老公約已婚婦人食生日飯



  • 老公約已婚婦人食生日飯,單獨,仲話個女人識到佢好幸福,你話有無嘢?

    舊年老公都有同佢食生日飯,仲送手提電話、買生日蛋糕、送紅酒、生日卡、蜜糖、同好多禮物取悦佢。你地話係咪純友誼?



  • Hello wife, do you want to chat on skype?



  • 肯定食完飯去開房小西啦,男人無個唔好滾。



  • 咁又無喎,佢哋兩年來無性關係



  • 我老公主動約佢果兩次,都係食lunch
    佢約我老公就係食dinner多



  • 我老公係醫生,靚仔,講嘢叻醒目又有錢。
    我係公認樣靚身材正的長腿甜美美人,旺夫益子,甜美又賢良淑德。
    有兩個小朋友,活潑可愛。

    我地結婚好多年,老公自己有醫療集團,月入達七位數。
    我地一直都對對方專一。

    近兩年,老公身邊出現左飛來蜢,因公事合作關係,識左個已婚婦人。

    已婚婦人其貌不揚,但勝在精叻識玩心理,講到自己好叻,好多嘢幫到我老公咁。佢常約我老公單獨食飯,本來當工作拍檔和朋友,都不以為然。

    後來經常獻殷勤,過時過節會送禮,次次送親都幾千的禮。出去食品都係幾千的,叫一人份量,鮑參翅肚,專登俾我老公食好嘅,自己食差的。

    後來,被發現已婚婦人落我老公降頭,愛情降頭。



  • 唔知香港人係太無聊,定係好多人有妄想症。。。



  • 我尊重你的見解,但我講的全部係事實。
    如果我地的背景資料令你唔舒服,咁就睇返一開始,研究返生日飯果件事,謝謝



  • 哈哈,我點會唔舒服?反而覺得好有娛樂性。
    7個位,佢唔通就係甚麼幫人做醫學美容個d集團?
    我尋日搭船,隔離個嬸嬸同我傾計,都話自己係澳門輸過千萬,打牌一舖上落去到9萬6,我可以話你知係事實咁聽返黎。



  • 其實呢個數好多外科醫生都做到
    重點係,我宜家覺得好煩,就著生日飯呢件事,好希望有人同我分析下,俾到意見我。謝謝



  • 路人,咁你都好好人緣,令隔離個阿嬸都講咁敏感的數字你聽。
    多謝你的回覆,咁生日飯果件事,你又點睇呢?
    呢到好唔active,你同我傾,我多謝你都黎唔切啦。



  • 純友誼會咁樣嗎?
    我老公仲有鐘意佢嗎?
    我知佢之前舊年有對個女人動心,我當係佢中左降頭,但宜家都解左咁多次啦。



  • 使咩外科醫生,我朋友普通醫生係新市鎮開clinic,都係西9揸幾間豪宅啦~



  • 咁你點睇件事?
    好忐忑
    我右上眼瞼跳左大半個鐘
    我知佢有段時間鐘意果個女人多過我
    佢同果個女人啱傾好多人
    佢成日話同我無共同話題
    話我得個殻,所以只係鐘意同我做愛



  • 嬸嬸同我講左好多野,輸過千萬呢樣已經係最唔personal...



  • 證明你人好
    好煩呀,瞓唔著



  • 你係男定女?
    你點睇呢件事?



  • 你所講既故事,details 唔知,但如果所講屬實,點可能鈍友誼?妻不如妾,妾不如偷...就係咁簡單



  • 我係男。
    冇架啦…佢話得你冇腦,個心已經去左佢度,你打定輸數吧!
    為自己打算,有咩資產可以轉到自己手上就快轉,自己係靚女,出便大把男人,盡快揾個第件啦~



  • Cry.....,😭😭😭😭
    我地有仔女呀,佢話會同我白頭到老
    點解你覺得佢個心去左個女人度?
    個女人好樣衰的,又無身材,又已婚,屋企都有小朋友。
    唔通我真係輸俾降頭?



