這絕對是一個故事

本故事純屬虛構。

為了便於創作，將用第一人稱。

故事一則，請不要對故事作出道德評論。

*******************************************************

呢個故仔，好難講，
因為，我從來無諗過，會咁有衝動去將佢真係寫出黎。
曾經有好多次，都有想將自己既經歷寫出黎，
不過，每次都落唔到手。
今次真係好難得。

*******************************************************

男人對有Ｄ女人黎講／女人對有Ｄ男人黎講，係要用黎曬命，正所謂「你的伴侶如何，你的身價也必如何」，搵個樣靚身材正，做過下模特兒，就算你係終極毒燃，都即刻變有價有市既搶手貸，模特兒坐過既位係搶手Ｄ。又或者搵個有車既男人，影張坐車相，放上ｆａｃｅｂｏｏｋ然後寫句「今日天氣咁好最岩遊車河」。就算你係連大學都無讀到，中五出黎做ｓａｌｅｓ，都即刻飛上支頭變鳳凰。同過咩人一齊，身價總有Ｄ唔同。

而小女子既觀點係，一直未搵到一個岩身價既男人，所以只好一直都遊山玩水，不停發掘唔同既男人。而且人一世物一世，咩男都上下，成世人最索最正就係呢幾年，唔試多Ｄ就無架啦。
呢幾年好多情人，但都無認真拍過拖，生活真係好微爛，試過一星期最多同過三個唔同既男人上床。有時真係因為好悶好悶好寂寞。有人勸過我，正正經經拍拖，但係，我未搵到岩身價既男人。我承認我係百分百港女，絕對係一個驕傲既人，我先唔會求其搵個男人自我降格。我認我個人係拜金，而且貪慕虛榮。

呢個故事係發生係ＬＫＦ。ＬＫＦ全香港最出名既夜蒲點，果到有ＢＲＡ有ＣＬＵＢ有ＰＵＢ，有港男有鬼佬，有西裝友有地盤佬有學生哥，有玩家有集郵王有青頭仔，下至十八上至四十幾五十既男人都有，應有盡有，盡顯香港多元化既一面，但考合地大家既目標一致－－食女。而我身為女人，好清楚，女人係複雜既生物，大家各有目的，太複雜，一言難盡。

而小女子其實係一個賭徒，入去係抱住賭一鋪既心態。每次派到既牌都唔同，有時牌面靚，有時牌面差，但講起賭，我絕對係一個失敗既賭徒，玩過廿一點既都知，見到莊家拎住煙士，而你得十三、四、五呢Ｄ唔上唔落點派都死既牌，即刻會輸半棄權，但係，我係果Ｄ死都玩埋落去，橫掂都係死，不如死得壯烈Ｄ。

講左咁耐，終於要入正題，呢個故事係發生係一間好出名既ＣＬＵＢ──ＢＥＩＪＩＮＧ。呢間野，出左名，禽獸場，男定女都好入到去大家目標都好一致。一早已經同個男仔ＦＤ約好左，預左今晚要一齊落去，帶我見識見識。要ＦＲＥＥ　ＥＮＴＲＹ，我地勁早就要入去，個場空到呢，悶到嘔，於是就同我ＦＤ係舞池到跳下舞，其實我最唔鐘意係係舞池到跳舞，都唔知有咩好玩，大家係到搖下搖下就叫跳舞，呢Ｄ唔叫跳舞，應該叫係到搖。我就一路都係咁望，望下有無Ｄ岩心水，勁想行開，但個ＦＤ係咁拉我入舞池話要一大班人玩先好玩。但係，其實我既目的係食仔，無佢咁好興緻，但又唔好意思話要走，捱左好耐就扮去廁所，終於脫身。係個場到轉左幾個圈，都無人黎搭訕，心諗，今晚實無著落，就諗，而家邊個叫我，只要係一個正常男人，我都即刻跟佢走！就係呢刻迎面有個男人，我向住佢個方向行佢以為我望住佢（係佢後來話俾我知佢當時以為有眼神接觸），我行到去，

佢就問：「咦，自己一個？你男朋友呢？」

我呆一呆話：「下？我無男朋友架」

佢話：「頭先見到你同個男仔一齊，以為佢係你男朋友」

跟住講左幾句，＂搖下個身＂好自然，就帶左我去ＢＲＡ　台，佢叫左杯酒，開始左老套到不行既對答。

我問：「你幾多歲」

「你估下」

「廿幾ｌｏｒ」

「我得十五」

我心諗，好無聊呀！

但為左扮有禮貌，我只好話「咁我咪誘拐未成年少男？」

跟住講講下講到佢點解黎，

佢話佢今日生日。我當時真係以為佢吹水！

但而家先發現，原十個有９個係因為生日而落去玩！呢個係因為我事後都有遇到有Ｄ人生日落去玩所以知道。我當時就算唔信都即刻扮野講生日快樂。後來知道左，原來佢唔係大我好多。

其實我多數揀Ｄ男人都係大過自己好多，因為佢地多數有車而且有錢，就算佢地有Ｄ係有老婆或者伴侶，有車都係方便Ｄ，去開房都方便Ｄ啦。

佢係咁叫我飲酒，其實我好少去玩飲酒，我太怕自己醉左上左床都唔知咩事，呢Ｄ事絕對有機會係我身上發生，因為我個人比較隨性，好易就上床。有唔少男人都覺得我係比較縱慾，我都承認。另一個問題就係我怕被人迷暈，話就話呢個年頭好少呢Ｄ野發生，不過做人都係小心Ｄ好，生命無ｔａｋｅ　ｔｗｏ　呀。

