成日唔記得帶鎖匙…我真係好蠢…



  • 琴日我又唔記得帶鎖匙,已經係今年第四次唔記得帶鎖匙啦,我自己又一個一住,
    搞到次次都要俾錢開鎖佬賺,果到加加埋埋都二三千啦…
    我真係好蠢囉…有冇自己一個人住既sis,你地會點提自己帶鎖匙呀?



  • 我都試過無帶鎖匙,既然你自己一個人住既話,睇下可唔可以放到鎖匙係朋友到囉



  • 我就自己用緊電子鎖,平時都係用密鎖/用藍芽開鎖,都幾方便,就算出街買野/去後樓梯掉垃圾都唔怕無鎖匙開門



  • 唔記得帶既話我通常都係搵呀媽拎返D匙俾我,但你呢個情況既話,換電子鎖都係一個好既選擇



  • @queenbeauty said:

    我就自己用緊電子鎖,平時都係用密鎖/用藍芽開鎖,都幾方便,就算出街買野/去後樓梯掉垃圾都唔怕無鎖匙開門

    功能都幾多wo,但電子鎖好貴wo,幾千蚊/成萬蚊wo…



  • @boting said:

    我都試過無帶鎖匙,既然你自己一個人住既話,睇下可唔可以放到鎖匙係朋友到囉

    無呀,始終我返夜班,個時間同朋友佢地都夾唔到,
    有時下晝放工返到屋企先發覺,無理由叫佢地特登返屋企拎鎖匙俾我既者...



  • 咁大頭蝦既話可以配多幾條跟身,如果都係唔得既話真係無計...



  • 岩岩出果陣就成萬蚊,而家出面買既平既千幾二千有啦,
    我自己買果個就靚少少既samsung都係三千幾左右,係plc到買仲包埋安裝添,
    你俾開鎖佬都俾左二三千啦,不如將呢舊錢買個電子鎖,仲好啦,到時就唔怕無帶鎖匙啦



  • 呢個情況我都試過,換電子鎖對你黎講係一個好選擇,我覺得SIS你可以考慮下


Log in to reply