾埋學費我哋去學去做新野,反正啲嘢又可以重用、重用、再重用,咁變相咪又係成為我哋公司嘅assets😝。咁小試牛刀,除咗同個日本客因疫情受阻佢棄械投降而未能修成正果之外($就一早收哂,好彩佢公司大把錢唔志在),其餘的,傻人有傻福🤪🍀🧧,成果唔算係好amazing,但係客人滿意,繼續make them happy續約就可以。2023年頭要盡快將呢啲stories發揚光大,先唔會白費過去一年嘅努力。

    做咩忽然講呢啲?….. 傻嘅老人家係咁😅



  • 呢兩日都好熱咁,索性來個爆汗的😅

    ☝🏻☝🏻☝🏻呢個YouTuber講出我嘅心聲,似係台灣的。

    好多人都話,露露檸檬嘅瑜伽褲,着得好舒服,值得投資。檸檬係王者,咁我都信嘅。不過要上千元一條,而淘淘的¥39,$1000可以買20條,顏色更多選擇,着上身好睇舒服,唔會阻礙我動作,洗完亦唔變形。

    其他仔細嘅,例如咩化學成份果D,我就唔識啦,但So far so good

    每天練習,都要三至四條替換。倒不如去Zara 買靚衫,幾千蚊budget一定滿載而歸。😁



  • 好耐未玩過呢個玩具。
    🔴⚪️⭕️🔴⚪️⭕️

    瑜珈輪要訣:慢、慢、慢 🐢🐢🐢

    每次都係,唔埃上去,都唔知原來個背脊酸痛😖😢到一個點……

    Lower back更加係重災區❕⚠️,痛到魂魄唔齊👻😳,不過做完鬆晒,個肚腩仲好似平咗㖭🤣

    今日15mins,但幾好玩,同埋,終於可以做到雙手放地,如下👇🏻👇🏻👇🏻

    alt text

    但係留意,呢個back bend都幾intensive,初練習的yogis要小心,要注意左右平衡,我試過轆轆吓由側邊跌咗落地。每次玩返,都會來來回回碌多幾嘢,感受下個平衡先。



  • Day 20 - Tim’s 2022 Yoga Challenge

    今次唔係flow,而係拉雙腿後肌肉、hips、及膊頭。

    膊頭都要拉?Yes,其實好多時拍埋牆做個「舉手投降」姿勢,都未必可以全隻手臂「同時」拍到埋牆。

    所以,昨天玩瑜珈輪,雙手掂終於到地,有咩咁雀躍?就係個膊頭flexibility改善左。

    既然可以咁…

    alt text

    就自然可以….

    alt text

    再「自自然然」就可以…..😅😅😅

    alt text

    彭單拱潮——-指日可待、指日可待⋯⋯



  • 掛住睇深夜重播男親女愛,今晚打官司👩‍⚖️👨‍⚖️果幕笑鬼死。

    所以晏左,深宵瑜伽變凌晨瑜珈🌄,唔緊要啦,反正聽日禮拜六。

    呢個Good! 呢個Coach 有D Tim的影子

    另外開多部電話youtube播432Hz yoga music,同個宇宙同步返先。🪐

    近日好喜歡做呢個:

    link text



  • 今日試吓Ashtanga Yoga

    Ashtanga Yoga 是印度最傳統的yoga,有一套一連串的指定動作次序,包括幾時呼吸,幾多下呼吸都有指明。

    Vinyasa Yoga 是由Ashtanga衍生出來的容易版,動作次序差唔多一樣。不過,例如本來好急嘅動作會加多一下呼吸拆開放慢做,另外,要肌力而又要hold 5個呼吸的動作會改短,所以比較適合更多人去練習,或先讓人熟練一下Ashtanga的動作次序。叫得Vinyasa的,老師可加入各種式子,或variations(=較容易做的取代動作),令到練習更有趣味性,吸引多啲初次接觸瑜伽的同學。

