跟自己的 身、心、靈 連結
-
今日，其實臨天光，鼻敏感發作，眼鼻喉都好唔對路。
返工前食咗藥先開工，通常只吃半份，因為太眼瞓，半份都攰攰地，諗住今日都係匿埋做嘢啫，一面倦容都冇乜所謂啦。
點知，忽然一個「叫緊餬」嘅客想call meeting，亦因為有啲前前後後嘅原因，冇得唔去啦。
仲有兩個鐘時間，費事喺班客面前個鼻fee-li-fair-le，眼又痕咁，食埋果半份藥，望一望啲料，就衝過去。
心理撐住生理，狀態好好咁，自己打紅塊面扮面色紅潤。好在個會都幾順利，一路傾，個腦要keep住清醒轉，當刻係忘記咗自己本身有唔舒服。（通常我稱之為「上咗身」🤣）
一開完會，個人即死，好似玩完神打咁，成個人散晒，一上車就瞓着，之後是但食咗啲嘢當lunch，下晝就call sick。
如果間唔使係咁，真係命都短幾年。
瞓咗半日之後，精神晒，繼續工作。
今日練習：心輪。
安撫下自己先。
-
再上一格，是Throat Chakra，喉輪？yes.
練習喉輪，Adriene都有個正念：
I will speak my truth openly and freely.
明，不過，好難。
嗱，唔好諗到咁高層次先…
例如：呢幾日，見到網上有人share佢哋嘅減肥日記，食D咩？
有個例子，超好笑，但應該唔係玩嘢：
正餐，非常節衣縮食
eg, 烚蛋、菜、米粉
或者，半嚿番薯+幾片菠蘿+兩塊雞柳
以上全白烚 、低卡、冇油，fine!
(心諗：勁！我一定頂唔順）點知，佢小食係：（每日以下一款）
鳳梨酥+炒米餅 各一
流心蛋黃芋頭酥一大個（嫁女餅果種）
麥當勞雪糕x兩杯、
雞仔餅x5件
……
(佢進行咗7日，我想睇吓佢聽日食乜嘢小食）以上例子，如果佢係我朋友，我都未必可以speak my truth freely la
🤣🤣又有人，炒餸，D肉要零油。
例如：
炒雞肉？炒完要紙巾索油，先上蝶，話：雞油太可怕。
炒牛肉？炒之前，要飛水，話：隔咗啲油。
😳😳咁真係…..
各有各口味。各有各的Truth。
-
已經係第二還是第三次練習呢個：
Minimal cues 的，靜靜地，做一個 Moving meditation雖然又爆汗💦但身心都release到。
^_^
今日，應該係練習到259日。
又留意到，呢條thread，過咗 300k views (307k now)對數字有D好奇，其實係無聊🤣
(今日解決到啲棘手問題，所以個人有少少Hyper)quote返之前個post:
200日，200k view （1000人次/day)
259日，307k view. (即後來呢59日，>1800/day)我係咪好無聊😅😅
呢條thread，冇乜傾偈成份，
(Btw傾都冇問題的)，
咁所以冇理由成日撳入嚟㗎？證明，She呢度其實係有好多人。
(懶係好強嘅分析咁，但只係小一數學😌😌）或者，原來咁多人鍾意瑜伽😄😄
大家開心就好😅
如我有講錯嘢，大家高抬貴手。🤲🏻📿正如我都中意睇人地減肥post，
好奇想知「50 ％白烚野+ 50 ％邪惡零食 減肥法」成效，
今日人家零食係：雞仔餅5塊+朱古力bar 🍫
查實係：
正餐唔食(好)，留肚食零食。😏衰嘢唔好講
講返我地先😘😘，
咁高興🍺🍻
推介呢個給您，週末聽吓呢個瑜伽七輪嘅音樂，只係半個鐘。
好有趣，會發現去到唔同嘅frequency/Hz，身體唔同嘅部份會跟住有微微嘅震動，由最低頻開始，跟住身體由下而上。人嘅身體有七成係水份，呢種共鳴共震現象係好正常。
有時聽吓，梳理下身體雜亂嘅頻率，幾好嘅。😊
Nice weekend! 😊
咁啱
當呢條thread累積到200k views。
我就達到了無間斷的200日瑜伽練習。一個字：妙！
另外亦有少少驚嘆自己嗰份不尋常嘅堅持。
#另一個字：(呀⋯⋯未唸到🤣)
其實都唔算咩堅持，因為我實在太享受，係一件樂事，反而係瑜伽堅持住我。🕉️
瑜伽係一個僻僻地嘅主題。
但計返，每日平均有一千人次入嚟喎😉
我多數每日post一次only，
應該唔會有人係咁refresh呱😁
咁大家有冇時間都多啲Lan屎lan屎啦！
祝大家都身體健康💪🏼
Namaste 🕉️ Thank You So Much註：練習練習🤣
-
大家真係好中意運動或瑜伽
今日我好奇，認真計下減數，
發現過去24小時 有2100人次添。你哋都好古惑下呀吓！😉😉🤣🤣
(有小小似小說《三體—黑暗森林》個故事背景）之前有個project，做過一個簡單統計，
個project對象以香港年輕女性為主(唔係SHE la🤣）
有運動習慣嘅女性當中：
50%係做gym
20%做瑜伽
1X％行山
1X ％跑步(最低)大家一定係有做運動嗰批當中嘅20%。👏🏻👏🏻
好！我哋一齊繼續努力練習！
大家都要健康同美麗。🥰因為想換過塊瑜伽墊，諗返有個YouTuber佢有細心比較啲瑜伽墊，當然佢嗰啲係貴嘢。💰🤑
諗返起，佢啲瑜伽practice其實都OK，D flow清楚俐落，不過比較快同power嘅，算係所謂中級瑜伽，推介呢段。
佢有個108次拜日式challenge，我有次俾個目標自己，做咗27次（即¼），已經死下死下，有機會再試下。
可能佢冇乜初級video，subscriber一直都好似冇乜增加。
但係佢啲影片質素，好過好多一般嘅Yoga YouTubers，佢有啲Sharing我都鍾意聽。另外，又企圖再試拱橋，下面video，教用瑜伽磚打斜擺，等手腕冇咁受力，易上D，可能之前一連做左兩節算係chur嘅瑜伽，搞到隻手臂好攰，結果都係上到半lung-kun。🤪
但今次係有史以來上得最高，手臂太攰冇力啫，我仲好有希望㗎🤣🤣
另外，我估呢個因素更大：條腰未夠柔軟。
今日，發生好多事，係有趣嘅一日。
-
人應該有夢💭💭
我嘅夢想係 : 大家當我山區兒童
各位每人每日每次入黎探我時捐$10俾我💵💰🤩🤭🤑😄
加陣$10，麵包都買唔到，
不如捐俾一個冇麵包食嘅山區兒童。
👶🏻🤤🐑🐐———————
呢兩日，都工作，要磅住客project d野，見機行事。
一頭煙💨。
但好有趣。
夠晒刺激緊張。
🫀🧬🤖😵😆🙌
所以我好有需要．．yoga，放鬆放鬆諗返上次做到throat chakra，再上係Third Eye Chakra，掌管：直覺分析。
(低三格的Solar Chakra則掌管：理性分析。）Search到呢個channel，幾好喎，個peace幾好跟，又唔會不停講嘢，minimal to medium cues
