34處男, 訓唔著, 發下up風講下我對愛情既意見(徵女朋友post)



  • Post得起relationship版梗係誠徵女朋友啦, 不過我想長篇大論等你認識下我為人先.

    我唸我樣貌雖然唔算好靚仔, 但絕對唔係樣衰, 而且我有大學碩士學歷, 有個專業牌照, 但我呢D 80後(可能淨係我係咁), 係唸野方面好保守, 而且我自細家窮, 所以我自卑, 自問唔想害左人, 所以一直有溝女障礙, 無女朋友, 咁多年黎都唔會好主動溝女, 老實講句, 我唔想因為自己窮令對方捱一世, 而且我又唔算事業好出息, 真係無咩俾到人的, 20幾歲果時我係好天真地唸, 先建立事業, 再去識女仔啦.

    我唸呢度she.com係網上出名搵SP既專區, SP post多到relationship版都大把, 老實講, 我係一個男人黎, 我明白其他男人都有性需要, 天生的, 唔係罪黎, 男人既性慾就等於女人有物慾一樣, 大家都只係人黎, 對於一個34處男, 活左半世都無女, 連女人身體都無咩詳細掂過(其實我有掂過, 不過好短暫, 而且仲係處男), 我搵SP好似比好多人更好理所當然, 我都唔怕講, 我自己最近都搵緊SP, 而且差不多臨門一腳; 但我好老實講句, 我思想仲係好傳統, 我唔係好接受呢種有性無愛既關係, 我想唔玩呢樣野, 真正重新認真識番個女朋友, 將自己處子之身留俾自己鍾意既人.結婚相愛係一種終生承諾, 唔係淨係一張紙黎, 我唔相信一張紙代表到愛情的, 我相信感情係要互相維繫的, 我自己都要學習. 有時我都唔明白, 點解有D男人可以理直氣壯地結左婚都出去混? 當然, 屋企個老婆餵個男人唔飽都有責任的.

    其實事業好多男人都會咁, 3X歲, 好似一事無成, 夢想唔係沒有, 但係現實既逼迫之下, 學歷高係香港係無用的, 成功靠父幹, 呢D說話好中point的, 出面屋租萬幾蚊, 男人好, 女人好, 活左半世, 市道又唔好, 有份工都偷笑了, 夢想? 變得搖不可及; 出面D男人搵女, 講到自己有車有樓, 真係有又駛咩入she.com呀? 別人呃西屌, 我唔阻人, 我走自己的路; 但我因為現實放棄理想嗎? 我唔知道, 但我有生之年的確唔想放棄夢想, 因為放棄自己, 做人同條鹹魚仲有咩分別呢? 我每日同行屍走肉仲有咩分別呢? 家窮唔係我想的, 但SP我無辦法接受既根本原因, 係找一個只有性既partner, 無愛, 咁同畜生扑野有咩分別? 可能我仲有少少自尊/自負/傳統思想, 所以解釋我沒有辦法做出越軌既事(even我都無女朋友), 我過唔到自己, 唔能夠因為身體少少1%的性慾, 而去放縱自己.你可以覺得我活在童話世界裡面, 我只覺得, 去到臨門一腳, 我接受唔到同一件唔識既女人做, 就係咁簡單.

    我最近出去學日文, 希望多一D野旁身將來有用, 我都最近學潛水, 希望開始另一個人生, 老實講我係果種, 仲掙扎緊唔好俾社會食左我, 幾乎完全無可能俾到幸福女人既男人黎, 我知道女人好現實, 人人都想嫁有錢人(認真, 我係女人都會咁唸), 有頭髮邊個男人唔想個老婆捱世界? 不過我仲相信世間上仲有好女仔肯唔介意同個男人捱的, she.com可以係一個機會, 如果你唸法同我一樣, 又自問係傳統好女仔, 唔一定要靚女(當然醜到無人要得落既欣宜type另計啦), 但我比較相信內心純潔緊要一點, 有興趣既女仔, 歡迎你電話搵我55183900(請留言/留低聯絡方法), 當然有機會可以發展一下做情侶啦(假如你唔嫌我窮的話). 唔好問我住邊有無車有無樓做邊行啦, 我好討厭呢D問題, 夠食就得啦, 錢邊個會唔想有姐? 你唔係呢種女仔的話, 我會悶死你的, 道不同不相為謀, 請你過主.

    夜深人靜, 我發up風完畢, 當係一絲希望啦, 有緣希望你見到呢個post啦.


Log in to reply