失敗既第三者 求鬧醒



  • 我係一個第三者,一個失敗既第三者。
    好多人都會疑惑點解好人好者,明明條件唔算差既我點解要選擇做第三者...
    我有一間鋪頭 自給自足 又有好多朋友 曾經有一個交往左七年既女朋友
    但係感情係無得講道理,就算係明知唔岩 都無辦法行返條岩既路。
    曾經有人話 可能係我一時寂寞 所以係朝夕相對下容易產生感情
    我嘗試過逃避呢段感情 盡量唔留係鋪頭 去識其他女仔 但最後都失敗
    每一日 我都無辦法控制自己既目光從佢身上移開 無辦法唔對佢好
    所以我向佢表白 即使佢有一個做警察既男朋友 我都選擇將自己既心意講出黎。

    表白之後 佢只係模稜兩可咁無拒絕又無接受 但又不時對我表示曖昧
    我地會拖手 會接吻 會一齊食飯講我愛你 每次約會我都覺得好幸福。
    我從來都無介意過佢有男朋友 只要我可以係佢男朋友唔得閒既時候陪住佢
    只要我係佢心目中有一席位 有無得公開正式一齊其實真係唔緊要 。
    但原來呢啲都只係短暫既幸福 我呢個第三者 好快就變成第四者第五者..

    就係我發覺佢同佢個警察男朋友有爭執分開左 以為自己有可能 成為佢正式既男朋友
    我發覺佢同我朋友A 一個有婦之夫既朋友 行埋一齊 我個心真係好痛
    我忍唔住偷睇佢電話 原來佢已經上過我朋友A屋企..
    呢個時候我不禁懷疑 可能拖手接吻上床 對於佢黎講都只係好普通既事
    我不停咁問自己 究竟我有咩比唔上我朋友? 因為我無老婆唔夠剌激?
    我想放棄 想唔再愛佢 但我做唔到 我嘗試當無事發生 但我無辦法唔KEEP住偷睇佢電話
    但越睇越心寒 原來呢個話好愛佢男朋友既女人 可以不停同時偷食住地不停地向佢男友求復合
    最心寒既係佢勾搭既對象唔止朋友A一個\仲有朋友B\C 朋友B都係有女朋友
    仲有好多唔同既男友 由廿幾歲到中坑都有..
    原來無論我幾愛佢都唔夠 我覺得心碎 原來我連第三者都稱唔上..

    一直係佢身邊默默守候 希望佢幸福快樂既我 只換來心碎 失望
    身邊所有朋友都知我愛佢 朋友既背叛 呢一刻我真係覺得好絕望
    我付出金錢 時間 所有心思 換黎既就係:其實你諗多左 我好愛我男朋友
    如果佢係佢所講既咁愛佢男朋友 我覺得無所謂 因為我一早知
    但事實並唔係咁 佢根本只係用佢男朋友做擋箭牌 係一個公廁
    而我係一個連去公廁都無資格既傻仔!Z!!!

    但係經歷咁多之後 點解我對佢依然有期望
    點解愛邊個無得揀 點解我一定要愛佢!!!?
    希望各位SIS\巴打_醒我!!



  • 你自己既有女朋友又搞佢,你想點!?你真的打算給束那7年的感情,同佢作有結果的發展?那她又能否決絶分手同你一齊?根據你既描述,感覺這樣既女仔,係好難滿足於一段正常既關係,所以灑脫此,曾好過便算。
    其實佢既然可以輕描淡寫對你,點解你又做唔到咁對佢?明顯你唔係放唔低佢,係放唔低自己既執著。醒下吧,let her go!



  • 原來那個7年女友已分手了...



  • 其實又唔可以話失敗... 每個人對感情既睇法都唔同. 但我覺得你對依段關係.. 似放唔低自己既好勝心多點.
    如果佢有A-Z 咁多個既話.....你包容到嗎?
    放手吧!



  • said in 失敗既第三者 求鬧醒:

    真想兜巴醒_你。想醒 pm 我。



  • 當古仔睇下好啦,無須太認真~~



  • 算吧啦第三者,根本你自己選擇咁做


Log in to reply