另外，我比較腌尖個Audio嘅質素，用無線咪或者係後製聲音導航就最好，因為練習時好少會望住個screen，主要一路聽住一路做，如果收音唔好，例如好大回音，要好傷神去聽，就集中唔到，relax唔到。純粹個人習慣。
呢個Channel啲Audio質素亦OK
🪖⛑️(暫時)推薦！
會留意吓佢其他videos開始咗一兩分鐘之後，發覺食薯條唔可以冇茄醬，即刻播返啲third eye chakra 音樂、香薰，D Feel 返晒嚟🥰🕯️🪔🤤
回帶再嚟過．．
————
昨天見到有個Yogis分享，我300%同意！👍🏻
記低佢先。Signs that Yoga improves your mind:
🕉️ feel more optimistic about the future
🕉️ care less about what others think
🕉️ start to prioritise self-care
🕉️ naturally lose interest in toxic relationship
🕉️ become more resilience facing challenge
🕉️ treat yourself and others with loving kindness—————
呀，果位「白烚零食減肥法」，佢今日出咗個post話佢失守咗，話過兩日會食乖返。🤪（吓？仲黎日日難仔餅？香港只開浮以來，第一人．．減肥減到爆血管）
我就麵包都冇得食．．😌😥
-
大家果然好有善心❤️
自從話每人每日每次入黎，都捐$10俾山區兒童之後，
今日，明明係星期一，
反而好似係多咗view喎
感覺上，去到2500人次好！今日籌咗兩皮幾嘢，
我代表山區兒童多謝大家。
有麵包食。
⛰️⛰️⛰️👶🏻👶🏻👶🏻🍞🍞🍞🍼🍼🍼咦？我今晚真係食麵包🥯
午餐太晏食，之後唔餓，就無謂迫自己食個dinner
有加一片非常高鈣cheese🧀
一片有500mg鈣，半日所需，呢個牌子勁！
再加杯老人奶，又600mg，加埋都過頂。
所以我個「低智能磅」話俾我嘅骨質係好足夠。
仲有2個生果。
其實加埋都有成550卡路里，同食餐自煮飯差唔多😄
不過正經食餐飯係冇計生果。
Anyway 當係食飯食到厭，換下口味。
咁樣諗就好開心😁Dinner:
Carb多啲, protein小左D, fiber～7-8g 都ok，
Fat from Cheese、Bread 15％左右
Good la
聽日補返多啲protein, say 豆漿、豆腐、豆。
(我都唔知自己講乜🤣）
呀，protein，明日lunch食隻大雞髀都好喎！🤔🍗
不過，後日清明，拜完山都有雞食喎！
呢個channel真係幾好，今晚呢個practice幾好玩。
關於頂輪，browse到一d好有宗教色彩嘅描述：
「頂輪 crown chakra – 與神的連結
頂輪是一個媒介, 與神連結的媒介, 一齊的覺知。
就像意識本身這裏完全不屬於物質完全脫離時空。
要使頂輪甦醒平衡，要先由海底輪逐步往上至眉心輪的所有脈輪能量中心一步一步淨化啟動後, 才有可能發生.」好慚愧，我未去到與神連結嘅境界，我就覺得成個練習，做完頭腦清醒咗，係因為有好多倒轉嘅動作，咁血液流上個頭度，個人咪清醒咗。
由下而上連結，全人身心的淨化、啟動，我係buy嘅。
-
跟佢練咗兩晚，覺得佢幾好，所以又跟佢呢個系列，由低再做起。😄
冇唸過可以咁樣做拜日式，去練習海底倫。感覺唔錯。
最搞笑係佢啲NG片段都冇cut
我本來開咗一個襯底音樂，後來覺得個frequency 唔夠低，唔對路又搵過另一段音樂，咁啱到最後meditation ， Miss話聲音Lum（類似大義凜然的「凜」音）係配合個練習，叫大家自己發音，就好蹺俾我搵到一個音樂非常實用，有mood。
Music不停：凜⋯⋯凜⋯⋯凜⋯⋯
👇🏻👇🏻個music聽落有啲詭異，但係正經野，同埋真係幫到手，將身體synch返個低頻率，冥想做得更有效。
或者用root chakra meditation music / singing bowls 等字眼去search下自己feel like的。
呢輪，都叫做食得乖，飲夠水／茶，今日，輕咗，新低位，BMI : 20.3.
之前定左，去到19我會停energy deficit，慢慢停，唔好俾身體察覺。😏😉
但會照keep high fiber，纖維食得夠，或起碼七成，其他飲食份量就會自然會正常。尤其，纖維食物一定係「真食物」，習慣食real food，自然會對trans fat野、蛋糕、零食等失去興趣。
好似又叫「野人飲食法」？
同以前聞到薯條、薯片味，就瘋狂。
從來冇諗過，High Fibrr就戒掉與反式脂肪的toxic relationship。👍🏻
Now去麥當勞，通常都係：
板燒雞腿餐+薯蓉(🙏🏻)+奶茶我唔怕食脂肪，食咖喱牛腩飯(上星期食咗兩次🤣)、豉油王雞髀(今日lunch)，但就避免咗好多反式脂肪。
-
今日，去兩個場，
而我又係「燒味部」，
負責孭住啲拜祭既燒肉同埋雞，🥓🍗
走來走去，原來都有啲攰😅所以早啲瑜伽，早啲瞓😊
Root Chakra 的chant 係：Lam (澟)
Sacral Chakra 的 Chants 係 : Vam (英文Vampire的Vam音）唔知關唔關事，還是今日撞正假期，離開工作一日，我覺得過去兩三日練習左呢個Miss的 Yoga+冥想之後，感覺唔同咗，暫時唔識點形容，有種「泰然」咗咁。
唔通梳理左身體一啲雜亂嘅頻率？
又可能，咁啱，呢幾日其實工作上衝緊一個小milestone，本來預算琴日達成的，點知唔得，直至今朝先發生，所以放下咗心頭大石 🪨？
觀察吓先。
不過，又練到「汗滴瑜伽墊」係真嘅。
塊墊——-Btw，過兩日，有位從來唔做瑜伽嘅朋友😝陪我去買新墊+食飯聚下。☺️☺️
決定都係買返依家個款，如你Easter去開嗰間運動店，瑜伽部，睇緊果款有壓紋的、但顏色核突的瑜伽墊嗰個應該係我🤣
呢個活動已經好奢侈㗎喇，因為四月中有重要事項，大半個復活節假都係OT。🖥️⌨️💼📀
-
今日見到呢個Affirmation
好似好樂觀，但又暗藏憂鬱咁。
不過都好同意，萬一有日唔順心，就喺個袋度「暗」出嚟
(希望唔需要）😅Sunsets (and Evening Yoga Practice 🤣) are the proof that no matter what happens, everyday can end beautifully.
