差勁的補習社
-
真係不吐不快~
我以為去咗補習班個小朋友成績會好d啦, 點知無進步不特止, 仲要退步....
我初初以為自己個小朋友唔專心上堂同埋無聽書掛住玩,我追問之下, 原來個補習社d miss成日告假 , 仲有就係成日都教埋同一樣野
今日我特登去補習社問個究竟, 個職員串到爆廠~~
我: 我個小朋友成績差咗喎, 你地補習社點攪架, miss成日告假, 根本教唔到我個小朋友野呀
職: 太太, 我都唔想架喎, miss都係人黎架, 都會病呀, 咁病點返工呀, 陣間病咗返工, 傳染比你個小朋友又話我地唔o岩啦
我: 咁miss病咗係咪要搵第二間miss頂替呀?
職: 我地都有安排, 但有時臨時臨急你話去邊度搵先?
我: 我理得你地, 你地收得我錢就有責任教好小朋友啦, 係咪呀?
仲有, 你地成日教埋同一樣野囉, 小朋友學習進度完全完地踏步呀!!!職: 太太, 呢層我唔知喎, 我只係負責行政工作, 至於教學工作, 你要搵返個miss問問喎
我: 咁我補埋今個月唔報啦, 我要退返呢一季剩底ge補習費!!
職: 太太, 唔好意思呀, 我地一早講明交咗費用係無得退, 一係你就調班囉, 你咁唔滿意!!
我: 有無攪錯呀?提供唔到服務又唔退錢, 你地呢間乜野補習社黎架, 咁都得ge咩!!!!!
職: 太太, 你唔滿意可以唔再返黎補習囉, 我地唔會強迫你返黎架喎!
嘩~我聽呢句真係火到黎埋, 但係諗深一層, 係佢呢度發爛炸無乜用, 最後都係忍住啖氣...算數...
所以我決定o係度同大家講聲, 小心搵補習社
-
waaa...邊間啊 開唔開得名？ 唔好勞氣住...係邊區...分享下比JM～～～我地會留意下架喇... 不過D態度又會禁差..仲點教小朋友...
邊間 咩名 邊區 我叫其他媽咪小心D～～
-
等左成日....幾時開名
-
一間好同唔好既補習社 其實都好在於補習老師的質數
你講緊果類形既補習社好可能係”掛羊頭賣狗肉“
通常呢類型既補習社都會做好多”門面野“ 即包裝到鋪頭好靚好SHARP 去吸仔 而接特員 （即你一打開門見到果個人）大多數自己友 仲有一個共通點 就係佢地只能夠係公共屋村附近開
所以理應佢可以收得好好 冇家長會察覺到 不過好可能呢間野請錯人又或者係呢個Reception 姐姐岩岩比老闆話完 要搵人出氣
to be honest 我都遇過同你CASE差唔多既情況 的確好難受 搵得補習都係想幫小朋友打好個底/ 搵人跟功課同協助考試測驗 不過佢呢間都有機會請PT 黎做, 好極有限...為你小朋友著想 果幾百數算啦...快D搵過第2間啦...或者呢個時間你搵私補好過啦～～
我講果間係TKO 尚德商場 2 樓...明X補習
大家小心
-
有人已經開咗名喇
我唔再多口喇~~一句到尾帶眼識人
-
邊間...大家真係要小心D搵啊
-
我都遇過咁ge情況, 樓主不如開名喇
咁衰, 比錢佢賺仲要咁ge態度
-
我住係果區ga~仲諗住幫個仔仔報名添....好彩睇到呢段野
-
香港地而家搵一間好ge補習社都咁難~~~
點攪呀~~~
大家小心d la
-
呢間野~
唉....唔係好得ga咋..
一句到尾, 小心選擇, 唔好咁易相信門口貼出黎果d成績表呀, 有d未必係真架
-
樓主....你遇人不熟呀
又或者咁講... 你無帶錢真係無計...但都好ge...好彩未比錢..若果唔係我只怕你ge小朋友學唔到野ja
起碼知道佢地果d服務態度囉
-
樓主, 唔好咁唔開心..
我都有朋友同我講呢間野, 好彩你真係無帶錢, 無報到名咋~~~
-
呢間係何文田唔係好出名架咩
-
咁係咪搵私人補習會好d呢？好頭痕