去美容院既不快經歷



  • 可能會長左少少, 但我真係想呻下...自己由細到大皮膚都唔多好, 又多暗瘡, 大個後好少少但d毛孔變到好大, 試過用唔同收毛孔產品都唔得, 又試過d口服骨膠原, 都係無用...自己都冇乜自信...終於的起心肝決定去美容院搞返好d皮膚, 咁上到去個美容師就幫我睇下d皮膚啦, 跟住用d好差既語氣講我d皮膚點差法..呢個moment其實我都有d唔開心, 因為我都自己知自己事, 你都唔洗用d咁差既語氣講我掛....之後就開始狂sell我買d咩套票咁, 咁我就話諗下先啦, 之後直到我做緊facial途中佢都一路係咁sell, 原本我覺得做facial係件舒服既事, 但就俾佢搞到完全放鬆唔到個人, 唔知係咪因為我一路都堅持話要諗下先啦, 覺得佢幫我做facial好求其咁囉....



  • sis你真慘, 不過有d仲恐怖, 直情會困你係到幾粒鐘唔俾你走添



  • 所以我都唔多鍾意去, 好怕d美容師狂sell, 搞到人周身唔舒服



  • 我之前都試過你差唔多既經歷呀, 依家都會小心揀返D口碑好D既



  • 我之前試過D公司我一話唔買, 連門口都唔送我添呀!



  • 我去又未試過咁喎...d治療師都會同我傾下皮膚有咩問題, 但係態度好好, 幾nice的



  • 最近有好多新聞都係有關唔好的美容院, 而且e+通街都係美容院, 不過好多都係不知名



  • 其實大部份都hardsell, 究竟有邊間會好d呢?



  • 我想試下瑪姬,有冇sis知道會唔會hard sell?



  • 醜小鴨 replied at 2012-02-28 11:57 pm

    ---------------------------------------------------------------

    我想試下瑪姬,有冇sis知道會唔會hard sell?

    ===============================================================

    我有去過, 咁sell就一定會既, 因為會同你講返有d咩岩你做架嘛, 但唔係hard sell囉, 做唔做都係自己決定, 同埋都好似開左好耐, 我返呢份工都返左10年..10年前已經見到瑪姬間鋪o係度..同埋口碑都比較好.



  • 咁衰架!我之前去個間就算我唔買,都唔會黑我面



  • 今時今日咁野服務態度點得架!!



  • 點都唔會次次都sell掛@@!!!



  • sis可唔可以pm我講下係邊間?我驚自己唔小心幫襯黑店..haha



  • 之前新聞成日講d負面新聞, 要小心d揀呀! 我都想去搞下d皮膚, 做過唔少research, 瑪姬都幾多好評



  • 我去過胡定欣代言個間幾好,因為我是學生,無咩能力買D咩貴療程和護膚品,但我做FACIAL個時問下佢我屋企用D咩,佢都好細心,笑笑口咁答我呀



  • 胡定欣代言個間呀嘛..我之前都做過呀, 初初我做個時無咩點好過, 有時嚴重左。我超火去問佢地點解會咁啦。佢地好好咁同我解釋, 我皮膚比較嚴重, 所以要有時間去清左個底先得。我依家做完個療程, D粒粒無左, 而且唔再生。依家想番, 我覺得自己個陣好衰, 咁樣鬧人地。



  • sis你好慘啊:( 去美容院就係想佢地幫手搞好皮膚, 唔係俾錢俾佢地批評囉 :( 真係俾錢買難受…呢間咁既美容院, 唔好再去啦! 如果你真係想搞好皮膚, 真係要去d好d既美容院!



    P.s. 希望你由醜小鴨變天鵝啦v


Log in to reply