註：我200%真實感受：第一時間諗起Yoga練習。當然可以有其他，例如家人、年幼子女、其他喜愛的人物、事情等．．
-
今晚發現呢個音樂系列唔錯。
主要係音樂夠長。
一邊「有人」幫手chants會投入D。太陽輪的chants是 ram (發音以rum)
都市人，我估可能腸胃都不太健康，
太陽能位於肚臍與橫膈膜之間，
我通常，練習到呢度，感覺會強烈啲，
有種悶悶地、有D D.. 怪怪地、嘔心，
有時會怕練習呢一part 㗎，
還是應該練多啲？今日，又見「雞仔餅減肥法」果個晚餐食：
(我本來可以無視，但我真係忍唔住想望吓😂）
乳酪 + 添加糖粟米片(Granola) (fine, 雖然我唔得😄）
然後下一張圖 ，竟然……包裝蔥油餅（我第一次見呢隻嘢）
加埋6XX kcal。有呢個卡路里空間，咁不如，正正經經食個咖喱牛腩飯。
轉紅米飯，豐富鐵質、維他命、蛋白質、薯仔亦有好嘅纖維、優良的碳水化合物。滿足感！飽足感！（點都滿足過食一 pat pat嘢掛？）唔好係咁撈汁就OK。
統計數字話，咖喱牛腩飯1000kcal，其實係因為假設左你飲晒啲汁。
嗱講真，撈晒啲汁嚟食嘅人，我親眼見過，的確係唔少。
再望住佢，我驚我忍唔住出聲🤣🤣🤣
所以喺度講咗，宣洩左就算，多謝🙏🏻😂
-
Heart Chakra心輪，保護個心好重要，如果自己都唔保護自己，邊個會保護自己？
咁似D Supplements 廣告。😅 （藥箱都變💎💍🧰)
其實D七輪練習都會集中鍛練該部份嘅肌肉。
Heart Chakra，掌管愛心、信心，亦是七輪的中央部份，以此為例，呢堂鍛鍊胸腔附近嘅肌肉，包括上背脊，心臟附近肌肉鍛鍊好，個心揼血都好D。咁當然假設係長期鍛鍊。
其實幾啱我，因為我一向心肺功能差。
練完大半段，然後到Camel Pose，當堂又做得好咗😂
Yoga Mat買了！買完有人幫我孭住行街，托賴每次買瑜伽墊都總會有人幫我孭，有風度👍🏻😝
(如果買淘淘，就要自己去搬，陰功🤣，但淘淘啲合我心水嘅瑜伽墊都冇以前咁平）
咁我都好識做請食飯嘅。
朋友之間互相找藉口請來請去仲啫。😊
重點係酒逢知己….Thank You Kiss 💋 就冇喇，i am so sorry. 😅
Namaste 🙏🏻
-
都市人，我估可能腸胃都不太健康，
太陽能位於肚臍與橫膈膜之間，
我通常，練習到呢度，感覺會強烈啲，
有種悶悶地、有D D.. 怪怪地、嘔心，
有時會怕練習呢一part 㗎，
還是應該練多啲？Somwewhere彈出來，原來有句咁嘅quote
Answer左我早兩日所想。
呀！原來我頗有慧根。🙏🏻😅
唔係培根🥓，係慧根。🤣
好練多啲。😊
就今晚
-
又到周未上 Live堂
今日OT忙，本來想唔上，夜晚練習就算。不過，又有舖引咁。
在zoom大家練習，太有趣！同埋，有次在亞Sir同Miss(兩夫婦)個social media個post打過個招呼，講咗i am from hk，得我一個Asian face，咁佢地實認得我啦🤦🏻♀️。
Anyway，今日(又)練呼吸，其實都好，自己做點會練大半個鐘呼吸。
Ujjayi Pranayama/ Ujjayi Breathing / 海洋呼吸／勝利呼吸。
在做以上keyword 搜尋吓，透過適當地收縮喉嚨肌肉，
吸：數5下／秒、
呼：數5下／秒
越長越好。慢吸、慢呼喉嚨會(應該是「要」) 發出沙沙聲，似鼻鼾聲咁。
只用鼻呼吸 👃
上次話爬文了解下，但之後冇咗件事🤪，今次冇得走雞：
有說，因為聲帶的肌肉與迷走神經相連，掌管器官運作的迷走神經，就會受到適量的刺激、改善迷走神經張力和增加心率變異性。
漱口，同佢唱歌、瑜伽的OM、呼吸法已被正常可以刺激迷走神經。
2010 年，研究人員發現高迷走神經張力、積極情緒和身體健康之間存在正反饋循環。
換句話說，迷走神經張力增加得越多，身心健康就會改善得越多，反之亦然。
迷走神經反應可以減輕壓力並降低我們的心率和血壓，也會改變大腦某些部分的功能、刺激消化，這些都是在我們放鬆時發生的。
唔怪之得，我發現，每次剛練習完，身體會有一股熱流，由內而外。
「呼吸也是運動。」
好妙！
練習瑜珈動作時，呼吸也需要這樣。
這方面，我自問是進步了少少。
又唔怪之得會瀑汗。
今晚做呢個。
喉輪/Throat Chakra —- speak the true
上次應該係練習Adriene 的，但之後佢沒有再上的chakra，再搜尋就找到呢個Miss。
咁有七日，一個星期。😉有時見呢個forum，有網友抒發，我對對方咁好，但點解對方會咁咁咁。。。
尊重一件事情，我就會Speak Up,
尤其係為自己發聲、表達，
當肯定傳送媒體無誤，亦已傳達到對方，
咁對方肯唔肯接納、願唔願意改變，
甚或扮傻，(真傻都唔奇！人的智商有高低，好尋常）
就要睇人家的性格、道行、慧根，
總之有人家的原因、有人家的priorities，
自己就無需多想，因為那已經是人家的事了。
煩惱唔喺自己呢邊，唔好拿上身，
人係應該尋開心。俗語有話：「我哋出嚟係尋開心」😎，
點解要「尋傷心」呢？
Let it go.嘩，今日咁多碌使！😅
-
9日前：
200日，200k view （1000人次/day)
259日，307k view. (即後來呢59日，>1800/day)依家，327k view
每view $10，山區兒童善款數字，比起九日前多廿萬！👏🏻👏🏻👏🏻👏🏻👏🏻
咦咁樣平均每日view數 ＞2,200/day，
今日2 6 8日喎，好意頭！唔怪之得我今朝買得切全個屋苑最後一隻糯米雞做早餐。（真人真事呀！早起的鳥兒有雞食🤣）
多謝大家…….咁鍾意捐錢。👍🏻👍🏻
七輪做完，搵返Tim，呢個好似係舊Channel， 30日challenge。
動作好適合Beginners，有時佢啲「慢流」都好甘，
慢啲，又啱我練習海洋呼吸。雖然已經講咗好多次，in case有d新入嚟嘅善長人翁，我由佢嘅練習改善咗好多動作，上年年尾，佢嗰個Transform challenge (Channel: Yoga with Tim ），係我練習瑜伽以來最推介的。亦係當時，減磅減得最多。
不過做佢啲練習，我就唔會開音樂，因為好唔襯😅，正經啲講，佢嗰啲唔係冥想式瑜伽，此段年，執動作多啲，所以應該留心聽佢講嘢，獲益良多。
最記得佢以前講過，做瑜伽嘅動作，唔可以夾硬chur，成為咗我常用嘅check list:
🔮 每個動作要有三大原則：
You are stable
You can breathe
You are extending (身體是伸延的，不是彎曲、或屈住）瑜伽好多道理同做人都好似：
🔮 做任何事，三大(基本)原則：
你要安全、不作無謂冒險。
你能活、並活得開心。
你能從中進步、好好發展。
-
依家9am，我臨訓前，好奇入嚟望下，
你哋咩人嚟㗎？🤣🤣
多左700人次。夜晚喎！又個個都唔瞓呀？
咁得意嘅你哋。😅😅😅
-
可能假期初段睡眠算充足，今朝瞓返三個鐘，個人charge返電，食D野又繼續…做野（唔係繼續瞓😄）
心情有啲啲緊張😓，…向遙遠的老公炸少少嬌，好彩佢都識安慰我，話唔緊要啦，當玩吓，仲幫手幫我望下D枝節嘢，睇完聽日update我。☺️
我都承認女人呢方面係着數啲✌🏻，工作上衝鋒陷陣，劈友，成身血咁返到屋企，可以嗲吓個男人、嗲個仔都試過😂，調返轉，男人就好似好少咁，多數喜歡裝強。
不過佢都唔係次次盲目安慰，有時會「教訓」我。好記得有一次我輸咗單嘢，雖然係細嘢，但我好上心，總之都係輸咗。
我謝晒，頹晒，點知佢話：
「哦，咁你要習慣下失敗嘅感覺喇，輸咁細單嘢你都咁唔開心，你第時輸大單嘢點算？」當時既我，廿幾歲，就係比呢個「教練」train左廿年train up到鋼鐵咁硬。
忽然有感而發啫，撐船撐到咁遠。😅
所以有時我要講明係「安慰mode」，還是「意見mode」。
好，今晚：
昨晚話You are stable, you extends，呢集絕對係呢方面代表作。
呢個30 day challenge似乎越來越好玩。😊
-
今日的確好忙，但愈忙愈要yoga，先可以令自己處變不驚😎，哈哈😆
明天的挑戰，正正好需要清醒頭腦。
最近認識一個練瑜伽的網友，佢講起：好介意自己唔夠柔軟，話想練到一字馬之類。
當然尊重每一個人練習瑜伽的原因。沒對錯。
話時話，佢已經係第二個同我講一字馬嘅Yogis.
