男朋友問我拿錢又成日話比人偷錢
-
啱啱我生左ｂｂ，ｂｂ就快兩個月大。未生之前同男朋友一齊住，但之前以經成日拖業主租金，基於租約係我簽，業主話我有責任俾租，咁無可耐何之下，無工作既我唯有唔想煩自己交租，我成日就為左男朋友幾時先交租而同佢嘈又喊咁。
生之前有—日，突然覺得咁樣落去唔係辦法，我又無野做，仲要喺佢唔知既情況下，自己嘔啲租出黎，決定賠一個月租金都唔再租。生完之後我返左娘家住。就喺生完之後幾日，知道佢曾經帶個女同事上去，唔知佢帶上去我租嗰度做咩啦。去佢公司到，個女同事問我坐月唔係唔可以出街既咩？我心諗你得閒就走上去做咩呢？
到我決定交匙比番業主嗰日，男朋友唔知做咩KEEP住條匙，追問下先交出來。唔知點解佢咁做？
而家我喺娘家住，佢個個月都話下個月俾幾千蚊家用，但次次最尾都係一千蚊以內。成日話被偷錢，公司／網吧又試過，半年內幾次，又唔開戶口放啲錢入去。如果真係被偷錢，都已經可以交廿幾年既稅啦～。仲叫我問我媽借錢俾佢。
你地話佢究竟喺度諗緊咩？
-
其實都好明顯啦。。你自己巳經心中有數啦。。係咪。。即係佢揾食但又唔行遠啲囉。。
-
你已經上左賊船