我/男友, 邊個有問題?



  • 我係29女, 男友今年30, 一齊左3年, 終於覺得有問題.

    男友成日手多多, 需求又好大, 成日都想要.
    我地一齊左3年, 佢其實不嬲都係咁.
    一開頭我已經唔鍾意, 但會忍.
    依家個人大左, 覺得佢咁樣唔尊重我, 唔想再忍佢.

    有以下例子畀大家參考下, 睇下究竟係邊個有問題.
    -男友揸車個陣, 我坐隔離. 佢會突然胸襲我. 我怕有人見到, 但佢就話係highway/夜晚無人睇到.
    -去旅行返酒店休息, 大家都正正經經睇電視個陣, 佢會無端端明目張膽伸手摸我.
    -我地唔係一齊住, 但係佢成日想要. 以前會1個月做2次, 依家變到2,3個月1次, 佢成日畀說話我聽.
    -成日借d依問我係咪M到, 跟住佢就計日子同我去short trip/爆房.
    -係正常對話入邊, 成日加埋D有味道嘅說話.

    我直情覺得佢應該要睇醫生.
    不過, 男友就係覺得佢自己好正常, 完全無問題.
    唔知點算數好...大家可唔可以畀下意見我?



  • 我覺得, 人夾人啦
    無話邊個有問題既其實...
    佢需要大過你
    咁唔係你就佢, 就係佢就你架啦
    不過如果你真係感覺好差
    但又仲想同佢一齊行落去既話
    咁認真同佢傾下囉



  • @hildachoi20

    其實你同你男友都正常



  • 個問題位係。。?



  • @hildachoi20

    我真係覺得似你自己問題多D囉,後生仔有需要好正常,揸車途中搞你就有少少誇,但睇電視中摸你有咩問題,下下都上床之後先開始?
    到遲D,佢連掂都唔掂下你你就知而家咁好。



  • @billybo 我覺得佢需求好大, 佢覺得我冷感, 真係唔知點同佢傾好....



  • @miss_sy 我地都正常?! 咁係咪即係無野可以做???



  • @blackbird 個問題位係, 我同男友個觀點唔同. 我覺得佢有問題(過份有需要), 要去到睇醫生個level. 不過男友覺得自己無問題囉...



  • 將來我又無諗過...不過電視中摸, 真係好正常咩?



  • @hildachoi20 said in 我/男友, 邊個有問題?:

    @billybo 我覺得佢需求好大, 佢覺得我冷感, 真係唔知點同佢傾好....

    以30歲來講,一個月2次真係唔算多
    一個星期2次都正常



  • @hildachoi20 said in 我/男友, 邊個有問題?:

    將來我又無諗過...不過電視中摸, 真係好正常咩?

    下,我唔知有咩問題囉?唔通只可以2個人坐定定各有各望住個TV?
    睇黎你係好保守既人囉!



  • @hildachoi20 依家個問題其實係你同佢既需求唔同,可能佢既需要得唔到滿足,咪成日有d 小動作咁,而你需要少,咪覺得佢好似好大需要咁囉,講真如果佢唔係日日要,仲可能一日要幾次咁既,我覺得都無話要睇醫生咁嚴重既,一個月2次其實好正常,兩三個月先1次我都覺得少啦

    你依家咪諗下,點樣同佢講同佢傾,等佢認真了解到你無佢咁需要,同時亦覺得佢做既小動作你唔多接受,但係同時你都自己諗下,其實佢都有需要,就算你唔會每次滿足到佢,又可以點樣令佢覺得好過d ,唔好次次搞到好尷尬或者要嗌交收場啦



  • @miss_sy 題外話....我係咪識得你架? 一﹏一



  • @blackbird 咁可能係我太保守...



  • @karl 都唔知點樣同佢開口傾...好尷尬



  • 希望其他姊妹可以畀到comment我, thank you.