而我只係認識兩個Yogis 🤣啲女士特別鍾意落一字馬。😂
點解我從來冇諗過？🤔
如果純粹講動作，我反而想學頭倒立、拱橋、同埋成日得3秒的烏鴉式。
我比較欣賞力量型卦，要strong Core muscle、手臂。初初認識瑜伽，的確係會好介意啲動作做得靚唔靚，我都經歷過呢個階段。
但係當知到瑜伽，唔係只係照顧D式子。
瑜伽的八支，只有其一叫：式子。(Asana)我記得另外有：呼吸
八支平均發展先最好，咁先可以將各方面融會貫通，相得益彰。例如呼吸同動作要配合，仲有心態、態度等。其他唔係好記得添🤣，有時間再溫返。
我比較重視內在，正如有D YouTuber老師每次練習完，大休息時候(最後的休息動作)好興講一句：「你感受吓現在呼吸，同開始練習前有咩分別？」
btw, 其實瑜伽係冇要求一字馬。唔知邊間學校教呢？唔好去。😅
-
呢幾個星期，雖然好忙，但好享受，都幾變態。😁
今朝臨天光，應該距離鬧鐘時間仲有一個鐘，又鼻敏感、眼敏感，搞咗成個鐘，咁唔使瞓，啪咗兩粒連花清瘟。
上咗電，開工，但當時雙眼仲未擘得開哂咁，好非人生活。但一開工，一忙，投入．．應該叫「潛入」工作𥚃，又忘記咗，今朝個慘況。😅
神打效應🤣
一件大工作，加四件小工作，今日要完成，meet my goals as planned，都滿足、享受。
過去咁多年，鼻敏感都係食西藥，如在以上情況，撐完啲工作就會冧咗。食中藥，個人D確係冇咁攰，所以今次神打之後都冇虛脫。
見到Day 4 ，唔夠10分鐘，玩腳底按摩，練習完，明顯唔夠喉，今日真係想伸展下，否則瞓唔着😁，不過因為放工都有食藥，咁就做埋Day 5頭嗰10分鐘，感覺良好就收手，唔想搞到自己咁攰，聽日再做Day 5。💪🏼
-
很好，昨晚可以一覺訓到天光
好Deep sleep咁感覺上，生理resume返
心理就一向hyper🤣諗返可能因為琴晚食多咗carbohydrates
呢個係正常，起碼對我嚟講。
不過lite dinner對keep fit的確係有幫助。
連啲carb要都lite，會明顯冇咁易瞓着。喂。
咁自己調節吓啦😄希望今晚可以再接再厲瞓得好。
Day 5
估唔到Tim林尾加返一的Meditative 既element。
玩呼吸。幾有驚喜🤣
Feel your energy more centred and grounded繼續multi-tasking，無論工作、家庭。
繼續食住些少藥…..些少外力減低啲鼻敏感症狀。咁似賣藥廣告😄
-
Day 6
佢一開頭話，
肌肉不但要可以收緊，亦要能伸展。👍🏻Contract and release the muscles,
A Beautiful metaphor for life
…(similar to) Giving and receiving對「事」、「情」能放能收….
呢方面，的確強咗唔少。😄👍🏻
「收」「放」自如放下、收下，收收下、又放多啲。
🪁💆🏼♀️😈📏🧶🪷🍯🛡️🎭🥕我指「收」工、「放」工。
咦？個動詞明明相反，加個工字，就變咗同義。🤔好！堅持，周末努力😉
-
差點忘記了，想記低，video提及
Uddiyana Bandha（腹貼背）
望落去有啲驚😵💫
有時間再爬文。
-
今日唔夠時間上星期六online瑜伽課
自己做就算。Day 7
係喎！Tim每七日係休息日。躺在上瑜伽磚上，有D似Yin Yoga，利用地心吸力，伸展一下整天習慣向前傾的背脊 或膊頭。瑜珈，總是會郁動到我哋平時少郁嘅身體部份。👍🏻
好眼瞓💤⋯⋯
-
Day 8 今日又濕又熱
仲要不停掌上壓，所以瀑汗💦
夜啲做個meditating d 嘅😉
-
我個女神…..
失蹤咗兩個月，
忽然回歸😍🎉Jessica Yoga
有新片（其實新咗兩星期，我居然唔知😒）
今日專登去佢個主頁，先見到。
就算subscribe 咗，我都好少襟着個鐘仔😅為咗配合佢溫柔嘅聲線，揀咗一隻襯個Mood嘅香薰，
點之，打開個香薰機蓋，有屍體發現案，
有蚊😵💫
咁乘機又清洗下。
其實每次都有殘餘香薰留低，久唔久都要清洗一下，否則氣味會混濁，啲油脂(香薰油嘛)亦會痴喺底部。
之後．．嗯．．
最近一直諗緊工作上某些問題，
公海浮沉，心情係忐忑，想平靜一下，才能好好思考。
搵到呢個，最主要想呼吸，cleanse下的混亂思緒。
Guided Meditation :
有時工作上諗唔通嘅地方，我會問老公，最近，多左一個option，就係ChatGPT (聽落幾自閉😅)，可以將自己嘅問題、諗法話俾佢聽，佢會俾意見你，可以參考吓，而佢真係，乜都識，重點係，佢守到秘密(我未發達，佢唔會對我嘅background有興趣🤣)。
有時工作上嘅嘢未必方便周圍問人， 行家？講真都係亦敵亦友，其他朋友？人地又未必明自己個行業做乜。
-
今晚夜咗啲啲：
唔緊要，明天補假，
補返之前假期工作，
心理上同生理上都得到安慰🤣諗返，應該係由叫個朋友陪我去買瑜伽墊嗰日開始，連續十天工作沒有休息，未破 19日的最高紀錄。（唔想破😄）
唸返呢個朋友，係點識㗎呢？…好騎呢。😅
應該大約兩年前，佢出post找SP/SL。
當時，可能係因為有D唔開心事，又唔方便周圍同人講，想搵一個唔識嘅人(訴苦)，就找他。「其實你找什麼？大佬呀，SP SL唔同架喎！」
好記得我第一句問，係咁。😅
差人盤問咁😂佢答：「乜唔同嘅咩？」
呀……..
