超氣憤!Swarovski 水晶錶



  • 前幾年,起Swarovski專門店買左隻水晶錶,唔係超貴,但都要四五千蚊。因為唔想弄花,所以每次載都好小心,只載過數次。

    但近排拿來用發覺不動,所以以為無電,拿去錶舖換電池,間間錶舖老闆都唔肯換,因為係日本電喎,所以要拿去專門店。隻錶攞左去尖沙咀海港城Swarovski專門店,個sales話要收隻錶等師傅報價,結果等了差不多一個月都無人聯絡我,我打電話去問,個sales話個師傅啱啱放完大假,要兩日後先覆,但後來再等了差不多十日都無人聯絡我,我再打電話問,個sales話要轉頭先覆我,結果下午個sales覆我 (唔係師傅)話隻錶壞左,要整$720!!!!!個sales話我可以選擇唔整,問佢壞D乜又唔知,只知師傅話隻錶壞左。

    我超氣憤。隻錶我超少載,無跌過,換電池要$720!!!! 唔換就廢左隻錶。各位姊妹,有錢買都唔好買Swarovski 既錶,買錶去錶行買好過,至少唔會報價報到不知所終,換電池都不需要$720,同埋報完就話隻錶壞。超級氣憤,非說不可!!!我一定唔會再買Swarovski專門店既錶!!!!!!!