之後佢要食煙，我地就上左二樓，有個比較陰暗既角落，佢就開始食煙，仲交換左電話號碼，佢食完我地就開始打車輪，佢隻手開始唔安份，係咁抄，佢抄到我差Ｄ真光，係呢個時候，佢幫我執返好條裙，然後話「唔好俾人睇蝕晒」。係果刻我真係好哪感動！一個人，出黎搵食，係呢個禽獸場，竟然都會擔心身邊既女人會走光！佢之後又食左支煙，話「你唔飲酒都玩得幾放架喎」。我無應佢，然後佢就話，「我帶你去一個神秘既地方」我心諗「頂你，開房就開房，咩野神秘地方」，其實好多男人去食女，去開房都係唔會直接話去開房，好正常，不過每次我聽到，都忍唔住想玩下野，於是我問「下？咩神秘地方呀？」，其實事情無分別，不過，我純粹想玩野想扮下無知。佢話：「總之就神秘地方啦」，跟住就一齊係後門走左出去。行到條街到，我懷疑佢真係醉左，佢竟然唱歌！雖然只係唱左一句。其實我都會係條街到唱歌，不過只限同Ｄ朋友一齊。但係，佢係我遇過第一個係條街到無啦啦唱歌既男人，之後我地上左架的士，佢又唱，我又唱下，大家吹下水，就到左好出名既開房聖地９龍塘。我絕對有理由相信佢醉得好緊要，因為佢竟然問的士司機碌卡得唔得。當然佢係一路拎住Ｄ錢出黎一路咁問。然後去到酒店櫃台，佢又同個呀嬸吹水。其實，我果刻已經諗，呢條友，好哪無聊。入到房，除左鞋大家好自然就搞啦，佢既技巧都唔錯，轉左幾個位，男上女下，我又有騎佢，然後以狗仔式終結。之後累極攤左係床到。佢又食起煙黎。其實我真係唔係幾鐘意人食煙，因為我怕吸二手煙，臭之餘仲驚生ＣＡＮＣＥＲ。佢食完就單手攬住左我，無幾耐竟然提出左個好奇怪既要求就係同佢自拍。我真係呆左，我第一次，出黎食，會有人影相。完全無諗過。其實我已然好耐無同過男人合照，因為唔係公開既關係，所以都唔會影相。而且，個重點係，我地真係未必會再見，竟然影合照。但我都無所謂，因為單身，所以影左都無野，反正只係影樣，都無所謂。之後就開始傾下計，佢問我係唔係集開郵，話我肯定成日去搵食。其實我都唔係成日去，我緊係話你都痴線，我緊係唔係啦，佢仲話我返到屋企可能會寫底佢個名係集郵簿到打個剔。呢條友，想像力實在太豐富，我哭笑不得，實在太誇張，佢高估左我既能力。要搵到個岩食邊有咁容易架。訓左無幾耐，我要返工，於是六點就起左身，之後先知道原來我地住得好遠，一個係新界，一個係港島，結果一齊搭的士送左我返屋企再去新界。

落車前，佢話，ｗｔｓａｐｐ　啦。 …………
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
唔知大家有咩反應，有人睇先再寫落去啦。

睇...... ^^

真係有睇晒????

係既話我會好開心,打得好辛苦!!!

點解咁有心機打咁大段野？

有冇打左一粒鐘？

有睇晒，好好睇，講多d吖，我鐘意睇搵食過程多過床上部份

上到床個個都差唔多啦

寫得好好, 支持, 等下part

gambler replied at 2012-07-04 5:15 pm

---------------------------------------------------------------

真係有睇晒????

係既話我會好開心,打得好辛苦!!!

===============================================================

唔好介意當中我想看的,跳舞一段笑死我,或者我都有同感,而蒲就不加意見,因不懂

gambler replied at 2012-07-04 5:15 pm

---------------------------------------------------------------

真係有睇晒????

係既話我會好開心,打得好辛苦!!!

=============================================================

睇哂架, 雖然無段落睇完幾辛苦....

你D心聲都幾搞野^^

見你開頭都寫得得幾好, 所以就算響公司, 都一次過睇晒...我自己就未試過響跳舞既夜場識女仔...仲有下文?? 唔該繼續寫...lol

好開心真係有人睇！今晚半夜寫多d先，個故事都幾長！中間發生左好多事！哈哈哈！

有人睇就有心機寫。唔知睇既有幾多女仔，幾多男仔呢？

我是男，努力

要食好野,就去Play,Volar果啲場

睇晒~

期待下集中~~

Playgirl replied at 2012-07-04 10:49 pm

---------------------------------------------------------------

要食好野,就去Play,Volar果啲場

===============================================================

hehe ,我想食好野，係唔係入到去見人就咬

interesting..please continue

好多謝有睇既人!!!真係好多謝!由於見到有咁多人留言,所以我就算而家真係好眼訓,我都決定寫多少少,真係好少,希望大家唔好介意,等我聽朝起身,先再寫埋啦.多謝晒!!!

PART 2

http://community.she.com/messageboard/relationship/?action=view.topic&id=2390642