《上水廣場 x emoji™ Sports Fiesta 2018》



  • 《上水廣場 x emoji™ Sports Fiesta 2018》

    emoji™驚喜出巡上水廣場及將軍澳PopWalk 天晉滙
    世盃特別版肉緊打氣表情香港首度曝光 率先潮玩VR足球挑戰賽
    限量夏日特別版禮品換領 讓您消暑愉快度炎夏

    0_1528699166164_001上水廣場x_emoji__SportsFiesta_運動場裝置充滿動感_l.jpg
    (香港,2018年6月4日)攻呀攻!快搶攻!4年一度嘅世界足球盛事仲未開鑼,上水廣場x emoji™就先聲奪人,以首度曝光嘅足球國家隊sharp醒造型搶先成為大家熱捧隊伍打氣嘅新寵!

    上水廣場與將軍澳PopWalk天晉滙聯乘emoji™觸發夏日運動狂熱,上水廣場更推出香港首次曝光嘅世盃特別版emoji™,涵蓋多個世盃熱門國家隊,大家一齊嚟估下邊隻emoji™ 嘅代表隊伍可以捧走獎盃,贏得殊榮0_1528699500636_002上水廣場x_emoji__SportsFiesta__化身成5米高開心狂熱運動場_l.jpg

    emoji™ 以多個全新足球國家勁旅造型為主打,衝出手機及線上世界,首次型爆出巡上水廣場為大熱足球比賽造勢。商場今夏將打造成 《上水廣場x emoji™ Sports Fiesta》開心狂熱運動場,令球壇盛事氣氛無限升溫﹗場內更特別打造《VR足球挑戰賽》挑戰玩家控球、盤球、射龍等球技,考您身手﹗《emoji™ 狂舞團》更會不時到現場為您打氣,想同佢地嚟一個勁舞battle,就要密切留意啦!鐵粉萬勿錯過上水廣場及將軍澳PopWalk天晉滙為您全新制作嘅限量emoji™夏日禮品,一系列精美紀念品等您換領﹗
    0_1528699637982_003上水廣場x_emoji__SportsFiesta_巨人版3D跑鞋_l.jpg

    香港首度曝光世盃版emoji™ 3D裝置  肉緊表情打氣集LIKE
    由手機線上世界強攻至線下運動場,emoji™今個夏日將聯乘上水廣場,化身成不同國家隊造型嘅3D角色,現身狂熱運動場主題裝置,以開心趣怪表情和色彩繽紛嘅面部油彩為支持隊伍打氣﹗逾5米高嘅上水廣場X emoji™運動場裝置充滿動感,色彩豐富;除足球主題外,更設田徑、舉重和跳遠等多項訓練元素,極具活力﹗大家更不妨鬥快數一數裝置當中隱藏住幾多個特別版emoji™?佢哋以各國國旗顏色為主調,例如:心心眼emoji™面珠dum輕輕塗上國旗色橫間;眼大大、笑容燦爛嘅emoji™就乾脆將成塊笑面塗上顏色盡情搶fo,其中以瑞典和英格蘭嘅十字面極為搶鏡。另外,日本紅白鮮明形象超級Kawaii,墨西哥鬍鬚emoji™亦極具美洲風情﹗zoom in裝置左邊田徑場嘅巨人版3D跑鞋係另一selfie打卡位,舉重區嘅德國同巴西emoji™鬥到難分難解,大汗淋漓﹗葡萄牙emoji™評論員肉緊評論世盃賽事,講到心心眼兼青筋暴現,究竟今屆足球競賽鹿死誰手?!決賽mood係滴汗?嬲嬲豬?定係哈哈大笑emoji™大派用場?

    《VR足球挑戰賽》讓您大顯身手 置身巨型透明足球VR體驗全港首創
    突然球癮大發想踢番場波又湊唔夠腳?嚟上水廣場參加《VR足球挑戰賽》就得啦,今年暑假逢星期六、日及公眾假期等住您嚟挑機﹗走進高達3米嘅巨型足球內,配帶VR裝置,即可全程投入虛擬足球場景中,觀眾席上嘅emoji™觀眾更會幫您搖旗吶喊,打氣助威﹗您仲可以揀選心水隊伍,穿上全新設計嘅emoji™球衣,控球show off,大過3關,與好友齊齊較量。遊戲分為虛擬控球、頂波和射龍門3關,推廣期內累積最高分數嘅玩家,更可獨得大熱遊戲機,讓您於炎炎夏日隨身玩,隨時與好友齊齊分享電子遊戲嘅樂趣﹗