佢係想食散餐定係點? 仲搵唔搵佢問清楚好?

話說小妹有一個男性朋友,唔係經常聯絡,但間中佢都會約我出黎食飯.
最近我工作比較忙,佢約左我幾次都唔得閒.

直到新年前有晚佢話就我時間,好夜都出黎接我放工去飲野
平時同佢都好正常,普通朋友咁,所以我對佢都無咩特別想法,但果日出黎飲野,佢忽然間過馬路時拖住我隻手,之後對我又攬又錫

因為我住得遠,太夜就會無車返屋企,本來佢話車我返屋企,但原來果日佢無揸車出黎,佢就話的士車我返去,上到的士佢就話想陪我耐D,不如去佢到拎返架車,之後再揸車車我返屋企

去左佢屋企佢都對我又攬又錫,但佢想搞我時我話唔得,搵藉口拒絕左佢,之後佢都有揸車送我返屋企樓下

當期時我無問佢其實佢咁樣即係代表D咩,定係純粹想食散餐?
之後佢都無主動搵我,但初一果日我send新年快樂俾佢又有覆我.

如果我再主動搵佢會唔會覺得我好cheap?我應唔應該搵佢問清楚呢?