茶館中 一碗茶 隨心想 隨手寫



  • 2021.04.28 (三) 陰。微涼

    有趣,食肆也4級。 現有AB級,,明天多加CD兩級。
    A級-員工食客無規定打針或安心;堂食至6pm,最多2人一枱
    B級-員工每14天做病毒檢測,食客用安心/紙仔;堂食至10pm,最多4人一枱
    C級-員工至少完成第一針,食客只可用安心;堂食至午夜12時,最多6人一枱
    D級-員工完成兩針並已過14天,食客至少完成第一針及用安心;堂食至凌晨2時,最多8人一枱
    睇完,真係為食肆酒吧卡拉OK歎息。 坦白講,要去到CD才撐得到的話,摺埋走路好過。

    這些政策,一看便知因由,谷針谷數。

    你們想做生意呀?
    得~~ 你令到我開心咪得囉~~
    你點樣令到我開心呀?
    呢~~ 你去逼啲員工打針,逼啲食客打針同用安心,咁我咪畀你做吓生意囉~~

    但,即使去到D級,食肆容量上限都只係75%,ABC級仍維持50%。

    究竟有多少人會因為食飯飲酒唱歌而打針?
    今日為止,打針後死亡有26位,其中4兄21位,伏太5位。

    如果打針後沒有嚴重副作用,只係頭暈身㷫吓,好快就會復原。
    相信全港起碼過半數已打針,又點會搞到依家都只係80多萬人。
    但,有機會死亡 有機會中風,而這些,都是生命中不能承受之風險。
    故,可以的話,都儘量拖延,等待風險低的疫苗出現。

    這些小市民心聲,在上位者會明白嗎?



  • @chauko 在上要的是政績,在下死的是草民,又有何惜!



  • ABCD 是一貫玩弄小聰明的AO技量,諗得出一啲都唔奇,但面厚心黑的做得出就絕對是三七的本色,



  • @chauko

    其實只要打針後 30 天內非人為因素死亡的, 政府即賠 300 萬
    唔好搵借口出來話唔關事
    我相信打針人數即上



  • 舊史

    @chauko 在上要的是政績,在下死的是草民,又有何惜!

    政績嗎? 他們要的主要是數據;市民只是一堆數字/百分率。



  • 戰狂300

    其實只要打針後 30 天內非人為因素死亡的, 政府即賠 300 萬

    我都覺得30天係一個指標。
    咁多單死亡個案,都是在30天內。



  • 我估計我係一定要打,因為主要喺大陸做嘢,嚟緊仲可能中港台幾邊走
    但家下都係拖得就拖,真係要走先算



  • @littlebao

    係呀,拖得就拖。 尤其是依家打完,都唔知幾時出到去。

    國內好似唔多想同香港通,所以港人連澳門都未去到。



  • 茶 said in 茶館中 一碗茶 隨心想 隨手寫:

    舊史

    @chauko 在上要的是政績,在下死的是草民,又有何惜!

    政績嗎? 他們要的主要是數據;市民只是一堆數字/百分率。

    翠翠要的就是數字。



  • 茶 said in 茶館中 一碗茶 隨心想 隨手寫:

    @littlebao

    係呀,拖得就拖。 尤其是依家打完,都唔知幾時出到去。

    國內好似唔多想同香港通,所以港人連澳門都未去到。

    梗係啦, 香港仲不停放緊印度人入來
    世衛依家都話印度的數字, 比舊中國更不可信
    XDDDD



  • 茶 said in 茶館中 一碗茶 隨心想 隨手寫:

    @littlebao

    係呀,拖得就拖。 尤其是依家打完,都唔知幾時出到去。

    國內好似唔多想同香港通,所以港人連澳門都未去到。

    我哋成績咁「好」,人哋唔想要我哋都好正常- -"



  • @littlebao

    市民防疫功夫札實,正苦把關功夫卻是遠遠~未如理想。

    ========

    不知是那一位官開始用「未如理想」,之後許多位官 在不能不認衰時,都是一句「未如理想」來作交代。

    阿媽問個仔:「今次數學考成點?」 阿仔:「未如理想。」
    「吓! 未如理想? 咁…即係考到幾多分吖?」 「都話未如理想咯。」
    「你好老老實實講有幾多分 lu 啵(阿媽大大聲,一手拎起籐條)!」 「0分囉!」
    「衰仔!得嗰0分,夠胆死話未如理想(阿媽一野 fit 落去)?!」
    「(阿仔神速閃開)我既理想係100分,0分都係未如理想啫~,我無講錯喎!」



  • 2021.05.02 (日) 熱。微雨

    最近約了三位友人在窩打老道一間齋舖飯聚,開開心心的食談了數個小時。
    齋舖有免費任吃的生果與糖水,食品質素有水準。 但今次人客減少近半,不如過往坐滿。
    有些喜愛的舖店,在這個疫情政令下,苟延殘喘,聚了這一餐,下一餐都不知能否再幫襯了!

    食肆K怪4級:決絶A級、和諧B級、艱難C級、離地D級。
    最好係無敵X級,單腳做外賣,唔使煩。

    眼見4級推行後,客人仍多坐B區而冷落CD區,班W官又諗出C橋 --- 紙仔改為A4、增加填寫年歲同簽名。
    如果加碼後結果仍未如理想,唔知會唔會又再加碼,寫埋體重三圍。

    呢一兩日,又多兩位打針後往生,4兄伏太各一位。 累計起碼28人打針後死亡,4兄22位,伏太6位。
    這些打針後死亡個案,都有兩共同點:

    1. 打針後一個月內死亡; 2. 由感不適到死亡,約在一日之內,不拖延。

    曾患骨髓纖維化及鼻咽癌58歲女子死亡 曾接種復必泰 2021年5月1日週六 上午5:45
    57歲男子送院不治 離世前6日曾接種科興疫苗 2021年5月2日週日 下午6:35



  • 2021.05.05(三)悶熱。立夏

    這段日子,尤其是晚上,聽到街上「嗚啦嗚啦」的响號,心。。總有些忐忑。

    會不會突然有大聲公喊叫:「X X 大厦要強制檢測,居民要留在家中聽候安排。」

    強檢都算了,始終都是短時間,明早七時便解封。

    但,隔離21天,那可是恐怖到不得了的大事。

    家中養了一些貓,若要給隔離21天,回來只能收C。

    開始感覺到自己真正是蟻民。

    W官向左走向右走,蟻民都只能跟著向左向右。

    這階段蟻民會有甚麼犧牲,有的話只能是「汝之不幸,與大政府無關」。


Log in to reply