nude bra分享



  • 因為結婚揀親既婚紗同晚裝都係大露背,所以點都要買番個nude bra當日著。其實除左要配合婚紗晚裝既設計之外,最重要都係想靠nude bra黎拯救番我條事業線...

    平時著住胸圍既我都見唔到條線,所以一直都想搵個push up效果好既nude bra,令我係結婚當日可以唔洗做塊空虛既紙板。前前後後其實我都買過2個nude bra,但一個就太薄身(著完係完全冇效果),另一個就太厚(厚得黎係完全唔夠痴力,大力一拉個邊位就會飛起左)。

    今次都係上網睇到GLC呢間舖,擔粗粗上去試下個nude bra。去到都唔洗等,直接有職員黎度身,跟手就拎左個nude bra入黎試。試之前好貼心咁有濕紙巾俾你抺下身,因為nude bra當身體有油脂既時候其實痴力會冇咁好,佢仲有髮圈俾你紮住頭髮,我都覺得幾細心。起碼我之前去其他舖買既時間冇提供呢d野俾我。

    抺好身職員就會入黎幫你戴,佢會事先係nude bra個盒度拎說明書出黎。冇錯係說明書!買nude bra竟然另外有張紙教你點戴nude bra。我都係個時先知原來著girdle戴nude bra係要用第2個方法痴,唔怪得之前我點戴都推唔到條線出黎。佢幫我戴完之後我呢個冇胸既女仔都終於有條線仔見下人,效果好滿意呀!

    職員幫你戴完之後唔會就咁就走,佢係會叫你撕番個nude bra落黎叫你係佢面前戴一次,確保你自己真係識帶。係自己戴之前,佢會幫你係nude bra度mark好nipple既位置,等你下次自己戴個陣都搵岩個位痴落去。跟住佢會再睇下你手勢有冇錯,識唔識扣好nude bra個前扣。雖然我唔係第一次戴nude bra,但我記得頭一兩次戴都搞左好耐先扣到個nude bra,所以新手戴nude bra既姐妹們有專人睇住同教你戴應該會易戴好多。

    完試著番自己衫之後,職員仲會教你點樣清洗個nude bra,係直頭會用張消毒濕紙巾幫你抺個nude bra一次,唔係齋得把口教你。係試過幾間舖既服務之後,好明顯GLC既職員係跟得好好,亦都好細心。好後悔冇早d搵到呢間舖,咁我就可以慳番好多冤枉錢。