好大壓力，比屋企人知道左我借貸款。
-
我係21歲女仔，做緊partime文員，每個月大約9000左右。 當初有人爭我錢，佢有錢但一直未還到。有次我都冇錢，佢又去左外國，佢就叫我借邦x，借左2萬，佢話3個月後就會幫我清哂呢2萬去。點知到交第一期，佢冇比到錢我還，叫我去借ua1萬去還錢比邦x。再之後佢又叫我借kcash1萬。 邦x個度佢有我戶口，將我條數加大到總共借7萬。
總之呢度到宜家為止加埋總共要還差不多10萬。 但我一直都冇比屋企人知道拉。 但今日我屋企人唔小心睇到我email，見到 Ua話今個月月結單出左咁樣，佢就問我咩事。 問我仲有冇借其他，我答左佢冇先。但我搵返欠我錢個朋友佢暫時都未覆到我。 你地覺得我應唔應該同屋企人坦白講借左總共10萬呢？我驚佢地會唔知有咩行動。
其實今個月呢期，邦x 同ua我都未還到，等緊個人比錢我還。 不過我搵左一間貸款係肯借12萬比我去清哂數，再集中還比佢地。 還款期60個月，每個月可能還2000幾左右，不過要等星期二去簽約之後先有錢。因為我既疏忽，唔記得delet左去，竟然比屋企人發現左。
(其實中間仲有好多，不過係度講唔到咁多，有排打)
-
希望各位比下意見我，佢係今朝發現，我宜家壓力好大
-
希望啊唔算覆得太遲
呢位施主，你人太好了。
呢個世代還會相信叫你用自己名借錢的朋友。
點解果位朋友唔用自己名去借而要你去呢？
我相信屋企人係擔心你。
你借錢還唔到既行為係會影響到你的金融信貸。
錯一次就好了。呢位朋友相信亦都唔係一個真心對你好既朋友。面對如此巨大既債務，你既心理壓力都一定好大。搵下社福機構既社工傾下。希望你保重自己。