    所以在YouTube上,Vinyasa yoga (或叫yoga flow, vinyasa flow),係佔咗大部份,因為YouTubers可以加上自己嘅創意,吸引不同觀眾。

    如果寫明Ashtanga Yoga (有D叫Power Yoga)的video,就意味佢係跟足印度傳統個Flow。亦assume學生已經知道個次序,所以老師唔會太多提示,當中亦有啲較高難度嘅動作,例如wheel pose拱橋、head stand,所以亦會定義為比較advanced level嘅瑜伽。

    當然亦有人話,時至今日的Ashtanga已經同傳統原汁原味版本有點不同。

    我所知就係咁多喇,主要係記低自己所了解的,做自己筆記。練習瑜伽都訓練耐性,儘管每天、每周都只係一點點的進步,見到自己身體有改善,都係開心、動力。😊

    alt text



  • alt text

    我諗返,呢135日、19個星期,有啲咩式子由做唔到做到。
    對冇乜運動細胞嘅我嚟講,已經算係創舉😅

    Crow Pose
    臂彎唔攰果日就會練下,
    由2、3秒進展到4、5秒😂
    目標係15秒🛣️🚦

    alt text

    Tiger Pose
    其實唔需要柔軟度,反而係大腿後面(hamstring)要收緊拉起嘅肌肉強化左,就可以做到

    alt text

    仲有D嘅,再分享

    昨天的Ashtanga,今日肩膊、二頭肌有啲酸軟攰,做呢個release啱晒。😊

    Day 21 Tim’s 2022 Yoga Challenge

    瑜伽,肌力比柔軟度更重要,可見Tim Sir的柔軟度不高。



  • 仲有….

    Eagle Pose
    可以企得定D喇

    alt text

    Boat Pose
    以前彎住個背脊,用錯力,而家可以直背,靠用腹肌拉住

    alt text

    Dancer Pose
    腳高過個頭啦,平衡好左D

    alt text

    Chaturanga,以往一向做唔到,就直接落地🤦🏻‍♀️,有練習等於冇練習,後來知道個重點係:夾實個胳肋底😉

    alt text

    進而做埋呢個,只有手掌同腳掌、腳趾掂地😉

    alt text



  • 今日好有需要……. 好有需要平復一下整日混亂的思緒。

    11點幾都有傷腦筋的公事要傾🤪
    啲手指心心🫰🏻🫰🏻,快啲郁啦,唔該💁🏼

    要unwind 下,
    Restorative Yoga,主拉鬆肌肉嘅動作

    意猶未盡⋯⋯

    C服哂☺️😌

    ————————————

    Hmmm…..我都真係幾混亂,練習途中,down dog 時,件Tee跌落個頭道,先發現自己冇換到瑜伽衫褲🤣🩳👚

    Okay la,邊個話做瑜伽一定要着瑜伽衫?
    褲頭攝好件衫繼續。

    咁記得,聲線甜美嘅Miss - Jessica 話:
    「邊個話做瑜伽一定要瑜伽墊?」
    佢想鼓勵大家,要有恆心, no excuse



  • Day 22 of Tim’s 2022 Challenge

    又返黎繼續個challenge喇!😁

    有時會覺得自己呼吸唔夠「深」
    個🫁習慣咗淺層呼吸,做運動就容易chur氣,追巴士都辛苦啲。🚎🚌🏃‍♀️🏃🏻😰

    呢集佢教用條帶輕輕綁住自己胸骨下邊,最理想嘅呼吸,係用橫膈膜拉、推個肺,Ribcage🩻亦360度擴張、收縮,有條繩喺度就容易感覺到。🪢

    佢強調「360度」,唔好只用心口向前伸展。

    躺平時、或者坐喺度都係。

    另外做埋呢個,個背脊係舒服咗。

    趁今日攰攰地,呢兩個練習,當係休息。佢話每7日休息一次完。😅



  • Yoga with Adriene

    想flow下,又見Joy呢個字,就撳咗入去🫵🫵🏼🫵🏻

    到後段先知,點解叫”Joy” 🥳?原來係練balance。

    瑜珈說法,好靚miss Sara 喺佢張candle light yoga VCD📀所講,練習平衡⚖️有助增加個人嘅幽默感🤪🤪,一來因為好玩,二來就算跌低,自然會笑一笑(自己),然後再嚟過。