  • 我份人好專一
    佢同個女人曖昧左好耐,都未成事
    都係玩下嘅啫,一時迷失
    會返屋企嘅



  • 就算唔係純友誼
    你點睇得出,佢宜家仲係鐘意個核突女人多過我?



  • 路人,還在嗎?
    呢到得你理我



  • 你點知有降頭?咁你點去解?

    你覺得佢會返會返頭,咁咪好,咁咩都唔做唔理,等佢返黎咪得囉…



  • 你覺得佢宜家仲係咪鐘意果個女人?
    佢講左會同個女人斷,過埋今個月
    還返晒d嘢俾個女人就斷晒

    我老公自己發現俾人落嘢,佢自己搵人解嘅
    之前佢疏遠過果個女人一段長時間,但果陣個女人日日搵佢出去,佢都無理會。
    之後又藕斷絲連。
    佢會不能自控地又同個女人聯絡返。
    之前去旅行一個月,佢的起心肝唔理個女人,完全同個女人斷聯,之後個女人送月餅果籃過黎,話約佢中秋見面,但個女人好識玩心計,隔一星期佢地又聯絡返。



  • 人妻 said:

    咁你點睇件事?
    好忐忑
    我右上眼瞼跳左大半個鐘
    我知佢有段時間鐘意果個女人多過我
    佢同果個女人啱傾好多人
    佢成日話同我無共同話題
    話我得個殻,所以只係鐘意同我做愛

    1)你第一个問題~佢哋有冇嘢。。个人意見,有嘢。
    2)你話佢哋冇上床。Are you sure and how do you know?

    1. 佢哋有冇上床同你同你老公背景唔係重點,重點係你哋冇共同話題。死症。
    2. 男同女未必一定只有性同愛情可以係純感情。(你懂嗎?) 但夫妻呢。。。激情.、爱情、性爱过係,冇感情,你話、點可以長久?
    3. 你最大镬係你老公覺得你只有一个用途。。同你做爱。佢講到咁,已經/係不留情面。佢都係得返个殼,靈魂已經不在。就算冇依个女人,佢都同你唔會長久。-
    4. 既然你話自己條件唔差,趁个殼仲見得人就應該早作打算。分佢一半身家,從新找"伴"。當然係有靈魂果啲啦。


  • 多謝你呀,解釋得好透徹
    我一生只愛一人,唔會再搵到好似我老公咁好的人。
    我唔想小朋友有破碎家庭。
    而我老公一定會同我白頭到老,呢樣我地都好肯定。因爲佢好顧家,好愛鍚小朋友。
    佢同果個女人唔會有將來,因為大家都各自有家庭。
    我老公對我百分百坦白,佢乜都話我知,包括同個女人之間的嘢,全部都係佢話我知。
    所以我好肯定佢地無性關係。
    而且未正式一齊。
    只係玩曖昧
    舊年呢個時候我老公醒左,之前仲好曖昧,突然醒返就避開呢個女人。
    宜家斷斷續續仲有間唔中見面聯絡。都係半公事半私事咁,公事方面好似攪得唔太開心,我老公覺得個女人幫外人多過幫佢,呢樣都係令佢對個女人心寒的原因。
    你覺得我老公宜家仲有鐘意佢嗎?
    如果有,仲有幾鐘意佢?
    我老公今次都真係的起心肝同個女人斷,今次應該得!



  • 我老公都有當面同個女人攤牌,話佢俾人落嘢,個女人即刻好defensive,好異常,話返我老公,然後落荒而逃。
    我老公話睇佢反應,一定係佢落降。
    其他人都無理由落嘢令我老公掛住個女人掛。
    之後問過不同的師傅,都話係個女人落嘅。
    我老公都話,唔係因為呢d降頭,個女人無可能埋到佢身。
    但近排我老公又失控地同佢保持聯絡。
    之前明明決定左唔見佢架,難道就只係因為承諾?我老公話之前應承左同佢食飯,仲有嘢要還俾佢(之前講好左DHL俾佢),唔想欠佢嘢。



  • 我老公舊年送咁多嘢俾佢,會唔會係因為多謝佢工事上的幫忙?



