男朋友最近好唔尋常,好不安!



  • 男朋友年紀細過我,而且仲係一個靚仔。我同佢一齊不嬲都承受住一定壓力,除咗要不斷令自己變靚啲,仲要成日mon 住佢,睇吓有無異性埋佢身。

    不過,我相信自己好快唔洗再承受壓力,好快佢就會同第二個女人一齊。因為男朋友最近行為古怪,有時佢撳緊電話,我稍為嗌一嗌佢,佢成個人就好似被嚇咗嚇咁,即刻收起電話。

    最奇怪係,我男朋友依家仲姿整過我,竟然俾我昅到佢個袋有支 Cleansing Mousse...唔怪得呢個星期佢塊面滑咗,無以前咁粗糙 !

    我唔知支洗面奶係咪真係佢,好驚篤穿呢個真相,但又好不安...真係唔知問唔問佢好!