愛情冇分對錯,只有鍾唔鍾意,難道是錯的?



  • 我係一個22歲o既女仔,同25歲o既男友x係外國流學結識,一齊五年,同樣仲有一年畢業
    今年係我地最後一個暑假,我倆番左香港,各自搵左份full time
    我公司所有同事都好好,特別係我o既上司y,佢29歲,好有心機教我野
    我覺得y好叻,好有上進心,慢慢我開始對y有feel,初初以為只係錯覺,
    但以往錯覺只停留一至兩星期,所以我幾肯定我已經鍾意左y
    係公司我同y特別好傾,應該全公司都知,但其實y都有一個一齊左應該有年幾o既女友
    所以我一直以平常心對y,只要見到y我就滿足
    但最近種種事情令我覺得y其實都對我有意思
    有次我食緊飯盒,問y要唔要試下,佢有意無意用我食緊個隻羹
    又有次我食藥,飲水時冇發覺自己杯水原來超熱,粒藥溶左係口到好苦,我問y要水
    (佢坐我格黎)我飲左佢杯水之後話幫佢洗番隻杯,佢話唔洗洗,之後y自己沖著d水就咁飲
    試過我要係公司第二個地方做野,y唔知係唔係得閒得制走黎睇下我做成點,
    我咁岩M痛,y即刻走去拎杯水俾我
    仲有,試過我ot時佢放左工,我有野唔識做打俾佢,放工後好夜,我打番俾佢同佢會報番
    結果佢陪我傾電話傾到我番到屋企(個路程要個半鍾)
    以上種種其實都可以以唔同o既理由講得通,去證明y對我可能冇意思,但你要睇埋落去

    前幾日,我只係除便同y講我聽日放假,今晚好想搵人同我飲野,但d friend第二日都要番工
    佢話"咁妳收工打俾我,我陪妳飲野啦"我好緊張,緊張到雖然好肚餓但冇哂胃口,冇食晚飯
    放工同y落bar,初初好似平日咁傾計,飲多兩杯大家都wing wing地
    我話"wing得好辛苦" 佢話"洗唔洗埃著呀?" 我諗左一陣,之後埃左落佢膊頭到
    我開始同佢吐苦水,我唔知點解會同佢講左我對我男友o既不滿
    咁耐以黎覺得自己好似阿媽咁照顧x,x上進心唔夠,好難做到依靠
    等左x咁多年都未見佢成長,覺得好失望
    之後我又坦言讚y,覺得佢好有安全感,好想以後都跟著佢搵食
    仲笑問y其實有冇twin細佬可以介紹我識,佢話"冇呀,有咁又點呀?" 我冇出聲
    已經唔知傾到邊到我橋著左y手臂,佢隻手都唔知幾時輕輕拎著左我隻手
    基於係真人真事,唔係做戲,我同y冇你諗到咁戲劇性,個晚我地冇事發生
    我地傾到酒bar就閉門,佢叫左杯暖水俾我飲,我好wing咁樣跟左佢上的士,佢送左我番屋企

    個晚,我番到屋企4點幾,我訓左兩個鍾酒醒左,我再訓唔著
    我係咁回憶同佢係bar o既情境, 自己係到傻笑
    第二日, 佢仲要番工, 睇黎佢訓三個鍾就要番工
    hey,第二日要番工都仲陪我傻,你話佢幾傻
    但個日之後,我連放三日假,我地再冇contact
    係0接觸o既日子,我回想,其實每次都係我主動打俾y,sms佢,係公司搵野同佢講...
    我知佢星座性格係咁被動,但難道y真係一d都冇掛住我?
    以我所知,y講過佢從來未試過主動溝女,佢個人係愛情方便真係傻傻下
    所以我幾肯定佢唔係玩女o既賤男

    小妹以往拍拖認真,每段感情最少都拍兩年,第一次搞成咁
    main point係,我同y無論有幾鍾意對方,我始終要走
    起碼留多一年學先真正回留,問題係,y請我時,以為我已經決定回留...
    所以我同佢o既情,逼不得已建立左係一個佢未知o既大話之上
    係我好賤格咁create左一個4角戀出黎
    但愛情冇分對錯,只有鍾唔鍾意
    我知道y記實左我講過o既一句說話,因為佢有時閒談間都會提起,佢話
    "又係妳話o既,如果一個人真係鍾意左第二個,你想留都留唔著,鍾意左就係鍾意左架啦"
    冇錯,我係鍾意左佢,但timing錯左,我以前試過long distance relationship,好辛苦,
    我唔會俾自己再有下一次,所以無論點,都冇可能而家開始
    如果我臨走前,搞清楚大家原來都相愛,我可唔可以同佢講
    "到我番黎o既時間,不如俾次機會大家?"
    另外,其實我底鬧,x同我一齊五年,我點可以一d都唔顧佢感受
    講真,如果要我同佢分手,我真係做唔出,我就算對佢幾失望,都唔捨得佢
    其實係y o既出現,令我開始覺得,x可能唔係未成長,係佢個人就係咁,佢已經唔會變
    唉,我唔捨得x,但又冇可能同y有咩發展
    更加唔知y同佢女友點,究竟有冇鍾意我,但我明明一開始就冇要求,只係想見到y開心

    我其實煩夠未...advice please