陀B五個月 Coffee:靠瑜伽醫子宮頸癌



  • 現正陀B約五個月嘅林芊妤(Coffee),即使大住肚,仍繼續大玩高難度瑜伽,去健身室玩跑步機,以及游水同浮潛,唔少網友戥佢驚,紛紛叮囑佢要小心,但當事人就話未有BB前的確做很多運動,所以「要我突然全部停下來應該不太健康」!
    唔講唔知,原來2013年Coffee曾經患上前期子宮頸癌,要入院做手術,仲試過拍劇時下體突然出血,自從呢場大病後,佢的起心肝苦練瑜伽,終於考到國際認可嘅瑜伽導師資格㖭!
    芊妤 天生軟骨功
    現年28歲的Coffee林芊妤,跳出無線後憑住天生軟骨神功及不斷自我修練,一個華麗轉身變成瑜伽導師,最近更做埋胡杏兒的私人教練,踏上星級教練之路。即使依家大住五個月肚,Coffee仍照做高難度瑜伽,Coffee說她11年始接觸瑜伽這項運動,「其實係我第一個男友覺得我有呢方面天份,佢覺得我身體好柔軟,好適合,加上嗰陣經歷咗一場大病,先的起心肝報學瑜伽,我更花咗一年時間,成功考到國際認可的瑜伽導師資格。」
    「可能我一炮過交咗六萬蚊學費,唔想嘥啦!加上天生夠柔軟度,做高難度動作時有個優勢,有啲動作一下就可以到位,俾到我好大滿足感。」但Coffee指:「由始至終我都冇諗會以此為職業,依家教瑜伽除成為咗我專業外,仲成為我嘅image,受人尊重嘅其一因素。」
    2013年,Coffee曾自爆患有前期子宮頸癌,但經切除子宮壞死組織後已痊癒,亦唔影響以後生育。Coffee表示:「喺舊公司成日都驚住會冇工開,壓力真係好大,但學咗瑜伽後,壓力冇咁大,病痛也相對少咗。」
    Coffee又透露手術後拍攝《My盛Lady》時,曾因手術傷口感染令下體突然出血:「當時流好多血,又唔敢同工作人員講,後來監製知道,即刻安排同事陪我走,監製仲話:『人哋唔知仲以為我收賣人命!』真係好多謝佢哋咁體諒,依家每三個月要去醫院做檢查,同埋打子宮頸癌預防針,希望唔會再復發,惡化成Cancer。」



  • 估唔到佢咁後生就生過癌



  • 不過最後佢都好番而家仲有埋BB
    我個朋友就冇咁好彩



  • 你個朋友仲咩事?



  • 都你有子宮頸癌
    不過就過左身喇



  • 我都有個朋友你呢個癌症
    不過佢就睇私家
    去左HKIOC睇
    D醫生好PRO
    好返~



  • cathy said:

    估唔到佢咁後生就生過癌

    真係估唔到佢咁後生就生過癌, 完全睇唔出



  • 叮叮 said:

    我都有個朋友你呢個癌症
    不過佢就睇私家
    去左HKIOC睇
    D醫生好PRO
    好返~

    佢有冇做手術呀?