    好似好有人生哲理咁📖

    我的第一次:

    我要雙手撐住
    alt text

    然後屈膝慢慢落,再雙手離地平衡
    ……..我就大概hold到1秒🤣🤣

    alt text

    繼「1秒拳王」之後,我成為咗「1秒瑜伽」⏱️
    所有動作係以「秒」速完成
    勁呢?問你怕未!🦸🏼‍♀️⚡️⋯⋯🤪😳😨



  • 今日想練Jessica的,至於咩類型嘅瑜伽: Yin? Restorative? Vinyasa? Ashtanga? 就索性撳吓佢最新近個video,佢做乜我就做乜🤣

    登凳..係Vinyasa Flow,我的至愛!佢件新衫好靚喎!😍

    趁着有啲時間,我想記低:

    最近幾個月來,發覺身體比較「能被管理」Managable.

    早排提過,做了一段時間瑜珈,估唔到,令身體吸收好咗,代表我其實唔需要食咁多嘢。🤦🏻‍♀️

    好喇,就食返少啲,最容易嘅做法就係一日兩餐,但keep住各樣營養均衡。餓就食返多些少,好佛系🙏🏻。咁就慢慢修復返之前重咗嘅。然後又..

    又再咁食一個月,緩慢地,再減去1 kg。

    咁我就開始發現:

    純學術研究啦,計返,每日少吃一餐~少400kcal,一個月裏面大約有20日可以keep到咁,20x400kcal, 就大概減少左8000kcal,理論上,能量等價交換,要消去1 kg就要小吃7700 Kcal嘛,咁樣同個結果又幾吻合。🤔

    然後過多幾日,我發覺體重繼續微微向下,不過我唔想輕得太快,一個月1 kg就OK,所以又食正常返啲,咁之後幾日,體重又停止左加或減。

    呢個係練習瑜伽嘅意外收穫,舒緩壓力,平衡返D荷爾蒙,體重原來會變得容易被管理。

    以前跑步,反而得唔到呢個「收放自如」效果。😳

    回想返,曾經有營養師講過,如果客人曾經食過減肥藥,發現唔舒服,停咗藥,然後去光顧營養師,通常會請個客人六個月之後身體平復返先好返黎,因為減肥藥會導致身體內分泌、荷爾蒙亂七八糟,點控制food intake都減唔到磅。

    又明多啲嘢🤔🤔🤔



  • 今朝有空間可以做個short and sweet 的😊

    求其㩒左Kassandra的最新video。



  • 今日又係繼續《求其.最新》系列,㩒左Tim的最新video

    到中段都以為係Vinyasa flow,點知到後段開始動作較急的Ashtanga。天氣凍❄️、打開窗🪟、薄著,都汗滴瑜珈墊。

    Sun A
    alt text



  • Yoga Nidra

    如果失眠、或者想深沉小睡一會,Yoga Nidra是一個不錯的睡前冥想催眠的一個選擇。

    推介:



  • 趁今日有時間就做多一點點

    為咗配合 Bone Health主題,着住🦴🦴骷髏頭衫練習瑜伽,旁邊仲放咗一副骷髏頭骨,我諗當今世上Yoga Youtubers只有Adriene一人夠膽咁做。😅😅

    好奇爬文,瑜伽是否有助骨質健康。

    找到:Harvard Health 指出,曾經有個研究,200幾位女士,大約年齡68歲,練習瑜伽後,骨質密度,居然有逆轉嘅情況,咁有幾令人鼓舞喎!👏🏻👏🏻

    如有興趣👇🏻👇🏻
    Harvard Medical School —- Yoga: Another way to prevent osteoporosis?



