前幾日有親戚落黎香港玩,部洗衣機俾佢地整壞左



  • 我內地有D親戚佢地前幾日落左黎香港玩.
    咁我屋企有地方,咁佢地就上左黎暫住幾日.
    我地成家人基本上全部都要返工.
    咁有D時間我地陪唔到佢地出去玩.
    留左佢地自己係屋企.
    佢地覺得唔好意思,於是就諗住幫手,做下家務.
    有洗下野呀,拖下地咁囉.
    都OK無問題.咁佢見我地有機衫未洗,諗住幫我地洗.
    點知部機俾佢塞爆晒D衫開機洗.
    而家部機就壞左,開唔到.
    唉.有時真係唔好咁好客.
    俾佢地整壞左部機.又唔好意思叫佢地賠,唯有自己硬食.
    你地有冇試過招呼人地黎屋企住又發生過呢一類既事??



  • 都有大陸既朋友會黎屋企,

    但係我會叫佢地乜都唔好做,

    如果覺得唔好意思就直接請我吃返餐飯同埋下次去佢屋企既時候等佢招呼我XD



  • 我都試過,整爛左套茶具.

    不過除左算都無法架啦.

    人地都係好心想幫你又唔係特登.

    咁你部機過左保養未呀?



  • 咁你都幾慘,壞左部洗衣機,要落樓洗衫,

    樣樣都係錢,有時間就快換左部機佢啦



  • 都用左好多年囉,保養都過晒啦.

    而家仲頭痕緊應該要買咩,

    其實而家買機有咩特別要留意?



  • 都有好多,轉數呀,大眼雞定係開頂呀,

    仲有個尺寸,駛唔駛薄頂,功能上面,就有d乾衣功能又或者有d係快速洗衫,等等



  • 我自己就一定要用外國牌子,大陸牌子真係好易出事,

    另外仲要有一級能源標籤囉.日日都要開機洗衫,

    條數都好襟計架.

    我自己就用惠而浦既,果陣揀佢係意大利做, 同埋屋企人多, 揀左個洗衣量大既, 果時買仲話個摩打有10年保養. 貴少少都值, 而家仲好好



  • 我都用緊惠而浦,暫時都未壞



  • 係會有呢一d野發生架啦,佢地黎到唔想好似咩都無付出過,所以想盡量幫到手



  • 買洗衣機最緊要係保養期夠長,同埋有能源標籤


Log in to reply