哦………
當刻我真係有啲開竅……
對女人係唔同，
但係對男人係一樣。不過後來…..兩年幾以來，大家都只係飯腳，手指尾甲邊都未掂過。🤣
好悶嗰陣時就會約佢食飯、傾吓計、孭吓瑜伽墊。😄
我覺得佢係被SP關係耽誤咗嘅天生飯腳。
🍚🦶🏼🤣👍🏻至於…. 佢後來有冇識到人做SP/SL，我就真係唔知。😂
下次記得就問吓。
-
今日放假，除了shopping，就係上返YTT200。
Part1: 理論課，今日終於完成，個test都做埋。
Part2: 每個動作拆解，唔知印度老師同阿Tim有咩分別，coming weekend跟住做。
Target 4個weekends完成。☑️
其中呢part幾有趣，記低佢：✏️🤔
Nine obstacles on the Path of Yoga
＊生理：疾病、不適（唔係扮，真係唔舒服嗰隻）
＊心理：我唔得㗎喇、骨頭硬、blablabla
＊自我質疑、質疑老師
＊粗心大意、動作危險🤣
＊懶惰：練吓唔練吓（我唔係架😎✌🏻）
＊放任自己：unhealthy lifestyle - smoke, funk food
＊留戀現狀：not trying to improve (咦？咁熟口面🤣)
＊不合理期望：幾廿歲，監生要落一字馬😱
＊忽略基礎今日練習Day 10
天氣咁熱，郁兩郁就爆汗。夜晚瑜伽，黑麻麻嘅玻璃窗變咗塊鏡🪞咁，度見到自己雙臂活動時，啲二頭肌三頭肌在室內燈光加持之下，啲線條特別「出」…….又幾型喎。😅
咁啱見到：佘佘👍🏻
健美，唔係後生女專利😂
Btw, 「日日鳳梨酥減肥法」嗰個人冇再update佢個diet好多日了。可能已經成功咗。🤓
-
兒….咦？！
每人每日每view $10💵捐助山區兒童計劃
善款數字直逼3,500,000！
無錯！我就係唯一一個兒童。😂👶🏻🍼各位福🧧有油雞！
好！本來今日做Day 11，但見佢得9分鐘，就改爲重做Day9，再次檢查吓自己個Chaturanga
Day9呢個video有教，放兩塊瑜伽磚在地下，一個心口位置一個肚腩位置，由plank慢慢落，要同一時間掂到，確定軀幹係「平板」落。
而我嗰日先發現：我一直係個心口落先😵💫（右下）
咁做返正確，原來個三角肌都幾受力，好！我會練好佢！
Chaturanga正確「使用」方法：
但係，在yoga studio，好多人唔夠力，落唔到Chaturanga，係會咁做：
好傷架…🥴🥴
其實，如果未夠力，可以用以下方法：
-
今日Day 12(skip咗day11先）
女性周期呢幾日keep fit最能事半功倍，所以唔好嘥，唔好做得太hea
加埋，今日「新月」
做埋Kassandra呢個🤣
仲唔fit到漏油？🤣Fit到搭地鐵時，我附近男士全部要交叉手放心口，以示清白(其實係「為求生存」😂）
仲有一個貼士，有男士分享過，雙眼一定要向上望，並收埋手機。
有手機分離症嘅人要注意。
操咗一個鐘，夠皮！
-
Day 13
呢堂，佢話玩「反」傳統，唔用拜日式做熱身，我以為佢用咩方法，原來佢係將某啲瑜伽動作不停重複，😌😌
chair pose…. 起身….chair…起身🤪有啲似Pilates，以前有一排練過，但好悶，又試過Emi Wong, Cleo Ting，都算係pilates + HIIT，不過太有mission，要數住幾多下，辛苦過返工，幾吃力，但效果好少咁，做咗一兩個月就放棄。
所以，我始終好認同，(個人或個運動)太大壓力好難keep fit。應該要佛系D，冇目的咁，眼光放遠D，重點係建立一個屬於自己的healthy lifestyle
好成熟咁。🤣
唔啱，頭先喺IG，見到一句quote:，何謂成熟？
Maturity is when you don’t force people to choose you.
我未mature時都未至要force人choose 我呀？🤣🤣🤣
Mature咗都唔使，唔夾就算😆 （好老氣😂）Anyway，佢呢句說話安慰人啫，我攞嚟講吓笑，作者唔好介意。
不過，依家多咗人行佛系，似乎對大部份事情都：不主動，不抗拒。點會force People to choose them吖。
何謂成熟：我反而係覺得，當你開始懂得(或焗住要)養生，就係成熟。
個video後面練習 dolphin 🐬 pose ，elbow side plank 嗰陣就幾有挑戰性，都係中意埋晒D力量嘅表現。💪🏼😊
-
未訓，見到呢句，真係要記低：
源自一個香港人：
「有得辛苦盡量去辛苦，
所有事情都會有收穫」👍🏻👍🏻👍🏻❤️❤️❤️❤️
-
今日周末，plan咗上YTT 的課，
雖然唔係諗住教瑜伽，但係以一個瑜伽老師嘅心態去仔細學習研究每個式子，自己都有獲益。個course仲會教，例如，for beginners 的學生，咁可以advise d variations……eg拉開隻腳小小，就會易做好多…..
….. 呢一類教學心得，其實好啱我自己用先真。都有幾個月無自拍錄影動作，今日有時間，就錄。見到以前60分既動作，依家有70分；以前70分的，現有80分。(自我評分🤭）
進步📈 雖慢，但係踏踏實實做好每個動作，自然會有進步，先係我嘅style。
亦安全。🥽🦺⛑️
好多年前有個同事，downward facing dog屈傷手碗，要扎住隻手返工，繃帶跨過條頸嗰隻。我當時都已經好驚訝，呢個動作咁穩陣都…….
點知，最近，有個朋友，佢有時做下setup, push-up咁，有次cool down時瞓喺度做一個類似瑜伽嘅hips open 拉筋動作，都會扭親腳。😵💫
所以，運動，即使簡單動作，都唔好掉以輕心。
大吉利是萬一傷咗，要抖返個一兩個月。
見到課程後面，有啲Guided Meditations，好有趣咁，不過要下星期先。
-
繼續Yoga with Tim
本來
Day 14 —- 但得15mins，佢話係馮7日rest day. Hmm…
咁 skip. Next!