  • 怕星期初交唔切工作,今日休閒OT,揀個 destress類yoga先,講真又唔係咁stressed嘅😌

    都幾意外,呢個Yoga for Anxiety and Stress,有10Million views,比起Adriene其他video view數多出幾倍至幾十倍。生活壓力大,大家都會尋找減壓方法,只估唔到個數字係咁誇張,雖然係非官式統計。

    尤其心理影響生理,好多病都係屈出嚟,例如,最簡單的「爆瘡」🤦🏻‍♀️,好多時都係心理因素,影響到內分秘。

    當然要搵健康嘅方法宣洩壓力,最最最…..簡單落街走走、行吓公園、吸收吓D太陽光,個人都會鬆弛好多。

    減壓各適其適,總之,方法一定要恰當…

    大半年前,試過有網友PM我,想TG chat,見佢TG個名同頭像應該係之前已傾過,我仲記得乜特別話題,成個月數埋冇十句😅,好自然地就無傾啦。所以當佢第二次PM我時,我就講返大家之前傾過了,並祝佢一切安好。結果就惹來對方間歇性窮追猛打。

    相反,之前曾經睇過一個BBC的Documentary,講關於身心健康、長壽,好記得一開頭訪問一位90幾歲婆婆,鏡頭影佢做緊輕鬆嘅瑜伽,佢share身心健康心得就係每天早上做些少輕盈運動,佢有提過,性格好重要,唔執着、平常心,唔會多唸。佢說話時面帶微笑、有神彩,真心幾佩服。

    可以去到呢個境界嘅人唔多,除咗佢所提及嘅,後生時都先要儲低足夠彈藥💸💵😅。

    咁我又要努力啦。🤣



  • Day 23 of Tim’s 2022 Challenge
    (留意番, 2022年就嚟過😅)

    今日,做咗好多不同類型「工種」🤪🦸🏼‍♀️😨,
    包括:

    I. 人哋老婆(醒醒定定,打醒十二分精神)

    II. Miss Mo成個講嘅:我哋係「Professional 」黎加嘛!

    III. 銷售員

    IV. 本身好懶好hea嘅自己

    好彩仲可以練習瑜珈,每日最鍾意呢個環節😅



  • 1982_Château Sociando-Mallet 盲試win Château Lafite Rothschild



  • 識貨喎,紅酒🍷愛好者、channel都喺度做宣傳。
    佢知道咗 有睇呢條thread嘅都係有D品味
    🤣🤣🤣🤣🤣🤣🤣🤣🤣🤣🤣

    今日背脊好攰,又勁咳,「啪」咗兩粒蓮花清溫💊先做yin for upper back….估唔到又幾有效,練習中途已經冇咳。

    練習完,背脊都鬆返好多。



  • Day24 of Tim’s 2022 Challenge

    亞Sir曾經提過,佢中段係會重復之前嘅練習。

    今日有一句頗有哲理:
    In Yoga poses it is a balance between effort and surrender

    有時:
    有心栽花花不香、無心插柳柳成蔭

    如果真係能夠柳成蔭,其實都值得鼓舞,就用插柳的經驗、心得,放回去栽花,或者就栽出花香。

    甚至後來,成蔭柳葉+鮮花花香,比起單單栽花更獨一無二。

    似乎撐得太遠添😅

    講返Yoga,瑜珈老師朋友講過:
    如果有D動作好難未做到,唔好死做住,練習吓其他先,一段時間後再返去練習果個動作,你會有驚喜。😊



  • 12月8日

    偷懶,上網,原來今日係 : 滿月 🌕

    資料可見👉🏻天文台明相資料

    如開自覺今日充滿正能量:
    今晚可以做些Full Moon Yoga
    或 Moon Salutation

    負能量的話,可以做:
    提我Full Moon Meditation
    —-

    瑜珈學說
    月亮能量悄悄影響著人情緒、感受,就如潮汐受到月相的影響,人體70% 是由水構成的,咁似乎都有啲道理。

    平日練習中,熟悉的有拜日(Sun Salutation),印度人以拜日對太陽神、能量的敬重,也是瑜伽練習的熱身動作。

    瑜珈講究是平衡(昨日提到a balance between effort and surrender) ,太陽代表陽性強烈的能量,月亮則代表陰性溫和,所以除了拜日式,同樣也有…..拜月式。

