不能容忍 #Cake2 #Hot Kisser



  • 如果大家結婚時,打開個整咗幾千蚊既結婚蛋糕爛咗,唔知你哋會點呢?
    原本我要一早切蛋糕,所以加$300,9點送到。但姊妹交收時,發覺個蛋糕爛咗,為怕影響我心情,所以冇話我知,送蛋糕嗰個人攪咗好耐都攪唔掂,最後我姊妹迫佢搵師傅嚟攪,結果12點先攪掂,同原本唔駛加錢既交收時間冇分別!
    最嬲既係,我喺Cake2 FB inbox 投訴,等咗幾日都冇覆,所以就喺自己既FB post 蛋糕d相,share佢個page,朋友都睇唔過眼幫手share,但最後我哋既comment比佢delete同block咗!佢哋對付complain,係delete+block,因為諗住你唔會返轉頭就算。其實婚結咗都唔會再訂結婚蛋糕,但我真係唔想再見到有受害者!人哋咁多張單我呢張算得係乜,但呢張係我人生中最大既單呢!如果唔想好似我咁⋯就請三思!
    相信 Decoration 喺 wedding 上,不能缺小,因為是給賓客一個氣氛、一個感覺,希望獨一無二,令人難忘。所以,我揾咗Hot Kisser design, 當然係比佢既portfolio impress啦。其實都因價錢較貴,爭一個扎咗好耐,基本 package $13,999,雖有然有好多嘢想加,起初問價時態度都還好,但再問多幾個items就越來越差,原本帖同outdoor部份都諗住比佢整,但感覺越來越差,所以最後只加地氈 2nd hand 都$2000,簽名板$800,埋單一萬7千幾。
    設計過程中,1st meeting 已訂 shocking pink + navy, 但1st logo draft 等咗1個月⋯顏色變咗 bright red + electric blue...同佢 feedback,佢話我唔係 Mac 機所以有色差,我再搵 Mac 機開,效果一樣...所以影張相佢睇,佢話send錯咗比我⋯
    2個月後收到 backdrop design, 顏色當然繼續錯啦,個 backdrop 底色係白色 同一 backdrop 有2個logo,大細差不多仲有幾層花邊框⋯真係得個亂字,一d message都冇,非常失望,所以我將佢 print 咗出嚟,逐個有問題既部分 point out,寫好要點改再 send 比佢,再加電話 follow up。
    1個月後收到2nd draft,紅色改好咗,個框減少咗一個 layer 但都係唔得,最後我就上 Pinterest 逐 part,逐個 details 改之後再send比佢,打比佢既時候,約咗佢幾次都話唔得閒拖到結婚前一個月先傾到,已經冇辨法再搵第二間做,同佢傾電話,仲要比佢串,話我做你呢單真係冇錢賺,又話我問咗咁多價,最後只加得2様,我忍住唔回應,係因為我怕佢整蠱我,我 big day 出錯就冇得救,但到最後⋯個 logo 冇咗半同簽名板返到屋企就爛咗。
    事後投訴,佢話佢好用心做我既 decoration, 但我用眼已見到個 logo 冇咗半,不過有問題都會照放出嚟,就真係唔明既!仲要放喺reception當眼位置就更加唔明,我冇要求過一定要放logo出嚟,亦無人問過我同姊妹個logo有問題仲放唔放好,呢個就真係唔理解。佢就話backdrop上我要求加幾個 pop up 圓 board,本來要收錢到最後都冇收我,所以佢好用心做我呢單⋯
    最後我想同大家分享係,結婚花錢好正常,花得值唔值就最緊要花得開心,花錢又受氣就一d都唔值。好多時d公司,紅咗就揀客做,我覺得好差!你可能可以接幾百單一個月,但人哋結婚,只係一次!如果想賺錢,minimum charge就 set高d,唔好做d冇錢賺既生意!請大家要選擇 #Hot Kisser & #Cake2 既準新人要三思!