同層有單位有問題?



  • 題目是我們的推測



    事情經過如下:

    之前,我個BB平日好鐘意係走廊玩,一出走廊就好開心。



    但上星期六日,走廊中段有個單位傳黎好大陣煙味,本來以為有人煲煙 (因為個租客平日都有煲煙),但一連兩三日都係日夜無間斷地傳出濃烈煙味,我爸爸話係有人係入面拜神。之後果幾日,煙味無左,果個單位好似突然無人居住咁,屋內既租客無人再見過佢,佢D鞋物俾人掉晒出黎,掛係門口D傘都唔見晒。



    之後,我BB每逢行到走廊就神色凝重,好似好驚咁,仲喊添。BB星期一開始已唔太精神,仲病左,病得都唔算輕。



    我經過果間屋都有莫名既不安及恐懼感,事後諗返覺得有唔妥,猜測原本既租客係咪有咩事?



    今朝問過樓下看更,原本佢好開心同我傾計,但我一問佢就神色凝重,問一句答一句,

    我問佢果間屋既租客係咪搬左?佢話:係....係呀!

    我問佢之前有濃煙味傳出?佢話:可能有新住客入黎拜四角呢?我都唔知。



    我都唔知係咪管理處唔俾佢地講......今日再問下先。



    因為有BB係到,我總覺不安,各位有咩高見呢?