    alt text

    —-
    瑜珈學說中,認為在滿月時進行拜月,可以將月亮所產生的能量吸收至體內,同樣地也是對月亮的敬仰尊重。

    有說最好在室外「晒住月光」練習,如在家中練習,可將燈調暗、或點蠟燭,使內心平靜,讓月亮能量成為你恢復活力的主要泉源。(老公可能會問我搞乜🤣,佢又應該唔肯一齊拜月)

    alt text



  • 滿月之夜🌕🌕🌕
    月光好圓呢!

    把燈關掉,只有窗邊香薰燈、窗外月光的光。

    一邊練習會下意識的望下個月光
    最後躺下休息動作,眼望住月光,心覺得溫暖。

    Kassandra 的Moon Yoga加入了她的創意,佢亦有提到能夠'在戶外向着月光做更好。

    最正中的「拜月式」在此

    Thimbnail 中所見的Goddess Pose是拜月之中代表性的式子
    如下圖大腿平,並與小腿成90度角,為之正確。

    alt text

    Goddess Pose除了鍛練下盤、大腿與股肌之外,據說亦強化女性的子宮、生殖器官,提升生育能力。

    我過了有此等需要的年齡,但都幾鍾意呢個pose,主要覺得望落幾有趣。😅😅



  • 今晚月光依然好圓,所以..
    不如繼續吸收月光精華😉

    發現Kassandra 以moon為主題的練習選擇算多。今日練習呢個:

    佢又鼓勵練習完寫日誌抒發,佢建議唸下當下:

    What you are Grateful for?

    我感激,暫時來說,我知道自己喜愛什麼。

    回想中學時,我一向讀書都係中中等等咁,但特別喜愛某一科,覺得非常有趣味,所以特別多花時間溫習,甚至會去買syllabus以外的書去睇。結果其他科目成績都係中規中矩,但呢一科多數係全級第一或第二😜。會考時,自己set目標呢科要攞A,努力鑽研攞「滿分」技巧,並且set晒scheduled 去train自己,好大陣仗😜,其他科目,知道自己唔係攞A材料,就設定邊科目標攞B、邊科攞個C 咁樣去讀。

    (咦?原來我16、17歲已經咁識咩叫“balance between efforts and surrender”)

    結果?😊😊,準到我覺得可以去做睇相佬🤣

    好自然,當時想以果科為職業……不過……

    …..當然中途又發生咗些事情,有部份關自己事,有部份係timing、market,唔知算唔算係兜兜轉轉,到40歲才真正如願以償。我非常感激有呢個機會。亦覺得,好玄妙,冥冥中有主宰。🙏🏻🤞🏻🤲🏻📿⛪️

    Btw, 剛剛先發現原來有個Om 的emoji 🕉️🕉️🕉️😉



  • 夜晚要出去,應該拜唔到月。
    趁日頭,就拜日☀️🌞

    呢段👇🏻,印象中,今次第三次做,仲好深印象第一次做到得返半條人命,第二次就已經okay好多,有長進!咁今次應該會做到「曉飛」😄😄🦉🕊️✈️

    興之所至,想練習多一段。 聽Kassandra話上邊15min係for beginner的 (吓?我之前做到死喎!),下邊呢個係進階版,咁….就梗係要會一會佢啦!😎🤺🗡️⚔️