  • @hildachoi20 你有無諗住同佢結婚? 如果有既呢d 話題你始終要面對架 XD
    兄弟暫時收聲先....等姊妹講下野 =P



  • @hildachoi20 said in 我/男友, 邊個有問題?:

    @karl 都唔知點樣同佢開口傾...好尷尬

    你同佢已經有肌膚之親,還有甚麼尷尬?
    睇黎都係你對性方面太保守了。。。可能係床上永遠只係男上女下,其他oral 之類我估可能完全冇吧。。。



  • @karl thank you ^^



  • 佢想要我咪幫佢咁囉, 我唔會特別鍾意.



  • @hildachoi20

    男人10個有9個都想要架啦,哈哈



  • @hildachoi20 said in 我/男友, 邊個有問題?:

    佢想要我咪幫佢咁囉, 我唔會特別鍾意.

    你幫得佢幾多次? 次次佢要都俾佢? 咁我又覺得唔駛咁就佢,呢d 野係雙方面的,就得佢多縱壞佢呀,我係男人都係咁話....呵呵



  • @hildachoi20 said in 我/男友, 邊個有問題?:

    @blackbird 咁可能係我太保守...

    未必係保守,可能係你對性興趣比較細



  • 如果2個月先得1次
    咁我覺得佢完全唔咸濕喎(認真)
    如果佢唔摸你, 我覺得先係唔尊重你~



  • @billybo 係咪通常男網友先有呢種睇法?



  • @hildachoi20 (我覺得)應該唔係...
    我試過, 因為少左掂對方
    *(i mean 當時既女朋友)
    所以激嬲左佢...
    而且發生過係唔同EX身上



  • @hildachoi20 said in 我/男友, 邊個有問題?:

    @billybo 係咪通常男網友先有呢種睇法?

    用「尊重」又好似嚴重左 d...?
    我亦都有見過話女方需求大過男方既,不過見過d case 就多數係已婚女性
    所以我唔會話需求大既一方就係有問題,問題只係雙方既需求唔同唶,而呢個問題係兩個人既關係之中亦可大可小,但都係要解決佢好d



  • 一齊咗3年, 有冇打算結婚?

    性方面, 無乜話誰對誰錯, 最重要係夾唔夾. 但你倆似唔多夾, 咁就要睇彼此就唔就到, 但又唔多似就到.
    說到次數, "以前會1個月做2次, 依家變到2,3個月1次", 確是以前較正常, 現在是少.

    不過, 即使是妓女, 也有權選擇做還是不做, 何況你是他的女友.
    只是, 他有需要, 而你又不滿足他, 有可能他會轉而找其他女性.

    "一開頭我已經唔鍾意, 但會忍. 依家個人大左, 覺得佢咁樣唔尊重我, 唔想再忍佢."
    3年前, 你係26歲, 唔係16歲, 都已經係大人, 你嗰時就應該要佢尊重你, 依家一齊咗3年, 佢更加唔會尊重你.

    感覺不到愛的存在, 我唔睇好呢段感情.



  • said in 我/男友, 邊個有問題?:

    一齊咗3年, 有冇打算結婚?

    性方面, 無乜話誰對誰錯, 最重要係夾唔夾. 但你倆似唔多夾, 咁就要睇彼此就唔就到, 但又唔多似就到.
    說到次數, "以前會1個月做2次, 依家變到2,3個月1次", 確是以前較正常, 現在是少.

    不過, 即使是妓女, 也有權選擇做還是不做, 何況你是他的女友.
    只是, 他有需要, 而你又不滿足他, 有可能他會轉而找其他女性.

    "一開頭我已經唔鍾意, 但會忍. 依家個人大左, 覺得佢咁樣唔尊重我, 唔想再忍佢."
    3年前, 你係26歲, 唔係16歲, 都已經係大人, 你嗰時就應該要佢尊重你, 依家一齊咗3年, 佢更加唔會尊重你.

    感覺不到愛的存在, 我唔睇好呢段感情.

    要尊重對方..係岩,但如果連幾個月先一次都拒絕,睇電視想親熱下又唔得,咁都好大問題,我意思唔係單指呢個男友,其係咁上下年紀既男人都頂唔住,除非係上左年紀已經對性冇太大需求,但到時佢完全唔搞你,個時你又都係覺得唔尊重或對你冇興趣,一樣死!



