生得肥都可以有靚婚紗架
-
作為香港地其中一個肥妹，都知道喺香港買婚紗一啲都唔容易，所以喺香港搵之前已經去過唔同地方嘅結婚展覽，但係都唔係好啱心水。本身都諗住照租架喇，反正婚紗只係襯托，最緊要係同你影相果一個對的人。不過咁啱有一次同個朋友傾開，就推介左一間婚紗鋪俾我，個名我最後先打(我唔係想幫人賣廣告)，想大家了解左個過程先。
首先呢一間婚紗鋪我覺得佢都幾有個性，如果你要試婚紗，你係首先要捐$100去一個慈善機構先，咁如果到時你真係喺佢度買，佢就會退返100蚊俾你。第二嘅就係佢只賣不租，所以唔洗擔心D婚紗會有問題，不過就價錢當然會貴小小。
到真係上去試衫果陣，同一般嘅婚紗鋪係一樣，佢都係會幫你著好，俾時間你睇啱唔啱身等等。但正如我一開始講，我係一個肥妹，所以好難喺一啲普通嘅婚紗鋪度搵到啱心水嘅婚紗。但係呢間HW Bridal 我覺得佢可能因為係全手工做，所以可以做到一啲完全同你心目中有8成相似嘅製成品。
其實呢篇野主要係想俾各位肥妹仔睇，俾你地知道其實我地都可以搵到好婚紗著架‧最後希望大家搵到好老公，同佢渡過一個畢生難忘嘅日子
-
恭喜你=)