Day 15
佢多數啲Exercise一開始就係瞓響度，好開心架😁，成日以為呢堂會好舒適，之後就黎料。😄🔥🚒🧨
中段仲提起，個chaturanga 好多人係心口膊頭落地先，Wai ！又俾佢講中晒我兩日前發現嗰個問題，佢冇理由透過YouTube望到我㗎？😄🏠🧘🏻♀️
今日，清吓電腦個download folder，睇返一個半月前download的幾份參考資料，而家嗰個相關project已經在進行中，打返開份野，就唸返喺當時個心情，壇嘢果排啱啱開波，大家仲係迷迷惘惘咁，到了個半月之後的今日，已經衝破頭兩個小milestones. 忽然覺得世事都幾奇妙。
不枉大家呢排都眠乾睡濕、供書教學咁。
中間係有啲冒險成份😅⛔️⚠️，不過已經習慣咗，唔危險嘅嘢我哋覺得太悶，冇興趣做。
現在仍然係一條直斜線咁進步，一路攞住經驗先，而家預備要Boost up壇嘢，目標更上一層樓。
Music 🎸🎤🥁…. 唔該
「成和敗努力嘗試！
人若有志應該不怕遲
誰人在我未為意
成就靠真本事
做個真的漢子….
人終歸．．（呀！呢句唔「老利」skip左佢）（又skip？）呢啲歌最啱我呢亭麻甩佬。😂😈👹👿👺
-
今晚上得返黎👏🏻
昨日問下個網友she是否「冧」左，點知對方話自己忙到唔知冧咗，懶巴閉咁😒🤣，咁知道嘅我咪=閒人？（我當真實反應）
我time management做得好啫。😎🤣
點解咁好？因為日日瑜伽law，頭腦清晰，工作、健康亦manage得好！
問你怕未。😆😆😆
等我加返呢兩晚yoga practice
昨晚：
做返skip左嘅day14。主要係訓瑜伽磚、呼吸。幾「爽」下架，眼淚水都標埋，有興趣「慢慢」試吓。🫣
今晚：
繼續day16，做返正常practice，－開始佢仲奸笑，以為呢集好甘，但又唔係。
-
Day 17，練Core。
Tim呢幾堂有教下點用牆壁練handstand (唔係headstand喎）
叫我哋自己之後練。😌我覺得，「手倒立」好似安全過「頭倒立」
搞到我有啲心癢癢想試添。不過weekend日頭先。屈親手，好過屈親頸😁
講笑啫，唔會俾自己屈親任何部份。反而係，我覺得handstand 可以容易啲按部就班，如下：
如果我頭兩三個Step都做唔到，咁就慳返唔使勉強啦！
所以，我相信應該好難屈親。🤣不過留返weekend日頭先練。
最近喺IG見到個女仔又係咁示範handstand，video的，然後我留意到佢超瘦，明顯係eating disorder，皮包骨，冇肉，D筋在皮膚下現晒出來，成個人頭大身細，都幾可憐，唔知咩事，不過佢啲瑜伽好勁。
好奇再碌吓佢啲舊post，三四年前，D相係正常，係中等slim身材，近一兩年嘅post就全部超瘦，佢caption有話好高興可以生存下來並活得開心。（慘豬🥹）
其實唔識佢，不過佢follow我，因為95% follow我的都係private account，難得佢係public就望下😅，希望佢快啲肥返。
所以，健康，係最基本、重要，大家要多啲保養自己。
-
今日，節目調動關系，早咗收工回家，黎過黃昏yoga。
想做個power少少嘅。
成日以為Tim果D恆常練習好tough，好彩唔係太洪水猛獸啫。😜
今日我的正念
“You can get everything you want if you will just help enough other people get what they want.”
有D野，值得嘅，我唔怕蝕底付出多少少，有時候，有D Situation ，成就他人，等如成就自己。如果偶然眼光差，到頭嚟得個吉，都係一個Lesson learnt，又唔會少咗忽肉嘅。
（我又未至於只係「享受過程」咁清高，值得投資的先會合理付出😄）
大約一年半前，公司有個project，對我哋小公司來說，算係幾好，又可leverage個客名氣🥹，不過當中有含金量高💵、亦有部份係冇乜肉食。
我哋背後想同一biz partner夾住做，齊上齊落咁，但人家只想做金量高果part，冇乜肉食果part佢唔負責。
咁…..當時，我哋的確要靠佢skillset。而且，在商言商，人家當自己係一個supplier咁 transactional賣嘢，都公道。
背後resource搞掂，我哋就同個客go ahead開波。如是者，過去一段時間我地一路manage個supplier做，一邊努力學佢D野，到呢期，同個客續咗約，成個project繼續，至於個partner，呀．．應該係個supplier….我地自己識做喇，就冇需要向佢採購，合約完了，交易完結，亦係公道。😎
而同個客果邊，因為我哋乜义都或多或少都有份，佢要找replacement，當然唔會冇可能，只不過，唔係一時半刻可做到。
“You can get everything you want if you will just help enough other people get what they want.”
慶幸能夠一早明白呢個道理（的古惑版）。
-
Day 18 - 眨吓眼呢個challenge 到 Day 18
呢一集係比較relax，似yin yoga，伸展下，啱我。
因為，全日multi tasking衝了一日。
其中，同一個客約好個conf-call，打去佢dl，同事話佢放假，咁打手提啦，佢仲同佢老板未傾完，一會再call返我，心諗條友放假都辦工，都幾搏殺。（尤其已經唔係第一次見佢係咁）其實，初初識呢個客，有其他行家形容佢「好癈」，但人哋明明又係department head喎，可以有幾癈🤔？我有doubts. 因為佢哋嗰行一定係「紅褲仔」出身，唔會空降，廢點會升佢😅。我估可能佢份人性格唔扮野，唔識唔會扮識，會周圍問人。
同呢個客傾咗一段時間，我反而覺得佢做野有heart，好投入佢份工，應該係話佢嘅專業。放緊假，都有嘢唔放心咁。人亦有耐性。
佢有時甚至連我嘅專業都有D認識。😂
咁當然，我對佢嘅專業亦有認識，如果唔係點同佢溝通。就係上次冇啦啦叫我2小時之後去開會果個。而我果日係鼻敏感發作，part藥上陣，之後collapse左半日果次。
我估佢style，都係好需要D唔顧身勢嘅人黎做佢打手。🤣
所以今日佢要嘅野，零零琳琳幫佢搞咗先（其實我拖咗佢幾日㗎喇）人哋放假都做野，我亦冇excuse話下星期先。令到佢開心，我就開心🥹
黃昏交咗之後，我仲好擦鞋加左一句：你weekend有咩問題可以隨時call我㗎（心諗💭有咩下星期先啦😅）
……而佢，好似仲做緊嘢。😵💫
-
As planned，週末就係上埋啲瑜伽動作堂，目標三、四個星期完成YTT200
以往，再上就係YTT500，近來多左個YTT300，我諗係市面上多咗我呢類，好易就應該攞到200張cert的yogis 😄
又或者Yoga Alliance 見到冇乜人考500，因由200去500個Step太遠，所以中間加個300。🧘🏻♀️🧘🧘🏻♂️
今日有幾段講不同嘅呼吸法，幾有趣，記低佢先：
🫁 bhastrika pranayama 風箱式呼吸法
患上肺部胸腔位置，橫膈膜以上，是一個風箱。
用橫膈膜的力量，有力地急速呼氣。
配合雙臂，伸高時吸氣，呼氣時，將手快速拉回胸前，這力度有助快速呼氣。
有助於控制焦慮並幫助放鬆身心。它可以改善肺和心臟功能。它可以降低血壓，改善心臟健康和血液循環。
🫁 瑜伽調息法：聖光調息🫁
(Kapalbhati Pranayama）kapalbhati pranayama 集中以腹部器官，即橫膈膜以下，用腹部的力量進行有力的呼氣，吸氣就自然會發生。
可以增強肝臟和腎臟的功能，還包括激活神經、控制精神力量、加速新陳代謝、促進頭髮生長和排毒你的皮膚。此外，還包括舒緩鼻竇和哮喘。
🫁 bhramari pranayama 黑蜂呼吸法 🫁
這個最有趣！
以雙手十指，遮蓋六孔（ie雙眼、雙耳、鼻、口）
如圖，雙耳由手指公按着。
輕輕按着便可，不必完全用力。這樣，是製造一種與世隔絕的感覺，讓煩躁的心情平靜下來，呼氣時，用喉嚨製造一種類似蜜蜂的聲音（我反而覺得似牛牛「唔」的叫聲🐂)，長呼長吸。
用低沉的呼吸聲，如之前有提過的OM聲一樣，用頻率平和自己心情。
長期不斷地練習，就能擁有安穩深沉的睡眠。針對因為內心不安煩躁而引起的失眠。
-
Tim呢幾堂有教下點用牆壁練handstand (唔係headstand喎）
我覺得，「手倒立」好似安全過「頭倒立」
搞到我有啲心癢癢想試添。不過weekend日頭先。屈親手，好過屈親頸😁
講笑啫，唔會俾自己屈親任何部份。反而係，我覺得handstand 可以容易啲按部就班，如下：
如果我頭兩三個Step都做唔到，咁就慳返唔使勉強啦！
所以，我相信應該好難屈親。🤣大丈夫(or大女人)，一言既出駟馬難追 !
