這絕對是一個故事



  • 本故事純屬虛構。


    為了便於創作,將用第一人稱。

    故事一則, 請不要對故事作出道德評論。



    *******************************************************


    呢個故仔,好難講,
    因為,我從來無諗過,會咁有衝動去將佢真係寫出黎。
    曾經有好多次,都有想將自己既經歷寫出黎,
    不過,每次都落唔到手。
    今次真係好難得。



    *******************************************************


    男人對有D女人黎講/女人對有D男人黎講,係要用黎曬命,正所謂「你的伴侶如何,你的身價也必如何」,搵個樣靚身材正,做過下模特兒,就算你係終極毒燃,都即刻變有價有市既搶手貸,模特兒坐過既位係搶手D。又或者搵個有車既男人,影張坐車相,放上facebook然後寫句「今日天氣咁好最岩遊車河」。就算你係連大學都無讀到,中五出黎做sales,都即刻飛上支頭變鳳凰。同過咩人一齊,身價總有D唔同。



    而小女子既觀點係,一直未搵到一個岩身價既男人,所以只好一直都遊山玩水,不停發掘唔同既男人。而且人一世物一世,咩男都上下,成世人最索最正就係呢幾年,唔試多D就無架啦。
    呢幾年好多情人,但都無認真拍過拖,生活真係好微爛,試過一星期最多同過三個唔同既男人上床。有時真係因為好悶好悶好寂寞。有人勸過我,正正經經拍拖,但係,我未搵到岩身價既男人。我承認我係百分百港女,絕對係一個驕傲既人,我先唔會求其搵個男人自我降格。我認我個人係拜金,而且貪慕虛榮。



    呢個故事係發生係LKF。LKF全香港最出名既夜蒲點,果到有BRA有CLUB有PUB,有港男有鬼佬,有西裝友有地盤佬有學生哥,有玩家有集郵王有青頭仔,下至十八上至四十幾五十既男人都有,應有盡有,盡顯香港多元化既一面,但考合地大家既目標一致--食女。而我身為女人,好清楚,女人係複雜既生物,大家各有目的,太複雜,一言難盡。


    而小女子其實係一個賭徒,入去係抱住賭一鋪既心態。每次派到既牌都唔同,有時牌面靚,有時牌面差,但講起賭,我絕對係一個失敗既賭徒,玩過廿一點既都知,見到莊家拎住煙士,而你得十三、四、五呢D唔上唔落點派都死既牌,即刻會輸半棄權,但係,我係果D死都玩埋落去,橫掂都係死,不如死得壯烈D。


    講左咁耐,終於要入正題,呢個故事係發生係一間好出名既CLUB──BEIJING。呢間野,出左名,禽獸場,男定女都好入到去大家目標都好一致。一早已經同個男仔FD約好左,預左今晚要一齊落去,帶我見識見識。要FREE ENTRY,我地勁早就要入去,個場空到呢,悶到嘔,於是就同我FD係舞池到跳下舞,其實我最唔鐘意係係舞池到跳舞,都唔知有咩好玩,大家係到搖下搖下就叫跳舞,呢D唔叫跳舞,應該叫係到搖。我就一路都係咁望,望下有無D岩心水,勁想行開,但個FD係咁拉我入舞池話要一大班人玩先好玩。但係,其實我既目的係食仔,無佢咁好興緻,但又唔好意思話要走,捱左好耐就扮去廁所,終於脫身。係個場到轉左幾個圈,都無人黎搭訕,心諗,今晚實無著落,就諗,而家邊個叫我,只要係一個正常男人,我都即刻跟佢走!就係呢刻迎面有個男人,我向住佢個方向行佢以為我望住佢(係佢後來話俾我知佢當時以為有眼神接觸),我行到去,

    佢就問:「咦,自己一個?你男朋友呢?」

    我呆一呆話:「下?我無男朋友架」

    佢話:「頭先見到你同個男仔一齊,以為佢係你男朋友」

    跟住講左幾句,"搖下個身"好自然,就帶左我去BRA 台,佢叫左杯酒, 開始左老套到不行既對答。

    我問:「你幾多歲」

    「你估下」

    「廿幾lor」

    「我得十五」

    我心諗,好無聊呀!

    但為左扮有禮貌,我只好話「咁我咪誘拐未成年少男?」

    跟住講講下講到佢點解黎,

    佢話佢今日生日。我當時真係以為佢吹水!

    但而家先發現,原十個有9個係因為生日而落去玩!呢個係因為我事後都有遇到有D人生日落去玩所以知道。 我當時就算唔信都即刻扮野講生日快樂。後來知道左,原來佢唔係大我好多。

    其實我多數揀D男人都係大過自己好多,因為佢地多數有車而且有錢,就算佢地有D係有老婆或者伴侶,有車都係方便D,去開房都方便D啦。

    佢係咁叫我飲酒,其實我好少去玩飲酒,我太怕自己醉左上左床都唔知咩事,呢D事絕對有機會係我身上發生,因為我個人比較隨性,好易就上床。有唔少男人都覺得我係比較縱慾,我都承認。另一個問題就係我怕被人迷暈,話就話呢個年頭好少呢D野發生,不過做人都係小心D好,生命無take two 呀。

