係咪我一廂情願覺得佢對我都有好感？

我岩岩入左間新公司，對同事A有好感，但佢既行為一時一樣，令我好痛苦，成日諗究竟係咪我一廂情願覺得佢對我都有好感？

我同佢係office既位係斜對住既，佢有時會企係佢個位做野同飲水，如果佢一抬頭就好易會見到我。但我未試過同企係度既佢有眼神接觸，佢可能係冇望過我。而我最多係用眼尾睄下佢，每日佢大概會企係度3~4次。

有時同佢加一班同事出去食lunch，但係我同佢係完全冇交流。記得早期有次同佢單獨食lunch，大家都有傾有講；有次巧合下一齊做野都有講幾句，但而家係得一兩句到，主要係大家望一望對方就算。佢望我既眼神，有時係飄過既眼神、有時係默默地望，大家會望住彼此雙眼一秒到，但又唔講野。有次我睄到佢偷望我，跟住佢就即刻擰轉頭。

令我特別亂諗既一件事就係有次又係一班人去食野，我係佢面前用手拎起塊pizza，放入口之際，佢突然怔怔地望住我兩秒，時間好似停止左咁，其餘兩位同事都望住佢做緊咩，直至我不明解咁「嗯？」左一聲，佢就默默移開視線。我之後有諗過，唔通我太失儀態就咁用手拎起塊pizza，佢想話我？但我記得佢地都係就咁攞第二件事就係

有次成班同事去打保齡球，原本佢同成班男既比賽緊，有一男一女觀賽，咁我就走過去諗住觀賽（同埋想光明正大咁望佢既背影），然後佢打多一球，突然叫觀緊賽既男同事打埋落去，佢就走左去第二度！跟住我又係度諗，會唔會因為我係度佢有啲緊張同驚會俾我笑？？

A 知道 B 同事對我有啲好感，佢地兩個亦都係成日會合作既同事，唔知係咪因為咁 A 對我愈黎愈冷淡。但我對 B 冇feel，對佢就好似普通同事咁，唔會特登做咩。我見 A 咁冷淡自己都冷埋一份，佢唔同我講野我唔會主動同佢講。

其實我對 A 仲未了解清楚，我都同自己講唔好對佢太上心，唔好咁快就陷落去，但係對佢呢種異樣既感覺真係好難抑壓。我唔知佢係咪同我有類似既感覺，我淨係覺得我地好似係咁避對方，佢去右我就去左。

一遇到佢會覺得心頭震一震，但係一諗起佢同另外一個大過佢既女同事好好傾，成日串佢；一諗起佢可能唔係想望我，只係某啲原因令我有種傻傻既錯覺；一諗起當 B 送我去搭車佢就起哄既模樣。。。我就會好灰。。。佢當我會唔會只係一個好 cool 既女同事，連諗話題都唔想諗？

成日想放棄之際，佢又會做啲野「重燃希望」，可能係主動同我講野，問我一唔一齊同啲同事食飯。。。每日返工既心情好似坐緊過山車咁，究竟佢對我有冇好感？之後又可以點做。。。謝謝大家！

暫時聽你咁講其實大家都唔係認識左好奈(A & B), 我諗 A 都未必 feel 到你對佢有意思.我建議版主可以keep住"普通同事"關係先多d同 A & B 相處了解..如 B 同事你冇feel既話,可以刻意避忌下,令到對方有signal知道你對佢冇feel.

推推推

推推推