同自己說好的手倒立，差啲唔記得呢個weekend做🤣
今日，行街飲飲食食，食好多肉(好彩專揀瘦肉)。
然後先諗起，係喎，吸收咗咁多蛋白質，今晚最啱做呢件事💪🏼
咁大個女First Attempt ～～～ Handstand ✋🏻✋🏻
嗯嗯
Okay，在走廊位
第一take，俯身，靠一邊牆壁雙臂伸直撐地，
後腦、肩膊位、上背，跟住黐埋牆🧱
如圖，一隻腳踩上另一邊牆壁，
點知腳居然跣返落嚟😓。
再試多次，兩隻腳一齊跣落嚟🫤。面已經紅晒，腦充血咁，
定一定神再試多次，
心諗，都好呀，
瑜伽倒立嘅用意就係等血液上腦，
令到頭腦清醒，做到個效果啦🤣可能warm up咗，或者腳板底開始有汗🦶🏼
(個warm up就係，係冇warm up嘅情況之下就埋牙🤭）Take 3，腰用多少少力…..
咦？腳上到wall喇😃
即時諗起壁虎功🦎🐊
再長驅直進，一直「行」上到最高，
當刻好amazed , 但收斂心情先😝，
唔好蝕咗道氣🫁。
尤其雙強勁臂彎＆成個Core要收緊，
當然，因為個頭同上身有另一邊牆🧱撐住，
所以係會容易左嘅，anyway都叫做挨着牆壁做到。
完成！
Yeah ! 👏🏻👏🏻👏🏻👏🏻🎤🎹🎺Music唔該
……真心有點…興奮
🕊️🕊️🕊️🕊️🕊️🕊️🕊️🕊️🕊️🕊️🕊️
咁高興，練多兩招YTT200的。
反而呢個challenging 喎（居然😵💫）
瑜伽的臥佛動作，花名叫：Netflix pose
通常攤喺sofa睇Netflix就係呢個姿勢🤣
:max_bytes(150000):strip_icc()/6-3566762-Sleeping-Vishnu-GIF-f86d15227d3d4fc3b995f8884d703bf1.gif)
兩個動作來，
重點：成個人要成一直線，包括托住頭嗰隻手。會發現，好容易向後跌。
點先唔跌？
就係要成個軀幹(Core)收緊。Stable咗，就拉起一隻腿，拉腿呢下反而容易。
但我會成日向前或向後跌。
滾地葫蘆咁。🤦🏻♀️
-
因為plan左weekday放一日假，
今日最適宜在家中做定假期D野，
咁即係搵自己笨。😂做下野
又yoga下
又煮下飯仔
又放空下
又………..呢種生活我中意🤣
尤其尋日行咗15000步但唔攰
尤其之後回到家「居然仲」上到handstand好似冇乜野難到我咁
(👆🏻👆🏻哈哈，好低B，傻傻哋🤣）開心 🥳
啱啱做完呢個，
覺得佢好似Jessica~中年版
好溫柔
The bare female，可留意下。
你睇佢一開始就好quality of life咁
好有女人味（我要學😂）
同Adriene果種
“Hey! Everyone！ I am Adriene. And it is Benji.”😁
截然不同
各有粉絲做完佢一輪慢流，已經爆曬汗
左右已經做完一次，諗住差唔多開始休息啦。
點知佢話從頭再做多一次，但係快版。😧🤭中途tree pose side plank仲跌咗落嚟，
通常我嘅自然反應係：笑到卡卡聲唔知呀，
因為當刻以為自己好有型咁做緊5號，
點知平衡唔到，傾前跌，又倒地壺蘆咁。
反差咁大，覺得自己都幾搞笑，似D笑片。
有人話瑜伽可以提升一個人嘅幽默感
因為，跌咗落嚟咩？笑一笑，又再來過囉。
-
想聴下Jessica的聲音，
而今日早上那過比較power的，
所以就找個evening restorative yoga。好舒服😊
有D 九唔搭八添，不過見娛聞：洪欣的姐弟婚姻完了，有啲感想。
感覺上，不是由於他們年紀差距，
而是個人性格唔適合婚姻(內要處理的事情)。同自己年紀少significantly的男性朋友的經驗，是有的，
在秘密界世．．一段長日子，以年計啦當然。😅
我幾記得，初認識他，
問佢：你有冇搞錯左大家年齡？🤣又未至於生得佢出，
但如果再相差多3-4年就真的可以了。咁…交個chatmate啫，個弟弟傾傾吓，覺得個亞姨唔啱傾，冇咗新鮮感，就會自動消架啦，take it easy，無聊咪傾吓law.