  • 上面講嘅都只係睇咗你post嘅前半部內容,以事論事。唔係教人離婚。尤其是感情事,局外人更加難说三道四。
    你之後再講到落降十真係匪夷所思。同埋你心情好似幾亂,說話又有啲前後矛盾,就更加難了解成件事。你都係早啲瞓,瞓醒再講。



  • 話唔定個女人肯同佢吹,又比埋後面你老公玩呢.



  • 你老公同佢可能係一種紅顏知已情感, 當中無性, 但比友情更高,



  • 其實明顯個女人已經攞咗你老公個心,有無性其實已經唔係重要嘅事情。



  • 認真便輸了。。。



  • 你都可以出去勾佬格.....



  • @fantasmic 有好大機會係,佢同個女人啱傾,同佢傾計好開心。
    而同我就溝通唔到,佢成日話我的話題只有負面嘢和瑣碎嘢,呢d都唔係佢鐘意聽嘅。
    佢鐘意諗大方向的嘢,事業心好強,鐘意正能量。
    Btw,個女人我睇過相片,真係好醜樣,身型又怪。我老公好靚仔,好sharp,我都係樣靚身材正的靚女丫。
    唔通降頭真係威力咁強,解咁多次都解唔到。次次都係我老公好有決心,主動去解的。
    真唔明,明知對方落自己嘢,都仲可以同佢保持聯絡見面,仲要提出同佢食生日飯嘅。有嘢還俾佢都好,都決定左DHL啦,咩事?!



  • 唔會啦,我唔係咁嘅人,我天生就係專一的處女座



  • 人妻 said:

    @fantasmic 有好大機會係,佢同個女人啱傾,同佢傾計好開心。
    而同我就溝通唔到,佢成日話我的話題只有負面嘢和瑣碎嘢,呢d都唔係佢鐘意聽嘅。
    佢鐘意諗大方向的嘢,事業心好強,鐘意正能量。
    Btw,個女人我睇過相片,真係好醜樣,身型又怪。我老公好靚仔,好sharp,我都係樣靚身材正的靚女丫。
    唔通降頭真係威力咁強,解咁多次都解唔到。次次都係我老公好有決心,主動去解的。
    真唔明,明知對方落自己嘢,都仲可以同佢保持聯絡見面,仲要提出同佢食生日飯嘅。有嘢還俾佢都好,都決定左DHL啦,咩事?!

    其實係唔係中降真係好難講, 因為解完再落好似係唔得, 不過有一點可能就係, 因為你老公同佢溝通好好, 大家話題吻合, 而你所講嘅唔係你老公想聽, 所以會覺得大家溝通唔到, 從而你老公會覺得個女人同佢好夾, 但可能真係只限公事上, 感覺有時唔係睇外表,
    你都講, 你老公鐘意正能量, 而係俾到佢嘅係負能量, 係有選擇下, 佢當然鐘意同個女人傾啦, 因為互相都係正能量, 或者你講嘅唔係負, 只係唔合佢心意,



  • 講黎講去3幅被,個女人醜,你老公靚仔醒目,你又樣正身材正....

    你老公第1日識你咩,同你冇話題而家先知?呢d都係搵第個女人既籍口,又如果佢講既係事實,咁你要自我檢討下啦!

    講講下重要落降頭,又落又解...........