  • 對樓主黎講, 佢係忍左3年先爆
    但對樓主BF黎講, 樓主係3年後突然唔比佢搞喎
    (站係BF角度) 明明3年黎都係咁, 點解突然唔比我搞...



  • 多謝曬你回覆 (因為太少女網友發表意見)

    未plan, 不過有諗過會結婚.

    其他野我地都okay夾, 就唯獨性需要上大家有出入.

    其實性需要上有出入, 係咪真係咁大問題?

    另外, 想問下你, 對於以下嘅情況, 你覺唔覺得有問題? (因為我想參考下其他女仔, 睇下係咪自己問題.)
    -男友揸車個陣, 我坐隔離. 佢會突然胸襲我. 我怕有人見到, 但佢就話係highway/夜晚無人睇到.
    -去旅行返酒店休息, 大家都正正經經睇電視個陣, 佢會無端端明目張膽伸手摸我.
    -成日借d依問我係咪M到, 跟住佢就計日子同我去short trip/爆房.
    -係正常對話入邊, 成日加埋D有味道嘅說話.

    thank you!



  • @karl

    我唔記得啦。你講少少你的身分來聽下



  • 呢個男朋友係大學同學, 識左成10年.
    係3年前先開始拍拖, 完全睇唔出/估唔到佢需求咁大.
    一開始以為貪新鮮, 我咪忍下滿足佢. 點知到依家都係咁, 我先開始忍唔住......
    我唔係想佢唔掂過, 但唔好咁誇張囉.
    我講唔到話一個月幾多次先係okay, 不過佢依家咁樣做, 就唔可以激起我d需要囉.



  • 係你有問題

    佢係壯男, 佢想性, 係正常
    有可能佢已經係抑壓住自已需要, 才會一個月2次
    有些男係日日都要有, 但都係正常
    一日需要做好幾次的, 才算過份

    既然你沒什麽性趣, 乾脆找個也不大喜歡做的男友好了, 省得大家麻煩



  • 係你有問題--->exactly!!

    如果版主以忍既心態,咁繼績落去有咩意思?其實一早已經心中有答案覺得係男方有問題,係度只係尋求其他人認同啫!



  • @miss_sy said in 我/男友, 邊個有問題?:

    @karl

    我唔記得啦。你講少少你的身分來聽下

    身分....已婚男性,login name 係 karl,身份證號碼有一個英文字六個數字加括號一個數字....
    n 年前係度識過一個叫 SY 既女仔,當時仲係 icq 年代,個陣同佢同另一個女仔算熟,仲出黎食過幾次飯咁,當時我個女剛剛出世,而我同個位 SY 之間都有d 巧合既事
    可能我認錯人了



  • @karl

    應該認錯人了。icq 年代係講緊我13-4歲的年代
    我16歲時係msn 流行的年代
    Sy 只係she的帳戶



  • said in 我/男友, 邊個有問題?:

    係你有問題

    佢係壯男, 佢想性, 係正常
    有可能佢已經係抑壓住自已需要, 才會一個月2次
    有些男係日日都要有, 但都係正常
    一日需要做好幾次的, 才算過份

    既然你沒什麽性趣, 乾脆找個也不大喜歡做的男友好了, 省得大家麻煩

    我唔明白,點解需要大既係無問題,需要細既就有問題? 其實只要唔係性上癮或者性冷感,需要多定少我都唔覺得係問題喎,而且性需要只係一段關係入面其中一部份,係咪呢樣野唔夾就一定要分手呢? 係咪一定無可能解決? 解決唔到係咪一定要分手?



  • @miss_sy said in 我/男友, 邊個有問題?:

    @karl

    應該認錯人了。icq 年代係講緊我13-4歲的年代
    我16歲時係msn 流行的年代
    Sy 只係she的帳戶

    哦....後生女....唔好意思,老人家頭腦唔清醒



  • @karl

    現在是中女熟女了



  • @miss_sy said in 我/男友, 邊個有問題?:

    @karl

    現在是中女熟女了

    對我來講都係後生女...敢問你同伴侶性生活愉快嗎?