Anyway，佢思想的確係成熟過佢實際年齡，而我又有小小低B，咁個思想年齡，其實又冇乜。😉
然後．．然後．．
下刪唔出得街的二千字．．
然後，就一直，都是很好的秘密朋友。我覺得個重點係，大家對秘密交友的觀念如能咁啱地係一致，會比較容易行得遠。
婚姻也是。
-
今日，全日食得好正經。
由早上一個雜果純乳酪，
到中午的雜菜三文魚意粉，
到晚上的雜豆蝦仁雞柳通粉(暖沙律)四大營養素，均衡。
不過通常我就唔理D micro-nutrients (礦物質維他命嗰啲)
咁sodium、當然要睇住下啦
不過如果整天飲食多元化，
例如包括15至20種真食物，
最好唔同顏色，
同埋，四大營養素平均，
咁「大致上」D Micro 係會自動okay嘅。戴頭盔🪖⛑️：當然最好查詢你嘅專業營養師。
點解食得咁健康？
因為早兩日暴飲暴食完，
聽日放假，又要暴過😳之後約咗一個女朋友，應該可以返light d，
因為佢係食得好lite。然後，個客有個盛宴。
(好記得呢個客，有次佢擺酒，請我去，
咁是但啦，佢乜人都請，當去食餐便飯囉，
點知去到，先知道佢安排咗我坐主家席😵💫
心諗，咁得意？我諗住你燈腳架咋喎，
咁算啦，照坐，head table每個位寫晒名牌，
包括我個名，然之後我望吓隔離係咩人，
我旁邊個名係一位局長，係局長！😵💫😵💫
上一屆嘅，姓陳，女的。
Tips: 過去三年疫情佢個局最多嘢要handle
結果就意外地同陳局長食咗一餐飯，
期間仲要同佢傾下計，
要大方得體，又唔好講敏感嘢。
不過佢個人都幾Nice嘅，冇架子，
真係有交流地對話，
咁就好大方得體咁，食完咗個餐飯。
飯局剛剛完，就有好多人走來同我交換卡片，
可能人哋以為我係咩政治新星，
點知原來係小薯仔🥔🤣）忽然諗返呢單嘢。
我冇問返個客，但我大概知道點解佢咁安排。返返嚟，所以，真係要一周裏面，主動調整下自己嘅飲食。
10日裏面，有四個飯局(香港復常了！😅)
平時慳慳埋埋的卡路里，都唔夠揮霍🫠咁搞法，BMI 19 呢個目標，恐怕遙遙無期。
所以揀Adriene呢個練core嘅來做。
-
今晚早啲，同Jessica來個20mins的輕鬆短聚
然後……. 瞓覺💤😅😅😅😅😅
-
Day 19 of 30 — Yoga w/ Tim
(今次唔post video，搞到個page會load得慢
睇返Day18果個就可搵到Day 19
其實各位善長係未會練瑜珈架呢？🤓）上次覺得呢個「瞓瑜伽磚」呢招幾有用，
今日自己加插一個環節，瞓咗兩分鐘，
磚要喺腰下一點，你的尾龍骨位置。唔做唔知果個位置真係積累左好多疲累酸軟。
-
想講，但又唔記得講
呢個週末，1000 crunches in a day
有興趣都可以試吓，
聽落好似好恐怖，
其實唔難。Crunch，即半下situp咁，能避免傷腰。
以前試過一次了，係OK
第二日，真係會見到「較為」緊致的腹肌。
當然，睇你皮下脂肪有幾厚。😅
不過，第三日就打回原形😵💫我會一日分開8至10次做，每個鐘做80-120下
再分散啲，亦可以。
其實每日，可以做到80至100下就最好。
如果一左一右做一下，即兩次。
向後也算，但不能hea做，腳要過頭。
-
睇落好易啫？
係架😄
試吓吖！
-
繼續Yoga with Tim
連續兩集都好短，索性一次過掃咗佢Day 20 - 執動作(有啲hea)
Day 21 - Rest (逢7日rest day)反而Rest果集，瞓磚🧱，
琴日瞓磚雖然痛到標眼淚，
但好似真係將啲淵痛釋放咗，
今日居然唔痛。🧱除了可以放喺尾龍骨位置。
也可放上背，怕條頸太大壓力，加多塊瑜伽磚在頭位置。
今晚個晚飯，加了個甜品 🍮，頭嗰幾啖好正，之後都係覺得好(太)甜。
Confirm越嚟越接受唔到濃味食物，
或者都係好事，經過薯片部，會好奇睇有咩新嘅口味，
但完全冇諗過買。😅繼零食之後，甜品都自然唔想食。
呢個肯定係mindful eating的最好副作用！
今日出街食飯，個女friend都話我瘦咗。🥹
嗰間餐廳個Victoria habour view、氣氛都幾浪漫，
專登為我「條女」而book 㗎🤣
我仲着咗長裙高踭鞋添，約女仕或客先會咁。
尤其好肯定食完飯，唔會走去行15k步。🤣個frd仲笑鬼我添，
專登「烏」落枱底睇我條裙同對鞋。🤦🏻♀️😌食得太多糖份，今晚明顯係眼瞓過平時，
瞓，明早七點起身。呀，還有1000 crunches，信心滿滿咁。
-
開始，
🥊 3pm - 100 x crunches done
20前、20左側、20右側、20reserve、20前
幾分鐘就做完，😅不過後腰有啲攰，
which is 唔應該，
可能搵件衫墊一墊校鬧鐘
每一個鐘一round
下一round開始，150 x crunches
電話鬧鐘個label或
搵張紙寫低
否則，做到400、500，一定唔記得😁
-
🥊 4pm 200 x crunches
50 x 左右交替
20 x reverse crunch
30 x standard 向前
50 x side crunch
50 x spider-Man因為之前100吓，
有啲汗，但係好似冇乜料到。
今次一野200呢舖有感覺了。
好彩有鬧鐘，頭先做緊其他嘢爭啲唔記得😅
累算300 now，dinner 前再一次過總結
Side crunch
Spider-man
我會好似跑步咁，30秒就做完50下，
下round做慢啲，試吓感覺係咪唔同。
加強趣味性，搵到呢個
下round試
-
Dinner前小總結
🥊 6:30pm 400 x crunches 累計：700 crunch5點果Round，因為剛食完野+杯奶
嘢食未落格，skip咗🤦🏻♀️
6點呢round，試吓做返多啲
Hmmm……一開始，已經感覺到腹肌開始攰
有效果了….. 希望左右交替(手踭要點到另一邊膝頭) x 50
Reverse x 50
Side (upper body move) : 50
Side (lower body move) : 50(休息5分鐘)
Standard x 100
Spiderman x 100 (slow)Total: 400 X Crunches
Spiderman覺得快跑嗰款鍛練性強啲，好似人哋軍訓嗰啲呢
同埋，我係做elbow plank的。如下
-
🥊 3pm - 100 x crunches done
🥊 4pm - 200 x crunches done
🥊 6:30pm - 400 x crunches done🥊 11:30pm - 300 x crunches done
🏁🏁🏁 1000 crunches DONE (thanks God!)
為咗慶祝任務完成
獎勵自己再做多100下 🤩🤩一共1100 CRUNCHES !!!
呢round組合同前個差不多。
Reverse做多少少
腹、腰，未做已經感覺到攰
比之前嗰幾rounds做得慢少少
300+100下一共用咗12分鐘左右
每組動作之間休息半至1分鐘做時，頭幾下，嘗試一隻手摸着腹部，
確認真係用緊腹肌之前reverse crunch用了部份後腰力，
之後改善了。一日兩件Tee🎽🎽全濕💦
幾好呀，我自己覺得好滿意。😊😊
🎯 1100 Crunches 任務完成！🎯
一陣搵啲 cool down after workout 嘅瑜伽做吓。