話說姪女上兩星期幼稚園畢業典禮係帝京酒店舉行。經過芝柏門口見佢個公仔着住件幾靚嘅婚紗，就叫姪女同佢影張相。之後同芝柏個職員傾左兩句，原來佢地掛係度嗰啲全部都係開倉貨。每件$888！我開頭仲以為自己聽錯左⋯哈哈哈哈⋯
因為我12月結婚，但實在太忙加上又懶，所以所有野都交俾我未婚夫同佢細妹搞。但揀婚紗佢地唔想幫我話事，所以一路都未搞掂。點知係巧合嘅情況下比我搵到筍野:P 我買左件low cut 閃石婚紗。番到去，我未婚夫同細妹都好驚訝！條裙質量幾好，又乾淨。大家都話抵到爛！
未揀婚紗嘅姊妹們都可以學我去芝柏買番件。