去完一次就夠,唔想再去呢D間做人情



  • 主要都係我去反個舊時同學個婚禮,難得佢甘有心邀請,甘又有時間,出席係好正常,但係今次真係唔係好愉快,人唔人情呢D只係好小事,大有大做,細有細做姐

    但係今次去到,第一個場擺得太迫啦,我知我地本身多人,要加多D圍數,但係都唔洗迫到行出行入都唔方便阿,D位擺到鬼五馬六甘,人又多,你知啦,去飲去飲,主要都係飲酒加水姐,緊係好多時都要去廁所加啦,呢個好正常,再加上有時D女士要去補妝,真係好唔方便

    而且講到廁所,又係另一個問題,我都明白多人用廁所係會污糟,但係你都要搵人定時清理下加,而且地下水漬又多,一陣有意外發生就真係喜事變哀事,真係唔該佢地檢討下



  • wedding雖然話會多人用WC,但未去都咁樣既話,確實呢間野應該檢討下



  • 額..似你咁講,toilet臭的話,女士們要補妝,邊得順?



  • 我就都好奇,水漬多? 酒樓居然都會咁樣,有冇搞錯。。