  • @karl

    需求大小每個人不同,本來唔係太大問題,但版主下下都講(當然心中都覺得)佢男友有問題就係個問題既徵結!
    另外,大家獨處睇電視摸下,言談間帶到一d有味話題又有咩問題?如果咁都覺得對方有問題,係咪自己有問題似d?

    當然性唔係關係既全部,但都係幾關鍵既一樣,等於一個煙剷,另一個忍受唔到對方食煙,咁可以work 嗎?



  • @karl

    不愉快



  • said in 我/男友, 邊個有問題?:

    @karl

    需求大小每個人不同,本來唔係太大問題,但版主下下都講(當然心中都覺得)佢男友有問題就係個問題既徵結!
    另外,大家獨處睇電視摸下,言談間帶到一d有味話題又有咩問題?如果咁都覺得對方有問題,係咪自己有問題似d?

    當然性唔係關係既全部,但都係幾關鍵既一樣,等於一個煙剷,另一個忍受唔到對方食煙,咁可以work 嗎?

    睇電視個陣摸,同講有味說話,如果對像鍾意的話係情趣,唔鍾意就係騷擾,難度你覺得一段關係中既雙方係一定要接受對方做d 咁既野? 而你又覺得一方面唔可以尊重對方唔做對方唔喜歡既野係可以? 用你個例子,一方食煙,另一方忍唔到,就一定係忍唔到既有問題,唔肯戒煙既就無問題? 我認同既係如果雙方都唔肯讓步既呢段關係多數唔 work,但我唔會話一定係其中一方有問題而另一方無



  • @miss_sy said in 我/男友, 邊個有問題?:

    @karl

    不愉快

    點解呢?



  • @karl said in 我/男友, 邊個有問題?:

    said in 我/男友, 邊個有問題?:

    @karl

    需求大小每個人不同,本來唔係太大問題,但版主下下都講(當然心中都覺得)佢男友有問題就係個問題既徵結!
    另外,大家獨處睇電視摸下,言談間帶到一d有味話題又有咩問題?如果咁都覺得對方有問題,係咪自己有問題似d?

    當然性唔係關係既全部,但都係幾關鍵既一樣,等於一個煙剷,另一個忍受唔到對方食煙,咁可以work 嗎?

    睇電視個陣摸,同講有味說話,如果對像鍾意的話係情趣,唔鍾意就係騷擾,難度你覺得一段關係中既雙方係一定要接受對方做d 咁既野? 而你又覺得一方面唔可以尊重對方唔做對方唔喜歡既野係可以? 用你個例子,一方食煙,另一方忍唔到,就一定係忍唔到既有問題,唔肯戒煙既就無問題? 我認同既係如果雙方都唔肯讓步既呢段關係多數唔 work,但我唔會話一定係其中一方有問題而另一方無

    我邊句話講食煙或怕對方食煙有問題?我只係話唔work啫!



  • @karl

    再者,你都完全get 唔到個point,正經,同喜歡睇電視摸下對方,講下咸濕野,雙方都冇問題,問題係正經果個指責對方有問題先係問題,你明唔明?



  • 講個簡單d例子,一個喜歡睇愛情片,另一個喜歡睇動作片,根本完全唔係問題,但喜歡睇愛情片果個周圍去問人究竟喜歡睇愛情片或動作片邊個有問題一樣!



  • @miss_sy said in 我/男友, 邊個有問題?:

    @karl

    不愉快

    無性夫妻?



  • said in 我/男友, 邊個有問題?:

    @karl

    再者,你都完全get 唔到個point,正經,同喜歡睇電視摸下對方,講下咸濕野,雙方都冇問題,問題係正經果個指責對方有問題先係問題,你明唔明?

    佢唔喜歡對方咁做,就梗係話對方有問題啦,我覺得呢個唔係最大問題,佢唔想去了解原因唔想去解決先大問題