    結果…. 唔使俾錢去高溫🌡️瑜伽
    我「低溫☃️❄️瑜伽」都爆曬汗、chur氣。

    Btw,佢呢套中綠色top同粉綠色pants,好襯好靚,其實我都有套exactly一樣色,大家都咁有品味。🍷🍸🥂🥃☕️🍵😆😆😆



  • 喜歡Yoga的其中一個原因,覺得練習當中包含不少人生哲理。

    平衡,努力想做好動作之餘,亦要尊重自己身體的限制 (佢哋叫:respect your body)。

    幽默,動作平衡不好跌下來,笑一笑,然後可以再來,沒什麼大不了。

    成果,不要期望一步登天,只要有恆心,每逢一段時間都自然有一點點察覺得到的進步,是鼓勵自己的推動力。

    除了練習瑜伽,有時候亦會留意Yoga YouTuber啲vlog、coffee chat分享,個人尤其欣賞Kassandra,佢本身係ballet dancer,之後開始youtube 個channel 8年,一手一腳,又出過兩本書,佢老公做「背後的男人」,幫手佢個Channel。(好羨慕呀😍)

    奮鬥過程中,佢話唔開心嘅係俾人話佢身材太「粗壯」,又笑佢似有咗BB,佢話佢都係正常人,有時因為身體狀況、或飲食放鬆了而有個肚腩仔,當然佢會努力去keep。(Kassandra個人都幾感性,俾著強頑嘅我會話:唔啱睇咪過主law,咁留意住人哋博乜啫?🤣)

    早排見到佢呢個vlog👇🏻,分享點樣提升練習,唔係教大家做更艱深嘅動作,而係怎樣改善、強化現在的練習,增強效果,打好基礎。好似幾啱我喎!其中,有提到合上眼練習,亦可考慮晚上關上燈光練習(Yoga in Dark),練習更強平衡力。

    另外,佢也如Tim的建議,建議自拍瑜伽過程,或者對鏡做,就會發現自己動作的問題。

    alt text

    alt text

    例如Triangle Pose👆🏻,身體側望應該成一個平面,我有次從深夜玻璃窗反射留意到自己個pat pat凸咗出嚟(撞鬼吖!😅😅),記得Tim教過,呢個情況,要拉返直D條脊椎,然後縮返個pat pat入去,果下條腰「拍」咗兩聲,先至深深明白,一直以為動作做得對,其實不然。(btw果下好爽呢😄!)



  • 好朋友的飛吻幫我補充元氣😜
    沖咗個熱水涼🚿🛀🧽
    做過應該唔會出汗嘅
    Chakra Yin Yoga (脉輪陰瑜珈)

    好似,係恢復人體七個重要嘅energy centre,有時間再爬文。



  • 網上不少設計logo的portal。

    因為有次留意到自己件top同yoga pants都係奶茶色🧋(其實仲有條抹茶🍵色的😅),又醒起人哋好叻教yoga果位叫Coffee,所以唸我退休時去大媽廣場玩瑜珈不如就起個朵 “milk tea yoga”,中文叫同音「窈窕」瑜珈。fit呀!😆

    嘻嘻,手痕,玩吓D Logo Generator:

    揀好設計之後,揀好設計之後,就「科水」download,
    仲Sell埋你印卡片,到時派比街坊,一定要架啦!

    alt text

    仲會sell埋你印簿仔,好high class咁:

    alt text

    最chill係印埋tee,好cute,好真實🥹!
    到廣場Join Milk Tea Yoga練習, 就要著住。日日練習,就緊係要買返三幾件替換啦!😁

    link text

    齋買件Tee, 所有she會員八折優惠🤣

    太興奮😂😂,差D唔記得記低:
    今日,練習呢個,剛柔並濟的:



  • alt text



  • 大約每個月,每逢某些日子會有D D 虛弱。
    好啦,又練返Tim’s 2022 Challenge -Day 25

    隻灰色狗仔,0:50時,走到佢面前,好似第一排學生好留心聽書咁。🐶

    呢幾集都係如佢所說,重複返之前啲練習,所以知道唔係太Powerful。唔好做太擠壓下腹的動作便可。

    女仕呢幾日(或一般人冬天天冷血液循環冇咁好的時候)應該食返多些少鐵質🛠️🥩🍗🥦🫘🌾

    食完兩小時之後先好飲啡或茶🧋☕️🍵,因為會阻止鐵質吸收。



  • 哈😄,明明琴日無乜擠壓下腹,但今日都好似有些少出事咁,唸返可能有啲腰部Twist的動作,咁就扭毛巾咁,咩都扭晒出嚟🤦🏻‍♀️😵‍💫😪,撞啱今日要周圍去非常唔方便。🫤

    既然係咁,今晚就話知佢😡,尤其天寒地凍,想要返啲血液循環,於是,search “power yoga”

    虛榮心😏作怪,見title寫住”intermediate” 就想挑戰吓,不過原來只係難在每個動作hold耐D,大約十個呼吸🫁,唔怕,呢方面練習Tim Yoga時已經「訓練有素」。✌🏻✌🏻✌🏻

    又好似話,整個月裡,呢幾日既之後幾日😅做運動,對weight loss最有效果,咁就無需懼怕橫跨一星期的xmas飯局🛡️🛡️🛡️



  • 無意中在youtube以外睇到一個印度人教瑜珈🧘

    今日順次序上第一堂「拜日式」☀️🛐,之前都做唔少,不過佢係最傳統Ashtanga Yoga,慢版、正常版都有,解說非常詳盡。

    以前在youtube見到有channel話挑戰組108次拜日,呢個course的教練話冇需如此誇張,練習應該重質而不重量。⚖️⭐️

    開心發現,暫時share唔到條link,不過好似幾正,正到我有啲半信半疑,等我試多幾日再分享多D。😜😜



  • 今日繼續果個「意外發現課程」🤣

    順住次序去做,今日大至上係stretches:

    Hips & Legs
    Waist Twisting (我又twist🤪)
    Full Body Morning stretches (喺夜晚做😆)

    差不多一小時

    alt text

    alt text

    alt text

    當中亦有D分享,eg. 瑜珈謬誤,etc. 當然也有瑜珈理論等,如果對瑜珈有興趣會中意的。

    明天佢哋有個Live,Zoom直播,我期待著。☺️
    (人哋直播,我跟住練啫,其實同睇住youtube 做冇乜分別,仲要個壞處係限時限刻,我自己都唔明做咩咁期待?🤣)

    By the way, 佢哋係夫婦(咁啱知道啫😅)。
    一齊向同一目標合作、努力,難能可貴。
    有說,要令所愛的人對自己死心塌地,就需要長遠地成就對方。佢哋就係互相成就啦🤓🤓



  • 女仕一個月𥚃有幾日減重最有效,所以,唔好嘥,做呢個:

    原本,今日轆開張yoga mat,唸住上印度老師zoom啦,點知,今堂唔係練習,而係Q&A😅,都有大約50人入嚟,有部份人開左鏡頭,有D人仲set晒cam成張瑜珈墊入晒鏡😜

    如果下次我開鏡頭練習,唔知亞Sir或Miss會唔會贈我兩句呢?😅

    Anyway下兩周末係平安夜、除夕,要2023先再live返lu

    講返,今日個Q &A session可以問任何關於瑜珈問題,動作、心得、Therapy 等等,例如:有人問lower back pain可做D乜練習去舒緩,亞Sir話答一般來講,邊度痛代表邊度弱,要慢慢段練強化返,唔好一味stretch個痛位。咁咪正如荷包弱就努力加強荷包,心靈脆弱就要增強自信。🤔

    Wow! 咁啱見到呢個,好得好靚!唔知我幾時可以去到呢個境界?

    alt text

    睇佢up dog時,手臂頓時粗咗兩倍!就知個動作睇落好易,但其實好蝦人做,我仲未做好🤪


Log in to reply