我已經唔想再努力，應該離婚嗎？

[Lava]

我同老公間唔間會起爭執，因為我睇唔過眼一d野我會話佢，
然後佢會開始忟，因為我從不示弱，互相開始越嘈越烈
到最後會演變成佢好似發左顛一樣狂鬧我用粗口鬧，掉我部電話，甚至叫我離開屋企。
雖然每次起源都好小事，但最後都會演變成世界末日咁，佢好似鬼上身咁，今日仲郁手打我。
原因係我講左句，我今次唔會再驚佢，無論佢做咩講咩我都唔會再驚，因為我唔care
跟住佢就郁手推我，打我手臂。然後捉住我隻手打佢自己個頭。
仲話如果我同任何人講佢打我，佢都可以話俾人知我打佢。
佢仲要好似顛到言之鑿鑿話我打佢，好恐怖，我好想離開。
但我個仔手抱咁大，我覺得好乏力。如果可以隨便離開人世，我覺得唔生存仲好....

[Lava]

最錯係有左bb，我害左個仔，我真係好垃圾。。如果離婚，我可能唔能夠獨力養仔。但係冇左bb我真係會捱唔住行唔落去

[chenchen]

無咩可以教到你 不過可以分析情況先:
1。係咪唔再愛你老公？
2。係就離婚
3。唔係就搵婚姻輔導員幫手

萬一唔離婚 咁就好好經營段婚姻 如果真係離婚 主要有下列事情要做
1。唔相信係香港會無能力湊自己既仔女
2。我係過來人 大仔3歲細仔半歲 離左婚我獨力養佢兩兄弟
3。我娘家不支持我 我前夫眼尾都唔望兩個仔 斗零都無比過
4。先去社署 講清楚詳情 要求恩恤 3個月特快比公屋 有公屋就唔好嫌
5。再要求社署幫忙安排日間幼兒照顧 你返工 放工接返個小朋友
要堅毅忍耐 一個小朋友 唔難攪

唔好動不動話唔想生存 呢啲係逃避責任既藉口
記住 你活得好唔係為前夫 而係你同小朋友既將來 之前既所有事情一筆勾銷 從頭開始

如果仲係度不停搵藉口 咁往後唔會有所改變 小朋友亦唔會快樂成長

[已婚男4x]

hi, 你好,加找skype (ID:tomato9987)chat 吓

[SamanthaLplus]

郁手打人好恐怖, 係咪持續都係咁？
而家關係有無好轉？
同屋企人傾左未？屋企人可唔可以幫到手湊BB?
如果可以離開一下返娘家, 大家又可以冷靜下.
冷靜落黎, 之後再平心靜氣傾

如果真係唔可以再一齊生活先再諗離婚
(唔好驚生活唔到)

[sky]

如果唔愛他，就快D好過慢

[GoodLucksMan]

如果有了一些想法或決定，那無論客觀狀況如何，決定都不應該會變。

如現在的你一樣，認為有了BB便不可以離婚，是否代表你有些事可以做？或者大家之間有可能互相遷就？現在的原因是為了孩子。如沒有，那是否也可以有同樣的決定，原因是為了維持婚姻？

當然，如果他是這麼的恐怖，無論你們有沒有小孩子，要離開的決定都應該不會變。不是嗎？ :)

不用太擔心日後如何。幸福的路，就在你眼前。你有家人，朋友，或在這裡的網友，都會支持你。