My MJ Collection



  • 每個女生收到靚嘢好開心,仲會儲埋好多好多.

    我亦唔例外,每次收到limited edition同靚嘅化妝品,

    我都會收埋收埋,唔拾得用.

    有d以經過咗期......唔用就無事la!!

    有時拎番睇出嚟睇都好開心.

    平時收埋收埋咁多嘢,收到邊d最開心??

    以下呢個品牌我每次收到都好驚喜.....

    Majolica Majorca

    今次收到Spring products.



    第一盒係可以面同唇都搽得嘅lip and face color. 顏色好透薄,類似gel質地,有少少令令哋.



    今次新出嘅香水無上次紅色咁甜,帶少少vanilla味,但又不太濃,都係以清甜為主.

    底部仲有d閃粉,不過要搖多幾吓d閃粉先勻ga....



    仲有佢地嘅star product mascara,,,叫得Lash King梗係好嘢la!!! 

    佢每次出新mascara我都會第一時間試,今次出嘅跟以往不同.



    一改以往用開嘅梳頭設計,用返羅旋擦頭,而今次擦毛比以往的短少,增長纖維比之前嘅多.

    可以令每枝睫毛都搽到mascara,效果更volume更長.



    除make up product外,今次主題係啤牌,所以盒內有一副好靚嘅啤牌. 每一張圖案都唔同,咁有心思點捨得用呢?



     


     


    下面有我儲咗好耐MJ collection,每一盒都好靚,所以放咗喺workshop做裝飾.







     
    好鍾意呢個圖書collection,一本好靚又精美嘅書.




    除咗有最新嘅化妝品外,每本書嘅盒底都有個小禮物,真係不得不讚日本品牌嘅細心.





     


    每季嘅小禮物都唔同,呢次係一本好靚嘅薄同筆,邊捨得用呀!!









     




    今次小禮物好特別係幅畫,畫中間係個小蠟燭.





    之後就有d唔同喇,係一個好靚嘅盒子,今次嘅禮物係一個羽毛心口針.





    呢盒好多人見到都好like,係一個粉紅色小櫃子.



    主題係法式甜品macaron,有咗蛋糕紙做leaflet.



    仲有條靚靚鎖匙開櫃門.



    不過我仲未儲齊ga.....MJ見到呢篇blog識做la, hahaha!!!