  • @fantasmic

    算吧啦,係你地先咁得閒睬佢,聽古仔。



  • 人妻 said:

    @fantasmic 有好大機會係,佢同個女人啱傾,同佢傾計好開心。
    而同我就溝通唔到,佢成日話我的話題只有負面嘢和瑣碎嘢,呢d都唔係佢鐘意聽嘅。
    佢鐘意諗大方向的嘢,事業心好強,鐘意正能量。
    Btw,個女人我睇過相片,真係好醜樣,身型又怪。我老公好靚仔,好sharp,我都係樣靚身材正的靚女丫。
    唔通降頭真係威力咁強,解咁多次都解唔到。次次都係我老公好有決心,主動去解的。
    真唔明,明知對方落自己嘢,都仲可以同佢保持聯絡見面,仲要提出同佢食生日飯嘅。有嘢還俾佢都好,都決定左DHL啦,咩事?!

    人妻你係知到自己衰咩。衰負面、瑣碎、同你老公冇話題,溝通唔到。依啲係你自己講嘅。但你唔去面對,反而強調个女人醜,你樣靚身才正。仲話人哋落嘢。 將啲簡單問題,兜兜轉轉,重複又重複。 我係你老公都畀你煩死啦!



  • @fantasmic 多謝你的分析,你都講得好啱,我自己都需要為我負責任,兩個人的溝通不善,佢同果個女人啱傾,自然會傾向果邊,理解...😭😭😭



  • 我都知道,我嘗試改變自己,當刻我唔覺得自己有問題,可能真傀第三者出現左,先俾到一個反省的機會自己



  • 我理解人同人的相處,唔止係睇外表,心靈上的溝通都好重要。
    而我不值的,先撇開外表唔講,個女人感覺上好識得玩心計玩手段,釣住我老公,而我老公不嬲都好憎人玩手段玩心計嘅。
    另外,公事上的合作,個女人擺明幫另一邊多過我老公,我覺得係水緊佢。雖然我老公覺得個女人好幫忙,仲要送禮請食飯黎答謝佢。



  • 如果擺明搵你老公苯,佢都重中過頭咪去,咁佢有得幾sharp?笑死..講唔通就推落話落左降,哈哈哈

    重有,真正大美人,根本唔需要猛周圍同人強調自已樣靚身材正。



  • 人妻 said:

    我理解人同人的相處,唔止係睇外表,心靈上的溝通都好重要。
    而我不值的,先撇開外表唔講,個女人感覺上好識得玩心計玩手段,釣住我老公,而我老公不嬲都好憎人玩手段玩心計嘅。
    另外,公事上的合作,個女人擺明幫另一邊多過我老公,我覺得係水緊佢。雖然我老公覺得個女人好幫忙,仲要送禮請食飯黎答謝佢。

    你情我願, 雖然你老公唔like, 但當局者迷, 你老公唔會覺得個女人現心計, 可能呢一刻個女人真係係事業上幫到佢, 呢個係利益關係, 商業社會就係咁, 有利益就可以, 所以, 好多時, 生意上伙伴反而比另一半更在意.
    溝通問題上, 呢點好難, 因為你老公先入為主, 任何你講嘅都未必係佢想聽, 反而我覺得, 你應該表現信任一面俾佢睇, 如果你太多猜疑, 只會令你老公更偏向個女人度.



  • @fantasmic 你講得好有道理!畢竟我老公事業心強,至於佢都覺覺地個女人鐘意玩心計,不過對佢無乎。
    我老公係重感情的人,為情義,喺錢銀上明知蝕底俾人,都願意,唉!



  • 佢地的合作都完結左。
    我老公話今個月玩返曬d嘢俾佢就斷,但願如此。
    最唔明白嘅係,做乜仲要約食生日飯呢,之前講好左唔見,DHL D 嘢俾佢就算。真唔明佢...😭😭😭



  • 今個月還返曬d 嘢俾佢



  • 人妻 said:

    佢地的合作都完結左。
    我老公話今個月玩返曬d嘢俾佢就斷,但願如此。
    最唔明白嘅係,做乜仲要約食生日飯呢,之前講好左唔見,DHL D 嘢俾佢就算。真唔明佢...😭😭😭

    咁可能係個女人要佢出嚟食飯呢, 點都好啦, 等埋今個月再睇下點, 唔好太過擔心, 俾D信心你老公.