    之後佢要食煙,我地就上左二樓,有個比較陰暗既角落,佢就開始食煙,仲交換左電話號碼,佢食完我地就開始打車輪,佢隻手開始唔安份,係咁抄,佢抄到我差D真光,係呢個時候,佢幫我執返好條裙,然後話「唔好俾人睇蝕晒」。係果刻我真係好哪感動!一個人,出黎搵食,係呢個禽獸場,竟然都會擔心身邊既女人會走光!佢之後又食左支煙,話「你唔飲酒都玩得幾放架喎」。我無應佢,然後佢就話,「我帶你去一個神秘既地方」我心諗「頂你,開房就開房,咩野神秘地方」,其實好多男人去食女,去開房都係唔會直接話去開房,好正常,不過每次我聽到,都忍唔住想玩下野,於是我問「下?咩神秘地方呀?」,其實事情無分別,不過,我純粹想玩野想扮下無知。佢話:「總之就神秘地方啦」,跟住就一齊係後門走左出去。行到條街到,我懷疑佢真係醉左,佢竟然唱歌!雖然只係唱左一句。其實我都會係條街到唱歌,不過只限同D朋友一齊。但係,佢係我遇過第一個係條街到無啦啦唱歌既男人,之後我地上左架的士,佢又唱,我又唱下,大家吹下水,就到左好出名既開房聖地9龍塘。我絕對有理由相信佢醉得好緊要,因為佢竟然問的士司機碌卡得唔得。當然佢係一路拎住D錢出黎一路咁問。然後去到酒店櫃台,佢又同個呀嬸吹水。其實,我果刻已經諗,呢條友,好哪無聊。入到房,除左鞋大家好自然就搞啦,佢既技巧都唔錯,轉左幾個位,男上女下,我又有騎佢,然後以狗仔式終結。之後累極攤左係床到。佢又食起煙黎。其實我真係唔係幾鐘意人食煙,因為我怕吸二手煙,臭之餘仲驚生CANCER。佢食完就單手攬住左我,無幾耐竟然提出左個好奇怪既要求就係同佢自拍。我真係呆左,我第一次,出黎食,會有人影相。完全無諗過。其實我已然好耐無同過男人合照,因為唔係公開既關係,所以都唔會影相。而且,個重點係,我地真係未必會再見,竟然影合照。但我都無所謂,因為單身,所以影左都無野,反正只係影樣,都無所謂。之後就開始傾下計,佢問我係唔係集開郵,話我肯定成日去搵食。其實我都唔係成日去,我緊係話你都痴線,我緊係唔係啦,佢仲話我返到屋企可能會寫底佢個名係集郵簿到打個剔。呢條友,想像力實在太豐富,我哭笑不得,實在太誇張,佢高估左我既能力。要搵到個岩食邊有咁容易架。訓左無幾耐,我要返工,於是六點就起左身,之後先知道原來我地住得好遠,一個係新界,一個係港島,結果一齊搭的士送左我返屋企再去新界。

    落車前,佢話,wtsapp 啦。 …………

    *********************************************************

    唔知大家有咩反應,有人睇先再寫落去啦。



  • 睇...... ^^



  • 真係有睇晒????


    係既話我會好開心,打得好辛苦!!!



  • 點解咁有心機打咁大段野?



  • 有冇打左一粒鐘?



  • 有睇晒,好好睇,講多d吖,我鐘意睇搵食過程多過床上部份


    上到床個個都差唔多啦




  • 寫得好好, 支持, 等下part



  • gambler replied at 2012-07-04 5:15 pm


    ---------------------------------------------------------------


    真係有睇晒????


    係既話我會好開心,打得好辛苦!!!


    ===============================================================


    唔好介意當中我想看的,跳舞一段笑死我,或者我都有同感,而蒲就不加意見,因不懂



  • gambler replied at 2012-07-04 5:15 pm


    ---------------------------------------------------------------


    真係有睇晒????


    係既話我會好開心,打得好辛苦!!!


    =============================================================





    睇哂架, 雖然無段落睇完幾辛苦....


    你D心聲都幾搞野^^




  • 見你開頭都寫得得幾好, 所以就算響公司, 都一次過睇晒...我自己就未試過響跳舞既夜場識女仔...仲有下文?? 唔該繼續寫...lol



  • 好開心真係有人睇!今晚半夜寫多d先,個故事都幾長!中間發生左好多事!哈哈哈!


    有人睇就有心機寫。唔知睇既有幾多女仔,幾多男仔呢?



  • 我是男,努力



  • 要食好野,就去Play,Volar果啲場



  • 睇晒~


    期待下集中~~



  • Playgirl replied at 2012-07-04 10:49 pm


    ---------------------------------------------------------------


    要食好野,就去Play,Volar果啲場


    ===============================================================


    hehe ,我想食好野,係唔係入到去見人就咬



  • interesting..please continue



  • 好多謝有睇既人!!!真係好多謝!由於見到有咁多人留言,所以我就算而家真係好眼訓,我都決定寫多少少,真係好少,希望大家唔好介意,等我聽朝起身,先再寫埋啦.多謝晒!!!




    PART 2







    http://community.she.com/messageboard/relationship/?action=view.topic&id=2390642