十分感激我的wedding planner



  • http://kevinwong522.wordpress.com/2014/08/04/gp-wedding-planner/
    終於同老婆拉埋天窗啦~~感激芝柏wedding planner

    各位各位,我終於結束七年愛情長跑,3個月前同靚靚老婆Ashley拉埋天窗!!喺呢度,除了多謝親友好友,見證我倆人生重要一刻外,亦都好感謝芝柏嘅staff,提供一個好完美嘅wedding planner服務畀我,令老婆答應我求婚之餘,更可以即席行禮~

    可能好多人認為,我咁做會好冒險,但我好有信心,因為我同老婆都認定對方係終生伴侶~一直以來,都好想求婚特別D,令老婆一生難忘製造驚喜~有次咁啱去數碼港搵朋友,見到芝柏有個好GRAND嘅玫瑰禮堂,同埋有中西宴會服務,就突然想起不如安排親友喺玫瑰禮堂,見證我同Ashley求婚兼即席行禮註冊~

    我即刻問芝柏職員有冇wedding planner服務,當佢地聽完我個idea後,雖然好讚嘆,但都remind我,因為到時要安排大約80個賓客,加上又BOOK晒律師,同埋自助餐,一旦Ashley唔答應,可能會好尷尬,但我同佢地講,我充滿信心!Ashley一定會答應嫁!!

    為咗令求婚兼結婚「一take過」,我同芝柏職員開咗好多次會,佢地好細心,服務好周到~我老婆鍾意乜嘢花,乜嘢顏色,乜嘢飾物,對邊D嘢敏感,都問得清清楚楚~將行禮嘅玫瑰禮堂,佈置到我老婆最鍾意嘅全粉紅色~連最煩惱嘅親友名單,都畀咗好多意見我,安排得好好~

    求婚嗰日,我扮嘢話同老婆去數碼港睇戲,行過芝柏時候,我就話不如睇吓D婚紗相package,同我夾埋嘅芝柏職員,就話有免費fitting服務優惠,畀我地選擇一套婚紗禮服拍照留念~初初Ashley都話唔好,但我話咪試吓囉,職員又落咀頭,終於Ashley都肯,換好婚紗化好妝~

    見到Ashley一刻,我真係好感動,但我扮到若無其事,當職員帶我地去到玫瑰禮堂,打開門一剎那,全部賓客一齊望向我地~Ashley當時眼定定望住我,我當然即刻跪低,問Ashley肯唔肯嫁畀我,遞上大紮佢最愛嘅香水百合~Ashley好感動,佢攬住我話應承,親友不停拍掌~

    就咁我地喺禮堂即席行禮,我地對住律師宣讀誓詞,交換戒指~Ashley話真係好amazing,完全冇諗過我可以安排雙方親友出席~結婚儀式完結後,我地就叫親友去宴會廳,食自助餐繼續慶祝影相~過幾日,我會同老婆去巴黎補影婚紗相,當然幫襯芝柏啦,到時返來再同大家分享~